ပြည်တွင်းကုန်သွယ်မှုသတင်း

၂၀၂၄ ခုနှစ်၊ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေး ကွက်အတွင်းသို့ ဒေသထွက်ခရမ်းချဉ်သီးများနှင့်ရှမ်းပြည်နယ် အောင်ပန်းတို့မှထွက်ရှိသော ခရမ်းချဉ်သီး များကို မန္တလေးတိုင်းဒေသကြီး မှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါ သည်။

 ခရမ်းချဉ်သီးများသည် ယခုအချိန်အခါကာလဖြစ်သည့် ဆောင်းရာသီတွင် မိမိတို့ဒေသထွက် ခရမ်းချဉ်သီးများ ဈေးကွက်အတွင်းသို့ ဝင်ရောက်ကာ လှိုင်လှိုင်ထွက်ရှိလာသည့်အတွက် ဒေသတွင်း ခရမ်းချဉ်သီးများကိုသာ မှာယူရောင်းချရပါသည်။ ဒေသထွက် ခရမ်းချဉ်သီးမှာ အချိန်ကြာမြင့်စွာထားလျှင် ပုတ်လွယ်ပြီး အထားမခံသည့်အတွက် အကြိုက်နည်းကြပေမဲ့ ဈေးနှုန်းအနေဖြင့် သက်သောသောကြောင့် ယခုအခါမှာတော့ ဒေသထွက်ခရမ်းချဉ်သီးများကိုသာ လှိုင်လှိုင်ဝယ်ယူရောင်းချလျက်ရှိကြောင်းသိရှိရ ပါသည်။

ယခင် ဒီဇင်ဘာလ တတိယအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ထိုင်ဝမ် အမျိုးအစား ခရမ်းချဉ်သီးနှင့် ရိုးရိုးဗမာ အမျိုးအစား ခရမ်းချဉ်သီးဟူ၍ နှစ်မျိုးပေါ်လာပြီး ရိုးရိုး ဗမာခရမ်းချဉ်သီး တစ်ပိဿာလျှင်(၈၀၀၀)ကျပ်၊ ၂၅ကျပ်သားလျှင်(၂၀၀၀)ကျပ်နှင့် ထိုင်ဝမ်ခရမ်းချဉ်သီး အလုံး အကြီး/ အသေး ပေါ်မူတည်၍တစ်ပိဿာလျှင်(၅၀၀၀/၆၀၀၀)ကျပ် ဖြစ်ပြီး (၂၅)ကျပ်သားလျှင် (၁၅၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိပြီး ယခု ဒီဇင်ဘာလ စတုထ္ထအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ရိုးရိုး ဗမာခရမ်းချဉ်သီး တစ်ပိဿာလျှင်(၇၅၀၀)ကျပ်၊ ၂၅ကျပ်သားလျှင်(၂၀၀၀)ကျပ်နှင့် ထိုင်ဝမ်ခရမ်းချဉ်သီး အလုံး အကြီး/ အသေး ပေါ်မူတည်၍ တစ်ပိဿာ လျှင်(၅၀၀၀/၅၅၀၀)ကျပ်ဖြစ်ပြီး (၂၅)ကျပ်သားလျှင်(၁၅၀၀/၁၃၀၀)ကျပ် ဈေးနှုန်းဖြင့် အရောင်းအဝယ် ဖြစ်လျက်ရှိပြီး ယခင် ဒီဇင်ဘာလ တတိယပတ်နှင့် နှိုင်းယှဉ်ကြည့်မည့်ဆိုပါက  ခရမ်းချဉ်သီး ဈေးနှုန်း အနည်းငယ်ကျဆင်းလျက်ရှိကြောင်း ကန့်ဘလူမြို့ ကုန်စိမ်းသီးနှံ အရောင်းအဝယ်လုပ်နေသူများထံမှ သိရှိရပါသည်။

DOCA(စစ်ကိုင်း)

 ၂၀၂၄ ခုနှစ်၊ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေး ကွက်အတွင် ကြက်သွန်ဖြူကို ရှမ်းပြည်နယ် အောင်ပန်းမြို့နှင့်မန္တလေးတိုင်းဒေသကြီး မှ အများဆုံး မှာယူ ရောင်းချလျက်ရှိကြောင်း သိရှိရပါ သည်။

 ကန့်ဘလူမြို့နယ်တွင် ကြက်သွန်ဖြူ ယခင်ဒီဇင်ဘာလ တတိယပတ်အတွင်း ကြက်သွန်ဖြူ ဈေးနှုန်း အနေဖြင့် ရှမ်းကြက်သွန်ဖြူ(ခေါ်)ကြူကုတ်အမျိုးအစား တစ်ပိဿာလျှင်  ကျပ်(၂၃၀၀၀)၊ (၂၅) ကျပ်သား လျှင် ကျပ်(၅၅၀၀)၊ ဗမာကြက်သွန်ဖြူ အကြီးစ တစ်ပိဿာလျှင် ကျပ်(၁၇၀၀၀)(၂၅)ကျပ်သားလျှင် ကျပ်(၄၅၀၀)၊ အလတ်စ တစ်ပိဿာလျှင် ကျပ်(၁၆၀၀၀)၊ (၂၅)ကျပ်သားလျှင် ကျပ်(၄၀၀၀)နှင့် ဗမာကြက်သွန်ဖြူ အသေးစ တစ်ပိဿာလျှင် ကျပ်(၁၄၀၀၀)၊ (၂၅)ကျပ်သားလျှင် ကျပ်(၃၅၀၀)ဈေးနှုန်း ဈေးနှုန်း အသီးသီးရောင်းချလျက်ရှိကြောင်း၊ ယခု ဒီဇင်ဘာလ စတုထ္ထပတ်တွင် ကြက်သွန်ဖြူဈေးနှုန်း အနေဖြင့် ရှမ်းကြက်သွန်ဖြူ(ခေါ်)ကြူကုတ်အမျိုးအစား တစ်ပိဿာလျှင်  ကျပ်(၂၃၀၀၀)၊ (၂၅) ကျပ်သား လျှင် ကျပ်(၅၅၀၀)၊ ဗမာကြက်သွန်ဖြူ အကြီးစ တစ်ပိဿာလျှင် ကျပ်(၁၈၀၀၀) (၂၅)ကျပ်သားလျှင် ကျပ်(၄၅၀၀)၊ အလတ်စ တစ်ပိဿာလျှင် ကျပ်(၁၆၀၀၀)၊ (၂၅)ကျပ်သားလျှင် ကျပ်(၄၀၀၀)နှင့် ဗမာ ကြက်သွန်ဖြူ အသေးစ တစ်ပိဿာလျှင် ကျပ်(၁၄၀၀၀)၊ (၂၅)ကျပ်သားလျှင် ကျပ်(၃၅၀၀)ဈေးနှုန်း အသီးသီး ရောင်းချလျက်ရှိကြောင့် ဒီဇင်ဘာလ တတိယပတ်နှင့် နှိုင်းယှဉ်ကြည့်မည်ဆိုပါက ပြောင်းလဲမှုမရှိဘဲ တည်ငြိမ်လျက်ရှိကြောင်း ကန့်ဘလူမြို့ ကြက်သွန်ဖြူအရောင်းအဝယ်လုပ်နေသူထံမှ သိရှိရပါ သည်။

DOCA(စစ်ကိုင်း)

 စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများဖြစ်သည့် ကာဘိုး၊ ဇီးကုန်း၊ ထန်းကုန်း ကျေးရွာများတွင် ဂေါ်ဖီထုတ်ကို စိုက်ပျိုးကာ လှိုင်လှိုင်ထွက်ရှိပြီး ကန့်ဘလူမြို့နှင့် ကျွန်းလှမြို့ ဈေကွက်အတွင်းသို့ ပို့ဆောင်ရောင်းချကြပါသည်။

ဂေါ်ဖီထုတ်ကို အသုံးပြုပုံမှာ အကြော်အချဉ်ဖျော်စပ်ရာတွင်လည်းကောင်း၊ ကော်ပြန်ကြော်၊ စမူစာကြော်၊ အသုပ်စုံ နှင့် မုံညှင်းချဉ်တို့တွင် ရောနှောထည့်သုံးသလို မုံလာထုတ် အစိမ်းကို ရေစိမ်၍ အတို့အမြုပ်ဖြင့်လည်းစားကြသလို အခြားသီးနှံများဖြင့်လည်းရောကြော်ပီး စားကြသည့်အတွက် အရှိ မဖြစ် ကုန်စိမ်းသီးနှံတစ်မျိုးလည်း ဖြစ်ပါသည်။

ကန့်ဘလူမြို့ မြို့မဈေးတွင် စားဝတ်နေရေးအတွက် ကုန်စိမ်းရောင်းချနေသူများသည် ဂေါ်ဖီ ထုတ်များကို ယခင်လ များတွင် မန္တလေးမြို့ နှင့် ရှမ်းပြည်နယ်တို့မှ မှာယူရောင်းချရပြီး ယခု နိုဝင်ဘာ လကုန် ဒီဇင်ဘာလ လဆန်းပိုင်းတွင် ဒေသတွင်းထွက်ရှိသည့် ဂေါ်ဖီထုတ်များကိုသာ ဝယ်ယူရောင်း ချလျက်ရှိပြီး ဂေါ်ဖီထုတ်များကို အထုတ်အကြီး/အ‌သေးသောင်းပြောင်းဝယ်ယူကာ ဖောက်သည် ဈေး နှုန်းအနေဖြင့် ဂေါ်ဖီထုတ် တစ်ထုတ်လျှင် (၂၀၀၀)ကျပ်ဖြင့် ဝယ်ယူရပြီး စားသုံးသူပြည်သူမျာကို ပြန်လည်ရောင်းချသည့် ဈေးနှုန်းမှာ ဒီဇင်ဘာလ တတိယပတ်တွင် ဂေါ်ဖီထုတ် အကြီး/ အသေး ပေါ်မူတည်၍ တစ်ထုတ်လျှင် (၃၅၀၀/၃၀၀၀)ကျပ် ဈေးနှုန်းများဖြင့် ရောင်းချခဲ့ပြီး ယခု ဒီဇင်ဘာလ စတုထ္ထပတ်တွင် ဂေါ်ဖီထုတ် အကြီး/ အသေးပေါ်မူတည်၍ တစ်ထုတ်လျှင် (၂၀၀၀/၂၅၀၀/၃၀၀၀)ကျပ် ဈေးနှုန်းများဖြင့်  အရောင်းအဝယ်ဖြစ်လျက်ရှိပြီး ယခင်အပတ်နှင့် နှိုင်းယှဉ်ကြည့်မည်ဆိုပါက  ဈေးနှုန်း အနည်းငယ်ကျဆင်းလျက်ရှိပြီး အရောင်းအဝယ်ဖြစ်လျက်ရှိကြောင်း ကုန်စိမ်းသီးနှံအစုံ ရောင်းချသူများ ထံမှ သိရပါသည်။

DOCA(စစ်ကိုင်း)

ရန်ကုန်တိုင်းဒေသကြီး ဗိုလ်တထောင်ခရိုင်၊ မင်္ဂလာတောင်ညွှန့်မြို့နယ် အထက်ပုဇွန်တောင် လမ်းမနှင့် သံသုမာလမ်းထောင့်ရှိ ကြက်/ဘဲဈေးဒိုင်၏ ၂၃-၁၂-၂၀၂၄ ရက်နေ့ ဈေးကွက်ဈေးနှုန်းများ အရ နေ့စဉ်ကြက်ကောင်ရေ (၅၇၂၂၅)ခန့်နှင့် ဘဲကောင်ရေ (၅၀၀)ခန့်တို့ အရောင်းအဝယ် ဖြစ်လျက် ရှိကြောင်း သိရှိရပါသည်။ 

        ဒီဇင်ဘာလ စတုတ္တပတ်အတွင်း အရောင်းအဝယ်ဖြစ်သည့်အကောင်ပြတ် တစ်ပိဿာဈေးနှုန်း မှာ ဗမာကြက်(၁၈၀၀၀ မှ ၃၁၀၀၀) ကျပ်၊ကြက်နီ(မွေးမ)(၁၂၈၀၀ မှ၁၆၀၀၀)ကျပ် တို့ရှိပါသည်။     စီပီအသားတိုးကြက်မှာ တစ်ပိဿာဈေးနှုန်း (၁၀၀၀၀ ကျပ် မှ ၁၀၈၀၀) ကျပ်နှင့် ချယ်ရီ၊ဘယ်ရီဘဲ တစ်ပိဿာ(၁၅၀၀၀ ကျပ်မှ ၁၉၀၀၀)ကျပ် တို့ရှိကြောင်းသိရှိရပြီး ၊အထူးသဖြင့် စီပီအသားတိုးကြက် မှာ အများဆုံးရောင်းချရပြီး တစ်ရက်လျှင် ပိဿာ (၅၆၂၀၀)ခန့် နှင့်ကြက်နီ(မွေးနီ/မ)များမှာ တစ်နေ့ လျှင်ပိဿာ(၁၂၄၇၀)ခန့်နှင့်အရောင်းအဝယ်ဖြစ်လျက်ရှိပါသည်။ ကြက်နီ (မွေးထီး/မ)မှာ ဒန်ပေါက် လုပ်ငန်းများအတွက် ဝယ်ယူကြကြောင်း နှင့် စီပီအသားတိုးကြက်မှာ ဘာသာရေးပွဲတော်များနှင့်  အလှူအတန်းများအတွက် အသုံးများလေ့ရှိကြောင်းသိရှိရပါသည်။

ကြက်/ဘဲ ဈေးဒိုင်ဈေးကွက်အရ သိသိသာသာဈေးနှုန်းမြှင့်တက်ခြင်းမရှိသော်လည်း ဘာသာရေးပွဲတော်ရက်များနှင့် တိုက်ဆိုင်နေခြင်းကြောင့် ဝယ်လိုအားများကြောင်း သတင်းရရှိ ပါသည်။

DOCA(ရန်ကုန်)

ရန်ကုန်တိုင်းဒေသကြီး သင်္ဃန်းကျွန်းခရိုင် ၊ တာမွေ (ယာယီ) ဈေးအတွင်း အခြေခံစားသောက် ကုန်ဈေးနှုန်းများဖြစ်သော ဆန်ကြမ်း / ဆန်ချော အမျိုးအစားများအလိုက် 2024 ခုနှစ် ဒီဇင်ဘာလ  စတုတ္တပတ်တွင် ဧည့်မထတစ်ပြည်လျှင် (3၀00 မှ ၄၀00) ကျပ်ထိ၊ ဇီယာတစ်ပြည်လျှင် (၄၂00 မှ 50၀0) ကျပ်ထိ ၊   ပေါ်ဆန်းမွှေးတစ်ပြည်လျှင် (၅၅၀၀ မှ6၈00) ကျပ်ထိလည်းကောင်း အရောင်း အဝယ်ဖြစ်လျက်ရှိကြောင်း သိရှိရပါ သည်။

        အလားတူ စားဖိုဆောင်သုံးစားသောက်ကုန်များတွင် ဆီ(စားအုန်းဆီ)  တစ်ပိဿာ ၇၆၉၅ ကျပ်၊   ပဲဆီ တစ်ပိဿာ (၁၅၀၀၀ မှ ၁၈000 )ကျပ်ထိ ၊ ကြက်သွန်နီ တစ်ပိဿာ(၂၈၀၀ မှ ၃၀00) ကျပ်ထိ ၊ ကြက်သွန်ဖြူ တစ်ပိဿာ(၁၅၀၀၀ မှ 2၂00၀) ကျပ်ထိ ၊ ဆားတစ်ထုပ် (၁500 မှ ၁၇၀၀) ကျပ်ထိ၊  ငရုပ်တောင့်(ရှည်) တစ်ပိဿာ (၁၅၀၀၀ မှ ၂၀၀၀၀)ကျပ်ထိ၊ ငရုပ်တောင့်(ပု) တစ်ပိဿာ (၂၀၀၀၀ မှ ၂၅000 ကျပ်၊  ကုလားပဲခြမ်းတစ်ပိဿာ (၇၀၀၀ မှ 7၅00)ကျပ်ထိ၊ ချင်းတစ်ပိဿာ (၁၀၀၀၀ မှ ၁၅000 )ကျပ်ထိ တို့ဖြစ်ကြောင်း သိရှိရပါသည်။

ထို့အတူ အသား/ငါးဈေးနှုန်းများမှာလည်း မွေးမြူရေးကြက်တစ်ပိဿာ (၁၃၀၀၀ မှ ၁၆000) ကျပ်ထိ ၊ မြန်မာကြက်တစ်ပိဿာ(၂၀၀၀၀ မှ ၂၅000) ကျပ်ထိ ၊ ဝက်သားတစ်ပိဿာ (၂၅၀၀၀ မှ ၂၈၀၀၀)ကျပ်ထိ၊ ဘဲသားတစ်ပိဿာ(၁၇၀၀၀ မှ ၂၀000) ကျပ်ထိ၊ ဆိတ်သားတစ်ပိဿာ(၂၈၀၀၀ မှ ၃၃000) ကျပ်ထိ၊ အမဲသားတစ်ပိဿာ(၁၈၀၀၀ မှ 2၅000) ကျပ်ထိ၊ ငါးကြင်းတစ်ပိဿာ(၂၀၀၀၀ မှ ၂၅000)ကျပ်ထိ၊ ငါးမြစ်ချင်းတစ်ပိဿာ(၁၂၀၀၀ မှ ၁၅000)ကျပ်ထိ၊ ငါးခူတစ်ပိဿာ(၂၀၀၀၀ မှ ၃၅000) ကျပ်ထိ၊ ရေချိုပုဇွန်(လတ်)တစ်ပိဿာ (၂၀၀၀၀ မှ ၄၀000) ကျပ်ထိ၊ ရေငန်ပုဇွန် (လတ်) တစ်ပိဿာ(၂၅၀၀၀ မှ ၃၀000) ကျပ်ထိ၊ ငါးတန်တစ်ပိဿာ (၈၀၀၀ မှ ၂၅000 )ကျပ်ထိ၊ ပင်လယ် ငါးစုံတစ်ပိဿာ (၇၅၀၀ မှ ၁၀000) ကျပ်ထိ ၊ ငါးရံ့တစ်ပိဿာ(၁၈၀၀၀ မှ ၃၀000 )ကျပ်ထိ၊  ငါးသလောက်တစ်ပိဿာ(၁၅၀၀၀ မှ ၄၅000)ကျပ်ထိ ၊ ပုဇွန်ခြောက် တစ်ပိဿာ (၆၀၀၀၀ မှ 1၅0000) ကျပ်ထိ ၊ ငါးရံ့ခြောက်တစ်ပိဿာ (၁၀၀၀၀၀ မှ ၁၅000၀)ကျပ်ထိ ၊ အာဗြဲခြောက် တစ်ပိဿာ (၃၀၀၀၀ မှ၄၀000) ကျပ်ထိ တို့ဖြစ်ကြောင်း  သိရှိရပါသည်။

          ၂၄.၁၂.၂၀၂၄ ဈေးကွက်ဈေးနှုန်းများအရ စားအုန်းဆီဈေးနှုန်းမှာ ရည်ညွှန်းဈေးပေါ် မူတည်၍ ဈေးအနည်းငယ်တက်ပြီး၊ ပဲဆီဈေးနှုန်းမှာ ဝယ်လိုအားနည်းသဖြင့် ဈေးအနည်းငယ် ကျဆင်းသွားကြောင်း ၊ အခြားအခြေခံဈေးနှုန်းများမှာ ဈေးငြိမ်လျက်ရှိပြီး ကြက်ဥဈေးနှုန်းမှာ သက်ဆိုင်ရာဌာနများ၏ အစီအစဥ်ဖြင့်ဈေးကွက်အတွင်းရောင်းချပေးခြင်းကြောင့် ဈေးသိသိ သာသာကျဆင်းသွား ကြောင်း စုံစမ်းသိရှိရပါသည်။

DOCA(ရန်ကုန်)