သတင်းနှင့် လှုပ်ရှားမှုများ

               ဧရာဝတီတိုင်း‌‌ဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ်၊ ဦးစီးမှူး ဦးအောင်လွင်နှင့် ဝန်ထမ်းများသည် (၅.၇.၂၀၂၂) ရက်နေ့  (၁၀:၁၅) မှ (၁၁:၅၀)နာရီအချိန်ထိ မိတ်ဖက်ဌာနများနှင့် ပူးပေါင်း၍ ညောင်တုန်း အ.ထ.က-၂ စာသင်ကျောင်း တွင် ကျောင်းသား/ ကျောင်းသူ ဆရာ/ ဆရာမ (၂၀၈) ဦးအား စားသုံးသူကာကွယ်ရေး အသိပညာပေးဟောပြောပွဲ ပြုလုပ်ခဲ့ကြပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှ ညောင်တုန်းမြို့နယ်ဦးစီးမှူး ဦးအောင်လွင်က ကုန်အညွှန်းအမှတ်အသားဖော်ပြခြင်းနှင့် စပ်လျဉ်းသည့် ကိစ္စရပ်များအကြောင်း ရှင်းလင်းပြောကြားပြီး စားသုံးသူများ၏ အခွင့်အရေးအကြောင်း စီးပွားရေးလုပ်ငန်းရှင် တာဝန်များအကြောင်းကို ဟောပြောဆွေးနွေးခဲ့ပြီး ဟောပြောပွဲမှ ကျောင်းသား/သူများနှင့် ဆရာ/ဆရာမများက သိရှိလိုသည်များကို မေးမြန်းကြရာအပြန်အလှန် ရှင်းလင်းဖြေကြားခဲ့ကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာကော်မတီ (၂/၂၀၂၂) လုပ်ငန်းညှိနှိုင်း အစည်းအဝေးကို တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမတွင် ၂၈.၆.၂၀၂၂ ရက်နေ့၊ မွန်းလွဲ (၁၃:၀၀) နာရီတွင် ကျင်းပပြုလုပ်ရာ ဧရာဝတီတိုင်းဒေသကြီး၊ စားသုံးသူရေးရာကော်မတီ ဥက္ကဋ္ဌ  စီးပွားရေးရာဝန်ကြီး ဦးတင်အေး၊ ဒုဥက္ကဋ္ဌ သယံဇာတဝန်ကြီး၊ အဖွဲ့ဝင်များဖြစ်သော လမ်းပန်းဆက်သွယ်ရေးဝန်ကြီး၊ တိုင်းဒေသကြီးအစိုးရအဖွဲ့ ညွှန်ကြားရေးမှူး ဦးမင်းကို၊ အစားအသောက်နှင့် ဆေးဝါးကွပ်ကဲရေးဦးစီးဌာန တိုင်းဦးစီးမှူး ဒေါက်တာမျိုးထွန်းကျော်၊ တိုင်းစည်ပင်သာယာရေးအဖွဲ့ လက်ထောက်ညွှန်ကြားရေးမှူး ဦးနေမျိုးအောင်နှင့် အတွင်းရေးမှူး စားသုံးသူရေးရာဦးစီးဌာန တိုင်းဦးစီးမှူး ဦးစိုးအောင်တို့ တက်ရောက်ခဲ့ကြောင်း သိရှိရပါသည်၊၊

          ဧရာဝတီတိုင်းဒေသကြီး၊ စားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီး ဦးတင် အေးက စားသုံးသူကာကွယ်ရေးလုပ်ငန်းများ ပိုမိုထိရောက်အောင်မြင်စွာ ဆောင်ရွက်နိုင်ရန် ကော်မတီအစည်းအဝေးကို (၂) လလျှင် (၁) ကြိမ် ကျင်းပဆောင်ရွက်သွားမှာဖြစ်ကြောင်း စားသုံးသူရေးရာကော်မတီအနေဖြင့် စားသုံးသူကာကွယ်ရေးလုပ်ငန်းများ ဆောင်ရွက်ရာတွင် သက်ဆိုင်ရာအစိုးရဌာန၊ ပုဂ္ဂလိကအဖွဲ့အစည်းများနှင့် ပူးပေါင်းဆောင်ရွက်ခြင်း၊ အငြင်းပွားမှုများဖြေရှင်းရာတွင် အကြံဉာဏ်များရယူခြင်း၊ ကုန်အညွှန်းအမှတ်အသားများ ဖော်ပြခြင်းနှင့် ပတ်သတ်၍ လိုက်နာဆောင်ရွက်ခြင်းရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်နေသလို ဥပဒေပြဌာန်းချက်များကို ဖောက်ဖျက်ကျူးလွန်ခြင်း စိစစ်တွေ့ရှိရပါက တိုင်းဒေသကြီးဦးစီးမှူးနှင့် စားသုံးသူရေးရာကော်မတီမှ သတိပေးခြင်းများ ဆောင်ရွက်လျက်ရှိကြောင်း အဖွင့်မှာစကားပြောကြားခဲ့ပါသည်၊၊

          စားသုံးသူရေးရာဦးစီးဌာန ဒုတိယညွှန်ကြားရေးမှူးဦးထွန်းထွန်းက အမှာစာများကို ဖတ်ကြားတင်ပြခဲ့ပြီး ဥက္ကဋ္ဌနှင့် တက်ရောက်လာသူများက သက်ဆိုင်ရာကဏ္ဍအလိုက် ဆွေးနွေး ကြကြောင်းနှင့် မြန်မာစာအညွှန်းနှင့် ပတ်သက်၍ ကလေးအာဟာရဖြည့်စွက်စာအမျိုးမျိုး (၁၀ဂရမ်နှင့်အထက်) စားသုံးဆီအမျိုးမျိုး၊သွားတိုက်ဆေးအမျိုးမျိုး၊ အေးခဲစာအမျိုးမျိုးတို့အား မြန်မာစာအညွှန်းနှင့် ပတ်သက်၍ ဖော်ပြခြင်းမရှိသည့် ကုန်စည်များကို  စားသုံးသူကာကွယ်ရေးဥပဒေ ၂၀၁၉နှင့်အညီ ခန့်အပ်ထားသော စစ်ဆေးရေးအရာရှိများက ဈေးကွက်စောင့်ကြည့် စစ်ဆေးခြင်း၊ ကုန်စည်များအရေးယူခြင်း ကော်မတီအဆင့်ဆင့်သို့  တင်ပြ၍အရေးယူ ဆောင် ရွက်နိုင်ရေးအတွက် ဦးစားပေးကုန်စည်(၅)မျိုး သတ်မှတ်ခြင်း ရွေးချယ်ပေးနိုင်ပါရန်နှင့် ညွှန်ကြားချက် ၂/၂၀၁၉ သတ်မှတ်ချက်မကိုက်ညီသည့်ကုန်စည်များ ဦးစားပေးအရေးယူ ဆောင် ရွက်ခွင့်ပြုပါရန် တင်ပြ၍ ဧရာဝတီတိုင်းစားသုံးသူရေးရာကော်မတီက ဆက်လက်အရေးယူ ဆောင်ရွက်နိုင်ရေးတင်ပြခဲ့ပြီး စားသုံးဆီများကိုသယ်ဆောင်၊သိုလှောင်၊ဖြန့်ဖြူးရာတွင် Food Grade ပေပါများ Tank များ အသုံးပြုနိုင်ရေး သက်ဆိုင်ရာဌာနများနှင့် ကွင်းဆင်း စည်းရုံး စိစစ်ရန် Food Grade ပေပါများသုံးစွဲမှုအခြေအနေအား ခရိုင်အလိုက် ကွင်းဆင်းစစ်ဆေးလျက် ခရိုင်အလိုက်တိုးတက်သုံးစွဲနိုင်မှုအခြေအနေအား ကော်မတီသို့ တင်ပြထားပြီး အဝါရောင်ပေပါများ တိုးတက်သုံးစွဲမှုကို ရာနှုန်းပြည့်သုံးစွဲနိုင်ရေး မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိကြောင်း ဧရာဝတီတိုင်းဒေသကြီးစားသုံးသူရေးရာကော်မတီအတွင်းရေးမှူး တိုင်းဦးစီးမှူးဦးစိုးအောင်က တင်ပြဆွေးနွေးခဲ့ပြီး လက်ရှိစားသုံးသူကာကွယ်ရေး ဆောင်ရွက်နေမှုနှင့် ရှေ့ဆက်ဆောင်ရွက်မည့်အစီအစဉ်များကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဓနုဖြူမြို့နယ်၊ မြို့နယ်ဦးစီးမှူး ဦးဝင်းမင်းစိုး(ဦးစီးမှူး) နှင့် ဝန်ထမ်း များသည် (၄.၇.၂၀၂၂) ရက်နေ့  (၁၀:၃၀)နာရီတွင် ရေတွင်းကုန်းကျေးရွာ ကျေးလက်နေပြည်သူ (၁၁၅) ဦးအား စားသုံးသူကာကွယ်ရေး အသိပညာ ပေးဟောပြောပွဲ ပြုလုပ်ခဲ့ကြပါသည်။

            အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးဝင်းမင်းစိုး (ဦးစီးမှူး) က စားသုံးသူရေးရာဦးစီးဌာန  စားသုံးသူကာကွယ်ရေးဥပဒေများအကြောင်း၊ ဦးစီးဌာန၏ မျှော်မှန်းချက်၊ ရည်မှန်းချက်နှင့်စားသုံးသူအခွင့်အရေး၊ စီးပွားရေးလုပ်ငန်းရှင်၏ တာဝန်များ၊ ဦးစီးဌာန၏ လုပ်ပိုင်ခွင့်နှင့် လုပ်ငန်းတာဝန်များ၊ စစ်ဆေးရေးအရာရှိ၏ လုပ်ငန်းတာဝန်များအကြောင်း၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်းသည့်အကြောင်း များ၊ စားသုံးသူများ ကုန်စည်ကို ရွေးချယ်ဝယ်ယူ အသုံးပြုရာတွင် နစ်နာဆုံးရှုံးမှုရှိလာပါက နစ်နာဆုံးရှုံးမှုအတွက် စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊ဟောပြော ဆွေးနွေးခဲ့ပြီး ဟောပြောပွဲမှ ပြည်သူများက သိရှိလိုသည်များကို မေးမြန်းကြရာ အပြန်အလှန် ရှင်းလင်းဖြေကြားခဲ့ကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်တာဝန်ခံဦးအောင်ဇော်ဦး(ဦးစီးမှူး)သည် တရုတ်လပ်ကျေးရွာ မူလွန် ကျောင်းတွင် ကျောင်းသူ၊ ကျောင်းသား၊ ဆရာ/ဆရာမ စုစုပေါင်း(၁၂၇)ဦးအား (၄.၇.၂၀၂၂) ရက်နေ့နံနက် (၁၀:၃၀) နာရီမှ (၁၂:၀၀) နာရီချိန်ထိ မိတ်ဖက်ဌာနများနှင့်အတူ ပူးပေါင်း၍ စားသုံးသူကာကွယ်ရေး အသိပညာပေး ဟောပြောပွဲ ကျင်းပပြုလုပ်ခဲ့ကြပါသည်။

          အဆိုပါဟောပြောပွဲတွင် မိတ်ဖက်ဌာနများမှ ၎င်းတို့နှင့် သက်ဆိုင်သော တစ်ကိုယ်ရည်သန့်ရှင်းရေးနှင့် ကလေးလူငယ်များ စာပေရသများ ဖတ်ရှုရေး အသိပညာပေး ဟောပြောခဲ့ကြပါ သည်။

          ဆက်လက်၍ မအူပင်မြို့နယ်တာဝန်ခံက စားသုံးသူကာကွယ်ပေးရေးဥပဒေပါ စားသုံးသူ၏ အဓိပ္ပါယ်အကြောင်း၊ စီးပွားရေးလုပ်ငန်းရှင်၏ အဓိပ္ပါယ်အကြောင်း၊ ကုန်စည် (သို့) ဝန်ဆောင်မှု၏အဓိပ္ပါယ် နှင့် ကုန်အညွှန်း အမှတ်အသားဖော်ပြခြင်းအကြောင်းများ စားသုံးသူရေးရာဦးစီးဌာန ၏ လုပ်ငန်းဆောင်ရွက်ချက်များအကြောင်းကို ရှင်းလင်းဟောကြားပြီး၊ စားသုံးသူတို့သည် ကုန်စည် (သို့) ဝန်ဆောင်မှုနှင့် စပ်လျဉ်း၏ ဝယ်ယူအသုံးပြရာ၌ နစ်နာဆုံးရှုံးမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်းကို အကျယ်တဝင့် ရှင်းလင်းဟောပြောပြီး ကျောင်းသူ/သားများမှ သိရှိလိုသည်များ မေးမြန်းမှုကို ပြန်လည်ရှင်းလင်းဖြေကြားခဲ့ကြောင်း သတင်းရရှိပါသည်။

DOCA(ဧရာဝတီ)

             ရခိုင်ပြည်နယ် စားသုံးသူရေးရာဦးစီးဌာန စစ်တွေမြို့တာဝန်ခံ ဦးသိန်းအောင် (ဦးစီးမှူး) နှင့် ဝန်ထမ်းများသည်   FDA၊ စည်ပင်၊ ကျန်းမာရေး၊ မွေးကုဌာနတို့နှင့်ပူးပေါင်းပြီး (၄.၇.၂၀၂၂) ရက်နေ့ နံနက်(၁၁:၀၀)နာရီမှ နေ့လည်(၁၂:၃၀)အချိန်ထိ စစ်တွေမြို့ အမှတ်(၂) အခြေခံပညာအထက်တန်းကျောင်းတွင် ကျောင်းသား/သူများအား စားသုံးသူကာကွယ်ရေးဆိုင်ရာ အသိပညာပေးဟောပြောခဲ့ပါသည်။

           အဆိုပါအသိပညာပေးဟောပြောပွဲတွင် စားသုံးသူရေးရာဦးစီးဌာန စစ်တွေမြို့နယ်တာဝန်ခံက စားသုံးသူကာကွယ်ရေး ဉပဒေ(၂၀၁၉)ပြဌာန်းချက်ပါ စားသုံးသူအခွင့်အရေး(၈)ချက်၊ အခန်း(၁၈) ပုဒ်မ(၄၁)အရ ကုန်အညွှန်းအမှတ်အသားများပြည့်စုံစွာဖော်ပြခြင်းနှင့်ပတ်သက်၍ စီးပွားရေး လုပ်ငန်းရှင်များ၏ တာဝန်များအားလည်းကောင်း၊ စားသုံးသူများအနေဖြင့် ကုန်စည်များ ဝယ်ယူသုံးစွဲရာတွင် ကုန်အညွှန်းအမှတ်အသားဖော်ပြပါရှိမှုအား အလေးထားသတိပြုသင့်ကြောင်းနှင့် စားသုံးသူနစ်နာဆုံးရှုံးမှုဖြစ်ပေါ်ပါက တိုင်ကြားနိုင်သည့် နည်းလမ်းများအား အသိပညာပေး ဟောပြောခဲ့ပြီး အစားအသောက်နှင့်ဆေးဝါးကွပ်ကဲရေးဦးစီးဌာန ဒေါက်တာနိုင်နိုင်လင်းက ယင်နားစာများအား စားသုံးခြင်းမပြုရန် အဖုံးအကာဖြင့် ဖုံးအုပ်ထားသော ကျန်မာရေးနှင့် ညီညွတ်သော အစားအစာများအား ရွေးချယ်ဝယ်ယူစားသုံးကြရန် ပြောကြားခဲ့ပါသည်။ အသိပညာပေး ဟောပြောပွဲသို့    ကျောင်းသား/သူ (၂၀၀)ဦးခန့်တက်ရောက်ခဲ့ကြပြီး လက်ကမ်းစာစောင်များ ဖြန့်ဝေပေးခြင်းနှင့် ကျောင်းမုန့်ဈေးတန်းအား စစ်ဆေးဆောင်ရွက်ခဲ့ပါကြောင်း သိရှိရပါသည်။

DOCA(ရခိုင်)