သတင်းနှင့် လှုပ်ရှားမှုများ

     ၁၂.၅.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ရပ်ကွက်အုပ်ချုပ်ရေးမှူးတို့နှင့် ပူးပေါင်း၍ မော်လမြိုင်မြို့နယ်၊ ကတိုးကျေးရွာရှိ ရွိုင်ရယ်အမ်အက်စ်သောက်ရေသန့်စက်ရုံသို့ သွားရောက်၍ ကုန်အညွှန်း အမှတ်အသားပြည့်စုံစွာ ဖော်ပြထားမှု ရှိ/မရှိ ကွင်းဆင်းစစ်ဆေးခဲ့ကြောင်း သိရှိရပါသည်။

      ထိုသို့ ကွင်းဆင်းစစ်ဆေးခဲ့ရာ ကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်း ရှိ/မရှိ၊ သက်ဆိုင်ရာ ဌာနများ၏ ထောက်ခံချက် ပါ/မပါနှင့် သက်ဆိုင်ရာ ဌာနများ၏ ညွှန်ကြားချက်များအတိုင်း ဆောင်ရွက်ထားခြင်း ရှိ/မရှိ တို့ကို စစ်ဆေးခဲ့ရာ သက်ဆိုင်ရာဌာနများ၏ ထောက်ခံချက်နှင့် ညွှန်ကြားချက်များအတိုင်း ဆောင်ရွက်ထားသည်ကို စစ်ဆေးတွေ့ရှိကြောင်း သိရှိရပါသည်။

DOCA(မွန်)

၂၈.၃.၂၀၂၅ရက်နေ့ ၊ မွန်းလွဲ ၁၂:၅၁:၀၂ စက္ကန့်အချိန်တွင် မန္တလေးမြေငလျင်စခန်းမှ အရှေ့မြောက်ဘက် (၂၁) ကီလိုမီတာကွာဝေးသော မန္တလေးမြို့၏အရှေ့မြောက်ဘက်ကို ဗဟိုပြု ၍ အင်အားရစ်ချ်တာစကေး (၇.၇) အဆင့်ရှိ အင်အားအလွန်ပြင်းထန်သော မြေငလျင်တစ်ခု လှုပ်ရှား သွားခဲ့ပါသည်။ ၃၁.၃.၂၀၂၅ ရက်နေ့တွင် ပြည်ထောင်စုဝန်ကြီးဦးထွန်းအုံသည် ၄◌င်းငလျင်ဒဏ်ကို ခံစားရသော မန္တလေးမြို့၊ ဝန်ကြီးဌာနအောက်ရှိ ဝန်ထမ်းများအား တွေ့ဆုံ၍ အားပေးစကားပြောကြားခဲ့ပါသည်။ထိုသို့ တွေ့ဆုံရာတွင် ပြည်ထောင်စုဝန်ကြီးက သဘာဝ ဘေးအန္တရာယ်သည် တားဆီး၍မရနို်ငသောကြောင့် ထိန့်လန့်မှုများမဖြစ်ဘဲ အားတင်းရင်ဆိုင် ဖြေရှင်း သွားရမည်ဖြစ်ကြောင်း၊ လတ်တလောလိုအပ်ချက်ဖြစ်သည့် ဆန်၊ ဆီ၊ သောက်သုံးရေ ရရှိရေး ၊ နေရာထိုင်ခင်းအဆင်ပြေမှုရှိစေရေး တတ်နို်ငသမျှ စီစဉ်ဆောင်ရွက်ပေးသွားမည်ဖြစ် ကြောင်းပြောကြားခဲ့ပါသည်။ ထို့နောက် မန္တလေးတိုင်းဒေသကြီးဦးစီးမှူး ဦးဇေယျာဆွေ၊ မန္တလေး တိုင်းဒေသကြီးကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးကော်မတီ၏ အထောက်အကူပြုအဖွဲ့ခေါင်းဆောင် ဦးမင်းမင်းနှင့် စစ်ကိုင်းတိုင်းဒေသကြီးစားသုံးသူရေးရာ ဦးစီးဌာနတာဝန်ခံ ဦးစီးအရာရှိဒေါ်ခင်မြတ်မူတို့က ငလျင်ဒဏ်ကြောင့်ဖြစ်ပေါ်ခဲ့သည့် ထိခိုက် ပျက်စီးဆုံးရှုံးခဲ့သည့် အခြေအနေများနှင့်စပ်လျဉ်း၍ ရှင်းလင်းတင်ပြရာ ပြည်ထောင်စုဝန်ကြီးက လိုအပ်သည်များ ဖြည့်ဆည်းဆောင်ရွက်ပေးခဲ့ပါသည်။ မန္တလေးတိုင်းဒေသကြီးနှင့် စစ်ကိုင်းတိုင်း ဒေသကြီးတို့မှ ငလျင်ဒဏ်ခံစားခဲ့ရသည့် ဝန်ထမ်းတစ်ဦးလျှင် ဆန် (၁၂) ပြည်နှင့် ဆီ (၅၀) ကျပ် သားထောက်ပံ့ပေးအပ်ပြီး ဝန်ထမ်းများအတွက် ထောက်ပံ့ငွေကျပ်သိန်း (၂၀၀) ကို ပေးအပ်ခဲ့ ကြောင်းနှင့် ငလျင်ဒဏ်ကြောင့် အဆောက်အဦများပျက်စီးမှုအခြေအနေများကို မန္တလေးတိုင်း ဒေသကြီးစားသုံးသူရေးရာဦးစီးဌာန ဝန်ထမ်းအိမ်ယာရုံးဝင်းအတွင်း လှည့်လည်ကြည့်ရှုစစ်ဆေးခဲ့ကြောင်း သတင်းရရှိပါသည်။

DOCA(မန္တလေး)

     ၈.၅.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဒု-ဦးစီးမှူး ဦးအောင်ညီညီခန့်သည် မြို့နယ်အထွေထွေအုပ်ချုပ်ရေး ဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မော်လမြိုင်မြို့နယ်အတွင်းရှိ ဆန်ဆိုင်ကြီးများအား ဆန်ဈေးနှုန်းများ မြှင့်တင်ရောင်းချခြင်းအလို့ငှာ သိုလှောင်ခြင်း၊ ဖြန့်ဖြူးရောင်းချခြင်း ရှိ/မရှိ ကွင်းဆင်းစစ်ဆေးခဲ့ပါသည်။

     ထိုသို့ ကွင်းဆင်းစစ်ဆေးရာတွင် မော်လမြိုင်မြို့နယ်အတွင်းရှိ ဆန်ဂိုဒေါင်များနှင့် ဆန်ဆိုင်ကြီးများတွင် ဈေးနှုန်းမြှင့်တင်ရောင်းချရန်အတွက် သိုလှောင်ခြင်း၊ ဖြန့်ဖြူးရောင်းချခြင်း မရှိပါကြောင်း သိရှိရပါသည်။

DOCA(မွန်)

     မွန်ပြည်နယ်၊ မုဒုံမြို့၏ ကျက်သရေဆောင် သမိုင်းဝင်ဆံတော်ရှင် ကန်ကြီးစေတီတော် မြတ်ကြီးတွင် ဗုဒ္ဓဘာသာဝင်တို့၏ အထွဋ်အမြတ်နေ့ဖြစ်သည့် ကဆုန်လပြည့်နေ့၌ ကျင်းပမြဲ ဖြစ်သော ညောင်ရေသွန်းပွဲတော်ကို ၁၁.၅.၂၀၂၅ ရက်နေ့ နံနက်ပိုင်းက စေတီတော် ရင်ပြင် ပေါ်ရှိ ဗောဓိညောင်ပင်၌ ကျင်းပခြင်းအခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများ၊ မြို့နယ်အဆင့် ဌာနဆိုင်ရာတာဝန်ရှိပုဂ္ဂိုလ်များ၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံတို့ တက်ရောက်ခဲ့ကြောင်း သိရှိရသည်။ 

     ရှေးဦးစွာ နမောတဿ သုံးကြိမ်ရွတ်ဆိုကန်တော့၍ ဩဝါဒါစရိယဆရာတော်ကြီးများ ထံမှ ဧည့်ပရိသတ်အပေါင်းတို့က ငါးပါးသီလခံယူဆောက်တည်ကြသည်။ ထို့နောက် ဆရာတော်ကြီးများက အန္တရာယ်ကင်းပရိတ်တရားတော်များ၊ မေတ္တာသုတ် ပရိတ်တရား တော်များ ချီးမြှင့်ပေးပြီး ဆရာတော်ကြီးများအား မုဒုံမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးပြည်သိမ်း၊ စေတီတော်ဂေါပကအဖွဲ့နှင့် တာဝန်ရှိသူများက လှူဖွယ်ဝတ္ထု ပစ္စည်းများ ဆက်ကပ်လှူဒါန်းခဲ့သည်။ ဆက်လက်၍ စေတီတော်အား လက်ယာရစ်ပတ်၍ ဌာနဆိုင်ရာ တာဝန်ရှိသူများ၊ ဘာသာရေးအသင်းအဖွဲ့များ၊ ဒေသခံပြည်သူများက ဗောဓိညောင်ပင်အား ညောင်ရေသွန်းလောင်းခြင်း၊ ညောင်ထောက်ခြင်း၊ ရွှေကြာသင်္ကန်းကပ်လှူခြင်း၊ ပန်း၊ ဆီမီး၊ ရေချမ်းများကပ်လှူပူဇော်ခြင်းတို့ကို အေးချမ်းစွာ ကုသိုလ်ပြု ဆင်နွှဲခဲ့ကြသည်။  

     ညောင်ရေသွန်းပွဲတော်တွင် ပြည်သူအများ စိတ်အေးချမ်းသာစွာ ညောင်ရေသွန်းနိုင် ရေးအတွက် စေတီတော်ဘဏ္ဍာတော်ထိန်းဂေါပကအဖွဲ့၏ စီမံမှုဖြင့် လူမှုကူညီရေးအသင်း ပရဟိတအဖွဲ့ဝင်များက အမွှေးနံ့သာရည် ညောင်ထောက်ဝါးများ လှူဒါန်းခြင်းနှင့် လိုအပ်သည်တို့ကို ကုသိုလ်ပြု ဆောင်ရွက်ခဲ့ကြကြောင်း သိရသည်။

DOCA(မွန်)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံရုံးမှ ဝန်ထမ်း သည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၇.၄.၂၀၂၅) ရက်နေ့ နံနက် (၁၀:၀၀)နာရီက လပွတ္တာမြို့ စိန်ရတုလမ်းရှိ ဦးမျိုးမြင့်မုန့်မျိုးစုံဆိုင်တွင် ရောင်းချနေသော အသင့်စားမုန့်များအား ကုန်ညွှန်းအမှတ်အသားဖော်ပြချက် ပြည့်စုံမှု ရှိ/ မရှိ ကွင်းဆင်းစစ်ဆေးခဲ့ပါသည်။

            ထိုသို့ ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမရုံးမှ ဝန်ထမ်းသည်  စိန်ရတုလမ်းတွင်  ရောင်းချနေသော အသင့်စားမုန့်များတွင် ကုန်ညွန်းအမှတ်အသားဖော်ပြခြင်း ပြည့်စုံမှုရှိ/မရှိစစ်ဆေးခဲ့ပြီး၊ ကုန်မျိုးစုံ ဆိုင်ပိုင်ရှင်များအားစီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းနှင့်စပ်လျဉ်၍ မည်သည့် စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာဘာသာဖြစ်၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များ အနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသား ဖော်ပြချက်၊ ပြည့်စုံမှု ရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွား ပါမည်။

DOCA(ဧရာဝတီ)