ပြည်နယ်ဦးစီးမှူးမှ အအေးခန်းလုပ်ငန်းရှင်များနှင့် တွေ့ဆုံ
၁၇.၉.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံးခန်း၌ အအေးခန်းလုပ်ငန်းရှင်များနှင့် တွေ့ဆုံဆွေးနွေးခဲ့သည်။
ထိုသို့ တွေ့ဆုံဆွေးနွေးရာတွင် ပြည်နယ်ဦးစီးမှူးက မိမိတို့ စားသုံးသူရေးရာဦးစီးဌာန အနေဖြင့် စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကို ဆောင်ရွက်လျက်ရှိကြောင်း၊ လုပ်ငန်းရှင်များအနေဖြင့် လုပ်ငန်းများဆောင်ရွက်ရာတွင် အခက်အခဲရှိပါက တင်ပြနိုင်ကြောင်းဆွေးနွေးခဲ့ရာ လုပ်ငန်းရှင်များက အအေးခန်းများမှာ ယခုရာသီတွင် ငါးခြောက်များကို အများဆုံးသိုလှောင်ထားရှိကြောင်း၊ ဝန်ဆောင်ခ အနေဖြင့် တစ်နေ့သိုလှောင်ခ ကုန်ချိန်တစ်ပိဿာလျှင် (၃) ကျပ်နှုန်းဖြင့် ဝန်ဆောင်မှု ပေးလျက်ရှိကြောင်း၊ ယခုအခါ ကုန်သိုလှောင်သည့် လုပ်ငန်းရှင်များပြားလာသဖြင့် အအေးခန်းသိုလှောင်ရုံများ တိုးချဲ့ရန်လိုအပ်လာကြောင်း၊ သို့ဖြစ်၍ မတည်ရင်းနှီးငွေ လိုအပ်လျက်ရှိကြောင်း ဆွေးနွေးခဲ့ရာ ပြည်နယ်ဦးစီးမှူးက နိုင်ငံ့စီးပွားမြှင့်တင်ရေး ရန်ပုံငွေမှ စိုက်ပျိုးမွေးမြူရေးအထောက်အကူပြုလုပ်ငန်းများကို ချေးငွေထုတ်ချေးပေးလျက်ရှိကြောင်း ပြန်လည်ဆွေးနွေးခဲ့သည်။
DOCA(မွန်)
