သတင်းနှင့် လှုပ်ရှားမှုများ

               တိုက်ကြီးမြို့နယ်၊ စားသုံးသူရေးရာဦးစီးဌာနမှ မြို့နယ်ခွဲတာဝန်ခံသည် ၉.၁၂.၂၀၂၄ ရက်နေ့ ညနေ(၁၅:၀၀)နာရီအချိန်တွင် တိုက်ကြီးမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးဆောင်သော မြို့နယ်စိုက်ပျိုးရေးဦးစီးဌာန၊ မြို့နယ်သမဝါယမဦးစီးဌာန၊ မြို့နယ်လယ်ယာ စီမံခန့်ခွဲရေးနှင့် စာရင်းအင်းဦးစီးဌာန၊ မြို့နယ်ကျေးလက်ဖွံ့ဖြိုးတိုးတက်ရေး ဦးစီးဌာနတို့အဖွဲ့ အဖြစ်ပါဝင်သောအဖွဲ့ဖြင့် ပူးပေါင်းပါဝင်သော တိုက်ကြီးမြို့ပေါ်ရှိ ဓါတ်မြေဩဇာနှင့်ပိုးသတ်ဆေး ရောင်းချသောဆိုင်များသို့ကွင်းဆင်း၍ ဓါတ်မြေဩဇာများ သတ်မှတ်ရည်ညွှန်းဈေးနှုန်းအတိုင်း ရောင်းချစေရေး၊ သွင်းအားစုများသိုလှောင်ပြီး ဈေးကစားမှုမရှိစေရေး၊ တရားမဝင်ဓါတ်မြေဩဇာများ၊ ပိုးသတ်ဆေးများရောင်းချမှုမရှိစေရေး ဆောင်ရွက်ခဲ့ပါသည်။ ယူရီးယား ဓါတ်မြေဩဇာဝယ်ယူဖြန့်ဖြူးရောင်းချရေး ဦးဆောင်ကော်မတီအနေဖြင့် ဓါတ်မြေဩဇာ ရည်ညွှန်းဈေးနှုန်းများကို ထုတ်ပြန်ဆောင်ရွက်ပေးလျက်ရှိရာ နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်သည့် ဆောင်းသီးနှံစီမံကိန်းအတွက် ဓါတ်မြေဩဇာများအား ရန်ကုန်အထိုင်ဈေးနှုန်းအဖြစ် ယူရီးယား(အလုံးကြီး) (၅၀)ကီလိုဂရမ် တစ်အိတ်လျှင် (၉၇၀၀၀)ကျပ်၊ Rock Pbosphate (၅၀)ကီလိုဂရမ် တစ်အိတ်လျှင် (၁၂၄၀၀၀)ကျပ်၊ Di Ammonium Phosphate (၅၀)ကီလိုဂရမ် တစ်အိတ်လျှင် (၁၃၇၀၀၀)ကျပ်ဖြင့် ရောင်းချရန် သတ်မှတ်ထားကြောင်း သိရှိရပါသည်။

DOCA(ရန်ကုန်)        

            ၉.၁၂.၂၀၂၄ ရက်နေ့ နေ့လယ်(၁၃:၀၀)နာရီအချိန်တွင် အင်းစိန်ခရိုင်အတွင်းရှိ ဆန်ဆိုင် (၂) ဆိုင် သတ်မှတ်ဈေးနှုန်းများအတိုင်း ရောင်းချခြင်းရှိ/ မရှိ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်းသိရသည်။

          ထိုသို့ကွင်းဆင်းစစ်ဆေးရာ လက်လီ/ လက်ကားရောင်းချနေသော ဆန်ဆိုင်များအနေဖြင့် ဈေးကစားရန်ရည်ရွယ်ချက်ဖြင့် ဆန်များသိုလှောင်ထားခြင်းမပြုလုပ်ကြစေရန်၊ သတ်မှတ်ထားသည့် သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူ မြင်သာသောနေရာတွင် မြင်သာသည့်အရွယ်အစားနှင့် ရေးသားဖော်ပြ၍ ရောင်းချရန်၊ မြန်မာဆန်စပါးအွန်လိုင်း (Myanmar Rice Online) (MyRo) တွင် မှတ်ပုံတင်ထားခြင်းရှိ/ မရှိနှင့် မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့်ချိတ်ဆက်၍ မှတ်ပုံတင်ခြင်းဆောင်ရွက်နိုင်ရေးတို့ကို အသိပညာပေးဆွေးနွေးကာ အလေးချိန်ပြည့်ဝမှန်ကန်စွာရောင်းချခြင်းရှိ/ မရှိ ကွင်းဆင်းစစ်ဆေးခြင်းဆောင်ရွက်ခဲ့ကြောင်းသိရှိရပါသည်။

DOCA(ရန်ကုန်)

      မကွေးတိုင်းဒေသကြီး၊ ချောက်ခရိုင်၊ ချောက်မြို့တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ (၇၇)နှစ်မြောက်လွတ်လပ်ရေးနေ့အထိမ်းအမှတ် အသိပညာပေး ဟောပြောပွဲကို (၆.၁၂.၂၀၂၄)ရက်နေ့၊ နံနက်(၀၉:၃၀)နာရီတွင် အမှတ်(၁၄)ရပ်ကွက်၊ စစ်ကွင်းရပ်၊ အခြေခံပညာမူလတန်းလွန်ကျောင်း (ပျဉ်းမ)၌ ကျင်းပပြုလုပ်ခဲ့ကြောင်း သိရသည်။

     မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိက လွတ်လပ်ရေးနေ့ နှစ်စဉ် ကျင်းပရခြင်း၏ ရည်ရွယ်ချက်များ၊ လွတ်လပ်ရေးကြိုးပမ်းမှု သမိုင်းကြောင်းများအားလည်းကောင်း၊ မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ လက်ထောက်ညွှန်ကြားရေးမှူးက “သဘာဝဘေး အသိပညာပေး” ခေါင်းစဉ်ဖြင့်လည်းကောင်း၊ မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံက “ကုန်အညွှန်းအမှတ်အသားနှင့် စားသုံးရန်မသင့် အစားအစာများ” အကြောင်းကိုလည်းကောင်း အသီးသီးဟောပြောခဲ့ကြကြောင်း သိရှိရပါသည်။

DOCA(မကွေး)

     မကွေးတိုင်းဒေသကြီး၊ မကွေးခရိုင်၊ စားသုံးသူရေးရာဦးစီးဌာန၊ မကွေးခရိုင်နှင့် ချောက်ခရိုင် ဦးစီးမှူးသည်(၅.၁၂.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် နတ်မောက်မြို့နယ်မှ “လင်းလက်” အမှတ်တံဆိပ်ဖြင့် သဘာဝခေါင်းလျှော်ရည်၊ သဘာဝဆပ်ပြာ၊ Scrub များ ထုတ်လုပ်သော လုပ်ငန်းရှင်အား ခရိုင်ဦးစီးမှူးရုံးတွင်ခေါ်ယူတွေ့ဆုံပြီး စားသုံးသူကာကွယ်ရေးဥပဒေ ၂၀၁၉ အခန်း (၁၈)ပါ ကုန်အညွှန်းအမှတ်အသားဆိုင်ရာသတ်မှတ်ချက်များ ပြည့်စုံမှန်ကန်စွာ ထည့်သွင်းဖော်ပြပေးရေး အသိပညာပေးဆွေးနွေးခဲ့ကြောင်း သိရသည်။

     “လင်းလက်” အမှတ်တံဆိပ်ဖြင့် ထုတ်လုပ်သော ရှားစောင်းလက်ပတ် (Aloe Vera Lotion)၊ Lin Latt Hair Coat ၊ သဘာဝပေါင်းဆီ၊ သဘာဝအပူငြိမ်းဆေးဘက်ဝင်မန်ကျည်းခေါင်းလျှော်ရည်၊ သဘာဝခေါင်းလျှော်ရည်၊ သဘာဝကျန်းမာရေးရေချိုးဆပ်ပြာ၊ သဘာဝအပူငြိမ်းမန်ကျည်းရေချိုး ဆပ်ပြာ၊ သဘာဝရှားစောင်းလက်ပတ်မျက်နှာသစ်ဆပ်ပြာ၊ သဘာဝအာလူး၊ ရွှံ့စေးမျက်နှာသစ်ဆပ်ပြာ၊ သဘာဝမုန်လာဥနီအသားဖြူဆပ်ပြာ၊ ကော်ဖီနနွင်းသဘာဝဆပ်ပြာ၊ သဘာဝပျားမန်ကျည်းဆပ်ပြာ၊ သဘာဝဒန့်ဒလွန်အသားဖြူဆပ်ပြာ၊ သဘာဝအပူငြိမ်းကရမက်အမှုန့်စစ်စစ်၊ သဘာဝအူရှင်းကျန်းမာရေး ရှားစောင်းလက်ပတ်ယို၊ သဘာဝအပူကင်းအဆီကျဆေးဘက်ဝင်မန်ကျည်းယို၊ သဘာဝအူရှင်းအဆီကျ လက်ဖက်ခြောက်၊ ဘက်စုံသုံးကျန်းမာရေးဆားခါး၊ ကင်ပွန်းသီး Scrub ၊ အပူငြိမ်းမန်ကျည်းသီး Scrub ၊ Coffee Scrub တို့ ထုတ်လုပ်လျှက်ရှိပြီး မကွေးတိုင်းဒေသကြီးအတွင်းရှိ မြို့နယ်များနှင့် ရန်ကုန်၊ မန္တလေး၊ နေပြည်တော်နှင့် တောင်ကြီးမြို့များသို့ ဖြန့်ချိလျက်ရှိကြောင်း သိရှိရပါသည်။

     ခရိုင်ဦးစီးမှူးမှ “လင်းလက်” အမှတ်တံဆိပ် လုပ်ငန်းရှင်အား စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသားဆိုင်ရာ သတ်မှတ်ချက်များ ပြည့်စံမှန်ကန်စွာ ထည့်သွင်းဖော်ပြပေးရေးနှင့် စီးပွားရေးလုပ်ငန်းရှင်၏ တာဝန်/ တားမြစ်ချက်များနှင့် ပြစ်မှု/ ပြစ်ဒဏ်များကို ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ိထားသည့် ညွှန်ကြားချက်အမှတ် (၂/၂၀၁၉)ပါ ကုန်စည်တစ်ခုချင်းအလိုက် ထည့်သွင်းဖော်ပြရမည့် အချက်အလက်များအား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

     ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် ၂၀၂၄ ခုနှစ်၊ ဒီဇင်ဘာလ(၉) ရက်နေ့ ၊ နံနက် (၁၀:၃၀) နာရီအချိန်တွင် ဒေးဒရဲမြို့နယ်၊ ဘုရားကလေးကွင်းကျေးရွာရှိ “ဆန်းလှဝေ” ဆန်စက်သို့ MSMEs ဖွံ့ဖြိုးရေးကွင်းဆင်း စစ်ဆေးခဲ့ကြပါသည်။

      ထိုသို့ ကွင်းဆင်းရာတွင် ဆန်းလှဝေ ဆန်စက်မှ ကြိတ်ခွဲထုတ်လုပ်သောဆန်များ မြိတ်မြို့သို့ တင်ပို့မှုရှိ/မရှိ မေးမြန်းခြင်း၊ ထုတ်ကုန်ပစ္စည်းများ အရည်အသွေးပြည့်မီစေရေး၊ အချိန်အတွယ်များ မှန်ကန်မှုရှိစေရေး၊ ဆန်စပါး ဈေးနှုန်းဈေးကွက် အခြေအနေများ တည်ငြိမ်မှုရှိ/မရှိ၊  ထုပ်ပိုးမှုစနစ်များ လုံခြုံမှုရှိ/မရှိ စိစစ်ခြင်းနှင့် MSMEs လုပ်ငန်းများ ဖွံ့ဖြိုးတိုးတက်စေရေးအတွက် နည်းစနစ်များ ခေတ်မီ စက်ကိရိယာများ တပ်ဆင်နိုင်ရေး၊ ထုတ်ကုန်များ ပိုမိုထုတ်လုပ်နိုင်မှသာ ဈေးကွက်စီးပွားရေးစနစ် ကျယ်ပြန့်လာနိုင်သလို မှီခိုအားထားနေရသော အလုပ်သမားမိသားစုများအတွက်လည်း စားဝတ် နေရေးပြေလည်နိုင်ကြောင်း ၊ကြိတ်ခွဲရာမှ ထွက်ရှိလာသော စွန့်ပစ်ပစ္စည်းများကိုလည်း စနစ်တကျ စွန့်ပစ်ထားခြင်းရှိ/မရှိ ကွင်းဆင်းစိစစ်ခဲ့ကြောင်း သိရပါသည်။

DOCA(ဧရာဝတီ)