ပြည်ပကုန်သွယ်မှုသတင်းများ

        မကြာသေးမီက အီသီယိုပီးယားဘဏ္ဍာရေးနှစ်တွင် ကော်ဖီတင်ပို့မှုသည် အီသီယိုးပီးယားဒေါ်လာ ၁.၄၃ဘီလီယံဝင်ငွေရရှိခဲ့ကြောင်း အစိုးရကပြောကြားခဲ့သည်။

       ဇူလိုင်လ ၇ရက်နေ့ကကုန်ဆုံးသည့် အီသီယိုးပီးယား ၂၀၂၃-၂၀၂၄ ဘဏ္ဍာရေးနှစ်အတွင်း ကော်ဖီ ၂၉၈၅၀၀တန်တင်ပို့ခဲ့ကြောင်း အီသီယိုပီးယားကော်ဖီနှင့် လက်ဖက်ရည်အာဏာပိုင်အဖွဲ့က (ECTA) က အင်္ဂါနေ့တွင် ထုတ်ပြန်ခဲ့သည်။

          ဇွန်လတွင် ကော်ဖီတန်ချိန် ၄၆၀၀၀တင်ပို့ခဲ့ပြီး ဝင်ငွေဒေါ်လာ ၂၁၈သန်းရရှိခဲ့ကြောင်း ECTA ကပြောကြားခဲ့သည်။

          အီသီယိုးပီးယားနိုင်ငံသည် ၂၀၂၂-၂၀၂၃ ဘဏ္ဍာရေးနှစ်တွင် ကော်ဖီတန်ချိန် ၂၄၀၀၀၀ခန့်တင်ပို့ခဲ့ပြီး ဝင်ငွေဒေါ်လာ ၁.၃သန်းရရှိခဲ့သည်။

          ECTA ၏ ဒေတာအချက်အလက်များအရ အီသီယိုးပီးယားနိုင်ငံ၏ ၂၀၂၃-၂၀၂၄ ဘဏ္ဍာရေးနှစ်တွင် တင်ပို့သည့်ကော်ဖီပမာဏသည် ယခင်ဘဏ္ဍာရေးနှစ်နှင့်နှိုင်းယှဉ်ပါက ၂၀%ခန့်မြင့်တက်လာကြောင်းသိရသည်။

          အာရေဗျက ကော်ဖီ၏ ပထမအစဟုသတ်မှတ်ခဲ့ထားရသော အီသီယိုးပီးယားနိုင်ငံသည် အာဖရိကရှိ အကြီးဆုံးကုန်စည်ထုတ်လုပ်တင်ပို့ရောင်းချသော နိုင်ငံဖြစ်သည်။ ကော်ဖီထုတ်လုပ်မှုအား နိုင်ငံ၏ စိုက်ပျိုးရေးကိုဦးဆောင်သော စီးပွားရေးကျောရိုးအဖြစ် ရှုမြင်လျက်ရှိကြသည်။

Source : theeastaFrican

DOCA(ရန်ကုန်)

      ယခုနှစ်၏ ပထမနှစ်ဝက်၌ ဗီယက်နမ်၏ စီးပွားရေးသည် ကဏ္ဍများတွင် အားကောင်းစွာကြီးထွားမှုကို ပြသခဲ့ကြောင်းသိရပါသည်။ ပြည်တွင်းအသားတင်ကုန်ထုတ်လုပ်မှု (GDP) သည် ၂၀၂၄ခုနှစ်၊ ဒုတိယ သုံးလပတ်ကာလတွင် ၇%နီးပါးနှင့် ပထမနှစ်ဝက်တွင် ၆.၄%ကျော်တိုးချဲ့နိုင်ခဲ့ပြီး သိသာထင်ရှားစွာကြီးထွားခဲ့ကြောင်းသိရပါသည်။ GDP ကြီးထွားမှုသည် လွန်ခဲ့သည့်နှုန်း ၃.၈%နှင့် အစိုးရ၏ကြီးထွားမှုရည်မှန်းချက်နှုန်း ၅.၅%မှ ၆%ကိုကျော်ဖြတ်နိုင်ခဲ့ကြောင်းသိရပါသည်။ စားသုံးသူဈေးနှုန်းအညွှန်းကိန်းသည် ၄%ကျော်ခဲ့ပြီး ငွေကြေးဖောင်းပွမှုမှာ ၂.၇%တွင်ရပ်တည်နေကြောင်းသိရပါသည်။ စွမ်းအင်နှင့်အစားအစာဖူလုံမှုမှာ ဆက်လက်တည်ငြိမ်နေကြောင်းသိရပါသည်။ တင်ပို့မှုဆက်လက်မြင့်တက်ရန်ရှိနေသေးပြီး ပြည်ပသို့တင်ပို့မှုမှာ ၁၄%မြင့်တက်ခဲ့ပြီး တင်သွင်းမှုမှာ ၁၇%ကြီးထွားခဲ့ကာ ကုန်သွယ်ရေးပိုငွေမှာ အမေရိကန်ဒေါ်လာ ၁၁.၆ဘီလီယံရှိခဲ့ကြောင်းသိရပါသည်။

          ဝန်ဆောင်မှုနှင့် ခရီးသွားကဏ္ဍသည် အားကောင်းစွာပြန်လည်နာလံထူလာသည်ကို မြင်တွေ့ခဲ့ရကြောင်းသိရပါသည်။ ၂၀၂၄ခုနှစ်၏ ပထမ ၆လတွင် ပြည်ပခရီးသွား ၈.၈သန်းကျော်ရောက်ရှိခဲ့ပြီး လွန်ခဲ့သည့်နှစ်၏ တူညီသည့်ကာလထက် ၅၈%မြင့်တက်ခဲ့ကြောင်းသိရပါသည်။ သို့သော် အတွင်းကျကျသိသူများ၏အဆိုအရ ငွေကြေးဖောင်းပွမှုဖိအားများ၊ နိုင်င့ခြားငွေလဲလှယ်နှုန်းမတည်ငြိမ်ခြင်းနှင့် ကျယ်ပြန့်သော စီးပွားရေးဆိုင်ရာလေ့လာမှုတွင် စိုးရိမ်မှုများရှိနေခြင်း စသည့်စိန်ခေါ်မှုများရှိနေကြောင်းသိရပါသည်။ အခြားအတားအဆီးများမှာ အများပိုင်ရင်းနှီးမြှုပ်နှံမှုတွင် ငွေချေမှုနှေးကွေးခြင်း၊ အိမ်ခြံမြေဈေးကွက်တွင် နှေးကွေးသောငွေပေးချေခြင်း စသည့်ကန့်သတ်ချက်များဖြစ်ကြောင်းသိရပါသည်။

Source : Vietnam Plus

DOCA(ရန်ကုန်)

       ဗီယက်နမ်နိုင်ငံသည် စိုက်ပျိုးမွေးမြူရေးတွင် ထုတ်လုပ်ခြင်းနှင့် တင်ပို့ခြင်းတို့အတွက် အခွင့်အရေးနှင့်အလားအလာများရှိနေပြီး ပြည်တွင်းလုပ်ငန်းများအနေဖြင့် ကမ္ဘာလုံးဆိုင်ရာ အစားအစာ ထောက်ပံ့မှုကွင်းဆက်တွင် ပိုမိုအရှိန်မြှင့်ပူးပေါင်းရန်လိုအပ်ကြောင်း အတွင်းကျကျသိသူများ၏ ပြောကြားချက်အရသိရပါသည်။ ဗီယက်နမ်နိုင်ငံစက်မှုနှင့်ကုန်သွယ်ရေးဒုတိယဝန်ကြီး Phan Thi Thang က ဗီယက်နမ်နိုင်ငံသည် လွန်ခဲ့သည့်နှစ်က လယ်ယာ-သစ်တော-ရေထုတ်ကုန်များတင်ပို့မှုမှ အမေရိကန်ဒေါ်လာ ၅၃ဘီလီယံကျော်ရရှိခဲ့ပြီး ဆန်၊ ဟင်းသီးဟင်းရွက်နှင့် သစ်သီး၊ ကော်ဖီနှင့် သီဟိုဠ်စေ့တို့ကဲ့သို့သော များစွာသော လယ်ယာထွက်ကုန်များမှာ တင်ပို့မှုပမာဏတွင်သာမက တန်ဖိုးတွင်ပါ မြင့်တက်ခဲ့ကြောင်းသိရပါသည်။ သို့သော် Phan က ဗီယက်နမ်ပို့ကုန်များအနက် အကြမ်းထည်ပို့ကုန်များသည် ယှဉ်ပြိုင်နိုင်စွမ်းနည်းကြောင်းထောက်ပြခဲ့ပြီး တင်သွင်းသူများချမှတ်ထားသည့် အရည်အသွေးလိုအပ်ချက်များနှင့်ရင်ဆိုင်ရနိုင်ကြောင်းပြောကြားခဲ့ပါသည်။ ထို့ပြင် အကောက်ခွန်တိုး၍ ပြည်တွင်းလုပ်ငန်းများကို ပြည်ပလုပ်ငန်းများယှဉ်ပြိုင်မှုမှကာကွယ်သည့် ဝါဒမြင့်တက်လာခြင်းနှင့် ဗီယက်နမ်၏ အဓိကတင်ပို့သည့် ဈေးကွက်များတွင် ဖွံ့ဖြိုးတိုးတက်မှုထိန်းထားမှုတို့သည် စီးပွားရေးလုပ်ငန်းများအား လျင်မြန်စွာအသားကျစေရန်နှင့် လေ့လာစေရန် တွန်းအားပေးခဲ့ကြောင်းသိရပါသည်။

    ဗီယက်နမ်နိုင်ငံ အရည်အသွေးပြုပြင်ခြင်းနှင့် ဈေးကွက်ဖွံ့ဖြိုးတိုးတက်ရေးဦးစီးဌာန၏ ဒုတိယညွှန်ကြားရေးမှူးချုပ် Le Thanb Hoa က လွတ်လပ်စွာကုန်သွယ်ရေးသဘောတူညီချက် များ(FTAs)တို့သည် အခွန်အားသာချက်များကြောင့် ဗီယက်နမ်လယ်ယာသစ်တောနှင့် ရေထုတ်ကုန်များကို ယှဉ်ပြိုင်နိုင်စွမ်းမြင့်တက်စေခဲ့ကြောင်းသိရပါသည်။ ဗီယက်နမ်နိုင်ငံသည် ကမ္ဘာ့အကြီးဆုံးသီဟိုဠ်စေ့နှင့် ငရုတ်ကောင်း တင်ပို့သည့်နိုင်ငံဖြစ်ပြီး ဒုတိယအကြီးဆုံး ကော်ဖီတင်ပို့သူ၊ တတိယအကြီးဆုံး ဆန်တင်ပို့သူဖြစ်ကြောင်းသိရပါသည်။ ဗီယက်နမ်ရေထုတ်ကုန်များသည်လည်း အမေရိကန်၊ ဥရောပသမ္မဂ၊ ဂျပန်နှင့်တောင်ကိုရီးယားတို့ကဲသို့ ဝယ်လိုအားမြင့်သည့်ဈေးကွက်များတွင် ထောက်ပံ့မှုကွင်းဆက်၌ပါဝင်ရန် အရည်အသွေးလိုအပ်ချက်ပြည့်စုံကြောင်းသိရပါသည်။

         ဘယ်လ်ဂျီယံနှင့် ဥရောပသမ္မဂ္ဂအတွက် ဗီယက်နမ်ကုန်သွယ်ရေးအကြံပေးပုဂ္ဂိုလ် Tran Ngoc Quan က အမေရိကန်ဒေါ်လာ ၁၆၀ဘီလီယံကျော်တန်ဖိုးရှိသည့် စိုက်ပျိုးမွေးမြူရေးထုတ်ကုန်များ၏ ၄ရာခိုင်နှုန်းကိုသာ ဥရောပသမ္မဂ္ဂက တင်သွင်းကြောင်းနှင့် ပြည်တွင်းလုပ်ငန်းများအနေဖြင့် အဆိုပါဒေသများသို့ စိုက်ပျိုးမွေးမြူရေးထုတ်ကုန်နှင့် အစားအစာများတင်ပို့မှုအရှိန်မြှင့်တင်ရန်အတွက် ထုတ်လုပ်ခြင်း၊ သယ်ယူပို့ဆောင်ခြင်းနှင့် ထိန်းထားနိုင်သည့် စားသုံးမှုတို့တွင် လိုအပ်ချက်ပိုမိုပြည့်မီစေရန် ဈေးကွက်သတင်းအချက်အလက်များကို အဆင့်မြှင့်တင်ရန်အကြံပြုခဲ့ပါသည်။

         Vinamilk နို့ထွက်လုပ်ငန်း၏ နိုင်ငံတကာစီးပွားရေးဒါရိုက်တာ Vo Trem Hieu က Vinamilk ထုတ်ကုန်များကို ကမ္ဘာတစ်ဝန်းရှိ နိုင်ငံပေါင်း ၆၀ကျော်ကိုတင်ပို့ခဲ့ကြောင်းနှင့် စီးပွားရေးလုပ်ငန်းများအား ၎င်းတို့၏ဈေးကွက်ကိုချဲ့ထွင်ရန် မိတ်ဖက်ကွန်ရက်များထားရှိပြီး စားသုံးမှုအလေ့အထများကိုလေ့လာသင့်ကြောင်း အကြံပြုခဲ့ပါသည်။

Source : Khmertimeskh

DOCA(ရန်ကုန်)

     ၂၀၂၂ ခုနှစ်၊ ဖေဖော်ဝါရီလတွင် ရရုးနှင့် ယူကရိန်းစစ်ပွဲဖြစ်ပွားသွားပြီးနောက် ရရှားနိုင်ငံမှ ရေနံများအားလျှော့ဈေးဖြင့် ဝယ်ယူခြင်းဖြင့် အိန္ဒိယရေနံသန့်စင်သူများသည် အနည်းဆုံး ဒေါ်လာ ၁၀.၅ ဘီလီယံချွေတာနိုင်မည်ဖြစ်သည်။ အိန္ဒိယ၏ ကုန်သွယ်မှုဒေတာ ခွဲခြမ်းစိတ်ဖြာမှုအပေါ် အခြေခံ၍ The Indian Express ၏ အစီရင်ခံစာအရ အိန္ဒိယမှ သန့်စင်သူများသည် ၂၀၂၂ ဧပြီလမှ ၂၀၂၄ မေလအတွင်း လျှော့ဈေးဖြင့် ရုရှားမှ ရေနံဝယ်ယူရန် ကြိုးပမ်းမှုများအား အရှိန်အဟုန်မြှင့်တင် လုပ်ဆောင်ခဲ့သည်။

     ရုရှားနိုင်ငံ၏ စီးပွားရေးကို ဖိအားပေးရန်နှင့် ယူကရိန်းတွင် ရုရှား၏ ထိုးစစ်ကို တားဆီးရန်အတွက် အနောက်နိုင်ငံများမှ ရုရှားနိုင်ငံအား မော်စကိုမှ ရေနံတင်သွင်းမှုကို ဖြတ်တောက် လိုက်ပြီးချိန်မှစရန် ၎င်းတို့၏ ရေနံစိမ်းများအား လျှော့ဈေးဖြင့် စတင်ကမ်းလှမ်းခဲ့ခြင်း ဖြစ်ပါသည်။

   ၂၀၂၃-၂၀၂၄ ဘဏ္ဍာနှစ်တွင် အိန္ဒိယ၏ ရေနံတင်သွင်းမှု တန်ဖိုးသည် အမေရိကန်ဒေါ်လာ ၁၃၉.၈၆ ဘီလီယံရှိကြောင်း ကိန်းဂဏန်းအချက်အလက်များအရ သိရသည်။ India Express ၏ အစီရင်ခံစာအရ ပြည်တွင်းသန့်စင်သူများသည် ရုရှားရေနံစိမ်း (တစ်စည်လျှင် ပျမ်းမျှဈေးနှုန်း) ကို အခြားပေးသွင်းသူများထံမှ ပေးချေသည့်နှုန်းဖြင့် ဝယ်ယူပါက ၁၄၅.၂၉ ဘီလီယံအထိ ကုန်ကျမည်ဖြစ်သည်။

     ရုရှားထံမှ အိန္ဒိယ၏ ရေနံဝယ်ယူမှုသည် အနောက်နိုင်ငံများ၏ ဝေဖန်မှုကို ခံနေရသည်။ ရုရှား၏ အကြီးမားဆုံးရန်သူဖြစ်သည့် အမေရိကန်သည် ရုရှား၏ ရေနံဈေးနှုန်းကို တစ်စည်လျှင် ဒေါ်လာ ၆၀ ဖြင့် ကန့်သတ်ရန် နိုင်ငံခုနှစ်နိုင်ငံအုပ်စုကို တွန်းအားပေးခဲ့သည်။ ရုရှားထံမှ အိန္ဒိယ၏ ရေနံဝယ်ယူမှု တန်ဖိုးသည် အနောက်နိုင်ငံများမှ ချမှတ်ထားသော ပမာဏထက် ကျော်လွန်နေပြီး ယင်းကိစ္စနှင့်ပတ်သက်၍ အမေရိကန်သည် အိန္ဒိယအား ရေနံဝယ်ယူမှုကို ဖြတ်တောက်ရန် တောင်းဆိုခဲ့ခြင်းမရှိကြောင်း မကြာသေးမီကမှတ်ချက်ပြန်ခဲ့သည်။

   ဗလာဒီမာပူတင်၏ အမြတ်အစွန်းကို ကန့်သတ်ရင်းဈေးကွက်အတွင်း၌ ရေနံထောက်ပံ့မှု ကို ဆက်လက်ထိန်းသိမ်းထားရန် အရေးကြီးကြောင်း စီးပွားရေးမူဝါဆိုင်ရာ အမေရိကန်ဘဏ္ဍာ ရေးလက်ထောက်အတွင်းဝန် Eric Van Nostrand က ဧပြီလတွင် ပြောကြားခဲ့သည်။

Source : Business-Standerd

DOCA(ရန်ကုန်)

     အမေရိကန်နိုင်ငံသည် တရုတ်ကုန်ပစ္စည်းများကို အခွန်ရှောင်ခြင်းမှတားဆီးရန်အတွက် မက္ကဆီကိုမှတင်သွင်းလာသော သံမဏိနှင့်အလူမီနီယမ်များအား တင်းကြပ်သောစည်းမျဉ်းများကို ဇူလိုင်လ ၁၀ ရက်နေ့က ထုတ်ပြန်ချမှတ်ခဲ့သည်။

     သမ္မတဂျိုးဘိုင်ဒင်အစိုးရအဖွဲ့၏ ရွေးကောက်ပွဲရာသီလှုပ်ရှားမှုသည် ဝါရှင်တန်မှ အခြားသောဈေးကွက်များသို့ ဈေးနှုန်းမမျှတသောကုန်ပစ္စည်းများ လွှမ်းမိုးလာနိုင်သည်ဟု သတိပေးခဲ့ သော တရုတ်နိုင်ငံအတွင်းရှိ ပိုလျှံနေသော စက်မှုလုပ်ငန်းများ၏ စွမ်းဆောင်ရည်ကိုကာကွယ်ရန် ကြိုးပမ်းမှု၏ တစ်စိတ်တစ်ပိုင်းလည်းဖြစ်သည်။

     မက္ကဆီကိုနိုင်ငံမှရောက်ရှိလာသော သံမဏိများသည် မက္ကဆီကိုနိုင်ငံ၊ အမေရိကန်နိုင်ငံနှင့် ကနေဒါနိုင်ငံတို့မှ ကျိုချက်သွန်းလောင်းထားသောသံမဏိများဖြစ်မှသာလျှင် အခွန်ကင်းလွတ်ခွင့် များရရှိနိုင်မည်ဖြစ်ပြီး ထိုသို့မဟုတ်ပါက ၎င်းတို့အား ၂၅ ရာခိုင်နှုန်းအခွန်ဆောင်စေမည်ဟု အိမ်ဖြူတော်အမျိုးသားစီးပွားရေးအကြံပေး Lael Bramard က သတင်းထောက်များအား ပြောကြားခဲ့သည်။

    သမ္မတဂျိုးဘိုင်ဒင်၏ နောက်ဆုံးကြေညာချက်အရ တရုတ်၊ ဘီလာရုစ်၊ အီရန်နှင့် ရုရှားနိုင်ငံတို့မှ သွန်းလုပ်ထားသော အလူမီနီယမ်များအား မက္ကဆီကိုမှတစ်ဆင့်တင်သွင်းခြင်း အပေါ် ၁၀ ရာခိုင်နှုန်း အခွန်ကောက်ခံသွားမည်ဖြစ်ကြောင်း၊ ၎င်းအတွက် မက္ကဆီကိုနိုင်ငံအနေဖြင့်လည်း တင်သွင်းသောသူများထံမှ ထုတ်ကုန်များ၏ အရင်းအမြစ်များနှင့် ထုတ်လုပ်သောနိုင်ငံ အချက်အလက်များကို တင်ပြရန်လိုအပ်ကြောင်း သိရှိရသည်။

      တရုတ်နိုင်ငံသည် မက္ကဆီကိုမှတစ်ဆင့် အမေရိကန်ဈေးကွက်သို့တင်ပို့ခြင်းဖြင့် တရုတ်သံမဏိနှင့် အလူမီနီယမ်တို့သည် အခွန်များလွတ်ကင်းလျက်ရှိကြောင်း၊ ၎င်းသည် နိုင်ငံ၏ ရင်းနှီးမြှုပ်နှံမှုကို ပျက်ပြားစေပြီး Pennsylvania နှင့် Ohio တို့ကဲ့သို့သော ပြည်နယ်များရှိ အမေရိကန်အလုပ်သမားများအတွက် ထိခိုက်နစ်နာစေကြောင်း Brainard မှ ပြောကြားခဲ့သည်။

     လက်ရှိ မက္ကဆီကိုနိုင်ငံမှတင်သွင်းသော သံမဏိတန်ချိန် ၃.၈ သန်းမှ ၉၀ ရာခိုင်နှုန်းနီးပါး အား အမေရိကန်၊ ကနေဒါနှင့် မက္ကဆီကိုနိုင်ငံတို့မှ ကျိုချက်သွန်းလောင်းထားခြင်းဖြစ်ကြောင်း အမည်မဖော်လိုသည့်အရာရှိတစ်ဦးက ပြောကြားခဲ့သည်။ ကျန်ရှိသည်အား တရုတ်နိုင်ငံအပါအဝင် နိုင်ငံအများအပြားမှ ရောက်ရှိလာကြောင်း သိရသော်လည်း တာဝန်ရှိသူများက အသေးစိတ်ပြောကြားခြင်းမရှိပေ။

      ဝါရှင်တန်မှ အမေရိကန်ဈေးကွက်အား တရုတ်လွှမ်းမိုးစေမှာမဟုတ်ကြောင်း၊ ထို့အတွက်လည်း တရုတ်မှတင်ပို့သော EV များ ဆီမီးကွန်ဒက်တာများအား အခွန်တိုးမြှင့်ကောက်ခံ သွားမည်ဖြစ်ကြောင်း ဂျိုးဘိုင်ဒင်မှ ကြေညာခဲ့သည်။

Source: Freemalaysiatoday

DOCA(ရန်ကုန်)