သတင်းနှင့် လှုပ်ရှားမှုများ

    မြိတ်ခရိုင်စားသုံးသူရေးရာဦးစီးဌာနမှ ခေတ္တခရိုင်ဦးစီးမှူးနှင့် ဝန်ထမ်းများသည် ၂၀၂၄ခုနှစ်၊ အောက်တိုဘာလ(၂၁) ရက်နေ့၊ နံနက်(၁၀း၀၀)အချိန်တွင် မြိတ်မြို့၊ ကမ်းနားလမ်း သာကေတရပ်ရှိ Shopping Center တွင် ရောင်းချနေသော ဟင်းချိုမှုန့်အမျိုးမျိုးတို့တွင် ကုန်အညွှန်းအမှတ်သားဖော်ပြပါရှိမှုအား ကွင်းဆင်းစစ်ဆေးခဲ့ကြောင်း သတင်းရရှိပါသည်။

   ကွင်းဆင်းစစ်ဆေးရာတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြပါရှိမှုရှိ/မရှိ စစ်ဆေးခြင်း၊ စျေးကွက်အတွင်း စားသုံးသူများအတွက် သုံးစွဲရန်အာမခံချက်ရှိသောကုန်စည်များ ရောင်းချရန်နှင့် သက်တမ်းလွန်စားသောက်ကုန်များ ရောင်းချခြင်းမပြုရန်ပြောကြားခဲ့ကြောင်း သတင်းရရှိခဲ့ပါသည်။

DOCA(တနင်္သာရီ)

   တနင်္သာရီတိုင်းဒေသကြီး၊ မြိတ်မြို့တွင် ခရိုင်စီမံအုပ်ချုပ်ရေးအဖွဲ့၏ ဦးဆောင်မှုဖြင့် စားသုံးသူရေးရာဦးစီးဌာနနှင့်အတူ ဌာနဆိုင်ရာများပူးပေါင်း၍ ၂၀၂၄ခုနှစ်၊ အောက်တိုဘာလ(၂၁)ရက်နေ့၊ နံနက် (၀၇း၀၀)နာရီအချိန်တွင် မြိတ်မြို့၊ ကန်ဖျားရပ်ကွက်ရှိ မြန့်မာ့စီးပွားရေးဘဏ်ရှေ့တွင် ပင်စင်လာရောက်ထုတ်ယူသော အငြိမ်းစားဝန်ထမ်းများအား စျေးနှုန်းသက်သာစွာဖြင့် ဝယ်ယူနိုင်ရေး အခြေခံစားသောက်ကုန်များ ရောင်းချပေးခြင်းနှင့် ကျန်းမာရေးစောင့်ရှောက်ပေးခြင်းများ ဆောင်ရွက်ခဲ့ကြောင်း သိရှိရပါသည်။

  အခြေခံစားသောက်ကုန်များရောင်းချရာတွင် ဆန်၊ဆီ၊ ကြက်ဥ၊ ဆား၊ ချဉ်ပေါင်ရွက်၊ ကြက် သွန်နီ၊ ပဲခြမ်း၊ ငရုတ်သီးမုန့်၊ မန်ကျည်းသီးတို့ပါဝင်ပြီး ကျန်းမာရေးဦးစီးဌာနမှ အငြိမ်းစား ဝန်ထမ်းများကို အခမဲ့ကျန်းမာရေးစောင့်ရှောက်ပေးခြင်းများဆောင်ရွက်ခဲ့ကြောင်း သတင်းရရှိပါသည်။

DOCA(တနင်္သာရီ)

           မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှဝန်ထမ်းများသည် (၁၁.၁၀.၂၀၂၄)ရက်နေ့၊ နံနက်(၀၉း၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာနတို့နှင့် ပူးပေါင်း၍ သရက်မြို့ပေါ်ရှိ ဆေးဆိုင်များတွင် ဆေးနှင့်ဆေးဝါးပစ္စည်းများ ဈေးနှုန်းအဆမတန်မြှင့်တင်ရောင်းချမှုမရှိစေရေး၊ သက်တမ်းလွန်ဆေးဝါးများရောင်းချမှုမရှိစေရေး၊ တရားမဝင်ဆေးဝါးများရောင်းချမှုမရှိစေရေး၊ ဆေးဝါးပြတ်လပ်မှုရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

            ဆေးဆိုင်များတွင် တရားမဝင်ဆေးဝါးများနှင့် သက်တမ်းလွန်ဆေးဝါးများ ရောင်းချခြင်းမရှိကြောင်း စစ်ဆေးတွေ့ရှိရပြီး သရက်မြို့နယ်တာဝန်ခံမှ မြန်မာဘာသာဖြင့် ဖော်ပြပါရှိသောကုန်စည်များသာရောင်းချရန်၊ ထုတ်လုပ်သည့်ရက်စွဲ၊ သက်တမ်းလွန်ရက်စွဲများကို အလေးထားကြည့်ရှု့ရောင်းချရန်၊ တရားမဝင်ဆေးဝါးများကို ဈေးကွက်အတွင်းတင်သွင်းရောင်းချခြင်း မပြုရန်နှင့် ဈေးနှုန်းအဆမတန် မြှင့်တင်ရောင်းချမှုမရှိစေရေး၊ ကျန်းမာရေးဦးစီးဌာနမှ ဆေးနှင့်ဆေးပစ္စည်းများ သန့်ရှင်းသပ်ရပ်စွာ ထားသိုသိမ်းဆည်းရန်၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာနမှ ဆေးဆိုင်အခန်းအပူချိန်အတွက် သာမိုမီတာများထားရှိရန်နှင့် ဆေးဆိုင်လိုင်စင်များအားစစ်ဆေးခြင်း၊ အထွေထွေအုပ်ချုပ်ရေးဦးစီးဌာနမှ တရားမဝင်ဆေးဝါးများရောင်းချခြင်းမပြုရန် အသိပညာပေးပြောကြားခဲ့ကြောင်း သိရှိရပါသည်။

 DOCA(မကွေး)

           မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဝန်ထမ်းများသည် (၁၀.၁၀.၂၀၂၄)ရက်နေ့၊ နံနက်(၁၀း၀၀)နာရီအချိန်တွင် မိတ်ဖက်ဌာနများဖြစ်သည့် အထွေထွေအုပ်ချုပ်ရေးဦးစီးဌာန၊ ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်ဌာနတို့နှင့်ပူးပေါင်း၍ သရက်မြို့၊ မြို့မစည်ပင်သာယာဈေးအတွင်းရှိ ကုန်စုံဆိုင်များတွင် အဖွားလက်ရာအမှတ်တံဆိပ်ဖြင့် ထုတ်လုပ်ထားသော အသားဟင်း၊ ငါးဟင်းဆီသွပ်ဗူးများရောင်းချခြင်းရှိ/ မရှိအား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

              ကုန်စုံဆိုင်ရှင်များအား ကုန်စည်များတွင် ဖော်ပြပါရှိသော ကုန်အညွှန်းအမှတ်အသားများသည် စားသုံးသူများနားလည်လွယ်သည့် ကုန်အညွှန်းအမှတ်အသားများဖော်ပြပါရှိရမည်ဖြစ်ပြီး စားသုံးသူကာကွယ်ရေး ဥပဒေ အခန်း(၁၈)ပါ ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ကြောင်းနှင့် စီးပွားရေးလုပ်ငန်းရှင်များ၏ တာဝန်များနှင့် ပြစ်မှုပြစ်ဒဏ်များအကြောင်း ဆိုင်ရှင်များအား အသေးစိတ်ရှင်းလင်းပြောကြား၍ အသိပညာပေးဆွေးနွေးခဲ့ပြီး ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်ခဲ့ရာ ဈေးကွက်အတွင်း ရောင်းချခြင်းမရှိကြောင်း တွေ့ရှိရပါသည်။

DOCA(မကွေး)

             ဧရာဝတီတိုင်းဒေသကြီး၊ ဟင်္သာတခရိုင်တွင် ဟင်္သာတမြို့နယ်နှင့် ဇလွန်မြို့နယ်ရှိ Gasifier  အသုံးပြုလည်ပတ်နေသော ဆန်စက်များအား ညွှန်ကြားချက်များနှင့်အညီ လိုက်နာသုံးစွဲမှု အခြေအနေများအား ကွင်းဆင်းစစ်ဆေးခြင်းကို ( ၁၅.၁၀.၂၀၂၄) နေ့တွင် ဆောင်ရွက်ခဲ့ပါသည်။ ထိုသို့စစ်ဆေးခြင်းကို စက်မှုကြီးကြပ်ရေးနှင့် စစ်ဆေးရေးဦးစီးဌာနမှ တိုင်းဒေသကြီးဦးစီးမှူး ညွှန်ကြားရေးမှူး ဦးရဲမြင့်ဦးဆောင်၍ ပတ်ဝန်းကျင်ထိန်းသိမ်းရေးဦးစီးဌာနမှ ဟင်္သာတခရိုင်ဦးစီးမှူး ဦးကျော်စွာဝင်း၊ စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးမောင်မောင်မြတ်ခိုင်တို့ ပါဝင်သောအဖွဲ့သည် ဟင်္သာတစက်မှုဇုန်ရှိ Gasifier အသုံးပြုဆန်စက် (၃) စက်၊ ဒူးယားမြို့ရှိ Gasifier အသုံးပြုဆန်စက် (၃) စက်၊ ဇလွန်မြို့နယ်ရှိ Gasifier အသုံးပြုဆန်စက် (၁) စက်တို့အား ကွင်းဆင်းစစ်ဆေးခဲ့ကြပါသည်။

         အဆိုပါ ဆန်စက်များတွင် အသုံးပြုနေသော Gasifier များရေဆိုးစွန့်ပစ်ရာတွင် လိုက်နာဆောင်ရွက်ရမည့် ရေစစ်ကန် ၃ကန် ပြုလုပ်ထားရှိမှု၊ ရေစစ်ကန်များတွင် အဆင့်လိုက် အသုံးပြုရမည့် အုတ်ခဲကျိုး၊ ကျောက်စရစ်၊ မီးသွေးတို့ကို အဆင့်ဆင့်ဖြတ်သန်းပြီးမှ ပတ်ဝန်းကျင်သို့ စွန့်ထုတ်စေမှုအခြေအနေများအားစစ်ဆေးခဲ့ပြီး၊ ရေစစ်ရာတွင်အသုံးပြုသော အုတ်ခဲကျိုး၊ ကျောက်စရစ်၊ မီးသွေးတို့ကို လဲလှယ်အသုံးပြုရန်နှင့် ရေဆိုးများကို ညွှန်ကြာချက်များနှင့်အညီလိုက်နာ၍ စနစ်တကျစစ်ထုတ်ပြီးသောရေများကိုသာ စွန့်ထုတ်စေရေးတို့ကို စိစစ်လမ်းညွှန်ခဲ့ကြောင်း သိရှိရပါသည်။

DOCA(ဧရာဝတီ)