သတင်းနှင့် လှုပ်ရှားမှုများ

     တနင်္သာရီတိုင်း၊ မြိတ်ခရိုင်အတွက် စားအုန်းဆီများကို ရန်ကုန်မြို့ဆီကုမ္ပဏီများမှ ဝယ်ယူ လျက်ရှိပြီး မြိတ်ခရိုင်ဆီအရောင်းကိုယ်စားလှယ်မှ (၁၀.၇.၂၀၂၅)ရက်နေ့တွင် Global Good Pure Group ကုမ္ပဏီမှ ဝယ်ယူလာသော စားအုန်းဆီပေပါ(၆၀)နှင့် Myanmar Oil Alliance ကုမ္ပဏီမှ စားအုန်ဆီပေပါ(၅၅)သည် ၂၀၂၅ခုနှစ်၊ ဇူလိုင်လ(၁၆)ရက်နေ့တွင် ‌‌မြိတ်မြို့သို့ရောက်ရှိလာခဲ့ကြောင်း သိရှိရပါသည်။
          အဆိုပါစားအုန်းဆီများကို မြိတ်မြို့ရှိ လက်လီဆိုင်(၄၂)ဆိုင်သို့ ၂ရာခိုင်နှုန်းအမြတ်ဖြင့်ဖြန့်ဖြူး ရောင်းချပေးမည်ဖြစ်ပြီး ၎င်းတို့မှတစ်ဆင့် ပြည်သူများသို့ဖြန့်ဖြူးရောင်းချပေးမည်ဖြစ်ကြောင်းသိရှိ ရပါသည်။

DOCA(တနင်္သာရီ)

  မြိတ်ခရိုင်ဆန်ကုန်သည်နှင့် ဆန်လုပ်ငန်းရှင်များမှ မြိတ်ခရိုင်အတွက် ဧရာဝတီတိုင်းမှ ဆန် များဝယ်ယူ၍ မြိတ်မြို့သိူ့ ၂၀၂၅ခုနှစ်၊ ဇူလိုင်လ(၁၆)ရက်နေ့တွင် ရောက်ရှိလာခဲ့ပြီး မြိတ်ခရိုင်စားသုံး သူရေးရာဦးစီးဌာနမှအပါအဝင် အကောက်ခွန်ဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန၊ ကုန်သွယ်ရေးဦးစီးဌာနနှင့် ခရိုင်ရဲတပ်ဖွဲ့တို့မှ မြိတ်မြို့သို့ရောက်ရှိလာသော ဆန်လှေများ အား ကွင်းဆင်းစစ်ဆေးခဲ့ကြောင်း သိရှိရပါသည်။

        ကွင်းဆင်းစစ်ဆေးချက်အရ မြိတ်မြို့၊ သို့ ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်မှ ဝယ်ယူလာသော MS ပြည့်ဖြိုးအောင်(၉)ရေယာဉ်တွင် ဆန်တန် (၁၅၀)၊ အိတ်ရေ (၃၀၀၀)နှင့် MV စန္ဒီ(၁)ရေယာဉ်တွင် ဆန်တန်(၃၅၀)၊ အိတ်ရေ(၇၀၀၀)တို့အပြင် ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်မှဝယ်ယူလာသော MV မြမြမွန်ရေယာဉ်ဖြင့် ဆန်တန် (၄၇၅)၊ အိတ်ရေ (၉၅၀၀)တို့ ရောက်ရှိလာခဲ့ကြောင်းသိရှိရပါသည်။

DOCA(တနင်္သာရီ)

    ၂၃.၇.၂၀၂၅ ရက်နေ့ နံနက် (၁၁း၃၀) နာရီအချိန်တွင် မွန်ပြည်နယ်၊ ဘီးလင်းမြို့နယ် အတွင်း အခြေခံပညာကျောင်းများမှ ကျောင်းသား/သူ များအား မှုခင်းကျဆင်းရေး၊ ယာဉ်အန္တရာယ်ကင်းရှင်းရေး၊ မူးယစ်ဆေးဝါးနှင့်ပတ်သတ်၍ ရှောင်ကြဉ်ရေး ပြစ်မှုပြစ်ဒဏ်များ စသည့် ဥပဒေအသိပညာပေးဟောပြောဆောင်ရွက်မှုအနေဖြင့် မြို့နယ်စီမံအုပ်ချုပ်ရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်စခန်းမှူး၊ ယာဉ်ထိန်းရဲတပ်ဖွဲ့တို့မှ ဦးဆောင်၍ ဘီးလင်းမြို့နယ်၊ ဘိုးရာဇာရပ်ကွက်ရှိ အ.ထ.က (ဘီးလင်း) ရှိ ကျောင်းအုပ်ဆရာမကြီးနှင့် ဆရာ/မများ၊ ကျောင်းသား/ သူများ စုစုပေါင်းအင်အား (၇၀၀)ဦးခန့်အား လည်းကောင်း၊ ကင်းရွာကျေးရွာ၊ အ.ထ.က (ကင်းရွာ)ရှိ ကျောင်းအုပ်ဆရာမကြီးနှင့် ဆရာ/မများ၊ ကျောင်းသား/ သူများ စုစုပေါင်းအင်အား (၂၃၅)ဦးခန့်အား အသိပညာပေး ဟောပြော ဆောင်ရွက်ခဲ့ကြောင်း သိရပါသည်။

DOCA (မွန်)

   (၂၂.၇.၂၀၂၅) ရက်နေ့ မွန်းလွှဲ (၂း၀၀) နာရီအချိန်တွင် စားသုံးသူရေးရာဦးစီးဌာန၊ ဦးအောင်ကျော်မင်း (ဦးစီးအရာရှိ)နှင့် ဦးစည်သူ (ဒုတိယဦးစီးမှူး)တို့သည် ဆန်စက်များနှင့် ဆန်၊ စပါးသိုလှောင်ရုံများအား MyRoတွင် မှတ်ပုံတင်သက်တမ်းတိုးရန် ကွင်းဆင်းဆောင်ရွက် ခဲ့ကြသည်။ 

   ထိုသို့ ကွင်းဆင်းဆောင်ရွက်ရာတွင် သထုံမြို့နယ်၊ သုဝဏ္ဏဝတီမြို့ရှိ ဦးတင်သန်း ပိုင်ဆန်စက်နှင့်ဆန်၊ စပါးသိုလှောင်ရုံအား MyRoတွင် မှတ်ပုံတင်သက်တမ်းတိုး ဆောင်ရွက်ရန်၊ ဆန်၊ စပါး ဝင်/ထွက် လက်ကျန်စာရင်းအား လစဥ်ပုံမှန်ဖြည့်သွင်းရန်၊ ဆန်၊ စပါး သိုလှောင်ထားရှိမှုအခြေအနေ၊ ဆန်စျေးနှုန်းတည်ငြိမ်မှု ရှိ/မရှိ၊ ဆန်ကြိတ်ခွဲနိုင်စွမ်းအား၊ စျေးကွက်စျေးနှုန်း အခြေအနေ၊ ဆန်၊ စပါးရောင်းဝယ်ဖောက်ကားမှု အခြေအနေများအား ကွင်းဆင်းစစ်ဆေးဆောင်ရွက်ခဲ့ကြောင်းသိရသည်။

DOCA (မွန်)

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်နှင့် ရပ်ကွက်များရှိ အခြေခံစားကုန် ပစ္စည်းအရောင်းဆိုင်များသို့ ဇူလိုင်လ(၁၄)ရက်နေ့၊ နံနက်(၀၉:၀၀)နာရီအချိန်တွင် ဇူလိုင်လဆန်းတွင် ဖြစ်ပေါ်နေသည့် အခြေခံစားကုန်ပစ္စည်းများ၏ ဈေးနှုန်းအခြေအနေအား မြေပြင်ကွင်းဆင်းစစ်ဆေးခဲ့ကြောင်း သိရသည်။

       ထိုသို့ ဈေးကွက်အတွင်း မြေပြင်ကွင်းဆင်း စစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်တို့သည် စည်ပင်လမ်း ပြည်တော်သာရပ်ကွက်ရှိ ရတနာလွင် ကုန်စုံဆိုင်၊ ဗိုလ်ချုပ်လမ်း မြို့မရပ်ကွက်ရှိ ဦးသိန်းထွဋ်(ခ) ဦးကိုလေး ကုန်စုံဆိုင်၊ စည်ပင်သာယာမြို့မဈေးအတွင်းရှိ ဒေါ်မူ၊ ဒေါ်မွှေးကြူ၊ မိဘရိပ် ဆန်ဆိုင်၊ မြို့မဈေး အပြင်တန်းရှိ ဒေါ်လုံးလုံး၊ ဦးချမ်းသာကြီးဆန်ဆိုင်၊ ဦးတင့်ဆွေဦး၊ ဦးဌေးလှိုင်၊ ဦးတင်ဝင်း၊ ဒေါ်ချောစုလှိုင်၊ ဒေါ်ချိုချိုမြင့် ကုန်ခြောက်ဆိုင်၊ ဒေါ်ပေါက်၊ ဒေါ်နိုင်နိုင်မော် ကြက်သားဆိုင်၊ ဦးခင်မောင်ဝင်း ဝက်သားဆိုင်၊ ဦးကုလား အမဲသားဆိုင်၊ ဦးဇော်ကြီး ဆိတ်သားဆိုင်၊ ဒေါ်သင်းသင်း၊ ဒေါ်မျိုးမျိုးဝင်း ရေချိုရေငံ ငါးပုဇွန် အရောင်းဆိုင်၊ ဒေါ်ချို ကြက်ဥ၊ ဘဲဥ လက်လီလက်ကား အရောင်းဆိုင်၊ ဒေါ်သန်းသန်းစိုး ငါးပိ၊ ငါးခြောက် ဆိုင်နှင့် ဦးဖိုးထောင်၊ ဦးကျောက်ခဲ အသီးအရွက် ကုန်စိမ်းဆိုင်တို့တွင် ဇူလိုင်လဆန်းနှင့် ဇူလိုင်လ အလယ်တွင် ဖြစ်ပေါ်နေသည့် အခြေခံစားကုန်ပစ္စည်း ဈေးနှုန်းအခြေအနေတို့မှာ သိသိသာသာ ကွာခြားမှုမရှိဘဲ စားအုန်းဆီဈေးနှုန်းမှာလည်း တည်ငြိမ်လျက်ရှိသည်ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(ရန်ကုန်)