သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၃၀.၉.၂၀၂၅)ရက်နေ့  နေ့လည် (၁၃:၀၀) နာရီအချိန်တွင် ဟင်္သာတမြို့နယ်၊ ဆင်းဧကရီလမ်း၊ ဥယျာဉ်မြောက်ရပ်ကွက်ရှိ Online စနစ်ဖြင့် ရောင်းချလျက်ရှိသော “တိုးဟေမာန်” ကလေးအသုံးအဆောင်ပစ္စည်း အရောင်းဆိုင်သို့ မြေပြင်တွင်ရောင်းချသောကုန်ပစ္စည်းနှင့် မှတ်ပုံတင်ထားသောကုန်ပစ္စည်းကိုက်ညီမှုရှိ/မရှိ ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

  ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးမိုးကျော်မှ Online စနစ်ဖြင့်ရောင်းချနေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့်စပ်လျဉ်း၍ မြေပြင်ကွင်းဆင်းဆောင် ရွက် ရာတွင် လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ် ကယ် တည်ရှိခြင်း ရှိ/မရှိ ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ် ရောင်းချနေသော စာရင်းကိုက်ညီမှု ရှိ/မရှိ တို့ကို စစ်ဆေးခဲ့ပြီး၊ မှတ်ပုံတင်လက်မှတ်ရရှိသူ၏ တာဝန်ဖောက်ဖျက် မှု ရှိ/မရှိ  စားသုံးသူကာကွယ်ရေးဥပ‌ဒေပါ ကုန်စည်ပေါ်တွင်ဖော်ပြပါရှိရမည့် ကုန်အညွှန်းအမှတ်အသားဖော်ပြမှု တို့ကိုစိစစ်ခဲ့ပြီး၊ လုပ်ငန်းရှင် ဒေါ်စိုးယုမော်နှင့်တွေ့ဆုံ၍ စီးပွားရေးလုပ်ငန်းရှင်၏တာဝန်များအကြောင်း အသိပညာပေး ပြောကြားခဲ့ကြောင်း သိရှိရပါသည်။

DOCA (ဧရာဝတီ)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်ရှိ ကြက်ဥ၊ ဘဲဥ လက်လီလက်ကား အရောင်းဆိုင်များသို့ အောက်တိုဘာလ(၂)ရက်နေ့၊ နံနက်(၀၉:၀၀)နာရီအချိန်တွင် ပူးပေါင်းအဖွဲ့ဖြင့် ကြက်ဥ၊ ဘဲဥ ဈေးကွက်စောင့်ကြည့် ကွင်းဆင်း စစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့်ဝန်ထမ်းများ မြို့နယ်စည်ပင်သာယာရေးအဖွဲ့မှ ဌာနခွဲစာရေး ဒေါ်သဲစုရီနှင့်ဝန်ထမ်း များ ပူးပေါင်းအဖွဲ့ဖြင့် မြို့နယ်စည်ပင်သာယာမြို့မဈေး အတွင်း/အပြင်ရှိ ဒေါ်ချို၊ ဒေါ်စုကြည်၊ ဒေါ်မိုးခိုင်၊ ဒေါ်သန္တာအေး ကြက်ဥ၊ ဘဲဥ လက်လီလက်ကား ဖြန့်ဖြူးရောင်းချလျက်ရှိသော ဆိုင်ပိုင်ရှင်စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားသောက်ကုန်ပစ္စည်း ကြက်ဥ၊ ဘဲဥ ဈေးနှုန်းများ အဆမတန်မြှင့်တင်ရောင်းချခြင်းများ မရှိစေရေးရခြင်းဖြစ်ကြောင်း စားသုံးသူ ပြည်သူများ အနေဖြင့်လည်း ကြက်ဥ၊ ဘဲဥများ လက်လီလက်ကား အလွယ်တကူ ဈေးနှုန်းမှန်ကန် စွာဖြင့် ဝယ်ယူရရှိနိုင်စေရေးတို့အတွက် ပြန်လည်ဖြန့်ဖြူးရောင်းချပေးကြရန် အသိပညာပေး ဆွေးနွေးပြောကြားခဲ့ပြီး ကြက်ဥ၊ ဘဲဥများ လက်လီလက်ကားဈေးနှုန်းတို့အား စာရင်းကောက်ယူ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

      သဘာဝပတ်ဝန်းကျင် ထိခိုက်မှုအန္တရာယ်လျော့နည်းလာစေရန် ပလတ်စတစ်သုံးစွဲမှု လျော့ချရေး အသိပညာပေးခြင်းလုပ်ငန်းကို ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့ နယ်တွင် အောက်တိုဘာလ(၁)ရက်နေ့၊ နံနက် (၀၈:၃၀)နာရီအချိန်တွင် စည်ပင်သာယာမြို့မဈေး အတွင်း/အပြင်ရှိ အခြေခံစားသောက်ကုန်ပစ္စည်းများ ထုတ်ပိုးရောင်းချလျက်ရှိသော ဆိုင်များသို့ ကွင်းဆင်းဆောင်ရွက်ခဲ့ကြောင်း သိရသည်။

    ထိုသို့ ကွင်းဆင်းဆောင်ရွက်ရာတွင် ကော့မှူးမြို့နယ် စည်ပင်သာယာရေးအဖွဲ့မှ အမှု ဆောင်အရာရှိ ဦးတင်ထွန်းအောင်နှင့်ဝန်ထမ်းများ၊ မြို့နယ်စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်းနှင့်ဝန်ထမ်းများ ပူးပေါင်း၍ သဘာဝပတ်ဝန်းကျင် ထိခိုက်မှု အန္တရာယ်လျော့ နည်းလာစေရေး၊ ပလတ်စတစ်ပစ္စည်းအမျိုးမျိုးတို့အား အလွန်အကျွံ သုံးစွဲခြင်းများ လျော့ချနိုင် ရေးတို့အတွက် မြို့နယ်စည်ပင်သာယာမြို့မဈေးအတွင်း/အပြင်ရှိ အခြေခံစားသောက်ကုန်ပစ္စည်း များ ဖြန့်ဖြူးရောင်းချပေးလျက်ရှိသော ဈေးရောင်းသူများနှင့် ဈေးဝယ်လာ စားသုံးသူပြည်သူများ အား ပလတ်စတစ်အစားထိုးပစ္စည်းများဖြစ်သော ဒေသထွက် ကြာဖတ်၊ ဌက်ပျောဖတ်၊ အင်ဖတ် နှင့် စက္ကူအိတ်များဖြင့်သာ ထုတ်ပိုးရောင်းချကြရန်နှင့် ဈေးဝယ်လာသူများ အနေဖြင့်လည်း လက်ဆွဲခြင်း၊ ချိုင့်များ ယူဆောင်၍ ဝယ်ယူကြရန် ဈေးဆိုင်ခန်းများ သန့်ရှင်းသပ်ရပ်စေရေး အလေးထား ဆောင်ရွက်ကြရန်၊ ပလတ်စတစ်ပစ္စည်း အမှိုက်များအား စနစ်တကျစွန့်ပစ်ကြရန်နှင့် စားသုံးသူပြည်သူများ အခြေခံစားသောက်ကုန်ပစ္စည်းများ ဝယ်ယူသုံးစွဲရာတွင် ဘေးအန္တရာယ် ကင်းရှင်းစေရေးတို့အတွက် သန့်ရှင်းလတ်ဆက်သော အသီးအရွက်၊ အသား၊ ငါးများကိုသာ ဝယ် ယူဖြန့်ဖြူးရောင်းချပေးကြရန် စားသုံးသူကာကွယ်ရေး အသိပညာပေးဆွေးနွေးပြောကြားခဲ့ပြီး ကွင်းဆင်းဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ခရိုင်ဦးစီးမှူး ဦးဇော်မင်း၊ ဒု-ခရိုင်ဦးစီးမှုး ဦးအောင်ဇော်၊ ညောင်တုန်းမြို့နယ် ဦးစီးမှုး ဦးအောင်လွင်နှင့် အဖွဲ့ဝင်များသည် (၂၆.၉.၂၀၂၅) နေ့တွင် ညောင်တုန်းမြို့နယ်ရှိ Northen Mann Loi Co.Ltd ရှိပြောင်းဆံများ၊ ၂၀၂၄-၂၀၂၅ ဘဏ္ဍာနှစ် တင်ပိုနိုင်မှုအခြေအနေများ၊ ယခုနှစ် ပြောင်းတင်ပို့ရန် ဆောင်ရွက်ထားရှိမှု၊  သိုလှောင်ထားရှိမှုအခြေအနေများ၊  အခြောက်ခံမှုနှင့် တရုတ်နိုင်ငံသို့ တင်ပို့ရောင်းချရာတွင် တရုတ်နိုင်ငံ၏ GACC သတ်မှတ်အရေအသွေး စံချိန်စံညွှန်းများအတိုင်း တင်ပို့ရောင်းချနိုင်ရေး၊ ၂၀၂၅ခုနှစ် စက်တင်ဘာလအထိ ပြောင်းတင်ပိုရန် ဆောင်ရွက်နိုင်မှုအခြေအနေ၊ ယခုရာသီတွင် ပြောင်းတင်ပို့ရန် စီစစဉ်ဆောင်ရွက်မှုအခြေအနေတို့ကို ကုမ္ပဏီတာဝန်ရှိသူများနှင့် တွေ့ဆုံဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံနှင့်ဝန်ထမ်းများသည် (၁.၁၀.၂၀၂၅) ရက်နေ့ ၊နံနက်(၉:၀၀)အချိန်တွင် သက်ဆိုင်ရာဌာနဝန်ထမ်းများနှင့်ပူးပေါင်း၍  လေးမျက်နှာမြို့ ကညင် သောင်အုပ်စု မြစ်ကျိုးရွာရှိ စားအုန်းဆီ လက်လီ၊ လက္ကား အရောင်းဆိုင်များအား  ဈေးနှုန်းမြှင့်တင် ရောင်းချမှု ရှိ/မရှိ၊ စားအုန်းဆီဝယ်ယူခွင့် စာအုပ်များ ဖြင့် ဆီဖြန့်ဖြူး ရောင်းချနေမှုများအား ကွင်းဆင်း စစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာ ပူးပေါင်းအဖွဲ့သည် ဟင်္သာတခရိုင် ဆီထုတ်လက်ကား ကိုယ်စား လှယ်များမှ တစ်ဆင့် ခွဲတမ်းရရှိသော ဆီများအား လေးမျက်နှာမြို့နယ်အတွင်းရှိ  လက်လီကုန်စုံဆိုင် များသို့လည်းကောင်း၊ လက်လီ ကုန်စုံဆိုင်များ မှတဆင့် စားသုံးသူများထံသို့ ဖြန့်ဖြူးရောင်းချလျက်ရှိပြီး ၊ ထိုသို့ရောင်းချ  ရာတွင်လည်း စားအုန်းဆီ သတ်မှတ်ရည်ညွှန်းဈေးအပေါ်တွင် အဆင့်အလိုက်(၂)% အမြတ်ထက် ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံ ဘောက်ချာများထားရှိခြင်း၊ သတ် မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန် ရည်ရွယ် ပြီး သိုလှောင်ထားခြင်းများမရှိကြောင်း သိရှိရပါသည်။ စာအုန်းဆီဝယ်ယူခွင့် စာအုပ်များဖြင့် တစ်ကြိမ် လျှင် တစ်အိမ်ထောင် (၅၀ ကျပ်သား) ရောင်းချပြီး သတ်မှတ်ရည်ညွှန်းဈေး ဖြင့်သာ ရောင်းချလျက်ရှိကြောင်း သိရှိရပါသည်။

DOCA (ဧရာဝတီ)