သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ သာယာဝတီခရိုင် သာယာဝတီမြို့၌ ခရိုင်ဦးစီးမှူး၏ လမ်းညွှန်မှု ဖြင့် ၁၂.၅.၂၀၂၅ ရက်နေ့နံနက်(၁၀:၀၀)နာရီအချိန်တွင်မြို့မဈေးအတွင်းရှိကုန်စုံဆိုင်များအား ကုန် အညွှန်း အမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသောသတင်းအချက်များ သိရှိစေရန်၊ စားသုံးသူများဘေးအန္တရာယ်ကင်းရှင်းစေရန်၊စိတ်ကျေနပ်မှုရှိစေရန်အတွက်အာမခံချက် ပေးနိုင်သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေးနိုင် စေရေးနှင့် စီးပွားရေး လုပ်ငန်းရှင်များ အနေဖြင့် စားသုံးသူကာကွယ်ရေးဥပဒေအား သိရှိလိုက်နာ ဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက်များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ပဲခူး)

            မအူပင်ခရိုင်၊ ညောင်တုန်းမြို့နယ်အတွင်း အိမ်ဆောက်ပစ္စည်း များ ရောင်းချနေမှု နှင့် လက်ကျန် စာရင်း အခြေအနေများကို စားသုံးသူရေးရာဦးစီးဌာန၊ မြို့နယ်အထွေထွေအူပ်ချုပ်ရေးဦးစီးဌာန၊ မြို့နယ်စည်ပင်သာယာ ရေးအဖွဲ့ တို့နှင့်အတူ ၉-၅-၂၀၂၅ ရက်နေ့က နံနက် ၀၉:၃၀ အချိန်တွင် ကွင်းဆင်းခဲ့ကြောင်း သိရသည်။

            ကွင်းဆင်းစစ်ဆေးရာတွင် ညောင်တုန်းမြို့နယ် စားသုံးသူရေးရာဦးစီးဌာန မြို့နယ်ဦးစီးမှူး ဦးအောင်လွင်က ဘိလပ်မြေအရောင်းဆိုင်(၁၁)ဆိုင်အား ကွင်းဆင်း၍ ရောင်းချနေမှူ လက်ကျန်အခြေ အနေများကို မေးမြန်းခဲ့ကြပြီး ကြံ ယခင်ဈေး ၁၉၅၀၀ ကျပ် ၊ ကြံနီ ၁၉၅၀၀ကျပ်၊ အာယ်ဖာ ၁၉၅၀၀ ကျပ်၊ ယနေ့ဈေး ၂၀၀၀၀-၂၂၀၀၀ကျပ် ရောင်းချနေကြောင်း သိရှိရပြီး ရန်ကုန်မှ ပစ္စည်းး မှာယူရန် ခက်ခဲသောကြောင့် ရန်ကုန်ပစ္စည်း မှာယူရရှိပါက သင့်တင့်မျှတသော ဈေးဖြင့်သာရောင်းချသွားမည်ဖြစ်ပြီး ဈေးကွက်အတွင်း ပစ္စည်းလက်ကျန်အနည်းငယ်သာ ရှိကြောင်း စစ်ဆေးတွေ့ရှိရပါသည်။

DOCA(ဧရာဝတီ)

   ၉-၅-၂၀၂၅ ရက်နေ့၊ နံနက် (၁၁:၀၀) နာရီအချိန်တွင် စားသုံးသူရေးရာဦးစီးဌာန၊ မြို့နယ်စည်ပင်သာယာရေးတို့နှင့်ပူးပေါင်း၍ မအူပင်မြို့ ရပ်ကွက်(၁)နှင့်မြို့မဈေးအတွင်းရှိ ဆန်ဆိုင်များအား၊ ရပ်ကွက် ၂နှင့် ၃လမ်းဈေးအတွင်း ဆန်ဆိုင်များ ဆန်သိုလှောင်ထားရှိမှု၊ ဆန်လက်ကျန်အခြေ အနေနှင့်သင့်တင့်မျှတ သောဈေးနှုန်းများဖြင့် ရောင်းချနိုင်ရေးအတွက် ကွင်းဆင်းစစ်ဆေးခြင်း ဆောင် ရွက်ခဲ့ပါသည်။

   ထိုသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ရာတွင် မအူပင်မြို့နယ်အတွင်းရှိ ဆန်ဆိုင်များတွင် ဧည့်မထ(ဒေသဆန်)၊ ဖျာပုံပေါ်ဆန်း၊ ပုသိမ်ပေါ်ဆန်း၊ များကို အဓိကရောင်းဝယ်မှုပြုကြသည်ကိုတွေ့ရှိရပါသည်။ ထို့နောက် စစ်ဆေးရေးမှူး များမှ ဆန်ဆိုင်ပိုင်ရှင်များအား သင့်တင့်မျှတသောဈေးနှုန်းများဖြင့် ရောင်းဝယ်မှုပြု ကြရန်၊ ဈေးကစား ရန်အလို့ငှာ သိုလှောင်ခြင်းများမပြုကြရန်၊ မှတ်ပုံတင်ရန်ကျန်ရှိသော ဆန်တန်ချိန်(၂၅)ဆံ့သို လှောင်ရုံများအား MyRoတွင် မှတ်ပုံတင်ပြီးပါက သက်တမ်းတိုးလုပ်ငန်းများကို ထပ်မံဆောင်ရွက်နိုင်ရန်၊ ဆန်/စပါးသိုလှောင်ထားရှိပါက ရထုတ်ကျန်စာရင်းများကို ဖြည့်သွင်းဆောင်ရွက်ရန်ကိုလည်းကောင်း အသိပေးခဲ့ပြီး  သင့်တင့်မျှတသော ဈေးနှုန်းဈေးကွက် ထုတ်ပြန် ချက်များကို လိုက်နာဆောင်ရွက်ရန် အသိပညာ ပေး ကွင်းဆင်းစစ်ဆေးခြင်းများ ဆောင်ရွက်ခဲ့ပါ သည်။

DOCA(ဧရာဝတီ)

          ၉-၅-၂၀၂၅ ရက်နေ့ နံနက် (၀၉၃၀) က ပန်းတနော်မြို့နယ်အတွင်း ဘိလပ်မြေအရောင်းဆိုင်များ ဈေးကွက် ဈေးနှုန်းနှင့် ပစ္စည်းလက်ကျန်အခြေအနေများ စားသုံးသူများ လုပ်ငန်းလိုအပ်ချက်အရ အဆင်ပြေစွာ ဝယ်ယူနိုင် ရေးအတွက် ဌာန၏ လမ်းညွှန်ချက်အရ မြေပြင်ရောင်းချနေမှု အခြေအနေများကို ကွင်းဆင်းစစ်ဆေးခဲ့ကြောင်း သိရသည်။

           ကွင်းဆင်းစစ်ဆေးရာတွင် ပန်းတနော်မြို့နယ်တာဝန်ခံ ဦးအောင်ကျော်သက်နှင့်  မြို့နယ်စည်ပင်သာ ယာရေး အဖွဲ့နှင့်အတူ စားသုံးသူများ ဘေးကင်းလုံခြုံစိတ်ချစွာ အသုံးပြုနိုင်ရေးနှင့် ဈေးနှုန်းတည်ငြိမ်စွာ အလွယ်တကူ ဝယ်ယူရရှိနိုင်ရေးကိုလည်းကောင်း၊  ပန်းတနော် အနောက်ပိုင်းရပ်ကွက်၊ အရှေ့ပိုင်းရပ်ကွက်၊ များရှိ ဘိလပ်မြေ အရောင်း ဆိုင်များတွင် ဘိလပ်မြေဈေးနှုန်း ဈေးကွက်အခြေ အနေ များ၊ ပစ္စည်း ပြတ်လပ်မှုရှိ/မရှိ၊ မြေပြင် လက်ကျန်အခြေ အနေတို့ အား ကွင်းဆင်းလေ့လာမေးမြန်းခြင်းများ ဆောင်ရွက်ခဲ့ ကြောင်း သိရှိရ ပါသည်။

          ဈေးကွက်အတွင်းတွင် Alpha ,ကြံ့, ဆင်မင်း ၃မျိုးသာ ရန်ကုန်မှ ဝယ်ယူရောင်းချပြီး ပစ္စည်းလက်ကျန် အနည်းငယ်သာရှိကြောင်း ယခင်ဈေး Alpha ၂၁၀၀၀/- ကြံ့ ၂၀၅၀၀ကျပ်၊ ဆင်မင်း ၂၁၀၀၀ကျပ်ဖြင့်ရောင်းချခဲ့ပြီး ဧပြီလက ဈေး ၅၀၀၀ကျပ်မြှင့်တက်သွားကြောင်း တွေ့ရှိရပြီး၊ ရန်ကုန်မှ ပစ္စည်းမှာယူ၍ မရရှိကြောင်း သိရပြီး ယခု မေလတွင် ဘိလပ်မြေဈေးနှုန်း တည်ငြိမ်လျက် ရောင်းချနေကြောင်း သိရသည်။

DOCA(ဧရာဝတီ)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တာဝန်ခံရုံးအနေဖြင့် တိုင်းဒေသကြီးဦးစီးမှူးရုံးနှင့် ခရိုင်ဦးစီးမှူးရုံး၏ လမ်းညွှန်မှု၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်အတူ  ဓနုဖြူမြို့နယ်တာဝန်ခံ သည် ၉-၅-၂၀၂၅ ရက်နေ့ နံနက်(၀၉း၃၀)နာရီအချိန်တွင်  ဓနုဖြူမြို့ပေါ်ရပ်ကွက်များရှိ အိမ်ဆောက်ပစ္စည်း အရောင်းဆိုင် (၁၂)ဆိုင်သို့ သွားရောက် ကွင်းဆင်းစစ်ဆေးခြင်းဆောင်ရွက်ခဲ့ပါသည်။

         ထိုသို့ကွင်းဆင်းစစ်ဆေးရာ မြို့နယ်အတွင်းရောင်းချနေသော ဘိလပ်မြေအရောင်းဆိုင်များ တွင်   ဘိလပ်မြေဝယ်ယူ ရရှိမှုအခြေအနေ၊ ဘိလပ်မြေအမျိုးအစားများ၊ တစ်အိတ်ချင်းစီ၏ တစ်အိတ်ဈေးနှုန်း၊ ပစ္စည်းပြတ်လပ်မှုရှိ/မရှိ ကုန်ပစ္စည်းလက်ကျန်အခြေအနေများကိုမေးမြန်းခဲ့ရာ ဆိုင်ရှင်များမှ ဈေးကွက်အနေဖြင့် ဓနုဖြူမြို့နယ် အတွင်း ဖြန့်ဖြူးရောင်းချပေးလျက်ရှိကြောင်း၊ ဈေးနှုန်းအနေဖြင့် အတက်အကျပေါ်မူတည်၍ ရောင်းချပေးလျက်ရှိကြောင်းနှင့် ဘိလပ်မြေဆိုင်များတွင် ပစ္စည်းပြတ်လပ်မှုမရှိကြောင်း၊ ကုန်ပစ္စည်းလက် ကျန်ရှိကြောင်း၊ မတ်လ ဈေးနှုန်းနှင့်နှိုင်းယှဉ်ပါက ယခု ဧပြီလ က  ငွေကျပ် ၃၀၀၀/-နှုန်း မြင့်တက်လာပြီး ပစ္စည်းများကို ရန်ကုန်မှ မှာယူရောင်းချပြီး ရန်ကုန်ဈေးပေါ်မူတည်၍ ယခုလ မေလတွင် ဘိလပ်မြေ ဈေးနှုန်းများကို သင့်တင်မျှတသော ဈေးဖြင့် ရောင်းချပေးလျှက်ရှိကြောင်း လုပ်ငန်းရှင်များထံမှ သိရသည်။

DOCA(ဧရာဝတီ)