ပြည်တွင်းကုန်သွယ်မှုသတင်း

       ရှမ်းပြည်နယ်(တောင်ပိုင်း)မှာတော့ ၂ဝ၁၉/၂ဝ၂ဝခုနှစ်ထွက် မိုးအစေ့ထုတ်ပြောင်းများပေါ်ခါစက တစ်ပိသာကို ငွေကျပ် ၂၂ဝမှ ၂၅ဝရှိခဲ့ပေမယ်လို့ မေလဆန်းမှာတော့ ပြောင်းစျေး တဖြည်းဖြည်း စျေးပြန်ကောင်းလာခဲ့ရာမှ ယခုဇွန်လဆန်းမှာတော့ ငွေကျပ် ၄၇ဝမှ ၄၉ဝကျပ်ထိရှိလာခဲ့ပါတယ်။ ပြောင်းစိုက်တောင်သူတွေရဲ့လက်ထဲမှာတော့ ပြောင်းဖူးစေ့လက်ကျန်မရှိသလောက်နည်းသွားပြီး၊ကုန်သည် တွေရဲ့လက်ထဲမှာတော့ စုစုပေါင်းပြောင်းဖူးစေ့ပိုလှျံမှုရဲ့ လေးပုံတစ်ပုံလောက်တော့ ကျန်ရှိနေပါသေးတယ်။ ယခင်နှစ်ကာလတူနဲ့ပြောင်းစျေးနှုန်းကို နှိုင်းယှဉ်မယ်ဆိုရင်တော့ ယခင်နှစ်ကပြောင်း တစ်ပိသာငွေကျပ် ၃၅ဝမှ ၃၆ဝထိသာရှိခဲ့ပါတယ်။ ပြောင်းပေါ်ခါစတုန်းက ဒေသတွင်းအခြောက်ခံ စက်ရုံများ၊ တောင်လေးလုံးရှိ မြနဒီပြောင်းအခြောက်ခံစက်ရုံ၊ အေးသာယာမြို့ရှိဃဏ  အခြောက်ခံ စက်ရုံများမှာ CP ကုမ္ပဏီနှင့် တက်ချောင် အစာစပ်စက်ရုံများမှ ပြောင်းဖူးစေ့တွေကို မန္တလေးမြို့နှင့် ရန်ကုန်မြို့ရှိ အစာစပ်စက်ရုံများ၊ ဒေသတွင်းရှိမွေးမြူရေးလုပ်ငန်းများမှ ပြောင်းဖူးစေ့ကို ဝယ်ယူ ကြပါတယ်။ ပြည်ပတင်ပို့မှုအနေဖြင့် မူဆယ်နယ်စပ် ကုန်သွယ်ရေးစခန်းမှ တရုတ်နိုင်ငံသို့ Quota စနစ်ဖြင့်ရောင်းချခဲ့ကြပြီး၊ ကရင်ပြည်နယ်မြဝတီနယ်စပ် ကုန်သွယ်ရေးစခန်းနှင့် ရှမ်းပြည်နယ် အရှေ့ပိုင်း တာချီလိတ်မြို့နယ်(မယ်ယန်း)ကုန်သွယ်ရေးစခန်းများမှ ထိုင်းနိုင်ငံသို့လည်းကောင်း၊ ပင်လယ်ရေကြောင်းမှလည်း ပြည်ပနိုင်ငံများသို့တင်ပို့ခဲ့တယ်လို့ ပြောင်းစျေးကွက်ကတဆင့်သိရပါတယ်။

ရှမ်းပြည်နယ်(တောင်ကြီး)

စားသုံးသူရေးရာဦးစီးဌာန

ရှမ်းပြည်နယ်(တောင်ပိုင်း) မြို့နယ်များဖြစ်သော တောင်ကြီး၊ အောင်ပန်း၊ ရပ်စောက်၊ ကလော၊ ညောင်ရွှေ၊ ရွာငံမြို့များမှ ဒေသတွင်းနှင့် ရန်ကုန်၊ မန္တလေး၊ မူဆယ်၊ မြဝတီ၊ မြင်းခြံ၊ နေပြည်တော်၊ မုံရွာ၊ ပြည်၊ စစ်တွေ၊ တပ်ကုန်း၊ မိတ္ထီလာ၊ သာစည်၊ တောင်ငူနဲ့ ပဲခူးမြို့များသို့ သီးနှံနှင့် သစ်သီးဝလံ၊ ကုန်စိမ်းမျိုးစုံ စီးထွက်လျှက်ရှိရာ အောင်ပန်းကုန်စည်ဒိုင်၏ မေလတတိယအပတ်အတွင်း ပေးပို့သော စာရင်းများအရ ကြက်သွန်ဖြူတစ်ပိဿာ ၁၀၀၀ ကျပ် မှ ၂၀၀၀ ကျပ်စျေးနှုန်းဖြင့်ကုန်ချိန်(၇၂၀၀၀)၊ အာလူးတစ်ပိဿာလျှင် ၁၀၀ ကျပ်မှ ၆၅၀ ကျပ် စျေးနှုန်းဖြင့်ကုန်ချိန်(၂၈၀၀၀၀)၊ ချင်းတစ်ပိဿာ ၁၀၀၀ကျပ်မှ ၂၈၀၀ ကျပ် စျေးနှုန်းဖြင့် ကုန်ချိန် (၁၁၂၀၀၀)၊ နနွင်းတစ်ပိဿာလျှင် ၁၀၀၀ ကျပ်မှ ၂၂၀၀ ကျပ် စျေးနှုန်းဖြင့် ကုန်ချိန် (၃၅၀၀၀)၊ ချင်းခြောက်တစ်ပိဿာ ၂၂၀၀ ကျပ်မှ ၂၄၀၀ ကျပ် စျေးနှုန်းဖြင့် ကုန်ချိန်(၁၄၀၀၀၀)၊ ဂေါ်ဖီထုပ် တစ်ပိဿာလျှင် ၈၀ ကျပ်မှ ၁၅၀ကျပ် စျေးနှုန်းဖြင့် ကုန်ချိန် (၄၂၀၀၀၀)၊ ပန်းမုံလာတစ်ပိဿာလျှင် ၁၀၀ ကျပ်မှ ၂၈၀ ကျပ်စျေးနှုန်းဖြင့် ကုန်ချိန်(၂၁၀၀၀၀)၊ ခရမ်းချဉ်တစ်ပိဿာ ၁၀၀ ကျပ်မှ ၃၀၀ ကျပ်နှုန်းဖြင့် ကုန်ချိန်(၂၂၀၀၀၀)၊ ပန်းနှမ်း တစ်ပိဿာ ၁၄၀၀ ကျပ်မှ ၁၅၀၀ ကျပ်နှုန်းဖြင့် ကုန်ချိန်(၂၁၀၀၀၀)၊ ပြောင်းတစ်ပိဿာ ၄၁၀ ကျပ်မှ ၄၄၀ ကျပ် စျေးနှုန်းဖြင့် ကုန်ချိန်(၉၈၀၀၀)၊ ကုန်စိမ်းအစုံကုန်ချိန်(၄၈၀၀၀၀) အသီးသီးစီးထွက် သွားကြောင်းသိရပါတယ်။ အောင်ပန်းစျေးကွက်သို့ မိုးဦးကာလဖြစ်၍ ခရမ်းချဉ်၊ ရွှေပဲ၊ ဂေါ်ဖီ၊ ပန်းမုံလာ စသော ကုန်စိမ်းများဝင်ရောက်နေသော်လည်း Covid-19 ကာလအတွင်း အဆွဲနည်း နေသေး၍ စျေးကျနေပါသည်။ ယခင်နှစ်ကာလတူနှင့် နှိုင်းယှဉ်ပါက ကုန်စည်စီးဆင်းမှု ထက်ဝက်ကျော် ကျဆင်းနေကြောင်း စျေးကွက် သတင်းများအရသိရှိရပါသည်။ 

စားသုံးသူရေးရာဦးစီးဌာန

ရှမ်းပြည်နယ် 

        သထုံမြို့နယ်၌ မျိုးကောင်းသည့် ကိုင်းကူးဒူးရင်းများကို မြို့နယ်အတွင်းရှိ ကျိုက္ကော်၊ နောင်ဘို၊ နောင်ကုလား စသည့် ကျေးရွာ ဥယျာဉ်ခြံမြေများတွင် စိုက်ပျိုးလျှက်ရှိကြောင်း သိရှိရသည်။ ဒူးရင်းသီးများသည် မိုးရာသီဝါဆိုလပတ်ဝန်းကျင်တွင် လှိုင်လှိုင်ပေါ်ပြီး ယခုအချိန်တွင် သထုံမြို့မဈေးတွင် ဒူးရင်းသီးတစ်လုံးလျှင် (၃၀၀၀) ကျပ်မှ (၁၅၀၀၀) ကျပ်တန်အထိ အရွယ် အစားအလိုက် ဈေးနှုန်းအမျိုးမျိုးရှိကြကြောင်း၊ တစ်ရက်လျှင် အလုံးရေ (၁၀၀) မှ (၁၅၀) ထိ ဒေသတွင်း စားသုံးသူများသို့ ရောင်းချလျှက်ရှိပြီး ယခင်နှစ်ဈေးနှုန်းများကဲ့သို့ပင် ယခုပေါ်ဦပေါ်စရာသီတွင် တစ်ကီလို (၄၀၀၀) ကျပ်နှုန်းရှိကြောင်းသိရှိရပြီး ရန်ကုန်မြို့ဘက်မှလည်း မှာယူကြ၍ တင်ပို့နေရကြောင်း သထုံမြို့မဈေးရှိ ဒေါ်စိန်မြင့် သစ်သီးဆိုင်မှ ပြောပြချက်အရ သိရှိရ ပါသည်။

မွန်ပြည်နယ်

စားသုံးသူရေးရာဦးစီးဌာန

၂၀၂၀ ပြည့်နှစ် ဖေဖော်ဝါရီလ ၇ ရက်နေ့အတွင်း မယ်စဲ့နယ်စပ်ကုန်သွယ်ရေးလမ်းကြောင်းဖြစ်သော ကယားပြည်နယ်၊ လွိုင်ကော်မြို့မှ ထိုင်းနိုင်ငံ၊ မယ်ဟောင်ဆောင်သို့ ကုန်ပစ္စည်းတင်ပို့မှုမှာ အမေရိကန်ဒေါ်လာ ၂၄၈၄၀ တန်ဖိုးရှိ ငရုတ်သီးခြောက် ၈ ဒဿမ ၉၈ တန် တင်ပို့နိုင်ခဲ့ပြီး ထိုင်းနိုင်ငံ၊ မယ်ဟောင်ဆောင်ဘက်မှ တဆင့်ပြန်လည်တင်သွင်းမှုများမှာ အမေရိကန်ဒေါ် လာ ၁၂၀၀၀ တန်ဖိုးရှိ ဟင်းချိုမှုန့် ၉ ဒဿမ ၉၈ တန်သွင်းလာပါကြောင်း မယ်စဲ့နယ်စပ်ကုန် သွယ်ရေးစခန်းစာရင်းများအရ သိရှိရပါသည်။

ကယားပြည်နယ်
စားသုံးသူရေးရာဦးစီးဌာန

         ကယားပြည်နယ်အတွင်း ၂၀၂၀ ပြည့်နှစ် ဖော်ဖော်ဝါရီလ ပထမပတ်တွင်  ကြက်သွန်နီ တစ်ပိဿာလျှင် ၂၂၀၀ (ကျပ်) မှ တတိယပတ်တွင် ၂၀၀၀ (ကျပ်) ကျဆင်းသွားကြောင်း၊ ကြက်သွန်(ဖြူ) တစ်ပိဿာလျှင် ဖေဖော်ဝါရီ ပထမပတ်၌ ၅၀၀၀ (ကျပ်) မှ တတိယပတ်တွင်  (၄၅၀၀)ကျပ် ကျဆင်းသွားကြောင်းနှင့်  ကြက်သွန်ဈေးနှုန်းကျဆင်းရခြင်းမှာ ပြည်နယ်အတွင်း ကြက်သွန်(နီ/ဖြူ) အသစ်များ အနည်းငယ်ပေါ်သောကြောင့်ဖြစ်ကြောင်း ကုန်သည်တစ်ဦး ထံမှသိရှိရပါသည်။

ကယားပြည်နယ်
စားသုံးသူရေးရာဦးစီးဌာန