သတင်းနှင့် လှုပ်ရှားမှုများ

      (၈.၅.၂၀၂၅)ရက်နေ့၊ ညနေ(၁၅:၀၀)နာရီအချိန်တွင် လှိုင်သာယာ(အရှေ့ပိုင်း)မြို့နယ်၊ အထွေထွေအုပ်ချုပ်ရေးဉီးစီးဌာန၊ အစည်းအဝေးခန်းမ၌ လုပ်ငန်းညှိနှိုင်းအစည်းအဝေးတစ်ရပ် ကျင်းပပြုလုပ်ခဲ့ပါသည်။

     အစည်းအဝေးအား အထွေထွေအုပ်ချုပ်ရေးဉီးစီးဌာနမှ ဉီးဆောင်ကျင်းပခဲ့ရာ သက်ဆိုင်ရာ ဆက်စပ်ဌာနအဖွဲ့အစည်းများတက်ရောက်ခဲ့ပြီး မြို့နယ်စီမံအုပ်ချုပ်ရေးဥက္ကဌမှ ဆွေးနွေး ပြောကြားရာ၌ ဌာနဆိုင်ရာများပူးပေါင်း၍ ဆန်ဆိုင်နှင့်ဆန်သိုလှောင်ရုံများ ကွင်းဆင်းစစ်ဆေး ရန်၊ မိုးရာသီ သစ်ပင်စိုက်ပျိုးရန်၊ သဘာဝဘေးအန္တရာယ်ဖြစ်ပေါ်လျှင် ချက်ချင်းအကြောင်းကြား ရန်၊ ကဆုန်လပြည့်နေ့ ညောင်ရေသွန်းပွဲကျင်းပပြုလုပ်ရန်နှင့် ၂၀၂၅-၂၀၂၆ ဘဏ္ဍာနှစ် ကျောင်း အပ်နှံကိစ္စများအား ဆွေးနွေးပြောကြားခဲ့ပြီး တက်ရောက်လာသူများက အကြံပြုသုံးသပ် တင်ပြခြင်း၊ အပြန်အလှန် ညှိနှိုင်းဆွေးနွေးခဲ့ပြီး ညှိနှိုင်းအစည်းအဝေးကို ညနေ (၅:၀၀)နာရီ အချိန်တွင် ပြီးဆုံးခဲ့ကြောင်း သိရှိရပါသည်။

DOCA(ရန်ကုန်)

၂၀၂၅ခုနှစ်၊ ဧပြီလ(၉)ရက်နေ့တွင် မြိတ်ခရိုင်စားသုံးသူရေးရာဦးစီးဌာနမှဦးဆောင်၍ မြို့နယ် စီမံအုပ်ချုပ်ရေးအဖွဲ့၊ အထူးစုံစမ်းစစ်ဆေးရေးဦးစီးဌာန၊ ဗဟိုစာရင်းအင်းအဖွဲတို့သည်  မြိတ်မြို့၊ ဆိပ်ငယ်ရပ်ရှိ ဆေးဆိုင်များသို့သွားရောက်၍ ဆေးပြတ်လပ်မှုအခြေအနေနှင့် ဆေးစျေးနှုန်းတည်ငြိမ် မှုရှိစေရေးကွင်းဆင်းစစ်ဆေးခဲ့ပါသည်။

ကွင်းဆင်းစစ်ဆေးရာတွင် ဒေသတွင်းဖြစ်သင့်ဖြစ်ထိုက်သောစျေးနှုန်းများဖြင့် ရောင်းချရန်နှင့် သက်တမ်းလွန်ဆေးဝါးများ မရောင်းချရန်၊ ဆေးစျေးနှုန်းအခြေအနေနှင့် ဆေးဝါးပြတ်လပ်နေမှု အခြေအနေများအား မေးမြန်းခြင်း၊ ဘေးအန္တရာယ်ကင်းရှင်းစေရန် ကုန်အညွှန်းအမှတ်အသား ဖော်ပြရမည့်အကြောင်း ပြောကြားခဲ့ပြီး လက်ကမ်းစာစောင်ဖြန့်ဝေပေးခဲ့ကြောင်းသတင်း ရရှိပါသည်။

DOCA(တနင်္သာရီ)

          ၂၀၂၅ ခုနှစ်၊ ဧပြီလ ၉ ရက်နေ့၊ နံနက်(၁၀း၀၀) နာရီအချိန်တွင် တနင်္သာရီတိုင်းဒေသကြီး အစိုးရအဖွဲ့ရုံး၊ ၃ ထပ်ဆောင် အစည်းအဝေးခန်းမ၌ တနင်္သာရီတိုင်းဒေသကြီး၏ ၂၀၂၅-၂၀၂၆ ဘဏ္ဍာရေးနှစ်၊ ဒေသန္တရစီမံကိန်း တာဝန်ပေးအပ်ပွဲအခမ်းအနားသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး မှ တက်ရောက်ခဲ့ပါသည်။

          အဆိုပါ အခမ်းအနားတွင် တနင်္သာရီတိုင်းဒေသကြီးအစိုးရအဖွဲ့ဝန်ကြီးချုပ်မှ အဖွင့်အမှာ စကားပြောခြင်း၊ စီးပွားရေးရာဝန်ကြီး၊ စီမံကိန်းရေးဆွဲအကောင်အထည်ဖော်ရေးကော်မတီဥက္ကဋ္ဌ ၂၀၂၅-၂၀၂၆ ဘဏ္ဍာရေးနှစ် စီမံကိန်းအခြေအနေအား ပြောကြားကာ တိုင်းဒေသကြီးစီမံကိန်းရေးဆွဲ ရေးဦးစီးဌာန၊ ညွှန်ကြားရေးမှူး၊ စီမံကိန်းရေးဆွဲအကောင်အထည်ဖော်ရေးကော်မတီအတွင်းရေးမှူး မှ စီမံကိန်းတာဝန်ပေးအပ်သည့် ကဏ္ဍများအားရှင်းလင်း ပြောကြားခဲ့ပါသည်။ ထို့နောက် ဝန်ကြီးချုပ် မှ ၂၀၂၅-၂၀၂၆ ဘဏ္ဍာရေးနှစ် ဒေသန္တရစီမံကိန်းတာဝန်များအား သက်ဆိုင်ရာသို့ပေးအပ်ခဲ့ပြီး အခမ်း အနားအား နံနက် (၁၁း၀၀)နာရီ အချိန်တွင် ပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)

        စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၈.၅.၂၀၂၅)ရက်နေ့၊ နံနက်(၁၁:၀၀) နာရီအချိန်တွင် ဇလွန်မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ဌာနဆိုင်ရာဝန်ထမ်းများအားစားသုံးသူကာကွယ်ရေးဆိုင်ရာအသိပညာပေးဟောပြောခြင်းကို ဆောင်ရွက်ခဲ့ပါသည်။

      အဆိုပါ‌ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက စားသုံးသူကာကွယ်ရေးဆိုင်ရာလုပ်ငန်းများနှင့်ပါတ်သတ်၍ စားသုံးသူကာကွယ်ရေးဥပဒေစတင်ဖြစ်ပေါ်လာပုံ၊စားသုံးသူများ၊စီးပွားရေး လုပ်ငန်းရှင်များ၏ ရရှိနိုင်သောအခွင့်အရေးများကို အကျယ်တဝင့်ရှင်းလင်းပြောကြားခဲ့ပါသည်။ ဆက်လက်၍ အစားအသောက်များနှင့်လူသုံးကုန်ပစ္စည်းများတွင် ကုန်အညွှန်းအမှတ်အသားဖော်ပြထားခြင်း မရှိပါက သတိထား၍ ဝယ်ယူသုံးစွဲသင့်ကြောင်း၊ ကုန်အညွှန်းအမှတ်အသားပြည့်စုံစွာရိုက်နှိပ်ဖော်ပြ ထားသောပစ္စည်းများကိုသာရွေးချယ်ဝယ်ယူသုံးစွဲသင့်ကြောင်း၊ မိမိတို့ဌာနအနေဖြင့် ဈေးကွက်စောင့် ကြည့်စစ်ဆေးရခြင်း၏ လုပ်ငန်းတာဝန်များ၊ ထို့နောက် စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့်တာဝန်များအကြောင်း စားသုံးသူနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင် ကြောင်းကိုလည်းကောင်း၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေ ကိုလည်းကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များ အကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း အသေးစိတ် ပြောကြားခဲ့ပြီး နေ့လည်(၁၂:၀၀) နာရီအချိန်တွင် ဟောပြောပွဲကို ရုပ်သိမ်းခဲ့ပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည် (၇.၅.၂၀၂၅)ရက်နေ့၊ နံနက် (၀၉:၃၀) နာရီအချိန်တွင် ဟင်္သာတမြို့နယ်၊လယ်တော်ကျေးရွာအုပ်စု၊ ဆီလုပ်ငန်းရှင်အသင်းရုံး၌ စားသုံးဆီလက် လီရောင်းချသူလုပ်ငန်းရှင်များအား စားသုံးသူကာကွယ်ရေးအသိပညာပေးဟောပြောခြင်း ဆောင်ရွက် ခဲ့ပါသည်။

      ဟောပြောပွဲတွင် မြို့နယ်ဦးစီးမှူး ဦးမိုးကျော်က ဟင်္သာတမြို့နယ်အတွင်း ကုန်စုံဆိုင်လုပ်ငန်း ရှင်များမှတစ်ဆင့် အိမ်ထောင်စုများအား ဆီရောင်းချရာတွင် စနစ်တကျဖြန့်ခွဲပေးနိုင်ရေး၊ စားအုန်းဆီရောင်းချသော ကုန်စုံဆိုင်များတွင် သတ်မှတ်ရည်ညွှန်းဈေးပါ ဗွီနိုင်းများကို ဆိုင်ရှေ့တွင် ချိတ်ဆွဲထားရန်၊ ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ် မှတ်အရည်အသွေး ပြည့်မီသော ကုန်စည်များကိုသာရောင်းချရန်၊ စားသုံးဆီရောင်းချသော လုပ်ငန်းရှင် များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်းဈေးနှုန်း မြှင့်တင်ရောင်းချခြင်း များတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော အရေးကြီး ကုန်စည်နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့် အကြောင်းတို့ ကို အသိပညာပေးဟောပြောခဲ့ပြီး စားသုံးဆီအရောင်းဆိုင်လုပ်ငန်းရှင်များဘက်မှလည်းသိလိုသည်များ မေးမြန်း၍ အပြန်အလှန် ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)