သတင်းနှင့် လှုပ်ရှားမှုများ

      စားသုံးသူရေးရာဉီးစီးဌာန၊ မြောက်ပိုင်းရိုင်ဉီးစီးမှူးရုံးမှ စစ်ဆေးရေးအရာရှိများသည် (၉.၅.၂၀၂၅)ရက်နေ့ နံနက်(၁၁:၁၅)နာရီအချိန်တွင် အမှတ်(B-72)၊ ဂန္ဓမာလမ်း၊ အမှတ်(၄) ရပ်ကွက်၊ လှိုင်သာယာမြို့နယ်ရှိ Funny Office အွန်လိုင်းအမည်ဖြင့် ရုပ်သံနှင့်ကြော်ငြာ ဝန်ဆောင်မှုလုပ်ငန်းများ အွန်လိုင်းမှတ်ပုံတင်ထားရှိမှုအား မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

     ထိုသို့ဆောင်ရွက်ရာတွင် စစ်ဆေးရေးအရာရှိမှ အွန်လိုင်းမှတ်ပုံတင်စနစ်တွင် မှတ်ပုံတင် ထား ရှိသည့်အချက်အလက်များ မြေပြင်စစ်ဆေးရာတွင် ကိုက်ညီမှုရှိ/မရှိ၊ အခြားလိုအပ်သည့် အချက်အလက်များ ပြည့်စုံမှန်ကန်မှုရှိ/မရှိနှင့် စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်များ လိုက်နာရမည့်တာဝန်များအကြောင်း ရှင်းလင်းဆွေးနွေးခဲ့ပါသည်။

DOCA(ရန်ကုန်)

      စားသုံးသူရေးရာဉီးစီးဌာန၊ မြောက်ပိုင်းရိုင်ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ (၄)ဉီးတို့သည် (၉.၅.၂၀၂၅)ရက်နေ့ နံနက်(၉:၄၅)အချိန်တွင် မင်္ဂလာဒုံမြို့နယ်၊ အမှတ်(၁၉၇၊ ၁၉၈၊ ၁၉၉)၊ ၁၀ လမ်း၊ ရန်ကုန်စက်မှုဇုန်ရှိ YUM YUM Myanmar အွန်လိုင်းအမည်ဖြင့် စားသောက်ကုန်ပစ္စည်းများ အွန်လိုင်းမှတ်ပုံတင်ထားရှိမှုအား မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

   ထိုသို့ ကွင်းဆင်းစစ်ဆေးရာတွင် ဒေါ်နီလာဝင်း၊ ဉီးစီးမှူးမှ ဈေးကွက်အတွင်း ရောင်းချနေသော စားသောက်ကုန်၊ လူသုံးကုန်ပစ္စည်းများ ဝယ်ယူအသုံးပြုရာတွင် ဘေးအန္တရာယ် ကင်းရှင်းစေရန်နှင့် လုံခြုံစိတ်ချရမှုရှိစေရန် ကုန်အညွှန်းအမှတ်အသားများ ပြည့်စုံစွာ ဖော်ပြ ထားခြင်းရှိ/မရှိတို့ကို စစ်ဆေးခဲ့ပြီး အွန်လိုင်းမှတ်ပုံတင်ထားသည့် အချက်အလက်များ ပြည့်စုံမှန်ကန်မှုရှိ/မရှိအား DOCA Application အသုံးပြု၍ မြေပြင်ကွင်းဆင်းစစ်ဆေးခဲ့ပါသည်။

DOCA(ရန်ကုန်)

   (၉.၅.၂၀၂၅)ရက်နေ့ နံနက်(၁၀:၀0)အချိန်တွင် အထွေထွေအုပ်ချုပ်ရေးဉီးစီးဌာနမှ ဉီးဆောင်၍ စားသုံးသူရေးရာဉီးစီးဌာန၊ မြို့နယ်စည်ပင်သာယာအုပ်ချုပ်ရေးမှူးရုံး၊ ပြည်တွင်း အခွန်များဉီးစီးဌာန၊ မြန်မာနိုင်ငံဆန်စပါးအသင်းချုပ်မှ ကိုယ်စားလှယ်နှင့်သက်ဆိုင်ရာ ရပ်ကွက်/ ကျေးရွာအုပ်စု အုပ်ချုပ်ရေးမှူးတို့ပါဝင်သော ပူးပေါင်းအဖွဲ့ဖြင့် မှော်ဘီမြို့နယ်ရှိ ဆန်ဆိုင်နှင့် ဆန်သိုလှောင်ထားရှိမှု အခြေအနေများအား ကွင်းဆင်းစစ်ဆေးဆောင်ရွက်ခဲ့ပါသည်။

    ထိုသို့ ကွင်းဆင်းစစ်ဆေးရာတွင် လက်လီ/လက်ကားရောင်းချနေသော ဆန်ဆိုင်များသို့ သွားရောက်ကာ ကွင်းဆင်းစစ်ဆေးခြင်းများ ပြုလုပ်ခဲ့ပါသည်။ ထိုသို့ကွင်းဆင်းစစ်ဆေးရာတွင် လက်လီ/လက်ကားရောင်းချနေသော ဆန်ဆိုင်များအနေဖြင့် ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြစေရန်၊ သတ်မှတ်ထားသည့် သင့်တင်မျှတသော ဈေးနှုန်းများဖြင့် ရောင်းချနိုင်ရန်နှင့် မြန်မာ့ဆန်စပါးအွန်လိုင်း (MyRo) တွင် မှတ်ပုံတင်ထားခြင်း ရှိ/မရှိနှင့် မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာန ရုံးများနှင့် ချိတ်ဆက်၍ မှတ်ပုံတင်ခြင်းဆောင်ရွက်နိုင်ရေးတို့ကို အသိပေးဆွေးနွေးကြောင်း ဆောင်ရွက်ခဲ့ ကြောင်း သိရပါသည်။

DOCA(ရန်ကုန်)

     (၈.၅.၂၀၂၅)ရက်နေ့ ညနေ(၁၆:၀0)အချိန်တွင် အထွေထွေအုပ်ချုပ်ရေးဉီးစီးဌာနမှ မင်္ဂလာဒုံမြို့နယ်စီမံအုပ်ချုပ်ရေးအဖွဲ့ဥက္ကဌ ဉီးဆောင်၍ မြို့နယ်ရဲတပ်ဖွဲ့မှူးရုံး၊ စားသုံးသူရေးရာ ဉီးစီးဌာန၊ မြို့နယ်စည်ပင်သာယာအုပ်ချုပ်ရေးမှူးရုံး၊ မြန်မာနိုင်ငံဆန်စပါးအသင်းချုပ်မှ ကိုယ်စားလှယ်နှင့် သက်ဆိုင်ရာရပ်ကွက်/ကျေးရွာအုပ်စုအုပ်ချုပ်ရေးမှူးတို့ပါဝင်သော ပူးပေါင်း အဖွဲ့ဖြင့် မင်္ဂလာဒုံမြို့နယ်ရှိ ဆန်ဆိုင်နှင့်ဆန်သိုလှောင်ထားရှိမှုအခြေအနေများအား ကွင်းဆင်း စစ်ဆေး ဆောင်ရွက်ခဲ့ ပါသည်။

      အဆိုပါ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ရာတွင် မင်္ဂလာဒုံမြို့နယ်ရှိ ပဒေသာ၊ ပြည့်ဝ၊ ထွန်းသစ်စ၊ ထူးကဲဆန်ဆိုင်များတွင် မြန်မာနိုင်ငံဆန်စပါးအသင်းချုပ်၏ သင့်တင့်မျှတ သောဈေးနှုန်း ထုတ်ပြန်ချက်ပါ သတ်မှတ်ဈေးနှုန်းအတွင်း ရောင်းချလျက်ရှိကြောင်းနှင့် ဆန်သိုလှောင်ထားရှိမှု အခြေအနေအား စစ်ဆေးခဲ့ပြီး ဆန်များအား ပုံမှန်အတိုင်း လက်လီ/ လက်ကားရောင်းချပေးလျက်ရှိကြောင်း၊ ဆန်များအား သတ်မှတ်ရည်ညွှန်းဈေးနှုန်းထက် ပိုမိုရောင်းချမှုမရှိစေရန် အသိပေးရှင်းလင်း ပြောကြားခဲ့ကြောင်း သိရှိရပါသည်။

DOCA(ရန်ကုန်)

      (၈.၅.၂၀၂၅)ရက်နေ့ ညနေ(၁၅:၂0)အချိန်တွင် အထွေထွေအုပ်ချုပ်ရေးဉီးစီးဌာန၏ ဉီးဆောင်မှုဖြင့် လှိုင်သာယာ(အနောက်ပိုင်း)မြို့နယ်ရှိ ဆန်သိုလှောင်ရုံနှင့်ဆန်စက်များသို့ ဆန်များသိုလှောင် ထားခြင်းရှိ/မရှိအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ထိုသို့ဆောင်ရွက်ခဲ့ရာတွင် မြို့နယ်စီမံအုပ်ချုပ်ရေးဥက္ကဌ ဉီးထွန်းထွန်းလင်း၊ အဖွဲ့ဝင်(၁) ဗိုလ်မှူးသိန်းဇော်၊ စည်ပင်အုပ်ချုပ်ရေးမှူး ဉီးသိန်းလွင်၊ အထူးစုံစမ်းစစ်ဆေးရေးဉီးစီးဌာနမှ စုံစမ်းရေးမှူး ဉီးနောင်နောင်လတ်၊ စားသုံးသူရေးရာဉီးစီးဌာနမှ ဒုဉီးစီးမှူးဒေါ်နီလာဉီး၊ သောင်ကြီး နယ်မြေရဲစခန်းမှူး ရဲအုပ်မင်းမင်း၊ မြို့နယ်မီးသတ်ဉီးစီးဌာနမှ ဒုဉီးစီးမှူး ဉီးသက်ပိုင်စိုး၊ အလယ်ရွာ အုပ်ချုပ်ရေးမှူး၊ ဉီးဇင်ဝင်းအောင်နှင့် ဆန်ကုန်သည်ကြီးများအသင်းမှ ကိုယ်စားလှယ်ဉီးတင်ရွှေတို့ ပူးပေါင်းပါဝင်လျက် အလယ်ရွာကျေးရွာ၊ ရွှေလင်ပန်းစက်မှုဇုန်ရှိ ဆန်သိုလှောင်ရုံ(၈)ရုံအား ကွင်းဆင်းစစ်ဆေးခဲ့ရာ ဆန်သိုလှောင်များသည် ဆန်ကြမ်းများကိုသာ နဝလီကြိတ်ခွဲကြပြီး ပြည်ပသို့ သင်္ဘောဖြင့် တင်ပို့ခြင်းလုပ်ငန်းများ လုပ်ဆောင်၍ ဆန်များ ကိုလည်း သိုလှောင်ထားခြင်းများ မရှိပါကြောင်း၊ (MyRo)တွင် မှတ်ပုံတင်ထားပြီး ဖြစ်ပါ ကြောင်းနှင့်  မြို့နယ်စီမံအုပ်ချုပ်ရေးဥက္ကဌ ဉီးထွန်းထွန်းလင်းမှ ဆန်များကို သိုလှောင်မထားရန် သိုလှောင်ထားပါက အရေးယူဆောင်ရွက်သွားမည်ဖြစ်ပါကြောင်း ပြောကြားခဲ့ကြောင်း သိရှိရပါ သည်။

DOCA(ရန်ကုန်)