ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် ၂၀၂၄ခုနှစ်၊ ဖေဖော်ဝါရီလ (စတုတ္ထပတ်)အတွင်း လယ်ယာထွက်ကုန်သီးနှံမျိုးစုံဖြစ်သည့် နှမ်းနှင့်ပဲမျိုးစုံသီးနှံများမှာ ပုံမှန်အရောင်းအဝယ်ဖြစ်လျက်ရှိရာ နှမ်းနက်(စမုံ) (၄၅)ပိဿာပါ (၁)အိတ်လျှင် ကျပ်(၃၅၀၀၀၀-၃၈၀၀၀၀)ဖြင့် အိတ် (၂၀၀၀)ကိုလည်းကောင်း၊ နှမ်းပြာ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၃၀၀)ကိုလည်းကောင်း၊ နှမ်းနီ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၁၈၀)ကိုလည်းကောင်း၊ နှမ်းဖြူ(၄၅)ပိဿာပါ(၁)အိတ်လျှင် ကျပ်(၃၅၀၀၀၀)ဖြင့် အိတ်(၉၀)ကိုလည်းကောင်း၊ နှမ်းသီးနှံမှာ ဖေဖော်ဝါရီလ(ပထမပတ်)မှ (စတုတ္ထပတ်)အထိ ဈေးနှုန်းများပြောင်းလဲခြင်းမရှိဘဲ ပုံမှန်အရောင်းအဝယ်ဖြစ်ခဲ့ပြီး ကုလားပဲ (HL) (၁)တင်းလျှင် ကျပ်(၈၆၀၀၀-၉၅၀၀၀)ဖြင့် (၃၀)ပိဿာပါ အိတ်(၇၀၀)အိတ်ကိုလည်းကောင်း၊ ကုလားပဲ(မြကြေး) (၁)တင်းလျှင် ကျပ်(၈၃၀၀၀-၉၅၀၀၀)ဖြင့် (၃၀)ပိဿာပါအိတ် (၄၅၀)အိတ်ကိုလည်းကောင်း၊ မတ်ပဲ(၁)တင်းလျှင် ကျပ်(၉၁၀၀၀-၉၆၅၀၀)ဖြင့် (၃၀)ပိဿာပါ အိတ် (၁၅၀)အိတ်ကိုလည်းကောင်း၊ ပဲစင်းငုံနီ(၁)တင်းလျှင် ကျပ်(၁၁၅၆၀၀-၁၂၄၅၀၀)ဖြင့် (၃၀)ပိဿာပါ အိတ် (၇၀၀)အိတ်ကိုလည်းကောင်း၊ ဘိုကိတ်ပြာ(၁)တင်းလျှင် ကျပ်(၆၈၀၀၀-၇၈၅၀၀)ဖြင့် (၃၀) ပိဿာပါ အိတ်(၈၀)အိတ်ကိုလည်းကောင်း၊ ပဲတီစိမ်း(ဆောင်း) (၁)တင်းလျှင် ကျပ်(၆၈၀၀၀-၇၅၀၀၀) ဖြင့် (၃၀)ပိဿာပါ အိတ်(၅၀၀)အိတ်ကိုလည်းကောင်း၊ ပဲတီစိမ်း(မိုး) (၁)တင်းလျှင် ကျပ်(၅၈၀၀၀-၆၃၀၀၀)ဖြင့် (၃၀)ပိဿာပါ အိတ်(၃၀၀)အိတ်ကိုလည်းကောင်း၊ ပဲကြီး(၁)တင်းလျှင် ကျပ်(၉၂၀၀၀-၁၂၄၀၀၀)ဖြင့် (၃၀)ပိဿာပါ အိတ်(၂၀၀)အိတ်ကိုလည်းကောင်း၊ မြေပဲလုံးဆံ(ဖြူ)(၁)ပိဿာလျှင် ကျပ် (၆၈၀၀-၆၉၀၀)ဖြင့် (၃၀)ပိဿာဝင်အိတ် (၆၀၀)အိတ်ကိုလည်းကောင်း၊ မြေပဲလုံးဆံ(နီ) (၁)ပိဿာလျှင် ကျပ်(၇၂၀၀-၈၀၀၀)ဖြင့် (၃၀)ပိဿာဝင်အိတ် (၁၀၀)အိတ်ကိုလည်းကောင်း၊ မြေပဲတောင့်အစို (၁) တင်းလျှင် ကျပ်(၂၇၀၀၀-၂၈၀၀၀)ဖြင့် (၂၇၀၀)တင်းကိုလည်းကောင်း၊ ဝါ(၁)ပိဿာလျှင် ကျပ် (၃၁၀၀-၃၄၀၀)ဈေးနှုန်းဖြင့် ပိဿာ(၁၅၀၀၀) အသီးသီးအရောင်းအဝယ်ရှိခဲ့ပါသည်။ ပဲကြီး၊ ကုလားပဲသီးနှံတို့မှာ သီးနှံအသစ်ထွက်ရှိလျက်ရှိပြီး ပဲမျိုးစုံသီးနှံမှာလည်း ဖေဖော်ဝါရီလ(ပထမပတ်)မှ (စတုတ္ထပတ်) အတွင်း ဈေးနှုန်းအနည်းငယ်ကျဆင်းခဲ့ပြီး အရောင်းအဝယ်ခပ်ပါးပါးမျှသာရှိကြောင်းနှင့်  ပဲတီစိမ်း၊ မတ်ပဲ၊ ဘိုကိတ်ပြာ၊ ပဲစင်းငုံနီနှင့် ဝါသီးနှံတို့ကို ရန်ကုန်မြို့သို့လည်းကောင်း၊ နှမ်းနက်စမုံ၊ နှမ်းပြာ၊ နှမ်းဖြူတို့ကို မန္တလေးမြို့သို့လည်းကောင်း၊ နှမ်းနီကို အောင်လံမြို့နယ်တွင်းရှိ ဆီစက်လုပ်ငန်းရှင်များသို့လည်းကောင်း၊ ကုလားပဲနှင့် ပဲကြီးတို့ကို အောင်လံမြို့နယ်တွင်းရှိ ကုလားပဲခွဲစက်များသို့ ပေးပို့ရောင်းချရကြောင်း၊ မြေပဲလုံးဆံနီနှင့် မြေပဲလုံးဆံဖြူတို့ကို အောင်လံနှင့် သရက်မြို့နယ်ရှိ ပဲကြော်လုပ်ငန်းရှင်များသို့ ပေးပို့ရောင်းချလျက်ရှိကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

    ၅.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၀/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

        မြန်မာနိုင်ငံ စက်သုံးဆီ တင်သွင်း၊ သိုလှောင်၊ ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ တိုင်းဒေသကြီး/ပြည်နယ်အလိုက်မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

       မင်းဘူးမြို့နယ်တွင် စက်သုံးဆီအရောင်းဆိုင်(၁၆)ဆိုင်ရှိရာဆိုင်များအားလုံး ပုံမှန်ဖွင့်လှစ်ရောင်းချပေးလျက်ရှိပြီး ၂၀၂၄ခုနှစ်၊ ဖေဖော်ဝါရီလ(တတိယပတ်)တွင် ရောင်းချနေသော စက်သုံးဆီဈေးနှုန်းများမှာ ဓာတ်ဆီ(92)(၁)လီတာလျှင် ကျပ်(၂၈၁၅)၊ ဓာတ်ဆီ(95)(၁)လီတာလျှင် ကျပ် (၂၉၂၅)၊ ဒီဇယ်ရိုးရိုး(၁)လီတာလျှင် ကျပ်(၂၆၄၀)၊ ဒီဇယ်ပရီမီယံ(၁)လီတာလျှင် ကျပ်(၂၆၉၀)နှုန်း ဖြင့် ရောင်းချခဲ့ပြီး (စတုတ္ထအပတ်)တွင် ဓာတ်ဆီ(92)(၁)လီတာလျှင် ကျပ်(၂၈၁၅)၊ ဓာတ်ဆီ(95) (၁)လီတာလျှင် ကျပ်(၂၉၃၅)၊ ဒီဇယ်ရိုးရိုး(၁)လီတာလျှင် ကျပ်(၂၆၁၀)၊ ဒီဇယ်ပရီမီယံ(၁)လီတာလျှင် ကျပ်(၂၆၅၅)ဖြစ်၍ ယခင်တစ်ပတ်နှင့်နှိုင်းယှဉ်ပါက  ယခုတစ်ပတ်တွင် ဓာတ်ဆီ(95)(၁) လီတာလျှင် ကျပ်(၁၀) ဈေးနှုန်းအနည်းငယ်မြင့်တက်လျက်ရှိပြီး ဒီဇယ်ရိုးရိုး(၁)လီတာလျှင် ကျပ် (၃၀)၊ ဒီဇယ်(ပရီမီယံ)(၁)လီတာလျှင် ကျပ်(၃၅)ဖြင့် ဈေးနှုန်းအသီးသီးကျဆင်းလျက်ရှိကာ ဓာတ်ဆီ (92)မှာ ဈေးနှုန်းတည်ငြိမ်လျက်ရှိပြီး အရောင်းအဝယ်မှာ ပုံမှန်ဖြစ်လျက်ရှိကြောင်း သိရှိရပါသည်။

DOCA(မကွေး)

    ကန့်ဘလူ၊ ကျွန်းလှတို့တွင် ၂၀၂၄ ခုနှစ်၊ မတ်လ ပထမပတ်အတွင်း အရောင်းအဝယ် ဖြစ်နေသော အခြေခံစားသောက်ကုန်ဈေးနှုန်းများဖြစ်သော ရွှေဘိုပေါ်ဆန်း (အသစ်)တစ်ပြည် ကျပ် ၅၅၀၀၊ ဧရာမင်း (အသစ်)တစ်ပြည် ကျပ်၅၀၀၀ အရောင်းအဝယ်ဖြစ်လျက်ရှိသည်။ ကြက်သွန်နီ လက်လီဈေး အကြီး/အသေး နှင့် အမျိုးအစားပေါ်မူတည်၍ တစ်ပိဿာ ကျပ်၃၀၀၀/၂၅၀၀၊ ကြက်သွန်ဖြူ လက်လီ ဈေးမှာ(ဗမာ)အကြီး တစ်ပိဿာ ကျပ်၁၈၀၀၀ အလုံးအသေး တစ်ပိဿာ ကျပ်၁၆၀၀၀ ၊ ကြက်သွန်ဖြူ (ကြူကုတ်) တစ်ပိဿာ ကျပ် ၁၂၀၀၀ ၊ ချင်း တစ်ပိဿာ ကျပ် ၆၀၀၀၊ အာလူး အသေး/အကြီး အမျိုးအစား အလိုက် တစ်ပိဿာ ကျပ်၃၅၀၀/၃၂၀၀၊ ငရုပ်သီးခြောက် တစ်ပိဿာ ကျပ်၁၅၀၀၀၊ ကုလားပဲဆံ တစ်ပြည်လျှင် ကျပ်၈၇၀၀၊ စွန်တာနီပဲ လုံးကြား  အလုံးအလှပေါ်မူတည်၍ တစ်ပြည် ကျပ်၅၀၀၀ဖြင့် အရောင်းအဝယ်ဖြစ်လျက်ရှိသည်။

      ကန့်ဘလူ၊ ကျွန်းလှတို့၏ အသီးအရွက်ဈေးနှုန်းများမှာ ခရမ်းချဉ်သီး(ထိုင်ဝမ်) တစ်ပိဿာ ကျပ်၅၀၀/၃၀၀ ၊ ခရမ်းသီး တစ်ပိဿာ ကျပ်၅၀၀၊ ငရုပ်သီးစိမ်း တစ်ပိဿာ ကျပ်၂၀၀၀၊ ပန်းဂေါ်ဖီ အသေး/အကြီးပေါ်မူတည်၍ တစ်ပွင့် ကျပ်၃၀၀/၃၅၀/၄၀၀၊ ဂေါ်ဖီထုပ် အသေး/အကြီးပေါ်မူတည်၍ တစ်ထုပ် ကျပ်၆၀၀/၈၀၀၊ ပဲသီးတောင့်ရှည် တစ်စည်းလျှင် ကျပ်၂၅၀၊ ကန်ဇွန်းရွက် တစ်စီး ကျပ်၁၅၀၊ ချဉ်ပေါင်ရွက် တစ်ပုံ ကျပ်၂၀၀၊ မုံညှင်းဖူး တစ်စည်း ကျပ်၃၀၀၊ ကိုက်လန် တစ်စည်း ကျပ်၃၀၀၊ သံပုရာသီး တစ်လုံး ကျပ်၂၀၀/၂၅၀ တို့ဖြင့် အရောင်းအဝယ်ဖြစ်လျက်ရှိသည်။

    ကန့်ဘလူ၊ ကျွန်းလှတို့၏ အသား/ငါးဈေးနှုန်းများမှာ ကြက်သား(ဗမာ/cp) တစ်ပိဿာ ကျပ်၁၄၀၀၀/ ၁၈၀၀၀၊ ဝက်သား တစ်ပိဿာ ကျပ်၁၆၀၀၀၊ အမဲသား တစ်ပိဿာ ကျပ်၁၄၀၀၀၊ ငါးကြင်း အကောင်လိုက် တစ်ပိဿာ  ကျပ်၁၀၀၀၀၊ ငါးကြင်းခုတ်သား တစ်ပိဿာ ကျပ်၁၆၀၀၀၊ တီလားဗီးယားငါး အကောင်သေး တစ်ပိဿာ ကျပ်၆၀၀၀၊ အကြီး တစ်ပိဿာ ကျပ်၉၀၀၀၊ ကြက်ဥ တစ်လုံး ကျပ်၂၅၀၊ ဘဲဥ တစ်လုံး ကျပ်၄၀၀ တို့ဖြင့် အရောင်းအဝယ်ဖြစ်လျက်ရှိသည်။

    ကန့်ဘလူ၊ ကျွန်းလှတို့၏ စားသုံးဆီဈေးနှုန်းများမှာ မြေပဲဆီသန့် တစ်ပိဿာ ကျပ်၁၄၀၀၀၊ စားအုန်းဆီ တစ်ပိဿာ ကျပ်၆၀၀၀ဖြင့် အရောင်းအဝယ်ဖြစ်နေကြောင်း သိရှိရသည်။

    ၂၀၂၄ ခုနှစ်၊ မတ်လ စတုထ္ထပတ်အတွင်း အခြေခံစားကုန်ဈေးနှုန်းများအား ယခင် ၂၀၂၄ ခုနှစ်၊ ဖေဖေါ်ဝါရီလ စတုထ္ထအပတ် ဈေးနှုန်းများနှင့် နှိုင်းယှဉ်ကြည့်ပါက အခြားအခြေခံစားကုန်ဈေးနှုန်းများ ၊အသားဈေး/ငါးဈေးနှုန်းများ တည်ငြိမ်လျက်ရှိပြီး ခရမ်းချဉ်သီးနှင့် အသီးအရွက်ဈေးနှုန်းများဖြစ်တဲ့ ပန်းဂေါ်ဖီ၊ ဂေါ်ဖီထုပ်ဈေးနှုန်းများ ကျဆင်းလျက်ရှိကြောင်းနှင့် သံပူရာသီးဈေးနှုန်းအနည်းငယ်မြင့်တက် လာကြောင်း ကန့်ဘလူမြို့မစည်ပင်သာယာဈေး ရောင်းချသူများထံမှ သိရသည်။

DOCA(စစ်ကိုင်း)