သတင်းနှင့် လှုပ်ရှားမှုများ

        စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ  ဒေါ်သိင်္ဂီဇံ(အကြီးတန်းစာရေး)နှင့် ဝန်ထမ်းများသည် ၂.၁၂.၂၀၂၅ ရက်နေ့၊ နံနက်(၁၂:၀၀)နာရီအချိန်တွင် မင်္ဂလာတောင် ညွန့်မြို့နယ်ရှိ One Stop Mart များတွင် အသင့်စားစားသောက်ကုန်ပစ္စည်းများတွင် ကုန်အညွှန်း အမှတ်အသားများပြည့်စုံစွာပါဝင်ခြင်းရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

         ထိုသို့ကွင်းဆင်းစစ်ဆေးဆောင်ရွက်ရာတွင် One Stop Mart များတွင် ရောင်းချနေသော အသင့်စားစားသောက်ကုန်ပစ္စည်းများတွင် အမျိုးအမည်၊ အသားတင်ပမာဏ၊ ကြိုတင်သတိပေးချက်၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်စသည့် ကုန်အညွှန်းအမှတ် အသားများ ဖော်ပြထားသည်ကို စစ်ဆေးတွေ့ရှိရပြီး စားသုံးသူပြည်သူများ ဘေးအန္တာရာယ်ကင်း ဝေးစေရေးအတွက် ကုန်အညွှန်းအမှတ်မပြည့်စုံသောကုန်ပစ္စည်းများအား ဈေးကွက်အတွင်း ရောင်းချခြင်းမပြုရန် အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင် ဦးစီးမှူး၏ကြီးကြပ်မှုဖြင့် ပခုက္ကူခရိုင်ဦးစီးမှူးရုံးရှိ စစ်ဆေးရေးအရာရှိ ဒေါ်နွယ်နွယ်အေးနှင့် ဝန်ထမ်း များသည် ဦးစားပေး ကုန်စည်(၁၀)မျိုးမှ အသင့်စားမုန့်အမျိုးမျိုးအား ကုန်အညွှန်းအမှတ်အသား ပြီးပြည့်စုံပြီး ဘေးအန္တရာယ်ကင်းရှင်းစေရန် ရည်ရွယ်၍ (၂.၁၂.၂၀၂၅) ရက်နေ့၊ နံနက်(၁၁:၀၀) အချိန်တွင် ပခုက္ကူမြို့၊ အမှတ်(၇)အခြေခံပညာမူလတန်းကျောင်းရှိ မုန့်ဈေးတန်းရောင်းချသည့်ဆိုင်များသို့ သွားရောက်၍ ဈေးကွက်စောင့်ကြည့် စစ်ဆေးခဲ့ပါသည်။

   ထိုသို့ စစ်ဆေးရာတွင် အသင့်စားမုန့်အမျိုးမျိုးအား ရောင်းချနေသည့် လုပ်ငန်းရှင်များအား ကုန်စည်များတွင် ကုန်အညွှန်းအမှတ်အသားနှင့် စပ်လျဉ်း၍ မြန်မာဘာသာဖြင့် ဖော်ပြထားခြင်း ရှိ/မရှိနှင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြထားရှိသော ကုန်စည်များကိုသာ ရောင်းချရန်နှင့် သက်တမ်းလွန် ကုန်စည်များကို ရောင်းချခြင်းမပြုရန်၊ အသုပ်မျိုးစုံ ရောင်းချရာတွင် သန့်ရှင်းမှုရှိရန်၊ ငရုပ်ချဉ်အနှစ်များ ပြုလုပ်ရာတွင် ခွင့်မပြုဆိုးဆေးများ မသုံးစွဲရန်နှင့်  ငရုပ်သီးမှ မှိုဆိပ်ပါနိုင်၍ သတိပြုရောင်းချစေလို ကြောင်း ဈေးကွက်စောင့်ကြည့်စစ်ဆေးခဲ့ပြီး အသိပညာပေး လက်ကမ်းစာစောင်များ ဖြန့်ဝေခဲ့ ကြောင်း သိရှိရပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး လမ်းညွှန်မှု၊ ပခုက္ကူ ခရိုင်ဦးစီးမှူး၏ ကြီးကြပ်မှုဖြင့် (၄.၁၂.၂၀၂၅)ရက်နေ့၊ နံနက်(၀၉:၀၀)နာရီအချိန်တွင် ပခုက္ကူမြို့၊ အမှတ်(၁၁)ရပ်ကွက်ရှိ အမှတ်(၁၅၀)အခြေခံပညာမူလတန်းကျောင်း၌ စားသုံးသူကာကွယ်ရေး အသိ ပညာပေးဟောပြောပွ ပြုလုပ်ခဲ့ရာ ကျောင်းသား၊ ကျောင်းသူ (၁၅၆) ဦးနှင့် ဆရာ၊ ဆရာမ (၁၁) ဦး စုစုပေါင်း (၁၆၇) ဦးတို့ တက်ရောက်ခဲ့ကြောင်း သိရသည်။

   အဆိုပါ ဟောပြောပွဲတွင် ကျောင်းအုပ်ဆရာမကြီးက ကြိုဆိုနှုတ်ခွန်းဆက်စကား ပြောကြား ခဲ့ပြီး ဒု-ခရိုင်ဦးစီးမှူး ဒေါ်ကြည်ကြည်စိုးက ဌာန၏သမိုင်းကြောင်း၊ ဌာနမှဆောင်ရွက်နေသည့် လုပ်ငန်းများအကြောင်း၊ နစ်နာဆုံးရှုံးမှုရှိခဲ့လျှင်တိုင်ကြားနိုင်ရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ “CICC” ရုံးများ ဖွင့်လှစ်ထားရှိပြီးဖြစ်၍ တိုင်ကြား နိုင်ကြောင်းနှင့် တိုင်းကြားနိုင်သူများအကြောင်း ကိုလည်းကောင်း၊ ဒုတိယဦးစီးမှူး ဒေါ်ပပရွှေက စားသုံးသူကာကွယ်ရေး ဥပဒေ၊ အခန်း(၉)ပါ စားသုံးသူများရရှိသည့်အခွင့်အရေး (၈)ချက်နှင့် စားသုံးသူများ လိုက်နာရမည့် တာဝန် (၄) ချက်ကိုလည်းကောင်း၊ အကြီးတန်းစာရေး ဒေါ်ခိုင်ဇင်ကျော် က စားသုံးသူကာကွယ်ရေး အခန်း(၁၈)ပါ ကုန်အညွှန်းအမှတ်အသားများတွင် ထည့်သွင်းဖော်ပြရမည့် အချက် (၈) ချက်ကို လည်းကောင်း ဟောပြောဆွေးနွေးခဲ့ပြီး  လက်ကမ်းစာစောင်များ ဖြန့်ဝေခဲ့ ကြောင်း သိရှိရပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ အငယ်တန်းစာရေး ဒေါ်သန္တာခင်သည်  စားသုံး သူကာကွယ်ရေးလုပ်ငန်းများ ဆောင်ရွက်ရာတွင် စားသုံးသူပြည်သူများ၊ စီးပွားရေး လုပ်ငန်းရှင် များအနေဖြင့် စားသုံးသူကာကွယ်ရေး နှင့်စပ်လျဉ်းသည့် သတင်းအချက် အလက်များ၊ စားသုံးသူရေးရာ ကိစ္စရပ်များနှင့် စပ်လျဉ်း၍ စုံစမ်းမေးမြန်းရန်၊ တိုင်ကြားနိုင်ရန်နှင့် သိရှိလိုသည် များကို Consumer Call Center (1535)သို့ ရုံးဖွင့်ရက်၊ ရုံးချိန်အတွင်းမှာ ခေါ်ဆိုမေးမြန်းနိုင်ကြောင်း၊ အသိပညာပေးလျက် ရှိသည့်အပေါ် (၃.၁၂.၂၀၂၅)ရက်နေ့၊ နံနက်(၁၀:၄၅)အချိန်တွင် ပခုက္ကူမြို့၊ အမှတ် (၈)အခြေခံမူလတန်း ရွှေကူကျောင်း၌  Grade-3 သင်ကြားသော ဆရာမ ဒေါ်စန္ဒီဝင်း မှ Consumer Call Center (1535) လိုင်းခွဲ(၁)သို့ ဖုန်းခေါ်ဆို၍ ကုန်အညွှန်းအမှတ်အသားဖော်ပြချက်များနှင့်စပ်လျဉ်း၍ မေးမြန်းခဲ့ရာ တာဝန်ရှိသူများက ပြန်လည် ရှင်းလင်းဖြေကြားခဲ့ကြောင်း သိရှိရပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၊ ခရိုင်ဦးစီးမှူးတို့၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဝန်ထမ်းများအဖွဲ့သည် (၃.၁၂.၂၀၂၅)ရက်နေ့၊ နံနက်(၀၉:၃၀) အချိန်တွင် ပခုက္ကူမြို့၊ အမှတ် (၉၈)အခြေခံပညာမူလတန်းလွန်ကျောင်း၌ စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ရာ ဆရာ/ဆရာမ(၇)ဦး၊ ကျောင်းသား/ကျောင်းသူ (၉၅)ဦး တက်ရောက်ခဲ့ကြောင်း သိရသည်။

          အဆိုပါ ဟောပြောပွဲတွင် ပခုက္ကူမြို့နယ်တာဝန်ခံက စားသုံးသူရေးရာဦးစီးဌာန၏ မျှော်မှန်း ချက်၊ ရည်မှန်းချက်များ၊ ဌာနတွင်ဆောင်ရွက်နေသည့် အသိပညာပေးလုပ်ငန်းများအကြောင်းအား လည်းကောင်း၊ စီမံရေးရာဌာနခွဲ(ဝန်ထမ်း)တာဝန်ခံက ကုန်အညွှန်းအမှတ်အသားဆိုင်ရာဖော်ပြချက် အကြောင်း ကိုလည်းကောင်း၊ စီမံရေးရာဌာနခွဲမှ ဝန်ထမ်းတစ်ဦးက စားသုံးသူအခွင့်အရေးများနှင့် လိုက်နာရမည့် တာဝန်များအကြောင်းနှင့် နစ်နာဆုံးရှုံးမှုများအတွက် “စားသုံးသူသတင်း ပြန်ကြားရေးနှင့် တိုင်ကြားမှု လက်ခံဆောင် ရွက်ရေးစင်တာ(CICC)” ရုံးများဖွင့်လှစ်ထားကြောင်း၊ Consumer Call Center ဖုန်းနံပါတ်(1535)သို့ ခေါ်ဆို တိုင်ကြားနိုင်ကြောင်း၊ တိုင်ကြားနိုင်သည့် ပုဂ္ဂိုလ်များနှင့် နေရာများအား အသေးစိတ်ဟောပြောခဲ့ပြီး ကျောင်းသား/ကျောင်းသူများအား Call Center ခေါ်ဆိုမှု လက်တွေ့ဆောင်ရွက်ခဲ့ပြီး  လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(မကွေး)