သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ်ရှိ တာဝန်ခံ ဦးမြင့်ဌေးနှင့် ဝန်ထမ်းများသည်  (၁၉.၉.၂၀၂၄)ရက်နေ့၊ နံနက်(၁၀:၃၀)နာရီအချိန်တွင် လပွတ္တာမြို့နယ်ရှိ ငါးလုပ်ငန်းအသင်း ဥက္ကဌဦးညွန့်ရွှေနှင့် အမှတ်(၄)ရပ်ကွက် ကုန်သည်လမ်းအောင်ထိုက်သူ ငါး၊ ပုစွန်ဒိုင်တွင် တွေ့ဆုံ၍ ငါးလုပ်ငန်းအခြေအနေအားဆွေးနွေးခဲ့ပါသည်။

      ထိုသို့ဆွေးနွေးဆောင်ရွက်ရာတွင် လပွတ္တာမြို့နယ်တာဝန်ခံမှ အသင်းအနေဖြင့် လပွတ္တာမြို့နယ်၏ ကုန်သွယ်ရေးကဏ္ဍဖွံ့ဖြိုးတိုးတက်စေရန်အတွက် မြို့နယ်အတွင်းရှိ အနယ်နယ်အရပ်ရပ်မှ လာရောက်ရောင်းချသောငါးများကို  လပွတ္တာမြို့ပေါ်ရှိ၍ငါးဒိုင်များ၊ အရွယ်အစား အမျိုးအစားအလိုက် သင့်တင့်မျှသော ဈေးနှုန်းတို့ဖြင့်ဝယ်ယူစေရေး၊ ငါးများကို ရန်ကုန်မြို့သို့အချိန်မီ တင်ပို့နိုင်ရေးအတွက် ငါးလုပ်ငန်းဦးစီးဌာနနှင့် ကားအသင်းတို့မှ ညှိနှိုင်းဆောင်ရွက်ရန် လိုအပ်ကြောင်း အသင်းရေရှည်တည်မြဲရေး၊ အသင်းရုံးတည်ဆောက်နိုင်ရေး၊ အသင်းကိုယခင်ထက်ပိုမိုတိုးတက်လာအောင်ဆောင်ရွက်ရေး၊ ငါးဖမ်းရေလုပ်သားများ၏ဘဝဖွံ့ဖြိုးတိုးတက်စေရေး အကျိုးတူပူးပေါင်းဆောင်ရွက်သွားရန်  လိုအပ်ကြောင်း ဈေးနှုန်းဈေးကွက်အခြေအနေ များနှင့်ကုန်သွယ်မှုဖွံ့ဖြိုးတိုးတက်စေရန် ငါး၊ပုစွန်၊ကဏန်းလုပ်ငန်းရှင်များစုပေါင်းပြီး ကုန်စည်ဒိုင်ဖွင့်လှစ်နိုင်ရေး ဆောင်ရွက်သွားနိုင်ရန် လပွတ္တာမြို့အနေဖြင့် ရေထွက်ကုန်ပစ္စည်းများကို   ရန်ကုန်သို့တင်ပို့ ရောင်းချရသည့်အတွက်   ကုန်စည်ဒိုင်ဖွင့်လှစ်၍ ကူညီဆောင်ရွက်ပေးနိုင်ပါရန် အကြံပြုဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

      မြန်မာနိုင်ငံဆန်စပါးအသင်းချုပ်သည် ပြည်တွင်းဆန်စပါးဈေးကွက်တည်ငြိမ်စေပြီး စိုက်ပျိုးတောင်သူများ၊ ဆန်စက်လုပ်ငန်းရှင်များဖြန့်ဖြူးရောင်းချသူများနှင့် စားသုံးပြည်သူများအတွက် သင့်တင့်မျှတသော ဆန်ဈေးနှုန်းများဖြစ်ပေါ်စေရန်ရည်ရွယ်၍ ပြည်တွင်း၌ သတ်မှတ်ရည်ညွှန်းဈေးနှုန်းများဖြင့်ရောင်းချနိုင်ရေး လစဉ်ထုတ်ပြန်ပေးလျက်ရှိရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စာသုံးသူရေးရာဦးစီးဌာန၏လမ်းညွှန်မှုအရ ရန်ကုန်တိုင်းဒေသကြီးအတွင်းမြို့နယ်များရှိ ဈေးအရောင်းစင်တာများနှင့် ဒေသဈေးကွက်များတွင် မြန်မာနိုင်ငံဆန်စပါးအသင်းချုပ်မှ ထုတ်ပြန်ထားသည့် သတ်မှတ်ရည်ညွှန်းဈေးနှုန်းအတိုင်းရောင်းချနိုင်ရေး၊ မြို့သက်ဆိုင်ရာနယ်များရှိ အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးကော်မတီ၊ မြန်မာနိုင်ငံရဲတပ်ဖွဲ့ဝင်များ၊ မြို့နယ်ရပ်ကွက်အုပ်ချုပ်ရေးမှူးနှင့် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးနှင့် တာဝန်ရှိသူများပူးပေါင်း၍ ၁၆-၈-၂၀၂၄ ရက်နေ့တွင်  မြောက်ဒဂုံမြို့နယ်၊ (၃၅) ရပ်ကွက်အတွင်းရှိ ဆန်ဆိုင် (၄) ဆိုင်တို့အား ကွင်းဆင်းဆောင်ရွက်ခဲ့ကြောင်း သတင်းရရှိပါသည်။ 

DOCA(ရန်ကုန်)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ စက်တင်ဘာလအတွင်းဖြစ်ပေါ် ခဲ့သော အခြေခံစားသောက်ကုန်ပစ္စည်းများ၏ ဈေးနှုန်းများစာရင်းအား ဈေးကွက်အတွင်း ကွင်းဆင်းဆောင်ရွက်ခြင်းလုပ်ငန်းကို စက်တင်ဘာလ ၁၈ရက်နေ့၊ နံနက် ၀၉:၃၀ နာရီအချိန်တွင် ကော့မှူးမြို့နယ်စည်ပင်သာယာမြို့မဈေးအတွင်း/အပြင်ရှိ အခြေခံစားသောက်ကုန်ပစ္စည်းများ ရောင်းချလျက်ရှိသော ဈေးဆိုင်များသို့ သွားရောက်ကွင်းဆင်းကောက်ယူခဲ့ကြောင်းသိရသည်။

      ထိုသို့ ဈေးကွက်အတွင်း စာရင်းကောက်ယူခဲ့ရာတွင် ကော့မှူးမြို့နယ်စည်ပင်သာယာရေးအဖွဲ့မှ စည်ပင်သာယာမြို့မဈေးတာဝန်ခံနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့သည် စည်ပင်သာယာမြို့မဈေးအတွင်း/အပြင်တွင် ဝယ်ယူဖြန့်ဖြူးရောင်းချပေးလျက်ရှိသော ဦးချမ်းသာဆန်ဆိုင်၊ ဒေါ်စုခိုင်၊ ဦးဌေးလှိုင်နှင့် ဦးတင့်ဆွေဦးကုန်ခြောက်ဆိုင်၊ ဒေါ်နိုင်နိုင်မော်ကြက်သားဆိုင်၊ ဦးခင်မောင်ဝင်းဝက်သားဆိုင်၊ ဦးစိုးမင်းထိုက်အမဲသားဆိုင်၊ ဦးဇော်ကြီး၊ ဦးကုလားဆိတ်သားဆိုင်၊ ဒေါ်ဌေးကြည် ရေချို၊ ရေငန်ငါးအရောင်းဆိုင်၊ ဒေါ်ချို ကြက်ဥ၊ ဘဲဥ လက်လီ/ လက်ကားအရောင်းဆိုင်နှင့် ဦးသန့်ဇင်ဝင်း ကုန်စိမ်း၊ မျှင်ငါးပိကုန်စုံဆိုင်တို့၏ လက်ရှိအချိန်တွင် ဖြန့်ဖြူးရောင်းချပေးလျက်ရှိသော ဈေးနှုန်းအခြေအနေတို့အား ဈေးကွက်အတွင်း စာရင်းကောက်ယူခဲ့ကြောင်းသိရှိရပါသည်။

DOCA(ရန်ကုန်)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မော်ကျွန်းမြို့နယ် တာဝန်ခံနှင့် ဝန်ထမ်းများသည် မွေးမြူရေးနှင့်ကုသရေးဦးစီးဌာန၊ ငါးလုပ်ငန်းဦးစီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာနတို့နှင့် ပူးပေါင်း၍(၁၈.၉.၂၀၂၄)ရက်နေ့ ၊နေ့လယ်(၁၃:၀၀) နာရီအချိန်တွင် ကမ်းခြံချောင်းကျေးရွာ ဘုန်းတော်ကြီးကျောင်းတွင် ကျေးရွာနေပြည်သူများအား စားသုံးသူကာကွယ်ရေးနှင့်  Online Sale ရောင်းချမှုအသိပညာပေးဟောပြောခဲ့ပါသည်။

     ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန မော်ကျွန်းမြို့နယ်တာဝန်ခံမှ မိတ်ဆက်စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ ဌာန၏ လက်ရှိဆောင်ရွက်နေသောလုပ်ငန်းတာဝန်များ ဆက်လက်ဆောင်ရွက်ရမည့် လုပ်ငန်းတာဝန်များအားဦးစွာ ရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ   ၂၀၁၉ ပါပြဌာန်းချက်များမှစားသုံးသူ၏ အခွင့်အရေးနှင့်တာဝန်များ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအားအသေးစိတ် ရှင်းလင်း ဆွေးနွေးခဲ့ပြီး Online Sale ရောင်းချမှုနှင့်ပတ်သက်၍ မှတ်ပုံတင်လျှောက်ထားခြင်းအတွက် လုပ်ငန်းစဉ်များအား ရှင်းလင်းဆွေးနွေးပြောကြားခဲ့ပါသည်။ Online စနစ်ဖြင့် မှတ်ပုံတင်လျှောက်ထားခြင်းအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ Website ဖြစ်သော www.ecomreg.gov.mm မှတဆင့် မှတ်ပုံတင်လျှောက်ထားနိုင်ပါကြောင်း အသိပညာပေး ဟောပြောဆောင်ရွက်ခဲ့ပါသည်။ ဟောပြောပွဲသို့ ကျေးရွာနေပြည်သူ(၁၀၀)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    ဒုတိယညွှန်ကြားရေးမှူးချုပ် ဦးခင်မောင်လှိုင်ဦးဆောင်၍ ပေါ်ဆန်းဆန်များ ပြည်တွင်းဆန် ဈေးကွက်သို့ ဝင်ရောက်မှုနှင့်စပ်လျဉ်း၍ လုပ်ငန်းညှိနှိုင်းအစည်းအဝေးကို စက်တင်ဘာလ ၁၉ရက်နေ့ နံနက်(၁၀:၀၀) နာရီတွင် ကျင်းပပြုလုပ်ခဲ့ရာ ဧရာဝတီတိုင်းဒေသကြီးဦးစီးမှူးရုံးမှ Virtual ဖြင့် တက်ရောက်ခဲ့ပါသည်၊၊

    အဆိုပါအစည်းအဝေးတွင် ဒုတိယညွှန်ကြားရေးမှူးချုပ် ဦးခင်မောင်လှိုင်မှ အဖွင့်မှာ စကားပြောကြားခြင်း၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲမှ ဦးဟန်ဝင်းကျော်မှ   ဧရာဝတီပေါ်ဆန်းနှင့် ရွှေဘိုပေါ်ဆန်းထွက်ရှိရာဒေသများမှ အခြားပြည်နယ်နှင့်တိုင်းများသို့ တင်ပို့နေမှုများဆွေးနွေးခြင်း၊ မြန်မာနိုင်ငံဆန်စပါးကုန်သည်များအသင်း၊ ဆန်စပါးကုန်စည်ဒိုင်မှ လက်ရှိဆန်ဝင်ရောက်မှုအခြေအနေနှင့်ပတ်သက်၍ ဆွေးနွေးခဲ့ပါသည်၊၊

    တက်ရောက်လာသော ဆန်ကုန်သည်နှင့် ဆန်စက်လုပ်ငန်းရှင်များမှလည်း ရည်ညွှန်းဈေး သတ်မှတ်ရာတွင် တစ်ဧက ကုန်ကျစရိတ် အသေးစိတ်တွက်ချက်ပေးစေလိုကြောင်း ဆွေးနွေးခဲ့ပြီး ‌ ဒုတိယညွှန်ကြားရေးမှူးချုပ်မှ  မိမိတို့တိုင်းဒေသကြီးအလိုက် စားသုံး၊ ပိုလျှံ၊ ထွက်ရှိမှုများ တွက်ချက်ရန်နှင့် ဆန်စက်နှင့် ဆန်ကုန်သည်များအသင်း ဆန်စပါးကုန်စည်ဒိုင်များ ပြန်လည် အသက်ဝင်လှုပ်ရှားစေလိုကြောင်း ပြောကြားပြီး အခမ်းအနားကို နေ့လယ် (၁၁:၃၀) တွင် ရုပ်သိမ်းခဲ့ပါသည်၊၊

DOCA(ဧရာဝတီ)