ပြည်ပကုန်သွယ်မှုသတင်းများ

ကုလားပဲများ အခြေခံရည်ညွှန်းဈေးနှုန်းအောက်၌ အရောင်းအဝယ်ဖြစ်လျှက်ရှိခြင်း

          အိန္ဒိယနိုင်ငံတစ်ဝန်း၌ ၂၀၂၁-၂၀၂၂ ခုနှစ် ဆောင်းသီးနှံရာသီတွင် စိုက်ပျိုးထားရှိသော ကုလားပဲများအား ရိတ်သိမ်းလျှက်ရှိပြီး မဒ္ဒရာပရာဒေ့ရှ်၊ မဟာရဋ္ဌ၊ ဂူဂျရတ်တို့အပါအဝင် အဓိက စိုက်ပျိုးထုတ်လုပ်ရာပြည်နယ်များရှိ ကုန်စည်ဒိုင်များသို့ ဈေးကွက်ဝင်ရောက်မှု များပြားလျှက်ရှိရာ အစိုးရက အနိမ့်ဆုံးထားဝယ်ယူပေးမည့် အခြေခံ ရည်ညွှန်းဈေးနှုန်း(MSP)အောက် ၁၅ % ခန့်အထိ ဈေးနှုန်းများကျဆင်းလျှက်ရှိကြောင်း၊ အိန္ဒိယ ပဲမျိုးစုံနှင့်ကောက်ပဲသီးနှံအသင်းမှ ဒု-ဥက္ကဋ္ဌဖြစ်သူက ယခုနှစ်တွင် ကုလားပဲအထွက်နှုန်းကောင်းမွန်မှုရှိပြီး မဟာရဋ္ဌနှင့်ဂူဂျရတ်ပြည်နယ်တို့၌ ကုန်စည်ဒိုင် များသို့ဈေးကွက်ဝင်ရောက်မှုသည် ပုံမှန်ထက် ၂၅% ခန့်ပိုမိုလျှက်ရှိရာ ကုလားပဲအတွက်  သတ်မှတ် ထားသည့် MSP ဈေးနှုန်း ၁ ကွမ်တယ်(၁၀၀ ကီလိုဂရမ်)လျှင် ရူပီးငွေ ၅၂၃၀ အောက် ၁၅% ခန့် လျော့နည်း၍ ရူပီး ၄၃၀၀ မှ ၄၄၀၀ အတွင်း၌သာ အရောင်းအဝယ်ဖြစ်လျှက်ရှိကြောင်း၊ ကုလားပဲ ဈေးနှုန်းကို တောင်သူများအကျိုးတူဖြစ်ထွန်းမည့်ဈေးနှုန်းအထောက်အပံ့ဖြစ်စေရန်အတွက်  အစိုးရ အနေဖြင့် သီးနှံလက်ဝယ်ထားရှိသိုလှောင်နိုင်ခွင့်ကန့်သတ်ချက်အားပယ်ဖျက်ပြီး အနာဂတ်ကာလ အတွက် ကုလားပဲသီးနှံ ကြိုတင်ရောင်းဝယ်မှုကိုခွင့်ပြုပေးသင့်ကြောင်း၊ ကုန်စည် သိုလှောင် ဈေး ကစားမှု မဖြစ်ပေါ်စေရေးနှင့် ဈေးကွက်တည်ငြိမ်မှုရှိစေရေးတို့အတွက် အိန္ဒိယအစိုးရသည် ပဲမျိုးစုံ လက်ဝယ် သိုလှောင်ထားရှိနိုင်မှုကိုကန့်သတ်လျှက် ကြိုတင်ရောင်းဝယ်ခြင်းများကိုလည်း တားမြစ် ထားရာ ယခုကဲ့သို့သီးနှံအမြောက်အများထွက်ပေါ်ချိန်၌ ကုန်သည်များ၏ဝယ်ယူရင်းနှီးမြှုပ်နှံလိုမှုမှာ အစိုးရ၏ MSP အခြေခံရည်ညွှန်းဈေးနှုန်းဖြင့် ကုလားပဲဝယ်ယူရေးလုပ်ငန်းအဆင့်ဆင့်ကို  ပြည်နယ် များ၌ဆောင်ရွက်လျှက်ရှိရာ အစိုးရ၏ဝယ်ယူရေးလုပ်ငန်းအပြည့်အဝလုပ်ဆောင်နိုင်ချိန်၌ ကုလားပဲ ဈေးနှုန်းများမှာတည်ငြိမ်မှုရရှိလာမည်ဖြစ်ကြောင်းကုန်သည်များကပြောဆိုလျှက်ရှိသည်ဟု သတင်း ဌာနကဖော်ပြထားကြောင်း၊ အိန္ဒိယ ပဲခွဲစက်လုပ်ငန်းရှင်များအသင်း ဥက္ကဋ္ဌ က ပဲစင်းငုံနှင့်ပဲတီစိမ်း တို့နည်းတူ ကုလားပဲသည်လည်း MSP ဈေးနှုန်း၏အောက်၌ အနိမ့်ကျဆုံးအခြေအနေဖြင့် ရောင်းချ လျှက်ရှိရာတွင် အစိုးရ၏ MSPဈေးနှုန်းဖြင့် စတင်ဝယ်ယူလာမှုအရ ယခုထက်ပို၍ ကုလားပဲဈေးနှုန်း ကျဆင်းဖွယ်မရှိဟုပြောကြားခဲ့ကြောင်း သိရှိရပါသည်။

(ရင်းမြစ်- နယူးဒေလီမြို့စီးပွားရေးသံမှူးပေးပို့သည့်သတင်း)

စွမ်းအင်ဈေးနှုန်းမြင့်တက်မှုကိုခံသာမှုရှိစေရေးအစီအမံများချမှတ်ခြင်း

          ဘယ်လ်ဂျီယံနိုင်ငံ၌ စွမ်းအင်ဈေးနှုန်း မြင့်တက်နေမှုပြဿနာကို ဖြေရှင်းနိုင်ရေး အစီအမံ များ  ချမှတ်ဆောင်ရွက်သွားရန် ဘယ်လ်ဂျီယံနိုင်ငံ ဖက်ဒရယ်အစိုးရက သဘောတူညီခဲ့ပြီး  ယင်း အစီအမံများအရဓါတ်ငွေ့အပေါ်ကောက်ခံသည့်တန်ဖိုးဖြည့်ခွန်(VAT)ကို၂၀၂၂ ခုနှစ်၊ စက်တင်ဘာလ ကုန်အထိ၂၁ % မှ ၆ % သို့လျှော့ချသွားမည်ဖြစ်ကြောင်း၊အနွေးပေးဆီအသုံးပြုရသည့် အိမ်ထောင်စု များအတွက်ယူရို(၂၀၀)တန်ဖိုးရှိ စွမ်းအင်အသုံးပြုခ ချက်လက်မှတ်များကို ပံ့ပိုးပေးမည်ဖြစ်ပြီး ဓါတ် ဆီနှင့်ဒီဇယ်ဆီတို့အတွက်  ကောက်ခံသည့်အခွန်ကို တစ်လီတာလျှင် ယူရို(၁၇.၅)ဆင့် လျှော့ချပေး သွားမည်ဖြစ်သည့်အပြင်ဝင်ငွေနိမ့်အိမ်ထောင်စုများအတွက်စွမ်းအင်သုံးစွဲခများအား social energy tariff  နှုန်းဖြင့်ပေးချေနိုင်သည့် ယာယီအစီအစဉ်အား ၂၀၂၂ ခုနှစ်၊ စက်တင်ဘာလ ၃၀ ရက်နေ့ထိ ထပ်မံသက်တမ်းတိုးမြှင့်သွားမည်ဖြစ်ကြောင်း၊ ဘယ်လ်ဂျီယံနိုင်ငံအစိုးရသည် လျှပ်စစ်ဓါတ်အားခ အတွက် VATနှုန်းထားကို ၂၁ % မှ ၆ % သို့ ယာယီလျှော့ချထားပြီးဖြစ်ရာ ယခုအခါ ဓါတ်ငွေ့အတွက်  VAT နှုန်းထားကိုပါ အလားတူလျှော့ချခဲ့ခြင်းဖြစ်ပြီး ထိုသို့လျှော့ချမည့်ကာလအား ၂၀၂၂ ခုနှစ် စက်တင်ဘာလ ၃၀ ရက်နေ့ထိ တိုးမြှင့်ခွင့်ပြုခဲ့ကြောင်း၊ ဘယ်လ်ဂျီယံနိုင်ငံအစိုးရအနေဖြင့် ဝင်ငွေနိမ့် အိမ်ထောင်စုများအတွက် စွမ်းအင်သုံးစွဲခများအား social energy tariff နှုန်းဖြင့် ပေးချေနိုင်သည့် ယာယီအစီအစဉ်အပေါ် ပြန်လည်သုံးသပ်မှုများကို ၂၀၂၂ ခုနှစ်၊ စက်တင်ဘာလလယ်တွင် ပြုလုပ် သွားမည်ဖြစ်ကြောင်း၊ ထောက်ပံ့‌ရေးကွင်းဆက်ပြဿနာများနှင့် ယူကရိန်းပဋိပက္ခ၏ သက်ရောက်မှု တို့ကြောင့် ထုတ်လုပ်မှုရပ်နားထားရသည့်ကုမ္ပဏီများအတွက်  ဝန်ထမ်းများအား ယာယီအလုပ် လက်မဲ့အဖြစ် သတ်မှတ်ဆောင်ရွက်နိုင်သည့်အစီအမံကို ကာလတိုးမြှင့်သွားမည်ဖြစ်ကြောင်း၊ ဘယ်လ်ဂျီယံနိုင်ငံ၌အစိုးရက ၎င်းအစီအမံများအတွက်  စုစုပေါင်းကုန်ကျစရိတ် ယူရို(၁.၃)ဘီလီယံ သုံးစွဲသွားမည်ဖြစ်ကြောင်းသိရှိရပါသည်။

(ရင်းမြစ်- ဘရပ်ဆဲလ်မြို့စီးပွားရေးသံမှူးပေးပို့သည့်သတင်း)

Brent ရေနံစိမ်းဈေးကျဆင်းမှုကြောင့် ဩစတြေးလျငွေတန်ဖိုးကျဆင်းသွားခြင်း

          Brent ရေနံစိမ်းဈေးသည် ရက်သတ္တပတ်များစွာကြာအောင် ရောင်းဝယ်ဖောက်ကားမှုမှ ကျဆင်းလာသောကြောင့် ဩစတြေးလျရေနံထုတ်လုပ်သူများနှင့် ပြည်တွင်းသုံးငွေများကိုထိခိုက်မှု ဖြစ်ပွားလျှက်ရှိကြောင်း၊ASX 200 သည် မတ်လလယ်တွင် ၀.၇% အရှုံးဖြင့် အရောင်းအဝယ်ပြုလုပ် ခဲ့ပြီး နောက်ဆုံးတွင်၇၀၉၈ မှတ်ဖြင့်ပိတ်သွားခဲ့ရာ ကြီးကြီးမားမားအရှုံးပေါ်သူများထဲတွင် Champion နှင့် Chalice သတ္ထုတွင်းတို့ပါဝင်ပြီး နှစ်ဉီးစလုံးမှာ ၁၀% ခန့်ဆုံးရှုံးမှုရှိကြောင်း၊အခြားတစ်ဖက်တွင် Uniti Group သည် ဝယ်ယူရန်ဆွေးနွေးမှုများ ပြုလုပ်နေသည့်အစီရင်ခံစာများပေါ်တွင် ၂၇% အမြတ်ရှိခဲ့ပြီး Beach Enengy နှင့် BHP အပါအဝင် အခြားကုမ္ပဏီများမှာ ၅ % ဆုံးရှုံးခဲ့ရာ ၎င်းတို့ နှစ်ဉီးစလုံးသည် ရေနံထုတ်လုပ်မှုတွင် အကျိုးတူစီးပွားများရှိနေကြောင်း၊ယူကရိန်းနှင့်ရုရှား ပဋိပက္ခ ကြောင့် သီတင်းပတ်များအကြာ ရေနံဈေးတက်နေခဲ့ပြီး ရုရှားသည် ကမ္ဘာ့ဒုတိယအကြီးဆုံး ကုန် ပစ္စည်းထုတ်လုပ်သူဖြစ်ရာ အဆိုပါပဋိပက္ခကြောင့် ကမ္ဘာ့ရေနံထောက်ပံ့မှုမှာမေးခွန်းထုတ်စရာဖြစ်ခဲ့ ကြောင်း၊ယခုရေနံဈေးနှုန်းမျာ ရုရှား- ယူကရိန်း ငြိမ်းချမ်းရေးဆွေးနွေးမှုကြောင့် ရက်ပိုင်းအတွင်း သဘောတူညီချက်မူကြမ်းမျာ အကောင်အထည်ဖော်နိုင်မည်ဟု နှစ်ဖက်ကိုယ်စားလှယ်အချို့၏ ပြောဆိုမှုများနှင့်အတူ ရေနံဈေးနှုန်း အမြင့်မှကျဆင်းခဲ့ကြောင်း၊လောင်စာဆီဈေးနှုန်းများ မြင့်တက် လာခြင်းနှင့် ထောက်ပံ့ရေးကွင်းဆက်ပြတ်တောက်မှုများသည် စတော့ဈေးကွက်ကို ဆက်လက် မတည်မငြိမ်ဖြစ်စေလိမ့်မည်ဟု သုတေသနပညာရှင်များက ခန့်မှန်းထားကြောင်း၊ ဩစတြေးလျ ရေနံအဖွဲ့အစည်း၏ အချက်အလက်များအရ ယခုအခါ နိုင်ငံတွင်းပျမ်းမျှဈေးမှာ 92 နှင့် 98 Octane ဓါတ်ဆီတစ်လီတာ၏ ပျမ်းမျှဈေးနှုန်းမှာ ဩစတြေးလျဒေါ်လာ ၁၉၇.၆ ဆင့်ဖြင့် စံချိန်တင်မြင့်မား နေကြောင်းသိရှိရပါသည်။

(ရင်းမြစ်- ကင်ဘာရာမြို့စီးပွားရေးသံမှူးပေးပို့သည့်သတင်း)

စားသုံးဆီတင်သွင်းနိုင်မည့် အရင်းအမြစ်များ လေ့လာနေသည့် အိန္ဒိယနိုင်ငံ

          ပြည်တွင်းသို့ နေကြာဆီများ အဓိကဝယ်ယူတင်သွင်းသည့် ကုန်သွယ်ဘက်နိုင်ငံဖြစ်သော ယူကရိန်းနိုင်ငံထံမှ  သွင်းအားစုပြတ်လပ်မှုနှင့် ကြုံတွေ့နေရချိန်၌ စားသုံးဆီဖူလုံမှုရှိစေရေးအတွက်  အိန္ဒိယအစိုးရသည် တောင်အမေရိကဒေသနှင့် အရှေ့တောင်အာရှဒေသရှိ နိုင်ငံများနှင့် ဆွေးနွေး ညှိနှိုင်းမှုများ လုပ်ဆောင်လျှက်ရှိကြောင်း၊ ပြည်တွင်း၌ အရန်စားသုံးဆီများစုဆောင်းထားသော်လည်း အစိုးရအနေဖြင့် စားသုံးဆီတင်သွင်းရန်အတွက် အခြားသောအရင်းအမြစ်များကို လေ့လာရှာဖွေ လျှက်ရှိသည်ဟု အိန္ဒိယစားသုံးသူရေးရာဝန်ကြီးဌာနကပြောကြားခဲ့ကြောင်း၊နိုင်ငံတကာ နေကြာဆီအသင်းမှ ဥက္ကဋ္ဌဖြစ်သူက အိန္ဒိယနိုင်ငံ၏လစဉ်နေကြာဆီစားသုံးမှုမှာ တန်ချိန် ၂ သိန်းခန့်ရှိကြောင်း၊ ဖေဖော်ဝါရီလအတွင်း အိန္ဒိယနိုင်ငံသို့တင်ပို့သည့် နေကြာဆီပမာဏမှာ တန်ချိန် ၁.၅ သိန်းခန့်ရှိ သော်လည်း မတ်လအတွက် မှန်းဆရန်ခက်ခဲကြောင်း၊ အိန္ဒိယနိုင်ငံအတွက် နေကြာဆီ ပိုမိုဝယ်ယူ တင်သွင်းရန် ရွေးချယ်နိုင်သည့် အခြားသောဈေးကွက်မှာ အာဂျင်တီးနားနိုင်ငံဖြစ်ကြောင်း၊ ၎င်းတို့အနေဖြင့် အာဂျင်တီးနားနိုင်ငံမှနေကြာဆီတင်သွင်းရန် စာချုပ်များချုပ်ဆိုမှုကို တိုးမြှင့်ဆောင်ရွက်လျှက်ရှိကြောင်း၊ အကယ်၍ အိန္ဒိယနိုင်ငံနှင့် ရုရှားနိုင်ငံတို့အကြား ရူပီး-ရူဘယ်ငွေကြေးစနစ်ဖြင့် ကုန်သွယ်နိုင်ပါက ရုရှားနိုင်ငံထံမှ နေကြာဆီ တင်သွင်းရယူနိုင်ချေရှိကြောင်း၊ ရုရှား-ယူကရိန်း နှစ်နိုင်ငံအပစ်အခတ်ရပ်စဲခဲ့ပါက ယူကရိန်းနိုင်ငံထံမှ နေကြာဆီများသင်္ဘောတင်ပို့မှုကို ပြန်လည်စတင် ဆောင်ရွက်နိုင်မည်ဖြစ်ကြောင်း၊ ရုရှား-ယူကရိန်းစစ်ပွဲဖြစ်ပေါ်မှုကြောင့် နေကြာဆီ သွင်းအားစုအပိုင်း ပုံပျက်ယွင်းမှုနှင့်အတူ အိန္ဒိယပြည်တွင်း၌ နေကြာဆီဈေးနှုန်းများ မြင့်တက်လျှက်ရှိသကဲ့သို့ စားအုန်းဆီ နှင့် ပဲပုတ်ဆီတို့၏ ဈေးနှုန်းများသည်လည်း လွန်ခဲ့သော ရက်သတ္တပတ်အနည်းငယ်ကစတင်၍ မြင့်တက်လာသော်လည်း ပြည်တွင်း၌ စိုက်ပျိုးထုတ်လုပ်မှုရှိသော မုံညင်းဆီနှင့် မြေပဲဆီတို့၏ ဈေးနှုန်းများမှာ အထိုက်အလျောက်တည်ငြိမ်လျှက်ရှိကြောင်း၊ အိန္ဒိယ ဆီကြိတ်ခွဲ ထုတ်လုပ်ရေးလုပ်ငန်းရှင်များအသင်းမှ အမှုဆောင်ဒါရိုက်တာက ပြည်တွင်းဈေးကွက်၌ ဆီမုံညင်း တန်ချိန် သိန်း ၁၁၀ ခန့် ထွက်ရှိနိုင်ဖွယ်ရှိသည့်အပြင် ဆီကြိတ်ပဲပုတ်သည်လည်း တန်ချိန် သိန်း ၇၀ မှ ၈၀ ထိ ထွက်ရှိနိုင် ကြောင်း၊ ယူကရိန်းပဋိပက္ခဖြစ်ပေါ်မှုက ပြည်တွင်းဈေးကွက်၌ စားသုံးဆီများ ဈေးနှုန်းမြင့်တက်မှုကို ဖြစ်ပေါ်စေသော်လည်း ကုန်စည်ပြတ်လပ်မှုဖြစ်ပေါ်နိုင်မည်မဟုတ်ကြောင်း၊ နေကြာဆီအား အစားထိုး သုံးစွဲနိုင်မည့်စားအုန်းဆီမှာမူ အင်ဒိုနီးရှားနိုင်ငံ၏ ကုန်သွယ်ရေးမူဝါဒပြောင်းလဲမှုကြောင့် ဈေးနှုန်းများ မြင့်တက်ခဲ့သည်ဟုပြောကြားခဲ့ကြောင်းသိရှိရပါသည်။

(ရင်းမြစ်-နယူးဒေလီမြို့ စီးပွားရေးသံမှူး ပေးပို့သည့်သတင်း)

ဈေးနှုန်းများတည်ငြိမ်စေရန် အစီအမံများ ချမှတ်လုပ်ဆောင်လျှက်ရှိခြင်း

          တရုတ်နိုင်ငံသည် နိုင်ငံတကာတွင် ဖြစ်ပေါ်လျှက်ရှိသည့် မသေချာမှုများနှင့် ဈေးနှုန်းများ မြင့်တက်ခြင်းတို့ကြောင့် နိုင်ငံ့စီးပွားရေးလုပ်ငန်းများတွင် အဓိကအသုံးပြုရသည့် ကျောက်မီးသွေး၊ သံရိုင်း စသည့်ကုန်စည်များ၏ဈေးနှုန်းများ တည်ငြိမ်မှုရှိစေရေးအတွက်  ဈေးကွက်အတွင်း ဈေးနှုန်းနှင့်ပတ်သက်သည့် စီမံ‌ဆောင်ရွက်မှုများအား ပိုမိုခိုင်မာကောင်းမွန်အောင် ဆောင်ရွက်သွားမည်ဖြစ်ကြောင်း တရုတ်အမျိုးသားဖွံ့ဖြိုးတိုးတက်မှုနှင့် ပြုပြင်ပြောင်းလဲရေးကော်မရှင် (National Development and Reform Commission-NDRC)က ထုတ်ပြန်ခဲ့ရာ ကျောက်မီးသွေး ဈေးကွက်ရှိ ဈေးနှုန်းသတ်မှတ်ရေးအစီအမံအား ပိုမိုကောင်းမွန်အောင် ဆောင်ရွက်သွားမည်ဖြစ်ကြောင်း၊ ထိုကဲ့သို့ဆောင်ရွက်ခြင်းဖြင့် တရုတ်နိုင်ငံ၏ ကျောက်မီးသွေးလုပ်ငန်းအပါအဝင် ဈေးကွက်များအား လုပ်ထုံးလုပ်နည်းများ၊ ကြီးကြပ်ကွပ်ကဲမှုများ ပိုမိုခိုင်မာအားကောင်းစေမည်ဖြစ်ကြောင်း၊ အကယ်၍ ကျောက်မီးသွေးဈေးနှုန်းအား သင့်တော်သည့်အနေအထားအတွင်း ထိန်းသိမ်းထားနိုင်ပါက လျှပ်စစ်ဈေးနှုန်းများ ပြောင်းလဲမှုမရှိစေရန် ထိရောက်စွာ ထိန်းသိမ်းထားနိုင်မည်ဖြစ်ကြောင်း ၊တရုတ်နိုင်ငံ ၏ ကျောက်မီးသွေးထုတ်လုပ်ထွက်ရှိမှုသည် နိုင်ငံလိုအပ်ချက်၏ ၉၀% ထက်ကျော်လွန်သည့်အတွက် ပြည်တွင်းလိုအပ်ချက်ပြည့်မီစေမည်ဟုဖော်ပြထားကြောင်း၊ ထိုကဲ့သို့ပင် ဈေးကွက်အတွင်း သံရိုင်း ဝယ်လိုအားနှင့်ရောင်းလိုအား တည်ငြိမ်လျက်ရှိသော်လည်း ဈေးနှုန်းများ အဆမတန် မြင့်တက်လာခြင်းကြောင့် ဆိပ်ကမ်းများ၌ သံရိုင်းများ အလွန်အမင်း စုပုံထားရှိခြင်းကို တားဆီးသည့်အနေဖြင့် ဆိပ်ကမ်း၌အခမဲ့ထိန်းသိမ်းထားနိုင်သည့်ကာလအားလျှော့ချ၍ ထိန်းသိမ်းစောင့်ရှောက်ခကိုလည်း တိုးမြှင့်သွားမည်ဖြစ်ကြောင်း၊ သံရိုင်းကုန်သည်များအနေဖြင့် ဆိပ်ကမ်း၌စုပုံနေသည့် သံရိုင်းများအား လာရောက်ထုတ်ယူရေးကိုလည်း တွန်းအားပေးဆောင်ရွက်သွားမည်ဟု  NDRC မှ ကြေငြာချက် ထုတ်ပြန်ခဲ့ကြောင်း၊ တရုတ်နိုင်ငံတွင် သံရိုင်းဈေးနှုန်းပြောင်းလဲမှုများကြောင့် တရုတ်အမျိုးသားဖွံ့ဖြိုး တိုးတက်ရေးနှင့် ပြုပြင်ပြောင်းလဲရေးကော်မတီသည် ၂၀၂၂ ခုနှစ်၊ ဇန်နဝါရီ(၂၈)ရက်နေ့မှစ၍ ဈေးကွက်အတွင်း သံရိုင်းဈေးနှုန်း တည်ငြိမ်စေရေးအတွက် တစ်လတာကာလအတွင်း၌ သံရိုင်းနှင့်ပတ်သက်သည့် ကြေငြာချက်(၆)ခုထုတ်ပြန်ခဲ့ကြောင်းသိရှိရပါသည်။

(ရင်းမြစ်-ပေကျင်းမြို့ စီးပွားရေးသံမှူး‌ပေးပို့သည့်သတင်း)

ပီလောပီနံတင်ပို့မှုအလားအလာကောင်းမွန်မည်ဟုမျှော်လင့်

          ကမ္ဘာ့ဝယ်လိုအား မြင့်တက်လာမှုနှင့် သီးနှံဈေးနှုန်းများ မြင့်တက်မှုတို့ကြောင့် ယခုနှစ် အတွက် ထိုင်းနိုင်ငံ၏ ပီလောပီနံတင်ပို့မှုအလားအလာ ကောင်းမွန်မည်ဟုမျှော်လင့်ရကြောင်း၊ ပီလောပီနံမူဝါဒနှင့် စီမံခန့်ခွဲရေးကော်မတီအစည်းအဝေးတွင် ဥက္ကဋ္ဌအဖြစ် ဆောင်ရွက်ပြီးနောက်  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဝန်ကြီးက ၂၀၂၁ ခုနှစ်တွင် ပြည်ပသို့ ပီလောပီနံ ပြည်ပတင်ပို့မှုအနေဖြင့် (၄၈.၄၁%) တိုးတက်ခဲ့ပြီး ဘတ်ငွေအားဖြင့် (၁၂၃.၂)ဘီလီယံ ရရှိခဲ့ရာ ယခု ၂၀၂၂ ခုနှစ်တွင် ပီလောပီနံပြည်ပတင်ပို့မှုကို အရှိန်အဟုန်ဖြင့်တိုးတက်လာရန်မျှော်မှန်းထားကြောင်း၊ ပြည်ပတင်ပို့မှုမှာ အရေအတွက်အားဖြင့် (၄၅.၅၈%)တိုးတက်ခဲ့ပြီး (၁၀.၃၈)သန်းတင်ပို့နိုင်ခဲ့ရာ လွန်ခဲ့သည့် နှစ်‌ပေါင်း(၁၄)နှစ် အတွင်း အမြင့်မားဆုံးတိုးတက်မှုဖြစ်ခြင်းမှာ ကမ္ဘာ့သီးနှံဈေးနှုန်း မြင့်မားခဲ့မှု နှင့် အီသနော၊အယ်လ်ကိုဟောနှင့်ဆေးဘက်ဆိုင်ရာထုတ်ကုန်များအတွက်  ဝယ်လိုအားမြင့်မားခဲ့မှု တို့ကြောင့်ဖြစ်ကြောင်း ၊ထိုင်းနိုင်ငံ၏ ပီ‌လောပီနံပို့ကုန်အတွက် အကြီးမားဆုံး ဈေးကွက်မှာ တရုတ်ဈေးကွက်ဖြစ်ပြီး ၎င်းမှာ ပြည်ပတင်ပို့မှုစုစုပေါင်း၏ (၇၀%)၊ ဂျပန်က(၈%)၊ အင်ဒိုနီးရှားနိုင်ငံက(၃%)၊ တောင်ကိုရီးယားနိုင်ငံက(၂%)နှင့် အခြားနိုင်ငံများက (၁၇%)ရှိကြောင်း၊ လက်ရှိကာလ လတ်ဆတ်သော ပီလောပီနံဈေးနှုန်းမှာ တစ်ကီလိုဂရမ်လျှင် ပျမ်းမျှအားဖြင့်(၂.၅-၂.၆) ဘတ်သည် အစိုးရက လယ်သမားများအတွက် ဝင်ငွေ အာမခံချက်ပေးထားသည့် ဈေးနှုန်းနှင့် နီးစပ်မှုရှိကြောင်း၊ ဝန်ကြီးက ၎င်းအနေဖြင့် တရုတ်နိုင်ငံတွင် အီသနောထုတ်လုပ်မှုအတွက် ဝယ်လိုအားများ ဆက်တိုက်တိုးလာမှုကြောင့်  ပီလောပီနံဈေးနှုန်းအနေဖြင့်ပိုမိုတိုးတက်လာရန်မျှော်လင့်ကြောင်း၊ ၂၀၂၁-၂၀၂၂ သီးနှံရာသီ အတွက် ကမ္ဘာ့ပီလောပီနံထုတ်လုပ်မှုအနေဖြင့် (၁.၂၁%)တိုးတက်နိုင်ပြီး တန်ချိန်(၃၀၂) သန်း ရှိ နိုင်မည်ဖြစ်သော်လည်း ၂၀၂၁-၂၀၂၂သီးနှံရာသီအတွက် ထိုင်းနိုင်ငံ၏ ပီလောပီနံထုတ်လုပ်မှုမှာ ယခင် နှစ်ကရရှိခဲ့သော တန်ချိန်(၃၅.၀၉)သန်းထက် (၁%)ခန့်ကျဆင်းနိုင်ပြီး  တန်ချိန်(၃၄.၆၉)သန်း ရရှိနိုင်ခြင်းမှာ အလယ်ပိုင်းဗဟိုဒေသများတွင် ရေကြီးမှုများ ဖြစ်ပေါ်ခဲ့ခြင်းနှင့် အချို့စိုက်ပျိုးဒေသများတွင် မိုးခေါင်မှုများကြောင့်ဖြစ်ကြောင်း၊ ပြည်တွင်း လိုအပ်ချက်မှာ တန်ချိန် (၁၂.၇) သန်းခန့် ရှိလိမ့် မည်ဟုခန့်မှန်းထားပြီး ပြည်ပတင်ပို့မှုအနေဖြင့် တန်ချိန်(၂၉.၇)သန်းခန့် ရှိနိုင်သည်ဟု ခန့်မှန်းထားကြောင်း၊ ကော်မတီအနေဖြင့် ဘတ်ငွေ(၄၇၄)သန်းတန်ဖိုးရှိ စီမံကိန်းပရောဂျတ်(၁၀)ခုကို အတည်ပြု‌ပေးခဲ့ပြီး အဓိကအားဖြင့် ၂၀၂၃ မှ ၂၀၂၇ ခုနှစ်အတွင်း ပီလောပီနံ ပိုးမွှားရောဂါ ပပျောက်ရေးအပေါ် အဓိက ဉီးတည်ဆောင်ရွက်ခြင်းဖြစ်ကြောင်း၊ ပီလောပီနံမူဝါဒနှင့်စီမံခန့်ခွဲရေးကော်မတီအစည်းအဝေး တွင်လယ်ယာစိုက်ပျိုးရေဉီးစီးဌာန၊ လယ်ယာစိုက်ပျိုး‌ရေးနှင့်သမဝါယမဝန်ကြီးဌာနနှင့် ဆက်စပ်ဌာနဆိုင်ရာတို့အား ပီလောပီနံပင်များ အားကောင်းလာစေရန်၊ လယ်သမားများ၏ အလေအလွင့်များ လျော့နည်းစေရန်နှင့် သုတေသနနှင့်ဖွံ့ဖြိုးရေး(R&D)လုပ်ငန်းတို့ကို အရှိန်မြှင့်တင် ဆောင်ရွက်သွား ကြရန်တာဝန်ပေးအပ်ခဲ့ပြီး ပီလောပီနံရောဂါကင်းစင်စေရေး (R&D) လုပ်ငန်းအတွက်  ဘတ်ငွေ (၂၅) သန်းခွဲဝေပေးမည်ဟု အစိုးရက ကတိပြုထားကြောင်း သိရှိရပါသည်။

(ရင်းမြစ်-ဘန်ကောက်မြို့ စီးပွားရေးသံမှူး ပေးပို့သည့်သတင်း)

လယ်ယာစိုက်ပျိုးရေးထွက်ကုန်တင်သွင်းမှု ပြောင်းလဲလာနိုင်ဖွယ်ရှိ

          တရုတ်နိုင်ငံသည် ၂၀၁၉ ခုနှစ်မှစတင်၍ ယူကရိန်းနိုင်ငံ၏ အကြီးဆုံးကုန်သွယ်ဖက်နိုင်ငံ ဖြစ်လာပြီး ၂၀၂၁ ခုနှစ်အတွင်း နှစ်နိုင်ငံအကြား ကုန်သွယ်မှုပမာဏ အမေရိကန်ဒေါ်လာ (၁၉.၃) ဘီလီယံအထိ ရောက်ရှိခဲ့ကြောင်း၊ ယူကရိန်းနိုင်ငံသည် တရုတ်နိုင်ငံသို့ သံရိုင်းနှင့် လယ်ယာစိုက်ပျိုးရေးထုတ်ကုန်ပစ္စည်းများ တင်ပို့လျှက်ရှိပြီး တရုတ်နိုင်ငံမှ လျှပ်စစ်နှင့်လူသုံးကုန်ပစ္စည်းများ ဝယ်ယူ တင်သွင်းလျှက်ရှိကြောင်း၊  ယခုဖြစ်ပေါ်လျှက်ရှိသည့် အခြေအနေများကြောင့် နှစ်နိုင်ငံကုန်သွယ်မှု အပေါ် ရိုက်ခတ်မှုများဖြစ်ပေါ်လျှက်ရှိပြီး တရုတ်နိုင်ငံမှယူကရိန်းနိုင်ငံသို့ကုန်စည်တင်ပို့ရန် အမှာစာ လက်ခံရရှိမှုများသိသာစွာ ကျဆင်းလာသကဲ့သို့ သယ်ယူပို့ဆောင်ရေးအပါအဝင် အခြားကိစ္စရပ်များ အပေါ်စိုးရိမ်ပူပန်မှုများ ဖြစ်ပေါ်လျှက်ရှိကြောင်း၊ တရုတ်နိုင်ငံသည် ၂၀၁၃ ခုနှစ်ကစတင်၍ ယူကရိန်းနိုင်ငံမှ ပြောင်းတင်သွင်းခဲ့ရာ ၂၀၁၅ ခုနှစ်မှ ၂၀၂၀ ပြည့်နှစ်အတွင်း တရုတ်နိုင်ငံသို့ ပြောင်းစုစုပေါင်း တင်သွင်းမှု၏ ၆၀% သည် ယူကရိန်းနိုင်ငံမှတင်သွင်းခြင်းဖြစ်သော်လည်း ၂၀၂၀ ပြည့်နှစ်ကစ၍ အမေရိကန်ပြည်‌ထောင်စုထံမှ ပြောင်းစတင်ဝယ်ယူတင်သွင်းခဲ့ခြင်းကြောင့် ယူကရိန်းနိုင်ငံမှ တရုတ် နိုင်ငံသို့ပြောင်းတင်သွင်းမှု‌ အနည်းငယ်ကျဆင်းခဲ့ကြောင်း၊တရုတ်နိုင်ငံသည် ရုရှား၊ မြန်မာနှင့်လာအိုနိုင်ငံများမှလည်း ပြောင်းအရေအတွက် အနည်းငယ် ဝယ်ယူတင်သွင်းလျှက်ရှိကြောင်း၊ လတ်တလော ကာလများတွင် တရုတ်နိုင်ငံသို့ တင်သွင်းလျှက်ရှိသည့် ပြောင်းစုစုပေါင်း၏ (၃၀%)သည် ယူကရိန်း နိုင်ငံ မှ ဝယ်ယူတင်သွင်းခြင်းဖြစ်ရာ လက်ရှိဖြစ်ပေါ်လျှက်ရှိသည့် ယူကရိန်းအရေးကြောင့် ကမ္ဘာ့ ပြောင်းနှင့် ဂျုံဈေးနှုန်းများ မြင့်တက်လာနိုင်ဖွယ်ရှိပြီး တရုတ်နိုင်ငံ၏ လယ်ယာစိုက်ပျိုးရေးထွက်ကုန် တင်သွင်းမှုအပေါ် ရိုက်ခတ်မှုများ အတန်အသင့် ဖြစ်ပေါ်လာနိုင်ဖွယ်ရှိကြောင်း လယ်ယာစိုက်ပျိုရေးကဏ္ဍ လေ့လာစောင့်ကြည့်သူများမှ ပြောကြားခဲ့ကြောင်းသိရှိရပါသည်။

(ရင်းမြစ်-ပေကျင်းမြို့ စီးပွားရေးသံမှူး‌ပေးပို့သည့်သတင်း)

ဂျာမနီ၏ထောပတ်သီးဈေးကွက်အခြေအနေ

၁။      အီးယူဒေသသည် သစ်သီးဝလံစားသုံးမှု မြင့်မားလာသည့်နှင့်အမျှ ထောပတ်သီးသည် ၂၀၁၈ ခုနှစ်ပိုင်းမှစ၍ ဝယ်လိုအားများစွာမြင့်တက်လာရာ ဂျာမနီနိုင်ငံသည် ၂၀၂၀ ခုနှစ်တွင် အီးယူဒေသ၌ ထောပတ်သီးစားသုံးမှု ဒုတိယအများဆုံးနိုင်ငံအဖြစ် ရောက်ရှိလာခဲ့ကြောင်း ၊ အဓိကရောင်းချနေသော ထောပတ်သီးအမျိုးအစားမှာ ဂွာတီမာလာမှ Hass အမျိုးအစားဖြစ်ပြီး အခြား Lavi Hass ၊ Lamb Hass ၊ Gem Hass တို့လည်းဈေးကွက်ဝင်ရောက်လျှက်ရှိရာ ဂျာမနီနိုင်ငံတွင် ယခု နောက်ပိုင်း၌ Hass ကို ပိုမိုနှစ်သက်လာကြောင်း၊ ထောပတ်သီးတွင် အမျှင်ဓါတ်၊ ဗီတာမင်နှင့် သတ္ထု ဓါတ်များ ပေါကြွယ်ဝစွာပါဝင်မှုသည် ကျန်းမာရေးကို များစွာအထောက်အကူပြုကြောင်း၊ ထောပတ်သီး လတ်ဆတ်နှင့်အခြောက်(၂)မျိုးလုံးအတွက် HSCode 08044000 ကိုအသုံးပြုကြောင်း၊ အီးယူဒေသသို့ အဓိကတင်ပို့နေသောနိုင်ငံများမှာ ပီရူးနှင့်တောင်အာဖရိကနိုင်ငံများဖြစ်ကြပြီး  ကိုဗစ် ၁၉ ဖြစ်ပွားသည့်ကာလအတွင်း  ဈေးနှုန်းများကျဆင်းမှုက ဝယ်လိုအားတိုးတက်မှုကို ဖြစ်စေသည့် အတွက် ၂၀၂၀ ခုနှစ်တွင် အီးယူနိုင်ငံများက တန်ချိန်(၇)သိန်း တန်ဖိုးအားဖြင့် ယူရို(၁.၇) ဘီလီယံခန့် တင်သွင်းမှု ရှိခဲ့ကြောင်း၊ အီးယူဒေသတွင်  နယ်သာလန်နိုင်ငံသည် အီးယူဒေသသို့ အဓိက တစ်ဆင့် ဖြန့်ဖြူးသူအနေနှင့်‌ဆောင်ရွက်ပြီး ပြင်သစ်နိုင်ငံသည်ထောပတ်သီးဈေးကွက်တွင်ဉီးဆောင်သူအဖြစ် ရှိနေကြောင်းသိရှိရပါသည်။

၂။       ဂျာမနီနိုင်ငံတွင် ထောပတ်သီးစိုက်ပျိုးထုတ်လုပ်မှုမရှိဘဲ တင်သွင်းစားသုံးမှုကိုသာ ပြုလုပ်ပြီး အချို့ကို အခြားဥရောပနိုင်ငံများ(ဆွစ်ဇာလန်၊ဩစတြေးလျ၊လူဇင်ဘတ်၊ဟန်ဂေရီစသည်)သို့  ပြန်လည်တင်ပို့မှုပြုလုပ်ကြောင်း၊ ဂျာမနီနိုင်ငံ၌ ထောပတ်သီးစားသုံးမှု မြင့်တက်လာလျှက်ရှိရာ တစ်နိုင်ငံလုံး တစ်နှစ်စားသုံးမှုအနေဖြင့် ခန့်မှန်းတန်ချိန်(၁၀၄၄၅၂)ရှိပြီး လူတစ်ဉီး ပျမ်းမျှစားသုံးမှုမှာ (၁.၂၆)ကီလိုဂရမ်ရှိကြောင်း၊ဂျာမနီနိုင်ငံတွင် ထောပတ်သီးကိုဈေးနှုန်းသင့်တင့်မှုရှိခြင်းနှင့် ကျန်းမာရေးနှင့်ညီညွတ်သောသစ်သီးအနေဖြင့် စားသုံးကြခြင်းတို့ကြောင့် ၂၀၂၀ ခုနှစ်အတွင်း အီးယူနှင့် အီးယူပြင်ပနိုင်ငံများမှ စုစုပေါင်းတန်ချိန်(၁၁၉၀၀၀)တင်သွင်းမှုရှိခဲ့ကြောင်း၊ ၂၀၂၂ ခုနှစ်အတွင်း  ပြည်တွင်း လက်ကားဈေးကွက်တွင် ပျမ်းမျှတစ်တန်လျှင်အမေရိကန်ဒေါ်လာ(၃၇၄၅)ရှိပြီး တစ်ကီလိုဂရမ်လျှင် အမေရိကန်ဒေါ်လာ (၃.၇၄ နှင့် ၃.၅၉)ရှိကြောင်းသိရှိရပါသည်။

၃။      ထောပတ်သီးကို စံနှုန်းသတ်မှတ်ချက်အရ   Class (၃)မျိုးခွဲခြားထားရာ Superior Quality ၊Good Qualityနှင့် Satisfies Minimum Requirements တို့ဖြစ်ကြောင်း၊လတ်ဆတ်သစ်သီးများသည် ပိုးမွှားကင်းစင်ခြင်း၊အပူချိန်နှင့် စိုထိုင်းဆများခြင်းကြောင့် ထိခိုက်ပျက်စီးမှုမရှိခြင်း၊ရိုးတံ အညှာသည် ၁၀ မီလီမီတာထက် မကျော်စေခြင်းတို့ဖြစ်ရန်လိုအပ်ကြောင်း၊ Labelling Packaging  နှင့် အရည်အသွေးပိုင်းဆိုင်ရာများအတွက် Codex Alimentarius Standard အရဆောင်ရွက်ကြောင်း၊ စားသောက်ကုန်လုံခြုံစိတ်ချမှုသည် အီးယူဈေးကွက်အတွက် အဓိကအ‌ရေးကြီးသည့်အပိုင်းဖြစ်ပြီး General Food Law  ကို ပြဌာန်းထားရှိကြောင်း၊ ဂျာမနီနိုင်ငံတွင်  အီးယူမှ ပြဌာန်းချက်များအပြင် နိုင်ငံအနေနှင့်ထပ်မံထုတ်ပြန်ချက်များလည်းရှိပြီး Maximum Residue Level(MRL)အတွက် လက်လီရောင်းဝယ်သူများက ဥပဒေပြဌာန်းချက်၏ ၃၀% ကိုသာခွင့်ပြုခြင်းများရှိကြောင်း၊ Non-Legislative Requirement အနေနှင့် အီးယူနှင့်ဂျာမနီဈေးကွက်က Global GAP ကို လိုအပ်မှုရှိပြီး စားသောက်ကုန်လုံခြုံစိတ်ချမှုအပိုင်းအတွက် ISO22000  နှင့် IFS (၂)မျိုးအနက် Union of  German Supermarket Chains က ချမှတ်ဆောင်ရွက်သည့် IFS ကို ဂျာမန်စူပါမားကတ်များက ပိုမိုနှစ်သက်ကြကြောင်း သိရှိရပါသည်။

၄။      ထောပတ်သီးကို ရင့်မှည့်၍အရည်အသွေးကောင်းမွန်ပြီး လွယ်ကူအဆင်ပြေစွာ စားသုံးနိုင်သည့် “Ready to eat” ပုံစံ စားသုံးမှုဆီသို့ တိုးတက်ပြောင်းလဲလာရာ အသင့်စားသုံးနိုင်သည့် ထောပတ်သီး အမှည့်များအတွက်  ပရီမီယံဈေးနှုန်းများပေး၍ ဝယ်ယူလိုကြပြီး တစ်ဖက်တွင်လည်း ပို့ကုန်တင်ပို့သူများအနေဖြင့် သင်္ဘောမတင်မီ အသီးရင့်မှည့်မှုအခြေအနေကို သေချာစွာစစ်ဆေးမှုပြုလုပ်ရန် အထူးလိုအပ်ရာ အသီးရင့်မှည့်မှုကို စစ်ဆေးနိုင်သည့် အတွေ့အကြုံနည်းလမ်းများ လျင်မြန်စွာတိုးတက်လာနေပြီး နည်းပညာများကိုလည်း ကောင်းစွာအသုံးချနိုင်ရန် ဆောင်ရွက်လာနေကြောင်း၊ ကုမ္ပဏီများက  အသီးရင့်မှည့်မှုကို ဝန်ဆောင်မှုတစ်ခုအနေဖြင့် ပြုလုပ်လာကြခြင်း(သို့) ရောင်းဝယ်သူများက ရင့်မှည့်မှုဆိုင်ရာလုပ်ငန်းသုံးပစ္စည်း အသုံးအဆောင်များပြုလုပ်ခြင်းကို ဆောင်ရွက်လာကြကြောင်း၊ ဂျာမနီနိုင်ငံတွင်လည်း စူပါမားကတ်များက Ready to eat Hass အမျိုးအစား ထောပတ်သီးကို ရောင်းချရန် ပိုမိုနှစ်သက်ကြသဖြင့် ဥ‌ရောပတွင်  အကြီးဆုံး repening facilities များအနက် တစ်ခုကို နယ်သာလန်နိုင်ငံတွင် တည်ထောင်လုပ်ကိုင်ခဲ့ပြီး ထောပတ်သီး၊ ငှက်ပျောသီးနှင့်သရက်သီးတို့အတွက် နယ်သာလန်နိုင်ငံနှင့် ဘယ်လ်ဂျီယံနိုင်ငံတို့ရှိ ဖြန့်ဖြူးရေးစင်တာများသို့ ဝန်ဆောင်မှုပေးဆောင်ရွက်ကြောင်း၊ ထောပတ်သီးအရည်အသွေးစစ်ဆေးသည့် Avos  စက်သည် အသီးကို ထိခိုက်ပျက်စီးစေခြင်းမရှိဘဲ အရည်အသွေး စစ်ဆေးကျွမ်းကျင်သူများအတွက်  မြန်ဆန်ထိရောက်သော အချက်အလက်များကို ပံ့ပိုးပေးနိုင်ကာ အရည်အသွေးပိုင်းနှင့်ပတ်သက်၍ ဆုံးဖြတ်ချက်များချမှတ်နိုင်မည်ဖြစ်ပြီး ၎င်းစက်ကိုအသုံးပြု၍ အသီးရင့်မှည့်ကာလနှင့် ပို့ဆောင်သင့်သည့်ဖောက်သည် စသည်တို့ကို ခန့်မှန်းတွက်ချက်နိုင်မည်ဖြစ်ကြောင်း သိရှိရပါသည်။

၅။      မြန်မာနိုင်ငံအနေဖြင့် ထောပတ်သီးကို တရုတ်၊ ထိုင်း၊ ဟောင်ကောင်၊ ရုရှား အစရှိသည့် နိုင်ငံများသို့ ပင်လယ်ရေကြောင်းနှင့် နယ်စပ်ဂိတ်များမှတဆင့်တင်ပို့ရောင်းချမှုရှိပြီး မြန်မာနိုင်ငံထောပတ်သီး စိုက်ပျိုးထုတ်လုပ်တင်ပို့ရောင်းချသူများအသင်းကိုလည်း ဖွဲ့စည်းတည်ထောင်ထားရှိပြီးဖြစ်ရာ ဒေသမျိုးကိုင်းများနှင့် ပြည်ပမှတင်သွင်းလာသည့် Hass အမျိုးအစား မျိုးကိုင်းများကို စနစ်တကျ မျိုးပွားဖြန့်ဖြူးထားနိုင်ပြီး ဈေးကွက်ဝင်အသီးများထွက်ရှိလာရေးဆောင်ရွက်လျှက်ရှိခြင်းကြောင့် အဆိုပါအမျိုးအစားကို ပိုမိုကြိုက်နှစ်သက်မှုရှိသည့် အီးယူနှင့်ဂျာမနီနိုင်ငံဈေးကွက်များသို့ ‌ဈေးကွက်လိုအပ်ချက်များနှင့် အညီအရည်အသွေးမီစွာဝင်ရောက်နိုင်ရေးအတွက်လည်း ဝိုင်းဝန်းကြိုးပမ်းဆောင်ရွက်သင့်ကြောင်း၊ ဂျာမနီနိုင်ငံသည် နယ်သာလန်နိုင်ငံကဲ့သို့ အီးယူနိုင်ငံများမှ တင်သွင်းခြင်းရှိသကဲ့သို့ အီးယူပြင်ပနိုင်ငံများမှ တိုက်ရိုက်တင်သွင်းမှုများလည်း ရှိလာနေပြီဖြစ်ကြောင်း၊ ဈေးကွက်ဝင်ရောက်မှုအတွက် ကုန်စည်ပြပွဲများတွင် ပါဝင်ပြသခြင်းဖြင့် စီးပွားရေးချိတ်ဆက်‌ဆောင်ရွက်မှုများ ရရှိလာနိုင်မည်ဖြစ်ရာ ဘာလင်မြို့တွင်ကျင်းပသည့် Fruit Logistica ပြပွဲနှင့် နူရင်ဘတ်မြို့တွင် ကျင်းပသည့် Biofach အော်ဂဲနစ်ပြပွဲများသို့ လာရောက်ပြသရန် သင့်တော်ကြောင်းသိရှိရပါသည်။

(ရင်းမြစ်- ဘာလင်မြို့စီးပွားရေးသံမှူးပေးပို့သည့်သတင်း)

ဟောင်ကောင်ဒေသ၌နယ်စပ်ဖြတ်ကျော်ဟင်းသီးဟင်းရွက်ကုန်တင်ကားမောင်းနှင်သည့် ယာဉ်မောင်း(၁၅%)လုပ်ငန်းမှနှုတ်ထွက်ရန် စီစဉ်လျှက်ရှိ

          ဟောင်ကောင်ဒေသနှင့် တရုတ်နိုင်ငံရှန့်ကျန်းမြို့တို့အကြား နယ်စပ်ဖြတ်ကျော်ရန် လိုအပ်သော ကိုဗစ်-၁၉ စစ်ဆေးမှုများ တင်းကျပ်နေသဖြင့် ဟင်းသီးဟင်းရွက်ကုန်တင်ကား မောင်းနှင်သည့် ယာဉ်မောင်း ၁၅% သည် လုပ်ငန်းမှနုတ်ထွက်ရန် စီစဉ်လျှက်ရှိသည်ဟု သတင်းဖော်ပြထားရာ နယ်စပ်ဖြတ်ကျော် ဟင်းသီးဟင်းရွက်ကုန်တင်ကားများမောင်းနှင်သည့် ယာဉ်မောင်းများ၌ ကိုဗစ်၁၉တွေ့ရှိခဲ့ပြီးနောက် ကုန်တင်ကားများအား ပိုးသတ်ဆေးဖျန်းခြင်းများဆောင်ရွက်ခဲ့မှုကြောင့် ကြန့်ကြာမှုများဖြစ်ခဲ့သဖြင့်  ဟောင်ကောင်သို့ ဟင်းသီးဟင်းရွက်တင်သွင်းမှုအား ပြင်းထန်စွာရိုက် ခတ်ခဲ့ကြောင်း၊ တင်သွင်းမှုလျော့ကျခဲ့ခြင်းကြောင့် ကုန်ဈေးနှုန်းများမြင့်တက်ခဲ့ပြီး တရုတ်ဂေါ်ဖီစိမ်းထုပ်များမှာ ယခင်ကတစ်ကီလိုဂရမ်လျှင်ဟောင်ကောင်‌ဒေါ်လာ ၆.၆၀ မှ ဖေဖော်ဝါရီလ ဒုတိယပတ်အစတွင် ဟောင်ကောင်ဒေါ်လာ ၁၉.၄၀ (ရာခိုင်နှုန်းအားဖြင့် ၁၉၄% )သို့ မြင့်တက်ခဲ့သော်လည်း (၂) ရက်အကြာ၌ ၁၄.၃၀ သို့လျော့ကျသွားကြောင်း၊ ဟောင်ကောင်ဒေသသို့တင်သွင်းသည့် ဟင်းသီးဟင်းရွက်များ၏ ၉၂% မှာ တရုတ်ပြည်မကြီးမှဖြစ်ရာ ၎င်းဒေသ၌နေထိုင်သည့် နယ်စပ်ဖြတ်ကျော် ကုန်တင်ယာဉ်မောင်းသူများအနေဖြင့် မိသားစုနှင့်အတူနေထိုင်ခွင့်မပြုခြင်း(သို့) လုပ်ငန်းတာဝန် ပြီးဆုံးလျှင် နေ့စဉ် ကိုဗစ် ၁၉ ရောဂါစစ်ဆေးခြင်းတို့ ပြုလုပ်ရမည်ဖြစ်ကြောင်း၊ ကိုဗစ် ၁၉ ရောဂါ စစ်ဆေးမှုများတင်းကျပ်မှုကြောင့် နယ်စပ်ဖြတ်ကျော် ဟင်းသီးဟင်းရွက် ကုန်တင်ကား မောင်းနှင် သည့် ယာဉ်‌မောင်း (၃၀၀)ဉီးခန့်ရှိရာမှ  ၁၅% မှာ လုပ်ငန်းမှနှုတ်ထွက်ရန် စီစဉ်လျှက်ရှိကြောင်း၊ ကိုဗစ် ၁၉ ရောဂါပိုးတွေ့ရှိလျှင် ၎င်းတို့နှင့်အနီးကပ်ထိတွေ့ခဲ့သည့်ယာဉ်မောင်းများအား အသွားအလာကန့်သတ်စောင့်ကြည့်ရေးစင်တာသို့ ပို့ဆောင်ပါက ယာဉ်မောင်းဉီးရေ ထပ်မံလျော့နည်းကာ လူ့စွမ်းအားများ လျော့ကျမည်ဖြစ်ပြီး ကုန်ဈေးနှုန်းများ မြင့်တက်လာမည်ဖြစ်ကြောင်း၊ဒေသအစိုးရ အနေဖြင့်ယာဉ်မောင်းများအား နေရာများစွာသို့သွားရောက်ပို့ဆောင်ခြင်းအစား သတ်မှတ်ထား သောနေရာတစ်ခုမှ အခြားနေရာတစ်ခုသို့သာ ပစ္စည်းပို့ဆောင်ရန် သတ်မှတ်ထားသင့်ကြောင်း၊ ကုန် ပစ္စည်းများတင်သွင်းမှုနှင့်ဈေးနှုန်းအကြား ပွင့်လင်းမြင်သာမှုရှိစေရန် ဟောင်ကောင်ဒေသသို့ နေ့စဉ် တင်သွင်းသည့် ဟင်းသီးဟင်းရွက်အရေအတွက်ကို ဖော်ပြသင့်ကြောင်း၊ အချို့သော ဝယ်ယူသူများမှာ အထိတ်တလန့်ဝယ်ယူလျှက်ရှိသောကြောင့် ၎င်းတို့ပုံမှန်ဝယ်ယူသည့် ပမာဏထက် (၃)ဆ ပိုမို ဝယ်ယူလျှက်ရှိရာ ဟင်းသီးဟင်းရွက်များဖြည့်စွမ်းနိုင်မှုမှာ အကျဘက်သို့ ဉီးတည်လျှက်ရှိသည်ဟု ရေးသားဖော်ပြထားကြောင်းသိရှိရပါသည်။

(ရင်းမြစ်-ဟောင်ကောင်မြို့စီးပွားရေးသံမှူးပေးပို့သည့်သတင်း)

လယ်ယာစိုက်ပျိုးရေးပို့ကုန်များ တင်ပို့ရန် စီမံဆောင်ရွက်မှုများပြုလုပ်သွားမည့်ဗီယက်နမ်နိုင်ငံ

          တရုတ်နိုင်ငံသည် ဗီယက်နမ်နိုင်ငံမှ တင်ပို့သည့် လယ်ယာထွက်ကုန်များအတွက်  ကြီးမားသောဈေးကွက်ဖြစ်သဖြင့် ယခုကြုံတွေ့နေရသောအခက်အခဲများကိုကျော်လွှားရန် စီမံဆောင်ရွက်မှုအသစ်များကို အဆိုပြုသွားမည်ဟု ဗီယက်နမ် လယ်ယာစိုက်ပျိုးရေးနှင့် ကျေးလက်ရေးရာဝန်ကြီးက ပြောကြားခဲ့ကြောင်း၊တရုတ်-ဗီယက်နမ် နယ်စပ်ဂိတ်များ၌ အကောက်ခွန်ရှင်းလင်းမှုများ မြန်မြန်ဆန်ဆန်ဆောင်ရွက်ပေးရန်နှင့် တရုတ်သို့တင်ပို့လာသည့်ကုန်စည်များကို ခေတ္တထားရှိရန်ကြားခံဇုန် တည်ဆောက်ပေးသင့်သည်ဟု တရုတ်ဘက်သို့ညှိနှိုင်းထားကြောင်း၊ နယ်စပ်မှ တင်သွင်းလာသည့် ကုန်စည်များအတွက်  ကုန်လက်ခံရန်၊ ထိန်းသိမ်းရန်၊ တစ်စိတ်တစ်ပိုင်းပြုပြင်ထုတ်လုပ်ရန်အတွက်  လုပ်ငန်းဆောင်တာမျိုးစုံဆောင်ရွက်နိုင်သည့်နေရာတစ်ခုကို တည်ထောင်ပေးရန်၊ ၎င်းနေရာမှာ Mong Cai မြို့တွင်ဖြစ်ပြီး အာရှ-ပစိဖိတ်ဒေသများမှ လယ်ယာစိုက်ပျိုးရေး၊ သစ်တောထွက်နှင့် ရေထွက်ကုန် ကုန်သွယ်ရေးစင်တာတစ်ခု လျင်လျင်မြန်မြန်တည်ထောင်ရန် အဆိုပြုညှိနှိုင်းထားပြီး ၎င်းစင်တာမှာထိ‌ရောက်မှုရှိပါက အခြားနယ်စပ်မြို့များတွင် အလားတူစင်တာများတည်ထောင်သွားမည်ဖြစ်ကြောင်း၊ဗီယက်နမ်နိုင်ငံဘက်မှပို့ကုန်များကို တရုတ်ဘက်သို့တင်ပို့ရာတွင်  တရားဝင်အရေအတွက် ခွဲဝေကန့်သတ်မှုများကို အသုံးပြုရန် ညှိနှိုင်းသွားမည်ဖြစ်ကြောင်း၊ ဗီယက်နမ်နိုင်ငံမှ လယ်ယာထွက်ကုန်များကို အမေရိကန်၊တရုတ်နှင့် ဥ‌ရောပနိုင်ငံများသို့ ကုန်ကြမ်းအတိုင်းတင်ပို့နေပြီး တင်ပို့သည့်ကုန်စည်များ၏ ၉၀% ကို ကုန်အမှတ်တံဆိပ်မရှိဘဲတင်ပို့နေရသည်ကအများစုဖြစ်ရာ ဗီယက်နမ်နိုင်ငံအနေဖြင့် ကိုယ်ပိုင်အမှတ်တံဆိပ်ဖြင့်တင်ပို့စေလိုကြောင်း လယ်ယာ/ကျေးလက် ဝန်ကြီးကပြောကြားခဲ့ကြောင်း၊ဗီယက်နမ်နိုင်ငံ၏ကော်ဖီ၊ဆန်၊သီဟိုစေ့၊ပင်လယ်စာ၊ရာဘာ၊ဟင်းသီး ဟင်းရွက်နှင့်သစ်သား စသည့်အဓိကလယ်ယာစိုက်ပျိုးရေးအမယ်(၁၀)ခုကျော်ကို နိုင်ငံပေါင်း(၁၆၀) သို့တင်ပို့လျှက်ရှိပြီး အမယ်တစ်မျိုးချင်းစီမှ အမေရိကန်ဒေါ်လာ(၁)ဘီလီယံကျော်ရရှိလျှက်ရှိကြောင်းသိရှိရပါသည်။

(ရင်းမြစ်-နန်နင်းမြို့စီးပွားရေးသံမှူးပေးပို့သည့်သတင်း)

ဟောင်ကောင်ဒေသ၌နယ်စပ်ဖြတ်ကျော်ဟင်းသီးဟင်းရွက်ကုန်တင်ကားမောင်းနှင်သည့် ယာဉ်မောင်း(၁၅%)လုပ်ငန်းမှနှုတ်ထွက်ရန် စီစဉ်လျှက်ရှိ

          ဟောင်ကောင်ဒေသနှင့် တရုတ်နိုင်ငံရှန့်ကျန်းမြို့တို့အကြား နယ်စပ်ဖြတ်ကျော်ရန် လိုအပ်သော ကိုဗစ်-၁၉ စစ်ဆေးမှုများ တင်းကျပ်နေသဖြင့် ဟင်းသီးဟင်းရွက်ကုန်တင်ကား မောင်းနှင်သည့် ယာဉ်မောင်း ၁၅% သည် လုပ်ငန်းမှနုတ်ထွက်ရန် စီစဉ်လျှက်ရှိသည်ဟု သတင်းဖော်ပြထားရာ နယ်စပ်ဖြတ်ကျော် ဟင်းသီးဟင်းရွက်ကုန်တင်ကားများမောင်းနှင်သည့် ယာဉ်မောင်းများ၌ ကိုဗစ်၁၉တွေ့ရှိခဲ့ပြီးနောက် ကုန်တင်ကားများအားပိုးသတ်ဆေးဖျန်းခြင်းများ ဆောင်ရွက်ခဲ့မှုကြောင့် ကြန့်ကြာမှုများဖြစ်ခဲ့သဖြင့်  ဟောင်ကောင်သို့ ဟင်းသီးဟင်းရွက်တင်သွင်းမှုအား ပြင်းထန်စွာရိုက် ခတ်ခဲ့ကြောင်း၊တင်သွင်းမှုလျော့ကျခဲ့ခြင်းကြောင့် ကုန်ဈေးနှုန်းများမြင့်တက်ခဲ့ပြီး တရုတ်ဂေါ်ဖီစိမ်းထုပ်များမှာ ယခင်ကတစ်ကီလိုဂရမ်လျှင်ဟောင်ကောင်‌ဒေါ်လာ ၆.၆၀ မှ ဖေဖော်ဝါရီလ ဒုတိယပတ်အစ တွင် ဟောင်ကောင်ဒေါ်လာ ၁၉.၄၀ (ရာခိုင်နှုန်းအားဖြင့် ၁၉၄% )သို့ မြင့်တက်ခဲ့သော်လည်း (၂) ရက်အကြာ၌ ၁၄.၃၀ သို့လျော့ကျသွားကြောင်း၊ ဟောင်ကောင်ဒေသသို့တင်သွင်းသည့် ဟင်းသီးဟင်းရွက်များ၏ ၉၂% မှာ တရုတ်ပြည်မကြီးမှဖြစ်ရာ ၎င်းဒေသ၌နေထိုင်သည့် နယ်စပ်ဖြတ်ကျော် ကုန်တင်ယာဉ်မောင်းသူများအနေဖြင့် မိသားစုနှင့်အတူနေထိုင်ခွင့်မပြုခြင်း(သို့) လုပ်ငန်းတာဝန် ပြီးဆုံးလျှင် နေ့စဉ် ကိုဗစ် ၁၉ ရောဂါစစ်ဆေးခြင်းတို့ ပြုလုပ်ရမည်ဖြစ်ကြောင်း၊ ကိုဗစ် ၁၉ ရောဂါ စစ်ဆေးမှုများတင်းကျပ်မှုကြောင့် နယ်စပ်ဖြတ်ကျော် ဟင်းသီးဟင်းရွက် ကုန်တင်ကား မောင်းနှင်သည့် ယာဉ်‌မောင်း (၃၀၀)ဉီးခန့်ရှိရာမှ  ၁၅% မှာ လုပ်ငန်းမှနှုတ်ထွက်ရန် စီစဉ်လျှက် ရှိကြောင်း၊ ကိုဗစ် ၁၉ ရောဂါပိုးတွေ့ရှိလျှင် ၎င်းတို့နှင့်အနီးကပ်ထိတွေ့ခဲ့သည့်ယာဉ်မောင်းများအား အသွား အလာကန့်သတ်စောင့်ကြည့်ရေးစင်တာသို့ ပို့ဆောင်ပါက ယာဉ်မောင်းဉီးရေ ထပ်မံလျော့နည်းကာ လူ့စွမ်းအားများ လျော့ကျမည်ဖြစ်ပြီး ကုန်ဈေးနှုန်းများ မြင့်တက်လာမည်ဖြစ်ကြောင်း၊ဒေသအစိုးရ အနေဖြင့်ယာဉ်မောင်းများအား နေရာများစွာသို့သွားရောက်ပို့ဆောင်ခြင်းအစား သတ်မှတ်ထား သောနေရာတစ်ခုမှ အခြားနေရာတစ်ခုသို့သာ ပစ္စည်းပို့ဆောင်ရန် သတ်မှတ်ထားသင့်ကြောင်း၊ ကုန် ပစ္စည်းများတင်သွင်းမှုနှင့်ဈေးနှုန်းအကြား ပွင့်လင်းမြင်သာမှုရှိစေရန် ဟောင်ကောင်ဒေသသို့ နေ့စဉ် တင်သွင်းသည့် ဟင်းသီးဟင်းရွက်အရေအတွက်ကို ဖော်ပြသင့်ကြောင်း၊ အချို့သော ဝယ်ယူသူများ မှာ အထိတ်တလန့်ဝယ်ယူလျှက်ရှိသောကြောင့် ၎င်းတို့ပုံမှန်ဝယ်ယူသည့် ပမာဏထက် (၃)ဆ ပိုမို ဝယ်ယူလျှက်ရှိရာ ဟင်းသီးဟင်းရွက်များဖြည့်စွမ်းနိုင်မှုမှာ အကျဘက်သို့ ဉီးတည်လျှက်ရှိသည်ဟု ရေးသားဖော်ပြထားကြောင်းသိရှိရပါသည်။

(ရင်းမြစ်-ဟောင်ကောင်မြို့စီးပွားရေးသံမှူးပေးပို့သည့်သတင်း)

လယ်ယာစိုက်ပျိုးရေးပို့ကုန်များ တင်ပို့ရန် စီမံဆောင်ရွက်မှုများပြုလုပ်သွားမည့်ဗီယက်နမ်နိုင်ငံ

          တရုတ်နိုင်ငံသည် ဗီယက်နမ်နိုင်ငံမှ တင်ပို့သည့် လယ်ယာထွက်ကုန်များအတွက်  ကြီးမားသောဈေးကွက်ဖြစ်သဖြင့် ယခုကြုံတွေ့နေရသောအခက်အခဲများကိုကျော်လွှားရန် စီမံဆောင်ရွက်မှု အသစ်များကိုအဆိုပြုသွားမည်ဟု ဗီယက်နမ် လယ်ယာစိုက်ပျိုးရေးနှင့် ကျေးလက်ရေးရာဝန်ကြီးက ပြောကြားခဲ့ကြောင်း၊တရုတ်-ဗီယက်နမ် နယ်စပ်ဂိတ်များ၌ အကောက်ခွန်ရှင်းလင်းမှုများ မြန်မြန် ဆန်ဆန်ဆောင်ရွက်ပေးရန်နှင့် တရုတ်သို့တင်ပို့လာသည့်ကုန်စည်များကိုခေတ္တထားရှိရန်ကြားခံဇုန် တည်ဆောက်ပေးသင့်သည်ဟု တရုတ်ဘက်သို့ညှိနှိုင်းထားကြောင်း၊ နယ်စပ်မှ တင်သွင်းလာသည့် ကုန်စည်များအတွက်  ကုန်လက်ခံရန်၊ ထိန်းသိမ်းရန်၊ တစ်စိတ်တစ်ပိုင်းပြုပြင်ထုတ်လုပ်ရန်အတွက်  လုပ်ငန်းဆောင်တာမျိုးစုံဆောင်ရွက်နိုင်သည့်နေရာတစ်ခုကို တည်ထောင်ပေးရန်၊ ၎င်းနေရာမှာ Mong Cai မြို့တွင်ဖြစ်ပြီး အာရှ-ပစိဖိတ်ဒေသများမှ လယ်ယာစိုက်ပျိုးရေး၊ သစ်တောထွက်နှင့် ရေ ထွက်ကုန် ကုန်သွယ်ရေးစင်တာတစ်ခု လျင်လျင်မြန်မြန်တည်ထောင်ရန် အဆိုပြုညှိနှိုင်းထားပြီး ၎င်းစင်တာမှာထိ‌ရောက်မှုရှိပါက အခြားနယ်စပ်မြို့များတွင် အလားတူစင်တာများတည်ထောင်သွား မည်ဖြစ်ကြောင်း၊ဗီယက်နမ်နိုင်ငံဘက်မှပို့ကုန်များကို တရုတ်ဘက်သို့တင်ပို့ရာတွင်  တရားဝင်အရေ အတွက် ခွဲဝေကန့်သတ်မှုများကိုအသုံးပြုရန် ညှိနှိုင်းသွားမည်ဖြစ်ကြောင်း၊ ဗီယက်နမ်နိုင်ငံမှ လယ် ယာထွက်ကုန်များကို အမေရိကန်၊တရုတ်နှင့် ဥ‌ရောပနိုင်ငံများသို့ ကုန်ကြမ်းအတိုင်းတင်ပို့နေပြီး တင်ပို့သည့်ကုန်စည်များ၏ ၉၀% ကို ကုန်အမှတ်တံဆိပ်မရှိဘဲတင်ပို့နေရသည်ကအများစုဖြစ်ရာ ဗီယက်နမ်နိုင်ငံအနေဖြင့် ကိုယ်ပိုင်အမှတ်တံဆိပ်ဖြင့်တင်ပို့စေလိုကြောင်း လယ်ယာ/ကျေးလက် ဝန်ကြီးကပြောကြားခဲ့ကြောင်း၊ဗီယက်နမ်နိုင်ငံ၏ကော်ဖီ၊ဆန်၊သီဟိုစေ့၊ပင်လယ်စာ၊ရာဘာ၊ဟင်းသီး ဟင်းရွက်နှင့်သစ်သား စသည့်အဓိကလယ်ယာစိုက်ပျိုးရေးအမယ်(၁၀)ခုကျော်ကို နိုင်ငံပေါင်း(၁၆၀) သို့တင်ပို့လျှက်ရှိပြီး အမယ်တစ်မျိုးချင်းစီမှအမေရိကန်ဒေါ်လာ(၁)ဘီလီယံကျော်ရရှိလျှက်ရှိကြောင်း သိရှိရပါသည်။

(ရင်းမြစ်-နန်နင်းမြို့စီးပွားရေးသံမှူးပေးပို့သည့်သတင်း)

ထိုင်းနိုင်ငံသို့ ပြောင်း အလုံးအရင်းတင်ပို့နေ

          မြန်မာ့ပြောင်းကို အခွန်လွတ်စနစ်ဖြင့် စတင်တင်ပို့ခွင့်ပြုသည့် ဖေဖော်ဝါရီလ (၁)ရက်နေ့မှစ၍ ပြောင်းဆံများကို မြဝတီနယ်စပ်မှတဆင့် ထိုင်းနိုင်ငံဘက်သို့ အလုံးအရင်းဖြင့်တင်ပို့နေရာ (၄) ရက်နေ့တွင်  မြဝတီနယ်စပ်မှတဆင့် ကားအစီးရေ(၁၀၀)ကျော် ထိုင်းနိုင်ငံဘက်သို့ စတင် တင်ပို့ခဲ့ ကြောင်း၊ သို့သော် ယခင်နှစ်က ကားအစီးရေ(၃၀၀)ဖြင့် စတင် တင်ပို့နိုင်ခဲ့သဖြင့် ယခုနှစ်တွင်  အစီးရေ နည်းသွားပြီး ထိုင်းနိုင်ငံဘက်က အခွန်လွတ်တင်ပို့ခွင့် စာရွက်စာတမ်းယူရာ၌ အချိန်နှောင့်နှေးမှုများရှိ၍ ယခုကဲ့သို့ တင်ပို့မှုနည်းပါးရခြင်းဖြစ်ကြောင်း၊ထိုင်းနိုင်ငံက မြန်မာ့ပြောင်းများကို ဖေဖော်ဝါရီ(၁)ရက်နှင့် ဩဂုတ်(၃၁)ရက်ကြား အခွန်ကင်းလွတ်ခွင့်ဖြင့်တင်သွင်းပြီး ကျန်ကာလများတွင်မူ ၎င်းနိုင်ငံက တောင်သူများကိုကာကွယ်ရန်အတွက် အခွန်စည်းကြပ်မှုကို ၇၃% အထိ သတ်မှတ်လုပ်ဆောင် ကြောင်း၊ အခွန်ကောက်ခံသည့် စက်တင်ဘာလမှ ဇန်နဝါရီလကုန်ထိ ကြားကာလများ၌ မြန်မာ့ ပြောင်းဆံများကို အမှုန့်လုပ်၍ တင်ပို့မှုရှိသော်လည်း အမှုန့်လုပ်တင်ပို့ရာတွင် အခက်အခဲရှိသဖြင့် မြန်မာ့ပြောင်းကို အခွန်လွတ်စနစ်ဖြင့် တစ်နှစ်ပတ်လုံး တင်ပို့ခွင့်ရပါက ပိုမိုကောင်းမွန်သည်ဟု ကုန်သည်များကပြောဆိုကြကြောင်း၊မြန်မာနိုင်ငံမှ ထိုင်းနိုင်ငံသို့ နယ်စပ်ကတဆင့် အခြားလယ်ယာ ထွက်ကုန်များကိုပါ တင်ပို့‌သော်လည်း ပြောင်းမှာမူ အခွန်ကင်းလွတ်ချိန်(၇)လတာအတွင်း အများဆုံး တင်ပို့တဲ့ထွက်ကုန်ဖြစ်ကြောင်း၊လတ်တလော၌ ထိုင်းနိုင်ငံဘက်သို့ ရှမ်းပြည်တောင်ပိုင်းနှင့်မြောက်ပိုင်း မှ စိုက်ပျိုးထွက်ရှိသည့် ပြောင်းဆံများကိုသာအဓိကတင်ပို့နေပြီး ပြောင်းထွက်ချိန်နောက်ကျသည့် ဧရာဝတီတိုင်းဒေသကြီးနှင့် အခြားဒေသများက ပြောင်းကို နောက်ပိုင်းမှသာတင်ပို့ကြောင်း သိရှိရ ပါသည်။

(Source: Current Content)

ကုန်သွယ်မှု၌စိန်ခေါ်မှုများအား ကျော်လွှားနိုင်ရန်အစီအမံများချမှတ်သွားမည်

          ကမ္ဘာတစ်ဝှမ်း ဆက်လက်ဖြစ်ပွားလျှက်ရှိသည့် ကိုဗစ် ၁၉ ကပ်ရောဂါကြောင့် ကမ္ဘာ့ကုန်သွယ်မှုအပေါ် ထိခိုက်မှုများစွာဖြစ်ပေါ်လျက်ရှိသော်လည်း တရုတ်နိုင်ငံသည် ကမ္ဘာ့ကုန်သွယ်မှုတည်ငြိမ်စေရေးအတွက် အဓိကကျသည့်အခန်းကဏ္ဍမှ ပါဝင်လျက်ရှိကြောင်း၊ တရုတ်နိုင်ငံအနေဖြင့် ၂၀၂၁ ခုနှစ်၌ ကုန်သွယ်မှုပမာဏမြင့်မားခဲ့သည့်အတွက် ၂၀၂၂ ခုနှစ်အတွင်း၌  အဆိုပါပမာဏထက် ကျော်လွန်ရန် ခက်ခဲမည်ဖြစ်ရာ ယခုနှစ်အတွင်း ပြည်ပကုန်သွယ်မှုတည်ငြိမ်စွာဖြင့် ဖွံ့ဖြိုးတိုးတက်မှုရရှိရေးအတွက် ဉီးစားပေးလုပ်‌ဆောင်သွားမည်ဖြစ်သကဲ့သို့ အရေအတွက်ထက် အရည်အသွေး ပိုမိုကောင်းမွန်စေရေး ဉီးစားပေးလုပ်ဆောင်သွားမည်ဖြစ်ကြောင်း၊ တရုတ်နိုင်ငံသည် ၂၀၂၂ ခုနှစ်အတွင်း ပြည်ပကုန်သွယ်မှု အား တည်ငြိမ်စွာဖြင့် သင့်တော်သည့်အတိုင်းအတာအတွင်း ဆက်လက်ထိန်းသိမ်းထားနိုင်မည်ဟု ယုံကြည်သော်လည်း ယခုနှစ်အတွင်း ဝယ်လိုအားနှင့်ရောင်းလိုအားတို့သည် မသေချာမှုများနှင့် ရင်ဆိုင်ရဖွယ်ရှိကြောင်း၊ ဝင်ငွေနည်းပါးသည့်နိုင်ငံများနှင့် ဖွံ့ဖြိုးပြီး နိုင်ငံများအကြား ပြန်လည်နလန်ထူလာနိုင်သည့်အခြေအနေ ကွာဟချက် ဆက်လက်ကြီးမားလျက်ရှိရာ မတူညီသောနိုင်ငံများအကြား စီးပွားရေး ပြန်လည်နလန်ထူလာနိုင်မှုသည် ကွဲပြားလျက်ရှိကြောင်း၊ ထိုကဲ့သို့ပင် အချို့သောနိုင်ငံများအနေဖြင့် စီးပွားရေးကုစားမှုမူဝါဒများအား အမြန်ရုပ်သိမ်းခြင်းသည် ဝယ်လိုအားကိုကျဆင်းစေပြီး ဈေးနှုန်း အတက်အကျ ဖြစ်ပေါ်စေခြင်းကြောင့် တရုတ်နိုင်ငံ၏ တင်ပို့မှုနှင့်ဆက်နွယ်သည့် လုပ်ငန်းများအပေါ် ထိခိုက်မှုများ ဖြစ်ပေါ်လာကြောင်း၊ ထို့အပြင် ကမ္ဘာလုံးဆိုင်ရာ တန်ဖိုးချိတ်ဆက်ကူးပြောင်းမှု အပြောင်းအလဲများအား ကာလတိုအတွင်း ဖယ်ရှားနိုင်မည်မဟုတ်ကြောင်း၊ အလားတူပင် ကုန်ကြမ်းပစ္စည်း ဈေးနှုန်းများ မြင့်မားခြင်း၊ semi-conductors ကဲ့သို့သော အ‌ရေးကြီးသည့်အစိတ်အပိုင်းများ ပြတ်လပ်ခြင်းစသည့် ပြဿနာရပ်များလည်းတည်ရှိဆဲဖြစ်ကြောင်း၊ ပြည်တွင်းရှိကုန်သွယ်မှုလုပ်ငန်းများ (အထူးသဖြင့် အသေးစားနှင့်အလတ်စားလုပ်ငန်းများ)၏ ကုန်ကျစရိတ်များသည်လည်း သိသာစွာ မြင့်မားလာရာ ကုန်သွယ်မှုကဏ္ဍတွင် အရေးပါသည့်ယှဉ်ပြိုင်မှုများ ပိုမို‌ဆောင်ရွက်နိုင်ရေးအတွက် ၂၀၂၂ ခုနှစ် အတွင်း  စီမံ‌ဆောင်ရွက်မှုများ ချမှတ်ဆောင်ရွက်သွားမည်ဖြစ်သည်ဟု သတင်းစာရှင်းလင်းပွဲတွင် ပြောကြားခဲ့ကြောင်း သိရှိရပါသည်။

(ရင်းမြစ်- ပေကျင်းမြို့စီးပွားရေးသံမှူးပေးပို့သည့်သတင်း)

ဩစတြေးလျဝါဂွမ်းစိုက်ပျိုးသူများက စံချိန်တင်တန်ဖိုးရရှိရန်မျှော်မှန်း

          ဩစတြေးလျ ဝါဂွမ်းစိုက်ပျိုးသူများသည် ယခုရာသီတွင်ဒုတိယအများဆုံးသီးနှံအဖြစ် စံချိန်တင် ထုတ်လုပ်နိုင်မည်ဟုခန့်မှန်းထားပြီး ပို့ကုန်တန်ဖိုးသည် လက်ရှိပေါက်ဈေးအရ ဩစတြေးလျဒေါ်လာ ၃.၅ ဘီလီယံအထိ‌ရောက်ရှိမည်ဟုခန့်မှန်းထားကြောင်း၊ ဝါ ထုတ်လုပ်မှုသည်  လုပ်ငန်းကဏ္ဍအတွက် ရလာဒ်ကောင်းတစ်ခုဖြစ်လာလိမ့်မည်ဖြစ်ပြီး ချည်ထည် ၅ သန်းနှင့် ၅.၂ သန်းအကြား ထုတ်လုပ်ရရှိနိုင်မည်ဖြစ်ရာ  စံချိန်တင် ဒုတိယအများဆုံးသီးနှံ ဖြစ်လာနိုင်ဖွယ်ရှိကြောင်း၊ ဩစတြေးလျစိုက်ပျိုးသူများသည်  ချည်ထုတ်ပေါင်း ၅ သန်း‌ကျော် ထုတ်လုပ်နိုင်ခဲ့သည့် ၂၀၁၁ -၂၀၁၂  ခုနှစ်က  သတ်မှတ်ထားသော ယခင်စံချိန်တင် ပို့ကုန်တန်ဖိုးထက် ဩစတြေးလျဒေါ်လာ ၃ ဘီလီယံ ကို ကျော်လွန်ခန့်မှန်းခဲ့ကြောင်း Cotton Australia မှ အထွေထွေမန်နေဂျာက ပြောကြားခဲ့ကြောင်း၊ ခန့်မှန်းစံချိန်တင် တန်ဖိုးသည် မိုးခေါင်ရေရှားမှုဒဏ်ခံရသော ထုတ်လုပ်မှုဧရိယာအများအပြားက ကောင်းမွန်သော ရာသီဥတုအခြေအနေသို့ ပြန်လည်ရောက်ရှိလာခြင်းနှင့် ချည်ထုတ်တစ်ထုတ်လျှင် ဩစတြေးလျ ဒေါ်လာ ၈၄၀ ခန့်အထိ ကမ္ဘာ့ဈေးနှုန်းများ ခိုင်မာလာခြင်းတို့၏ ရလဒ်များကြောင့်ဖြစ်ကြောင်း၊ ဝါဂွမ်း ဈေးနှုန်းမှာ ခိုင်မာလျှက်ရှိပြီး စံချိန်တင်အဆင့်မဟုတ်သော်လည်း တသမတ်တည်း ခိုင်မာနေခဲ့ကြောင်း၊ ဩစတြေးလျ ဝါဂွမ်းလုပ်ငန်းသည်  ၂၀၂၀ ပြည့်နှစ်တွင် တရုတ်နိုင်ငံနှင့်ကုန်သွယ်မှုတင်းမာမှု အကျပ် အတည်းထဲသို့ကျရောက်ခဲ့ရပြီး အဓိကဈေးကွက်သို့ တင်ပို့မှုရပ်တန့်သွားပြီးနောက် ချည်ဈေးကွက် ရှာဖွေသူများသည် အခြားချည်‌ဈေးကွက်များသို့‌အောင်မြင်စွာ လမ်းကြောင်းလွှဲ တင်ပို့နိုင်ခဲ့ကြောင်း၊ ယခုအခါ ဗီယက်နမ်နိုင်ငံက ဩစတြေးလျ    ဝါဂွမ်းများကို ဝယ်ယူလျက်ရှိပြီး ကိုရီးယားနှင့်အင်ဒိုနီးရှား နိုင်ငံတို့ကလည်း ပြန်လည်ဝယ်ယူလျက်ရှိသည့်အပြင် တူရကီနိုင်ငံကလည်း ဝယ်ယူလျှက်ရှိရာ ဩစတြေးလျဝါဂွမ်းသည် ကွဲပြားသော ဈေးကွက်များသို့တင်ပို့လျက်ရှိကြောင်း၊ ထောက်ပံ့ရေး ကွင်းဆက်များရှိ ကိုဗစ်ဆိုင်ရာအနှောက်အယှက်များကြောင့် ယခုရာသီတွင်ကမ္ဘာ့ဈေးနှုန်းများသည် စံချိန်တင်မြင့်တက်နေပြီး ကမ္ဘာလုံးဆိုင်ရာ ဝါဂွမ်းထောက်ပံ့မှု၏ ၅ % မှ ၁၀% သည် ထောက်ပံ့ ပို့‌ဆောင်ရေးဆိုင်ရာအကျပ်အတည်းများနှင့် ရင်ဆိုင်နေရကြောင်း၊ ဝါဂွမ်းများရှိသော်လည်း ချည်ငင် စက်ရုံသို့မ‌ရောက်မီ အကူးအပြောင်းတွင် ပိတ်မိနေခြင်းများလည်းဖြစ်ပေါ်လျှက်ရှိကြောင်း၊ ကပ်ရောဂါကြောင့် အပိုထုတ်လုပ်မှု ကုန်ကျစရိတ်များကလည်း ဝါဂွမ်းဈေးနှုန်းကို မြင့်တက်စေသည့်အကြောင်းရင်း တစ်ရပ်ဖြစ်ကြောင်း သိရှိရပါသည်။

(ရင်းမြစ်-ကင်ဘာရာမြို့စီးပွားရေးသံမှူးပေးပို့သည့်သတင်း)

အသေးစားလုပ်ငန်းများအတွက် တရုတ်နိုင်ငံ၏အခွန်သက်သာခွင့်

          တရုတ်နိုင်ငံတွင်  အသေးစားလုပ်ငန်းများ ဖွံ့ဖြိုးတိုးတက်စေရန် လုပ်သာကိုင်သာရှိသည့် စီးပွားရေးပတ်ဝန်းကျင်ကို တက်ကြွစွာ ဖန်တီးဆောင်ရွက်ပေးလျှက်ရှိကြောင်း၊ ထိုသို့ဆောင်ရွက် ရာတွင် အငယ်စားနှင့်အသေးစားလုပ်ငန်းများ၏ ဘဏ္ဍာရေးဝန်ထုပ်ဝန်ပိုးများကို လျော့ပါးသက်သာစေသောဘဏ္ဍာရေး အခက်အခဲများကို ဖြေရှင်းပေးသည့် စီမံဆောင်ရွက်မှုများ ပါဝင်ကြောင်း၊ တရုတ်နိုင်ငံက အသေးစားလုပ်ငန်းများအတွက် အဓိကဆောင်ရွက်ပေးထားသည့် အခွန်သက်သာခွင့်များတွင် အသေးစားနှင့် အမြတ်အစွန်းနည်းပါးသည့် လုပ်ငန်းများအတွက် ကော်ပိုရိတ်ဝင်ငွေခွန် ဖြတ်တောက်ပေးမှု၊ အသေးစားလုပ်ငန်းပိုင်ရှင်များအတွက် တစ်သီးပုဂ္ဂလဝင်ငွေခွန် လျှော့ချပေးမှု၊ အသေးစားအခွန်ဝန်ထမ်းများအတွက်  တန်ဖိုးဖြည့်အခွန်၊ အခြားအခွန်အခနှင့် အခကြေးငွေများ သက်သာခွင့်နှင့် အသေးစားနှင့်အငယ်စားလုပ်ငန်းများ၏ ဘဏ္ဍာရေးကုန်ကျစရိတ်များ ပိုမို သက်သာစေရန် အခွန်စီမံဆောင်ရွက်ပေးမှုများ ပါဝင်ကြောင်း သိရှိရပါသည်။

(ရင်းမြစ်-  နန်နင်းမြို့စီးပွားရေးသံမှူးပေးပို့သည့်သတင်း)

စားအုန်းဆီဈေး ကြီးမြင့်မှုကို ကိုင်တွယ်ဖြေရှင်းမည်

          ယခင်နှစ်က တစ်ပုလင်းလျှင် ဘတ်ငွေ(၅၀-၆၀)သာရှိခဲ့သည့်စားအုန်းဆီဈေးနှုန်းများသည် ယခုကာလ(ဇန်နဝါရီလ)အတွင်း တစ်ပုလင်းလျှင်ဘတ်ငွေ(၇၀)အထိတက်သွားပြီးနောက် စီးပွား ရေးနှင့်ကူးသန်းရောင်းဝယ်ရေးဝန်ကြီးဌာနက အဆိုပါဈေးနှုန်းမြင့်တက်သွားခြင်းကို ကိုင်တွယ် ဆောင်ရွက်မည်ဟုကတိပြုခဲ့ကြောင်း၊ စားအုန်းဆီဈေးနှုန်းများမြင့်တက်ရသည့် အကြောင်းအရင်း မှာ စားအုန်းဆီအစေ့နှင့်စားအုန်းဆီကြမ်းဈေးနှုန်းများမြင့်တက်ခဲ့၍ဖြစ်ရာ ဆီအုန်းစေ့ဈေးနှုန်းများ သည်(၅)နှစ်တာကာလအတွင်း ဘတ်ငွေ(၁၀-၁၁)ထိ မြင့်တက်ခဲ့ရာ ထိုသို့ဈေးနှုန်းမြင့်မားမှုသည် တောင်သူများကို အကျိုးရှိစေမည်ဖြစ်သော်လည်း စားသုံးသူများကိုထိခိုက်စေကြောင်း၊ စိုက်ပျိုးသူ လယ်သမားများ၊ ထုတ်လုပ်သူများနှင့် စားသုံးသူများစသည့် သက်ဆိုင်သူအားလုံးတို့အတွက် ဟန်ချက်ညီမျှတစွာ အကျိုးရှိစေရန်အတွက် ပြည်တွင်းကုန်သွယ်ရေးဉီးစီးဌာနနှင့် လုပ်ငန်းအဖွဲ့ကို

ညွှန်ကြားခဲ့သည်ဟု ပြောကြားခဲ့ကြောင်း၊ မည်သို့ပင်ဆိုစေကာမူ အစိုးရက ဈေးကွက်တွင်ဝင်ရောက် စွက်ဖက်၍ စားအုန်းဆီကို ဈေးနှုန်းထိန်းချုပ်မှုစာရင်းတွင် ထည့်သွင်းရန်မဖြစ်နိုင်ကြောင်း၊ ပြည်တွင်းကုန်သွယ်ရေးဉီးစီးဌာန၊ ညွှန်ကြားရေးမှူးချုပ်၏ အဆိုအရ ကုန်တိုက်များနှင့် လက်လီလက်ကားဆိုင်များတွင် ရောင်းချသော စားအုန်းဆီဗူးများ၏ ဈေးနှုန်းများသည် ၎င်းတို့၏ဈေးနှုန်းများကို ထိန်းသိမ်းပေးရန် ဌာနမှတောင်းဆိုညှိနှိုင်းထားသည့် ဈေးနှုန်းအတိုင်းအတာအတွင်း ထိန်းသိမ်းထားဆဲဖြစ်ကြောင်း၊ ဖေဖော်ဝါရီလ ဆီအုန်းထွက်ရှိချိန်၌ ‌ဈေးနှုန်းအခြေအနေ ပိုမိုကောင်းမွန်လာမည်ဟု ခန့်မှန်းထားကြောင်း၊ ထိုင်းနိုင်ငံတွင် စားအုန်းဆီကြမ်းသိုလှောင်ထားရှိမှုမှာ တန်ချိန် (၁၇၀၀၀၀)သာရှိရာ တိုင်းပြည်လိုအပ်ချက်ဖြစ်သည့် တန်ချိန်(၃၀၀၀၀၀)နှင့်နှိုင်းယှဉ်ပါက သိသာစွာ နည်းပါးလွန်းသည်ဟု ယူဆရကြောင်း၊ စားအုန်းဆီကြမ်းဈေးနှုန်းမှာ တစ်ကီလိုဂရမ်လျှင် (၅၆)ဘတ်ရှိရာ ၎င်းမှာယခင်နှစ်ကာလတူ ဇန်နဝါရီလကရရှိခဲ့သည့်(၃၅)ဘတ်ထက် ပိုမို မြင့်တက်ခဲ့ခြင်းဖြစ်ကြောင်း၊ ပြည်တွင်းစားအုန်းဆီကြမ်းဈေးနှုန်းမှာ ကမ္ဘာ့ဈေးကွက်ပေါက်ဈေးနှုန်းဖြစ်သည့် (၄၄)ဘတ်ထက် တစ်ကီလိုဂရမ်လျှင် (၁၂-၁၃)ဘတ်ခန့် မြင့်တက်နေကြောင်း၊ ယခုနှစ်တွင် ဆီအုန်းစေ့တန်ချိန်(၁၇)သန်းခန့်ထောက်ပံ့ဖြည့်တင်းနိုင် လိမ့်မည်ဟု စိုက်ပျိုးရေးစီးပွားရေးရုံးမှ ခန့်မှန်းထားကြောင်း၊ ပြည်တွင်းဝယ်လိုအားအနေဖြင့် ပြည်တွင်းထောက်ပံ့ဖြည့်ဆည်းမှုနှင့် အနီးစပ်ဆုံးကိုက်ညီမည်ဟု မျှော်မှန်းကြောင်း၊ စုစုပေါင်း ထောက်ပံ့ဖြည့်ဆည်းမှုတွင် တန်ချိန် (၁)သန်းမှာ စားအုန်းဆီထုတ်လုပ်ရန်နှင့် ကျန်ရှိသည် များမှာ ဇီဝဒီဇယ်အတွက်နှင့် သိုလှောင်ထားရန်အတွက်ဖြစ်ကြောင်း သိရှိရပါသည်။

(ရင်းမြစ်-ဘန်ကောက်မြို့စီးပွားရေးသံမှူးပေးပို့သည့်သတင်း)

ခရိုင်တစ်ခု ထုတ်ကုန်တစ်ခု အစီအစဉ် မြှင့်တင်ဆောင်ရွက်

          အိန္ဒိယနိုင်ငံ၌ ပြည်တွင်းကုန်ထုတ်လုပ်မှုကိုမြှင့်တင်၍ပြည်ပသို့တင်ပို့နိုင်ရေး တွန်းအား ပေးဆောင်ရွက်လျှက်ရှိရာ အိန္ဒိယစက်မှုလုပ်ငန်းမြှင့်တင်ရေးနှင့် ပြည်တွင်းကုန်သွယ်မှုဉီးစီးဌာန (DPIIT) သည်ခရိုင်တစ်ခုထုတ်ကုန်တစ်ခု(ODOP Initiative)အကောင်အထည်ဖော်ဆောင်မှု ဆိုင်ရာညီလာခံဆွေးနွေးပွဲကို ဇန်နဝါရီ၊တတိယပတ်တွင် ကျင်းပခဲ့ရာ အဆိုပါဌာနမှ အရန် အတွင်းဝန်၊ပြည်နယ်/ ပြည်ထောင်စုနယ်မြေ အစိုးရအဖွဲ့များမှအတွင်းဝန်များ၊ ပြည်နယ်စက်မှု လုပ်ငန်းမြှင့်တင်ရေးဌာနများမှ တာဝန်ရှိသူများ တက်ရောက်ဆွေးနွေးခဲ့ကြကြောင်း၊ ဂျမူးနှင့် ကက်ရှ်မီးယားပြည်နယ်သည် သစ်ကြားသီးနှင့် ပန်းသီးတို့ကို ခရိုင်တစ်ခုထုတ်ကုန်တစ်ခု(ODOP)လုပ်ငန်းအဖြစ် Dubai Expo 2020 ၌ ပါဝင်ပြသလျက် ရောင်းသူဝယ်သူ ချိတ်ဆက်တွေ့ဆုံပွဲများပြုလုပ်ခြင်းဖြင့် ကုန်သွယ်မှု လွယ်ကူချောမွေ့စေရေး ကို အောင်မြင်စွာလုပ်ဆောင်နိုင်ခဲ့ကြောင်း၊ဥတာပရာဒေ့ရှ်ပြည်နယ်သည် ၎င်း၏ခရိုင်များ အားလုံးမှ လက်မှုအနုပညာရှင်များနှင့် ကုန်ထုတ်လုပ်သူများအတွက် ODOP အကောင်အထည် ဖော်ဆောင်မှုကို စံနမူနာပြလုပ်ဆောင်နိုင်သကဲ့သို့ တြိပူရပြည်နယ်သည်လည်း ပြည်နယ် အစိုးရနှင့် ODOP အဖွဲ့များအကြား ပူးပေါင်းလုပ်ကိုင်မှုကို အောင်မြင်စွာ ဆောင်ရွက်နိုင်သည့် လမ်းပြမြေပုံအားချမှတ်နိုင်ခဲ့ပြီး ခရိုင်(၈)ခုလုံးမှ ထုတ်ကုန်(၁)မျိုးစီအား ပြည်ပတင်ပို့နိုင်ရေး ဆက်လက်ဆောင်ရွက်လျက်ရှိကြောင်း၊ DPIIT ဌာနရှိ အိန္ဒိယရင်းနှီးမြှုပ်နှံမှုအေဂျင်စီသည် ODOP လုပ်ငန်းများအတွက် ထုတ်ကုန်ဖွံ့ဖြိုးတိုးတက်မှု၊ စွမ်း‌ဆောင်ရည်မြှင့်တင်မှုနှင့်ကုန်သွယ်မှု လွယ်ကူစေရေး အစီအမံများကိုဆောင်ရွက်လျှက်ရှိကြောင်း၊ ပြည်နယ်များမှထုတ်ကုန်ရောင်းချ လိုသူများ၏ အချက်အလက်များကိုမျှဝေဖလှယ်၍ ဝယ်လက်များနှင့် ချိတ်ဆက်နိုင်ရေး ODOP လုပ်ငန်းအဖွဲ့များက ဆက်လက်လုပ်ဆောင်မည်ဖြစ်ကြောင်း၊ အနာဂတ်ကာလတွင် ခရိုင်တစ်ခု ထုတ်ကုန်တစ်ခု (ODOP)လုပ်ငန်းများ အောင်မြင်စွာ ဖော်ဆောင်နိုင်ရေးအတွက် ပြည်နယ် တစ်ခုစီတွင် တာဝန်ယူ‌‌ဆောင်ရွက်မည့်အရာရှိများကို ခန့်အပ်မည်ဖြစ်ကြောင်း၊ အိန္ဒိယအစိုးရ သည် ကျေးလက်ဒေသရှိ လက်မှုအနုပညာရှင်များ၏ ခရိုင်တစ်ခုထုတ်ကုန်တစ်ခု ODOP လုပ်ငန်းအစီအစဉ်မှ ထုတ်ကုန်များကို အင်တာနက်ကွန်ယက်စနစ်၌ အခြေပြုရောင်းချနိုင်ရေးအတွက် e-commerce  လုပ်ငန်းဆောင်ရွက်သည့် ကုမ္ပဏီကြီးများနှင့် ဆွေးနွေးဆောင်ရွက်လျက်ရှိကြောင်း၊ DPIIT ဌာနမှ ညွှန်ကြားရေးမှူးက အိန္ဒိယနိုင်ငံ တစ်ဝန်းလုံးတွင်  ODOP Initiative အား ကျယ်ပြန့်အောင်မြင်စွာ အကောင်အထည်ဖော်ရေး ဆောင်ရွက်လျက်ရှိရာ ပြည်နယ်များရှိ စက်မှုလုပ်ငန်းဌာနများအနေဖြင့် တက်ကြွစွာ ပါဝင်ပံ့ပိုးပေးကြရန် တိုက်တွန်းပြောကြားခဲ့ကြောင်း သိရှိရပါသည်။

(ရင်းမြစ်-နယူးဒေလီမြို့ စီးပွားရေးသံမှူးပေးပို့သည့်သတင်း)

ပဲမျိုးစုံနှင့် ဆီထွက်သီးနှံပိုမိုစိုက်ပျိုးရန်အိန္ဒိယအစိုးရလျာထား

          အိန္ဒိယနိုင်ငံ  စိုက်ပျိုးရေးနှင့် တောင်သူလယ်သမားများ ဖူလုံရေးဝန်ကြီးဌာနသည်  ယခု နှစ်အတွက် နွေသီးနှံစိုက်ပျိုးရေးသုံးသပ်မှုဆိုင်ရာ အမျိုးသားအဆင့်ညီလာခံဆွေးနွေးပွဲကို ဇန်နဝါရီနောက်ဆုံးပတ်တွင် Video Conference စနစ်ဖြင့်ကျင်းပခဲ့ရာ လယ်ယာစိုက်ပျိုးရေး ဆိုင်ရာ အဆင့်မြင့်အရာရှိများက နွေသီးနှံတိုးချဲ့စိုက်ပျိုးမည့်အစီအစဉ်များကို ဆွေးနွေးတင်ပြခဲ့ ကြကြောင်း၊ ထိုသို့တိုးချဲ့စိုက်ပျိုးရန် လျာထားသည့်သီးနှံများတွင်  ပဲမျိုးစုံစိုက်ဧက ဟက်တာ (၂၁.၀၅) သိန်း၊ ဆီထွက်သီးနှံဟက်တာ(၁၃.၇၈)သိန်းနှင့် အခြားသီးနှံဟက်တာ (၁၇.၈၉)သိန်း ပါဝင်မည်ဖြစ်ကြောင်း၊နွေစပါးစိုက်ပျိုးမှုမှာ ယခင်နှစ်က ဟက်တာ (၄၀)သိန်းခန့်ရှိပြီး ယခုနှစ်တွင် ဟက်တာ (၃၀-၄၀)ခန့် စိုက်ပျိုးနိုင်ဖွယ်ရှိကြောင်း၊ ပဲမျိုးစုံနှင့် ဆီထွက်သီးနှံအား စပါးစိုက်ပျိုးရန် ရည်မှန်းထားသည့် လှပ်မြေဧရိယာနေရာများ၌ တိုးချဲ့စိုက်ပျိုးမည်ဖြစ်ကြောင်း၊ အိန္ဒိယ၏ နွေသီးနှံပဲမျိုးစုံတွင် ပဲတီစိမ်းသည် အဓိကသီးနှံဖြစ်ရာ ယခင်နှစ်၌ မဒ္ဒရာပရာဒေ့ရှ်ပြည်နယ်များ တွင်  စုစုပေါင်းဟက်တာ(၁၄.၄၅)သိန်းခန့် စိုက်ပျိုးခဲ့ပြီး မတ်ပဲကို ဒုတိယအများဆုံးအဖြစ်  ဟက်တာ(၂.၉၈)သိန်းစိုက်ပျိုးခဲ့ကြောင်း၊ ယခုနှစ် နွေသီးနှံရာသီ၌ ပဲတီစိမ်း ဟက်တာ(၁၇.၅၈)သိန်း၊ မတ်ပဲ ဧရိယာဟက်တာ(၃.၁၃)သိန်းနှင့် အခြားပဲများကို ဟက်တာ(၀.၃၄)သိန်း စိုက်ပျိုးရန် လျာထားကြောင်း၊ နွေရာသီတွင် ဆီထွက်သီးနှံဖြစ်သည့် မြေပဲကို ယခင်နှစ်က စိုက်ဧက ဟက်တာ (၅.၉၅)သာ စိုက်ပျိုးရာမှ ယခုနှစ်တွင် ဟက်တာ(၇.၆၀) သိန်း၊ နှမ်းကို ယခင်နှစ်က စိုက်ဧက ဟက်တာ(၄.၂၇)သာစိုက်ပျိုးရာမှ ယခုနှစ်တွင် ဟက်တာ(၅.၂၅) သိန်းသို့ တိုးမြှင့်စိုက်ပျိုးရန်လျာထားကြောင်း၊ ယခုနှစ် စိုက်ပျိုးရေရရှိနိုင်မှုက နွေသီးနှံတိုးချဲ့စိုက်ပျိုး ရန်ကောင်းမွန်သည့်အခြေအနေကိုဖြစ်ပေါ်စေပြီး ဓါတ်မြေဩဇာသွင်းအားစု လုံလောက်စွာရရှိရေး အိန္ဒိယအစိုးရက စီမံ‌ဆောင်ရွက်လျက်ရှိကြောင်း သိရှိရပါသည်။

(ရင်းမြစ်-နယူးဒေလီမြို့ စီးပွားရေးသံမှူးပေးပို့သည့်သတင်း)