ကမ္ဘောဒီးယားသီဟိုဠ်စေ့အသင်း(CAC) သည် သီဟိုဠ်စေ့အထွက်နှုန်းကို ၁၀ ရာခိုင်နှုန်းမှ ၃၀ ရာခိုင်နှုန်းအထိ အကျိုးသက်ရောက်နိုင်သည့် ၂၀၂၅ ရိတ်သိမ်းရာသီအတွင်း ရာသီဥတု ဆိုင်ရာအန္တရာယ်များလျော့ပါးစေရန် ၎င်းတို့၏ လယ်ယာများကိုပုံမှန်စောင့်ကြည့်ရန် တိုက်တွန်း ထားသည်။ (CAC) မှ (၁-၁-၂၀၂၅) ရက်နေ့တွင်ထုတ်ပြန်ခဲ့သောကြေညာချက်တွင် သီဟိုဠ်စေ့ စိုက်ပျိုးသူအားလုံးကို မိုးရွာသွန်းမှုသည် ၂၀၂၅ ခုနှစ်တွင် ခြောက်သွေ့ရာသီဥတုသို့ရောက်ရှိနိုင် သောကြောင့် သီဟိုဠ်စေ့စိုက်ပျိုးခင်းများကို အထူးဂရုပြုရန်တောင်ဆိုထားသည်။ စိုထိုင်းဆ မြင့်မားခြင်းကြောင့် အင်းဆက်ပိုးမွှားများအလျင်အမြန်ပေါက်ဖွားစေခြင်း၊ ပိုးမွားများသည် သီဟိုဠ်စေ့အပါအဝင် အခြားပန်းပွင့်များကိုဖျက်စီးခြင်းကြောင့် သီဟိုဠ်စေ့သီးနှံများအတွက် စိန်ခေါ်မှုတစ်ခုဖြစ်လာစေခဲ့သည်။ ယင်းစိန်ခေါ်မှုများအား အချိန်မီမလုပ်ဆောင်နိုင်ပါက သီဟိုဠ်စေ့အထွက်နှုန်းကို ၁၀ ရာခိုင်နှုန်းမှ ၃၀ ရာခိုင်နှုန်းအထိလျော့နိုင်ကြောင်း အစီရင်ခံစာ တွင်ဖော်ပြထားသည်။ ရေအရင်းအမြစ်နှင့် မိုးလေဝသဝန်ကြီးဌာန (MOWRAM) မှ သက်ဆိုင်ရာ အဖွဲ့အစည်းများ၊ ဒေသဆိုင်ရာအာဏာပိုင်များနှင့် ပြည်သူများအား ရေကိုဂရုတစိုက်ထိန်းသိမ်း ကြရန် အထူးသဖြင့် ရေအရင်းအမြစ်နှင့်ဝေးကွာသောကျေးလက်ဒေသများတွင် ရေသုံးစွဲမှုကို စနစ်တကျရှိစေရန် တိုက်တွန်းထားခဲ့သည်။ ခြောက်သွေ့သောရာသီဥတုတွင် မိုးရေချိန်သည် ပြီးခဲ့သည့်နှစ်အနည်းငယ်အတွင်း မိုးအကြိုရာသီ၌ ပျမ်းမျှအားဖြင့် မိုးကြိုးမုန်တိုင်းများနှင့် လေပြင်းများမကြာခဏဖြစ်ပွားလေ့ရှိကြောင်းနှင့် မြေနိမ်းပိုင်းနှင့်ကမ်းရိုးတန်းဒေသများတွင် ယခင်နှစ်များထက်မိုးရွာသွန်းမှုပိုမိုများပြားနိုင်ကြောင်း၊ ယခင်နှစ်မိုးရာသီနှင့်နှိုင်းယှဉ်ပါက ယခုနှစ်မိုးရာသီသည် အစောပိုင်းတွင်စတင်နိုင်ပြီး ၂၀၂၅ ခုနှစ်၊ မေလပထမနှစ်ပတ်အတွင်း စတင်နိုင်ကြောင်း (MOWRAM) မှ ခန့်မှန်းထားသည်။

DOCA(ရန်ကုန်)

  ကမ္ဘောဒီးယားနိုင်ငံတကာလေဆိပ် (၃) ခုသည် ၂၀၂၄ ခုနှစ်တွင် စုစုပေါင်းခရီးသည် ၅.၆၅ သန်းကို ဝန်ဆောင်မှုပေးခဲ့ကြပြီး ၂၀၂၃ ခုနှစ် ၄.၀၄ သန်းမှ ၃၉.၈ ရာခိုင်နှုန်းတိုးလာခဲ့ ကြောင်း လေကြောင်းပို့ဆောင်ရေးဆိုင်ရာနိုင်ငံခြားဝန်ကြီးရုံး (SSCA) ၏ အစီရင်ခံစာတွင် ဖော်ပြထားသည်။ ၂၀၂၄ ခုနှစ်တွင် ကမ္ဘောဒီးယားနိုင်ငံသို့ လေကြောင်းခရီးဖြင့်ခရီးသည်များ သိသိသာသာတိုးလာကြောင်းနှင့် လေကြောင်းခရီးသည် ၅.၆ သန်းအထိရရှိခဲ့ပြီး ၂၀၂၅ ခုနှစ်တွင်လေကြောင်းခရီးသည် ၇ သန်းကျော်အထိတိုးလာရန် မျှော်မှန်းထားကြောင်း (SSCA) ဝန်ကြီး Mao Havannall ကပြောကြားခဲ့သည်။ လက်ရှိတွင် လေကြောင်းလိုင်း (၃၀) သည် အာဆီယံ (၈) နိုင်ငံ၊ တရုတ်၊ တောင်ကိုရီးယား၊ ဟောင်ကောင်၊ ထိုင်ဝမ်၊ အိန္ဒိယ၊ ကာတာ နှင့် UAE နိုင်ငံများသို့ တိုက်ရိုက်ပျံသန်းဝန်ဆောင်မှုများ ပေးလျက်ရှိသည်။ ကမ္ဘောဒီးယားနိုင်ငံရှိ လေကြောင်းလိုင်းကဏ္ဍသည် မကြာသေးမီနှစ်များအတွင်း အရှိန်အဟုန်ဖြင့်တိုးတက်လာခဲ့ပြီး နိုင်ငံ၏လေဆိပ်အခြေခံအဆောက်အအုံများကို ခေတ်မီစေရန်အစိုးရ၏ကြိုးပမ်းဆောင်ရွက်မှုများ တိုးမြင့်လာမှုကြောင့် လေကြောင်းခရီးသွားလာမှုများတိုးတက်လာသည်။ ခရီးသွားလာရေး ဝန်ကြီးဌာနနှင့် အခြားအဖွဲ့အစည်းများ၏ ခရီးသွားမြှင့်တင်ရေးနှင့် နိုင်ငံခြားခရီးသွားများ ပိုမို ဝင်ရောက်စေရန်ကြိုးပမ်းခြင်းတို့သည် လေကြောင်းခရီးသည် တိုးတက်မှုကိုမြှင့်တင်ပေးသည့် အကြောင်းအရင်းများဖြစ်ကြောင်း Mao Havannall က ထပ်မံပြောကြားခဲ့သည်။ နိုင်ငံခြား ခရီးသည်စုစုပေါင်း ၃၅.၉ ရာခိုင်နှုန်းခန့်သည် ကမ္ဘောဒီးယားသို့ လေကြောင်းခရီးဖြင့် ဝင်ရောက် ခဲ့ကြပြီးတစ်နှစ်ထက်တစ်နှစ် ၂၈.၆ ရာခိုင်နှုန်းတိုးတက်လာကြောင်း (SSCA) ၏အစီရင်ခံစာတွင် ဖော်ပြထားသည်။

DOCA(ရန်ကုန်)

ငါးနှစ်ကြာ သယ်ယူပို့ဆောင်ရေး သဘောတူညီချက် သက်တမ်းကုန်ဆုံးပြီးနောက် ယူကရိန်းနိုင်ငံသည် ရုရှားနိုင်ငံသို့ သဘာဝဓာတ်ငွေ့များ ဥရောပသို့ ပို့ဆောင်ခြင်းအား ၁.၁.၂၀၂၅ ရက်နေ့တွင် ရပ်ဆိုင်းလိုက်ကြောင်း ယူကရိန်းစွမ်းအင်ဝန်ကြီးဌာနက ပြောကြားခဲ့ သည်။ မနက် ၇ နာရီ (၅:၀၀ ဂရင်းနစ်စံတော်ချိန်) မှာ ယူကရိန်းပိုင်နက်အားဖြတ်ကျော်၍ ရုရှား သဘာ၀ဓာတ်ငွေ့ သယ်ယူပို့ဆောင်မှုကို ရပ်တန့်ခဲ့ကြောင်းဝန်ကြီးဌာန၏ ထုတ်ပြန်ချက်တွင် ဖော်ပြထားသည်။ ယူကရိန်းသည် သတ်မှတ်ထားသော လုပ်ထုံးလုပ်နည်းများနှင့်အညီ ဓာတ်ငွေ့ ဖြတ်သန်းမှုကို ရပ်စဲကြောင်း ၎င်း၏ နိုင်ငံတကာလုပ်ဖော်ကိုင်ဖက်များအား အကြောင်းကြား ခဲ့သည်ဟု ထုတ်ပြန်ချက်တွင် ဆက်လက်ဖော်ပြထားသည်။ယူကရိန်းဓာတ်ငွေ့ သယ်ယူပို့ဆောင် ရေးစနစ်ကို သုညအကူးအပြောင်းမုဒ်တွင် လည်ပတ်နိုင်ရန် ကြိုတင်ပြင်ဆင်ထားပြီး ယူကရိန်း စားသုံးသူများ အတွက် ယုံကြည်စိတ်ချရသော ဓာတ်ငွေ့များ ပေးဝေနိုင်စေရန် အာမခံထား ကြောင်း သိရသည်။ ထိုနေ့တွင်ပင် ရုရှားစွမ်းအင်ကုမ္ပဏီကြီး Gazprom က ယူကရိန်းဘက်မှ သဘောတူညီချက်များ သက်တမ်းကုန်ဆုံးပြီး ယူကရိန်းဘက်မှ သက်တမ်းတိုးခြင်း မရှိခြင်း ကြောင့် ယူကရိန်းမှတစ်ဆင့် ဓာတ်ငွေ့ပေးဝေမှုကို ရပ်တန့်လိုက်ကြောင်း ပြောကြားခဲ့သည်။ ယူကရိန်းအစိုးရပိုင် စွမ်းအင် ကုမ္ပဏီ Naftogaz နှင့် ရုရှားနိုင်ငံမှ သဘာဝဓာတ်ငွေ့လုပ်ငန်းကြီး Gazprom တို့ကြား ဓာတ်ငွေ့ သယ်ယူပို့ဆောင်ရေး သဘောတူညီချက်သည် 2019 ခုနှစ် ဒီဇင်ဘာလတွင် သက်တမ်းကုန်ဆုံး ခဲ့သည်။ပြီးခဲ့သည့်နှစ်က ယူကရိန်းသည် ရုရှားဓာတ်ငွေ့ ကုဗမီတာ ၁၅.၄၃ ဘီလီယံကို ဥရောပသို့ ပို့ဆောင်ခဲ့ပြီး ၂၀၂၃ ခုနှစ်ထက် ၅.၇ ရာခိုင်နှုန်း တိုးလာသည်ဟု မီဒီယာများက ဖော်ပြချက်အရ သိရသည်။

DOCA(ရန်ကုန်)

     တရုတ်ကွန်မြူနစ်ပါတီ(CPC) ၏ နိုင်ငံတကာ CPC ဗဟိုကော်မတီ၏ လက်ထောက် အကြီးအကဲ Ma Hui ဦးဆောင်သော ကိုယ်စားလှယ်အဖွဲ့သည် ၁၂.၁၂.၂၀၂၄ ရက်နေ့မှ ၁၄.၁၂.၂၀၂၄ ရက်နေ့အထိ မလေးရှားနိုင်ငံသို့ သွားရောက်ခဲ့သည်။ ခရီးစဉ်အတွင်း ကိုယ်စားလှယ်အဖွဲ့သည် ပဥ္စမြောက် Belt and Road တရုတ်-မလေးရှား စီးပွားရေးဆွေးနွေးပွဲသို့ တက်ရောက်ခဲ့ပြီး မလေးရှားနိုင်ငံ၏ နိုင်ငံရေးနှင့် စီးပွားရေးကဏ္ဍများအတွက် ဆွေးနွေး ခဲ့ကြောင်းသိရသည်။ တရုတ်သည် နှစ်နိုင်ငံခေါင်းဆောင်များ၏ သဘောတူညီမှုကို အကောင်အထည်ဖော်ရန်နှင့် မဟာဗျူဟာမြောက် မိတ်ဖက်ဆက်ဆံရေးကို ပိုမိုတိုးတက် ကောင်းမွန်စေရန်အတွက် မလေးရှားနိုင်ငံနှင့် ပူးပေါင်းဆောင်ရွက်လိုကြောင်း Ma က အလေးပေး ပြောကြားခဲ့သည်။ နှစ်ဖက်စလုံးမှ ဘက်စုံအကျိုးရှိသော ပူးပေါင်းဆောင်ရွက်မှုကို တိုးမြင့်ဆောင်ရွက်ကာ ဒေသတွင်း တည်ငြိမ်ရေးနှင့် သာယာဝပြောရေးတို့အတွက် ပိုမိုကောင်းမွန်သော ပံ့ပိုးကူညီမှုများ ပြုလုပ်သင့်ကြောင်း ၎င်းက ဆက်လက်ပြောကြားခဲ့သည်။ မလေးရှားနိုင်ငံသည် ပါတီအချင်းချင်းဆက်ဆံရေးမှတဆင့် နယ်ပယ်အသီးသီးတွင် ကူးလူးဆက်ဆံမှုနှင့် ပူးပေါင်းဆောင်ရွက်မှုများအားကောင်းလာစေရန်နှင့် မျှဝေထားသော အနာဂတ်နှင့်အတူ တရုတ်မလေးရှား အသိုက်အဝန်းကို ပူးပေါင်းတည်ဆောက်သွားရန် အဆင်သင့်ရှိကြောင်း ပြောကြားခဲ့သည်။

Source : Xinhua     

DOCA(ရန်ကုန်)

     ဟွန်ဒါဗီယက်နမ်၏နိုဝင်ဘာလတွင် မော်တော်ဆိုင်ကယ်နှင့်ကားရောင်းချမှုနှစ်မျိုးစလုံးသည် အားကောင်းစွာ ကြီးထွားခဲ့ကြောင်း သိရပါသည်။ နိုဝင်ဘာလတွင် ၎င်းတို့သည် မော်တော် ဆိုင်ကယ်စီးရေ ၂၂၀၉၄၅ စီးရောင်းချခဲ့ရပြီး အောက်တိုဘာလထက် ၂၀.၈ ရာခိုင်နှုန်းမြင့်တက်ခဲ့ကြောင်း သိရပါသည်။ ထိုသို့မြင့်တက်မှုကြောင့် ဟွန်ဒါဗီယက်နမ်၏ ၂၀၂၅ ဘဏ္ဍာနှစ် (ဧပရယ် ၂၀၂၄ မှ မတ် ၂၀၂၅ ထိရောင်းချရမှုစုစုပေါင်းမှာ အစီးရေ ၁၄၃၄၂၆၁ စီးရှိပြီဖြစ်ပြီး ၂၀၂၃ တူညီသည့်ကာလထက် ၇.၁ ရာခိုင်နှုန်းမြင့်တက်ခဲ့ကြောင်း သိရပါသည်။ ထိုအထင်ကြီးဖွယ်ရလဒ်သည် ဗီယက်နမ်ဈေးကွက်ဝေစု၏ ၈၀ ရာခိုင်နှုန်းကျော်ပိုင်ဆိုင်ထားသည့် ဟွန်ဒါ၏တည်နေရာ ကို ပိုမိုအားကောင်းစေခဲ့ကြောင်း သိရပါသည်။ ပြည်တွင်း‌ရောင်းချရမှုအပြင် ဟွန်ဒါဗီယက်နမ်သည် များစွာသောနိုင်ငံတကာဈေးကွက်များသို့ ဆိုင်ကယ်အစီးရေ ၁၈၇၀၁ စီး တင်ပို့ခဲ့ကြောင်း သိရပါသည်။ Honda Vision နှင့်Honda SH ကဲ့သို့သော အဓိက Scooter မော်ဒယ်များမှာ လူကြိုက်များသည့်ဂီယာမော်တော်ဆိုင်ကယ်များနှင့်အတူ ၎င်းတို့၏ခေတ်မီဒီဇိုင်း၊ ကြာရှည်ခံသောအင်ဂျင်၊ လောင်စာချွေတာနိုင်စွမ်းစသည်တို့ကြောင့် ဈေးကွက်ကိုဦးဆောင်နေကြောင်း သိရပါသည်။ ‌မော်တော်ကားရောင်းချရမှုတွင် ၎င်းတို့သည် နိုဝင်ဘာလတွင် အစီးရေ ၄၆၃၃ စီးရောင်းချခဲ့ရပြီး အောက်တိုဘာလကထက် ၂၈ ရာခိုင်နှုန်းမြင့်တက်ခဲ့ကြောင်း သိရပါသည်။ Honda City မော်ဒယ်သည် အစီးရေ ၂၃၂၇ စီးဖြင့် ရောင်းအားအကောင်းဆုံးဖြစ်ခဲ့ပြီး ဗီယက်နမ်၏အရောင်းရဆုံးမော်တော်ကား ၁၀ မျိုးတွင် တတိယနေရာ၌ရပ်တည်နေကြောင်း သိရပါသည်။ ၂၀၂၅ ဘဏ္ဍာနှစ်အတွက် မော်တော်ကားစုစုပေါင်းအစီးရေ ၁၉၇၇၄ စီးရောင်းချခဲ့ပြီး ဖြစ်ပြီး ၂၀၂၃ တူညီသည့်ကာလထက် ၃၁ ရာခိုင်နှုန်းမြင့်တက်ခဲ့ကြောင်း သိရပါသည်။ လူကြိုက်များသောမော်ဒယ်များမှာ Honda CR-V၊Honda City နှင့်Honda BR-V တို့ဖြစ်ကြောင်း သိရပါသည်။ သီးခြားအနေဖြင့် အစိုးရ၏မော်တော်ယာဉ်မှတ်ပုံတင်ကြေး ထောက်ပံ့ပေးမှုနှင့် ကုမ္ပဏီ၏ကြေညာမြှင့်တင်ရေးပရိုဂရမ်များကလည်း ဝယ်ယူမှုအရှိန်မြှင့်တက်ရာတွင် ပံ့ပိုးပေးခဲ့ကြောင်း သိရပါသည်။

Vietnam Plus

DOCA(ရန်ကုန်)