သတင်းနှင့် လှုပ်ရှားမှုများ

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူး၏ လမ်းညွှန်ချက်၊ ကန့်ဘလူခရိုင်ဦးစီးမှူး၏ကြီးကြပ်မှုတို့ဖြင့် ကျွန်းလှမြို့နယ်တာဝန်ခံသည် (၁၇-၉-၂၀၂၄)ရက်နေ့၊ နံနက် (၀၈း၀၀) နာရီအချိန်တွင် စားသုံးသူပြည်သူများကို စားသုံးသူအခွင့်အရေးနှင့် အကျိုးစီးပွားကာကွယ်ရန်၊ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စားသုံးသူအကာအကွယ်ပေးရေးအသိပညာပေးဟောပြောပွဲများ၊ စီးပွားရေးလုပ်ငန်းရှင်နှင့်တွေ့ဆုံပြီး ဥပဒေ၊ အမိန့်နှင့်ညွှန်ကြားချက်များကိုရှင်းလင်းဆွေးနွေးခြင်းများ၊ ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိသည့်အပြင် ထုတ်ကုန်လုံခြုံစိတ်ချရမှုရှိစေရေး၊ ကုန်အညွှန်းအမှတ်အသားများပြည့်စုံစွာထည့်သွင်းဖော်ပြရေး စားသုံးသူကလေးသူငယ်များ ဘေးအန္တရာယ်ကင်းရှင်းစေရေးတို့အတွက် ကျောင်းမုန့်ဈေးတန်းစစ်ဆေးခြင်းကို ကျွန်းလှမြို့နယ်အတွင်းရှိ ကျောင်းအင်းကျေးရွာ အ.မ.က စာသင်ကျောင်းရှိ မုန့်ဈေးဆိုင်များအား သွားရောက်ကွင်းဆင်းစစ်ဆေးခြင်းများပြုလုပ်ဆောင်ရွက်ခဲ့ပါသည်။

          ထိုသို့စစ်ဆေးရာတွင် စစ်ကိုင်းတိုင်းဒေသကြီး၊ စားသုံးသူရေးရာကော်မတီကသတ်မှတ်ထားသည့် ဦးစားပေးဆောင်ရွက်ရမည့် ကုန်စည်(၁၀)မျိုးထဲမှ အသင့်စားမုန့်အမျိုးမျိုးတို့ကို ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာစိစစ်ဖော်ပြထားခြင်းရှိ/မရှိ၊ သက်တမ်းလွန်ကုန်ပစ္စည်းများရောင်းချခြင်းရှိ/မရှိ စစ်ဆေးဆောင်ရွက်ခဲ့သည့်အပြင် မိမိတို့ စားသုံးသူရေးရာဦးစီးဌာနမှ ဥပဒေနှင့်အညီ ပြဋ္ဌာန်းသတ်မှတ်ထားသော ကုန်အညွှန်းအမှတ်အသားကို မြန်မာဘာသာဖြင့် ပြည့်စုံစွာဖော်ပြထားသည့် စားသောက်ကုန်များကိုသာရောင်းချကြရန်နှင့် ကုန်အညွှန်းအမှတ်အသားကို မြန်မာဘာသာဖြင့် ပြည့်စုံစွာဖော်ပြထားခြင်းမရှိသော စားသောက်ကုန်ပစ္စည်းများကိုမရောင်းချရန် စစ်ဆေးပြောကြားခဲ့ပြီး အမိန့်ကြော်ငြာစာအမှတ်(၂/၂၀၁၉)ကုန်အညွှန်းအမှတ်အသားအသေးစိတ်စိစစ်ချက်များပါရှိသည့် လက်ကမ်းစာစောင်များဖြန့်ဝေပေးခဲ့ကြောင်း သတင်းရရှိခဲ့ပါသည်။

DOCA(စစ်ကိုင်း)       

    ၂၀၂၄ ခုနှစ်၊ စက်တင်ဘာလ ၁၆ ရက်‌နေ့၊ နေ့လယ် (၁၃း၀၀) နာရီအချိန်တွင် တနင်္သာရီတိုင်းဒေသကြီး၊  ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ‌ဆက်ဟိန်းယာဉ်ရပ်နားစခန်းသို့  မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှ စီစဥ်မှုဖြင့် Kaung Hlyan New Asia Co,Ltd   ကုမ္ပဏီမှ တင်ပို့ရောင်းချသည့် စားအုန်းဆီ တစ်ပေပါလျှင် ၁၁၀ ပိဿာပါ စားအုန်းဆီ (၇၈) ပေပါကို ယာဥ်မောင်း ဦးသန်းဌေး၊ ယာဥ်အမှတ် 6E-5304 /HINO အမျိုးအစား မော်တော်ယာဥ်ဖြင့် ရောက်ရှိလာရာ တိုင်းဒေသကြီး စားသုံးသူရေးရာဦးစီးဌာနမှ ဒေါ်အေးအေးလွင် (ဦးစီးအရာရှိ)နှင့် တာဝန်ရှိသူ များက သွားရောက်စစ်ဆေးခဲ့ပြီး အဆိုပါ စားအုန်းဆီ (၇၈) ပေပါအား ကုမ္ပဏီ၏ လက်ကားအရောင်း ကိုယ်စားလှယ်မှတစ်ဆင့် ထားဝယ်မြို့၊ အိုးလုပ်ရက်ကွက်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင်အပါအဝင် အထိုင်ရောင်းချနေသည့် လက်လီဆိုင် ၁၅ ဆိုင်တို့မှသတ်မှတ်ရည်ညွှန်းဈေးအတိုင်း စားသုံးသူပြည်သူများသို့ ခွဲဝေရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

      ၂၀၂၄ ခုနှစ်၊ စက်တင်ဘာလ ၁၂ ရက်နေ့ ညနေ(၁၆:၀၀)နာရီအချိန်တွင် ကော့သောင်းမြို့နယ် ကုန်သည်ကြီးများအသင်း အစည်းအဝေးခန်းမ၌ စားသုံးသူရေးရာဦးစီးဌာန၊ တနင်္သာရီတိုင်းဒေသကြီး တိုင်းဦးစီးမှူး ဦးစိုးဦး သည် ကော့သောင်းခရိုင် ဆီကုန်သည်နှင့်ဆီလုပ်ငန်းရှင်များ အသင်းနှင့် ဆန်စပါးလုပ်ငန်း ရှင်များအသင်းမှ အသင်းသူ/အသင်းသားများနှင့် တွေ့ဆုံဆွေးနွေးခြင်းပြုလုပ်ခဲ့ကြောင်း သိရှိရပါသည်။

      တနင်္သာရီတိုင်းဒေသကြီး တိုင်းဦးစီးမှူးသည် ကော့သောင်းခရိုင် ဆီကုန်သည်နှင့်ဆီလုပ်ငန်းရှင်များအသင်းနှင့် ဆန်စပါးလုပ်ငန်းရှင်များအသင်း တွေ့ဆုံဆွေးနွေးရာတွင် ဆန်နှင့်ဆီ အရေးကြီးသည့် အခြေခံစားသောက်ကုန်ဖြစ်သည့်အတွက် နိုင်ငံတော်မှ ချမှတ်သည့် မူဝါဒတွေ တပြေးညီ ဆောင်ရွက်ရန်၊ အခက် အခဲ့တွေ ဖြေရှင်းဆောင်ရွက်မှသာ ကျော်လွှားနိုင်မည့်ဖြစ်ကြောင်း၊ ပြည်တွင်းဒေသထွက်ကုန်တွေကိုလည်း ပြည်ပပို့ကုန်ဖြစ်အောင် မြှင့်တင်ဆောင်ရွက်ရန်၊ အတ္တနှင့်ပရ မျှအောင် စားသုံးသူလက်ထဲကိုရောက်အောင် ဆောင်ရွက်ရန်၊ မိမိဒေသက ဆန်လိုသည့်ဒေသဖြစ်သည့်အတွက် ရည်ညွှန်းစျေးအပေါ်ထိုက်သည့် စျေးနှုန်းဖြင့် ရောင်းချရန်၊ Win Win System ဖြစ်အောင်ဆောင်ရွက်ရန်၊ တိုင်းဒေသဖွံဖြိုးတိုးတက်အောင် ဆောင်ရွက်ရန်၊ အသင်းအဖွဲ့တွေ အားကောင်းလာဖို့အတွက် အသင်းအဖွဲ့အသစ်ပြန်လည်ဖွဲ့စည်းဆောင်ရွက်ရန်၊ ဆွေးနွေးပြောကြားခဲ့ပြီး၊ အသင်း(၂)သင်း၏ ဥက္ကဌများမှလည်း အသီးသီးအပြန်အလှန်ဆွေးနွေးကြပြီး တွေ့ ဆုံပွဲ အခမ်းအနားကို ညနေ (၁၇:၃၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

    ၁၆.၉.၂၀၂၄ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး၌ စီမံရေးရာဌာနခွဲမှ ဦးစီးမှူး ဦးမင်းနောင်သည် MAB ဘဏ်မှတာဝန်ရှိသူနှင့် တွေ့ဆုံ၍ ဝန်ဆောင်မှုနှင့်ပတ်သက်၍ တွေ့ဆုံဆွေးနွေးခဲ့ကြောင်း သိရှိရပါသည်။

   ထိုသို့ ဆွေးနွေးရာတွင်  စားသုံးသူကာကွယ်ရေးဥပဒေအရ လုပ်ငန်းရှင်သည် စားသုံးသူများအပေါ် ဝန်ဆောင်မှုပေးခြင်းနှင့်ပတ်သက်၍ အချက်အလက်များကို စားသုံးသူသိရှိစေရန် ကြိုတင်အသိပေးခြင်း၊ သတင်းအချက်အလက်များကို မှန်ကန်ပြည့်စုံစွာပေးခြင်း၊ မှန်ကန်သော သတင်းအချက်အလက်နှင့်ပြည့်စုံသော ဝန်ဆောင်မှုအဆင့်အတန်းနှင့်အညီ ပြည့်ဝစွာပေးခြင်း၊ ဝန်ဆောင်မှုနှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများစသည်တို့ကို အသေးစိတ်ရှင်းလင်း ဆွေးနွေးခဲ့ပြီး စီးပွားရေးလုပ်ငန်းရှင်များအနေဖြင့် ဌာနမှ ဆောင်ရွက်နေသောလုပ်ငန်းများကို သိရှိလိုပါက Consumer Call Center No 1535သို့ ဆက်သွယ်မေးမြန်းနိုင်သည့် အကြောင်းများကို အသေးစိတ်ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(မွန်)

    (၁၆.၉.၂၀၂၄) ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ကျိုက်မရောမြို့နယ်တာဝန်ခံသည် မြို့နယ်ပြည်သူ့ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့် ပူးပေါင်း၍ ရှင်စောပု(၂)ရပ်ကွက်နှင့်မြို့မစျေးအတွင်း ရောင်းချသည့် အာဟာရဖြည့်စွက်စာအမျိုးမျိုးအား ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့ စစ်ဆေးရာ ရှင်စောပု (၂) ရပ်ကွက်နှင့် မြို့မဈေးအတွင်း ရောင်းချနေသာ ကုန်စုံဆိုင်များတွင် Dumex၊ Dupro၊ Ensure အာဟာရဖြည့်စွက်စာအမျိုးမျိုးတို့တွင် စားသုံးသူကာကွယ်ရေးဥပဒေ (၂၀၁၉) အခန်း (၁၈) တွင်ပြဌာန်းထားသော ကုန်အညွှန်း အမှတ်အသားဖော်ပြခြင်းဆိုင်ရာအချက်များနှင့် ကိုက်ညီမှု ရှိ/မရှိ ဈေးကွက်စောင့်ကြည့် စစ်ဆေးခဲ့ရာ အဆိုပါ အာဟာရဖြည့်စွက်စာအမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာ ဖော်ပြထားကြောင်း စစ်ဆေးတွေ့ရှိရသည်။

DOCA(မွန်)