ပြည်ပကုန်သွယ်မှုသတင်းများ

     ပိုမိုအားကောင်းသော စီးပွားရေးဆိုင်ရာ ပူးပေါင်းဆောင်ရွက်မှုများကို ရှာဖွေရန်နှင့် ရေရှည် တည်တံ့သော အနာဂတ်ကို ဦးတည်သည့်လမ်းကြောင်းကို မျှဝေသွားရန် (၃၂)ကြိမ်မြောက် အာရှ-ပစိဖိတ်စီးပွားရေး ပူးပေါင်းဆောင်ရွက်မှု (အေပက်) စီးပွားရေးခေါင်းဆောင်များအစည်းအဝေးကို အောက်တိုဘာ ၃၁ ရက်တွင် တောင်ကိုရီးယားနိုင်ငံ ဂျုံဂျူး၌ ကျင်းပခဲ့သည်။

      အစည်းအဝေးတွင် ဥက္ကဋ္ဌအဖြစ် ဆောင်ရွက်သော တောင်ကိုရီးယားသမ္မတ လီဂျေမြောင်က ကမ္ဘာကြီး အဓိက အပြောင်းအလဲကာလတွင် စိန်ခေါ်မှုအသစ်များကို ရင်ဆိုင်ရန်ဒေသတွင်း ပူးပေါင်းဆောင်ရွက်မှု ပိုမိုခိုင်မာ အားကောင်းရန်နှင့် ပိုမိုစည်းလုံးညီညွတ်ရန်လိုအပ်သည်ဟုဆိုကာ တိုက်တွန်းခဲ့သည်။

     လွတ်လပ်သော ကုန်သွယ်မှုအမိန့်ကြေညာချက်သည် သိသိသာသာ အပြောင်းအလဲများ ကြုံတွေ့နေရချိန်တွင် ကမ္ဘာလုံးဆိုင်ရာ စီးပွားရေးမသေချာမှုသည်လည်း ပိုမိုနက်ရှိုင်းလာခဲ့ပြီး ကုန်သွယ်ရေးနှင့် ရင်းနှီးမြှုပ်နှံမှုသည် အရှိန်အဟုန်ဖြင့် ဆုံးရှုံးနိုင်ခြေများနှင့် ရင်ဆိုင်လျက်ရှိသည်ဟု လီက မှတ်ချက်ပြု ပြောကြားခဲ့သည်။

     ဉာဏ်ရည်တုနည်းပညာကိုယ်စားပြု နည်းပညာ တော်လှန်ရေးသည် မမျှော်မှန်းနိုင်သော ပဋိပက္ခ အကျပ်အတည်းကို ဖြစ်ပေါ်စေပြီး တစ်ချိန်တည်းမှာပင် မမျှော်မှန်းနိုင်သော အခွင့်အလမ်း များကိုလည်း ပေါ်ပေါက်စေသည်ဟု လီက ဆက်လက်ပြောကြားသည်။ ပြည့်စုံကြွယ်ဝသည့် ရည်မှန်းချက်ပန်းတိုင်ကို အတူတကွဝေမျှကြပါစို့ဟု လီက အလေးအနက် တိုက်တွန်း ပြောကြား ခဲ့သည်။

      ၁၉၈၉ ခုနှစ်က စတင်တည်ထောင်ခဲ့သော အေပက်သည် စီးပွားရေးဖွံ့ဖြိုးတိုးတက်မှုအတွက် တက်ကြွသော အင်ဂျင်တစ်ခုဖြစ်လာပြီး အာရှ-ပစိဖိတ်၏ အရေးအကြီးဆုံးဒေသတွင်း အစည်းအဝေး တစ်ခု ဖြစ်လာခဲ့သည်။                       

Source: ဆင်ဟွာ                                                               

DOCA(ပြည်ထောင်စုနယ်မြေ)

        ဖိလစ်ပိုင်နိုင်ငံသည် အာဂျင်တီးနား၊ ရိုမေးနီးယားနှင့် တူရကီတို့မှ ငှက်နှင့် ကြက်များ တင်သွင်းခွင့် ယာယီပိတ်ပင်လိုက်ကြောင်း အောက်တိုဘာ ၂၈ ရက်နေ့တွင် ဆင်ဟွာ သတင်းဌာနသို့ ပြောကြားခဲ့သည်။ ဖိလစ်ပိုင်နိုင်ငံသည် ပြင်းထန်စွာဖြစ်ပွားလျက်ရှိသော ကြက်ငှက်တုပ်ကွေးရောဂါ (HPAI) ကို ထိန်းချုပ်ထားကြောင်း ဖိလစ်ပိုင်နိုင်ငံ၏ စိုက်ပျိုးရေးဌာနက ပြောကြားခဲ့သည်။ စိုက်ပျိုးရေးဝန်ကြီး Francisco Tiu Laurel သည် ရောဂါကူးစက်မှုအသစ်များနှင့် ကမ္ဘာ့တိရစ္ဆာန် ကျန်းမာရေးအဖွဲ့မှ တရားဝင်ရှင်းလင်းမှုမရှိခြင်းတို့ကို ကိုးကား၍ သွင်းကုန်ပြန်လည်စတင်ခွင့်ပြုရေး သီးခြားစာချွန်လွှာ အမိန့်ထုတ်ပြန်ခဲ့သည်။ ဖိလစ်ပိုင်နိုင်ငံတွင်း ကြက်မွေးမြူရေးလုပ်ငန်းကို ကြက်ငှက်တုပ်ကွေးပျံ့နှံ့မှုမှကာကွယ်ရန် ကြိုတင်ကာကွယ်မှုအဖြစ် ယာယီတင်သွင်းခွင့် ပိတ်ပင်လိုက်ခြင်းဖြစ်သည်။ သွင်းကုန်တားမြစ်ချက်များကို ရုတ်သိမ်းရန် ဆုံးဖြတ်ချက်သည် အေဂျင်စီ၏ တိရစ္ဆာန် စက်မှုလုပ်ငန်းဗျူရိုမှ ပြုလုပ်သော အကဲဖြတ်ချက်များအပေါ် အခြေခံထားကြောင်း စိုက်ပျိုးရေးဌာနမှ ပြောကြားခဲ့သည်။ ဗျူရို၏ အကဲဖြတ်ချက်ကို ကိုးကား၍ Tiu Laurel က အဆိုပါနိုင်ငံများမှ ကြက်၊ ငှက်များ၊ နေ့သားပေါက်ကြက်ငှက်များနှင့် ကြက်သုက်ရည်များ တင်သွင်းခြင်းမှ ကူစက်မှုအန္တရာယ်သည် ယခုအချိန်တွင် နည်းပါးသည်ဟု ယူဆကာ တားမြစ်ချက်ကို ရုတ်သိမ်းကြောင်း ပြောကြားခဲ့သည်။ အမျိုးသားစားနပ်ရိက္ခာဖူလုံမှုသေချာစေရန် ကြက်မွေးမြူရေးသည် အရေးပါသောအခန်း ကဏ္ဍမှပါဝင်နေပြီး အလုပ်အကိုင်နှင့် လယ်ယာစီးပွားရေးအတွက် သိသိသာသာ ပံ့ပိုးပေးသည့်အနေဖြင့် ဘေးကင်းသော သွင်းကုန်လမ်းကြောင်းများ ပြန်လည်ဖွင့်လှစ်ခြင်းသည် ထောက်ပံ့မှုနှင့် ဈေးနှုန်းများကို တည်ငြိမ်စေရန်အတွက် မရှိမဖြစ်လိုအပ်ကြောင်း၎င်းက ဆက်လက်ပြောကြားခဲ့သည်။ အထူးသဖြင့် ကမ္ဘာလုံးဆိုင်ရာ စားနပ်ရိက္ခာကွင်းဆက်များသည် ရောဂါဖြစ်ပွားမှုနှင့် ပထဝီ နိုင်ငံရေးတင်းမာမှုများကို ခုခံနိုင်စွမ်းရှိနေဆဲဖြစ်သောကြောင့် သွင်းကုန်ရင်းမြစ်များကို ကွဲပြားစေခြင်းသည် နိုင်ငံအား အနာဂတ်ထောက်ပံ့ရေးဆိုင်ရာ လှုပ်ခတ်မှုများကို တားစီးစေသည်ဟု ၎င်းက ဆိုသည်။ Tiu Laurel ၏ အဆိုအရ DA ၏ လှုပ်ရှားမှုသည် ဖိလစ်ပိုင်စားသုံးသူများအတွက် ဘေးကင်းပြီး လုံလောက်သော ကြက်နှင့်ငှက်ထွက်ကုန်များကို ဆက်လက်ရရှိရန် သေချာစေကာ ဒေသတွင်း ထုတ်လုပ်သူများကို အကာအကွယ်ပေးသည့် ဟန်ချက်ညီစေသည့် လုပ်ရပ်ဖြစ်ကြောင်း အလေးပေးဖော်ပြခဲ့ကြောင်း သိရှိရပါသည်။

Source : Xinhua                                                                                   

DOCA(ရန်ကုန်)

           ဇင်ဘာဘွေကုမ္ပဏီများအား တရုတ်ဈေးကွက်သို့ ဝင်ရောက်နိုင်ရန် ကူညီပေးရန် ကတိပြုထားကြောင်း ဇင်ဘာဘွေနိုင်ငံရှိ အဓိကစီးပွားရေးဘဏ်တစ်ခုဖြစ်သည့် Stanbic Bank Zimbabwe ၏ အကြီးတန်းမန်နေဂျာတစ်ဦး၏ ပြောကြားချက်အရသိရသည်။ Xinhua နှင့် မကြာသေးမီက ပြုလုပ်ခဲ့သော အင်တာဗျူးတစ်ခုတွင် Stanbic Bank Zimbabwe မှ အာဖရိက-တရုတ်ဘဏ်လုပ်ငန်း အကြီးအကဲ Tapuwa Nyika က တရုတ်နှင့်ဇင်ဘာဘွေအကြား ကုန်သွယ်မှုများတိုးလာသည်နှင့်အမျှ ဇင်ဘာဘွေကုမ္ပဏီများသည် အမြတ်အစွန်းများသော တရုတ်ဈေးကွက်ကို ရှာဖွေရန်အခွင့်အလမ်းများကို မြင်မိကြောင်း ပြောကြားခဲ့သည်။ ဘဏ်သည် ၎င်း၏ တရုတ်လုပ်ဖော်ကိုင်ဖက်များမှတစ်ဆင့် ပြည်တွင်းပို့ကုန်လုပ်ငန်းရှင်များ ၎င်းတို့၏ထုတ်ကုန်များကို ပို့ကုန်အဆင်သင့်ဖြစ်စေရန် ကူညီပေးခဲ့ကြောင်း ၎င်းကပြောကြားခဲ့သည်။ ထုတ်လုပ်မှုအတွက် ကုန်ကြမ်းဝယ်လိုသော ဇင်ဘာဘွေကုမ္ပဏီများကိုလည်း တရုတ်က စက်ယန္တရားပစ္စည်းများဝယ်ယူရန် ကူညီပေးပြီး ၎င်းတို့၏ လုပ်ငန်းစွမ်းဆောင်ရည်ကို အဆင့်မြှင့်တင်ပြီး ၎င်းတို့၏ လုပ်ငန်းများကိုလည်း ကုန်ကျစရိတ်သက်သာစေရန် သေချာအောင် ကူညီပေးကြောင်း၊ အထူးသဖြင့် စက်တင်ဘာလတွင် တရုတ်နှင့်ဇင်ဘာဘွေ နိုင်ငံတို့ကြား ဘလူးဘယ်ရီပို့ကုန်ပရိုတိုကောကို လက်မှတ်ရေးထိုးခြင်းဖြင့် တရုတ်နှင့်ဇင်ဘာဘွေအကြား ကုန်သွယ်မှုအရှိန်အဟုန်ရရှိရန် မျှော်လင့်ထားကြောင်း ၎င်းက ပြောကြားခဲ့သည်။ Nyika ၏ အဆိုအရ ဘဏ်သည် အရင်းအမြစ်အသစ်များကို စူးစမ်းရှာဖွေရန်၊ ၎င်းတို့၏ သွင်းကုန်လုပ်ငန်းစဉ်များကို ချောမွေ့စေရန်၊ ယှဉ်ပြိုင်နိုင်စွမ်းကို မြှင့်တင်ရန်နှင့် တရုတ်နှင့် ကုန်သွယ်မှုမှတစ်ဆင့် ၎င်းတို့၏ စီးပွားရေးလုပ်ငန်းများကို ချဲ့ထွင်ရန် ပြည်တွင်းစီးပွားရေး လုပ်ငန်းများကို လမ်းညွှန်ရန်အတွက် e-book ကို ယမန်နှစ်က စတင်ထုတ်ဝေခဲ့ကြောင်း သိရှိရပါသည်။

Source : Xinhua                                                                                   

DOCA(ရန်ကုန်)

            ၂၀၂၅ ခုနှစ်ဇန်နဝါရီလမှ အောက်တိုဘာလအလယ်ထိတွင် ဗီယက်နမ်၏ တင်ပို့မှုတန်ဖိုးမှာ အမေရိကန်ဒေါ်လာ ၃၆၈ ဘီလီယံရောက်ရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၆ ရာခိုင်နှုန်းမြင့်တက်ခဲ့ကာ ၂၀၂၄ ခုနှစ် တစ်နှစ်လုံး စာတင်ပို့မှုတန်ဖိုးဖြစ်သည့် အမေရိကန်ဒေါ်လာ ၄၀၅ ဘီလီယံနှင့် နီးကပ်နေပြီဖြစ်ကြောင်း ဗီယက်နမ်အကောက်ခွန်ဦးစီးဌာန၏ အဆိုအရ သိရပါသည်။ အဓိကဈေးကွက်များတွင် ကုန်သွယ်ရေးအတားအဆီးများနှင့် အကောက်ခွန် စီမံချက်များက ကမ္ဘာ့ကုန်သွယ်ရေးအပေါ် ဆက်လက်သက်ရောက်နေသော်လည်း ထိုကာလ တင်ပို့မှုတန်ဖိုးမှာ အမေရိကန်ဒေါ်လာ ၅၂ ဘီလီယံမြင့်တက်ခဲ့ကြောင်း သိရပါသည်။ ကုမ္ပဏီများသည်လည်း အမေရိကန်အကောက်ခွန်မမြင့်တက်မီ ထုတ်လုပ်မှုများကို အရှိန်မြှင့်တင်ခဲ့ကြပြီး သတ္တုတူးဖော်ရေးနှင့် စွမ်းအင်ကဏ္ဍမှ အထွက်နှုန်းမြင့်တက်ခဲ့ကာ တင်ပို့မှုစွမ်းရည်တွင် သိသာစွာ ပူးပေါင်းပါဝင်ခဲ့ကြောင်း သိရပါသည်။ သို့သော် အောက်တိုဘာလ ပထမလဝက်တင်ပို့မှုမှာ နှေးကွေးခဲ့ပြီး အမေရိကန်ဒေါ်လာ ၉.၃၄ ဘီလီယံဖြင့် စက်တင်ဘာလ ပထမလဝက်နှင့်နှိုင်းယှဉ် ပါက ၁၇.၄ ရာခိုင်နှုန်းကျဆင်းခဲ့ကြောင်း သိရပါသည်။ ထိုနှေးကွေးမှုသည် မြင့်မားသော အမေရိကန်အကောက်ခွန်များက သွင်းကုန်ဝယ်လိုအားထက်သန်မှုကို လျှော့ကျစေရန် ခန့်မှန်းရကြောင်း သိရပါသည်။ သို့သော် ကိုယ်ကျိုးစီးပွားကာကွယ်ရေးမူဝါဒများ၊ ပထဝီနိုင်ငံရေး တင်းမာမှုများနှင့် ကမ္ဘာလုံးဆိုင်ရာစီးပွားရေးမသေချာမရေရာမှုများ မြင့်တက်လာခြင်းရှိနေသော်လည်း တင်ပို့မှုမှာ ဂဏန်း ၂ လုံးကြီးထွားမည့်လမ်းကြောင်းပေါ်တွင် တည်ရှိနေကြောင်း သိရပါသည်။ HSBC  ကဗီယက်နမ်၏ ၂၀၂၅ ခုနှစ် GDP ကြီးထွားနှုန်းအား ယခင်က ၆.၆ ရာခိုင်နှုန်းခန့်မှန်းရာမှ ယခုအခါ ၇.၉ ရာခိုင်နှုန်းသို့ တိုးမြှင့်ခန့်မှန်းခဲ့ကြောင်း သိရပါသည်။ အီလတ်ထရောနစ်ကုန် ထုတ်လုပ်ခြင်းနှင့် တင်ပို့ခြင်းသည် ကြီးထွားမှု၏ အဓိကမောင်းနှင်အား အဖြစ် ဆက်လက်တည်ရှိနေကြောင်း သိရပါသည်။ ယခုနှစ်၏ တတိယ ၃ လပတ်ကာလတွင် အမေရိကန်သို့ ဗီယက်နမ်၏ တင်ပို့မှုမှာ ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၃၀ ရာခိုင်နှုန်းကြီးထွားခဲ့သော်လည်း အခြားအာဆီယံနိုင်ငံများမှ တင်ပို့မှုမှာလျှော့ကျခဲ့ကြောင်း သိရပါသည်။ အမေရိကန်ပြင်ပအခြား ဈေးကွက်များနှင့် ကုန်သွယ်ရေးပိုငွေရရှိမှု ကြီးထွားခဲ့ခြင်းကြောင့် ယခုနှစ်၏ တတိယ ၃ လပတ် ကာလပိုငွေရရှိမှုမှာ ပထမနှစ်ဝက်ထက် ၂ ဆကြီးထွားခဲ့ကြောင်း သိရှိရပါသည်။

Vietnam Plus                                                                            

DOCA (ရန်ကုန်)

        ဆော်ဒီအာရေဗျနှင့် ပါကစ္စတန်တို့သည် နှစ်နိုင်ငံ၏ ဘုံစီးပွားရေးအကျိုးစီးပွားများအပေါ် အခြေခံသည့် စီးပွားရေးပူးပေါင်းဆောင်ရွက်မှု မူဘောင်တစ်ခုကို စတင်ရန် သဘောတူညီခဲ့ကြကြောင်း ဆော်ဒီသတင်းအေဂျင်စီ (SPA) က အောက်တိုဘာလ ၂၈ ရက်နေ့တွင် ဖော်ပြခဲ့ကြောင်း သိရပါသည်။

         အဆိုပါ ပူးပေါင်းဆောင်ရွက်မှု မူဘောင်ကို ဆော်ဒီအိမ်ရှေ့မင်းသား Mohammed bin Salman bin Abdulaziz Al Saud နှင့် ပါကစ္စတန်ဝန်ကြီးချုပ် Shehbaz Sharif တို့ အောက်တိုဘာလ ၂၇ ရက်နေ့တွင် Riyadh ၌ တွေ့ဆုံမှုအတွင်း သဘောတူခဲ့ခြင်းဖြစ်ကြောင်း သိရပါသည်။

         SPA မှ ထုတ်ပြန်သော ပူးတွဲကြေညာချက်တွင် နှစ်နိုင်ငံအကြား ကုန်သွယ်ရေးနှင့် ရင်းနှီးမြှုပ်နှံမှု ဆက်ဆံရေးကို ပိုမိုခိုင်မာစေကာ ဘုံအကျိုးစီးပွားများကို အတူတကွဆောင်ရွက်ရန် နှစ်ဖက်စလုံး၏ ဆန္ဒကို အတည်ပြုကြောင်း ဖော်ပြထားပါသည်။

          မူဘောင်၏ တစ်စိတ်တစ်ပိုင်းအနေဖြင့် စီးပွားရေး၊ ကုန်သွယ်ရေး၊ ရင်းနှီးမြှုပ်နှံမှုနှင့် ဖွံ့ဖြိုးတိုးတက်ရေး ကဏ္ဍများတွင် မဟာဗျူဟာမြောက်၊ အကျိုးသက်ရောက်မှု မြင့်မားသော စီမံကိန်းများစွာကို ဆွေးနွေးသွားမည်ဖြစ်ပြီး၊ ဦးစားပေးကဏ္ဍများနေဖြင့် စွမ်းအင်၊ စက်မှုလုပ်ငန်း၊ သတ္တုတူးဖော်ရေး၊ သတင်းအချက်အလက်နည်းပညာ၊ ခရီးသွားလာရေး၊ စိုက်ပျိုးရေးနှင့် စားနပ် ရိက္ခာဖူလုံရေးတို့ဖြစ်ကြောင်း သိရပါသည်။

        နှစ်ဖက်စလုံးသည် လက်ရှိတွင် လျှပ်စစ်ဓာတ်အား ချိတ်ဆက်ရေးစီမံကိန်းနှင့် စွမ်းအင်ပူးပေါင်းဆောင်ရွက်ရေးဆိုင်ရာ သဘောတူညီချက်များအပါအဝင် ပူးတွဲစီးပွားရေးဆိုင်ရာ အစီအစဉ်များစွာကို လေ့လာဆန်းစစ်နေကြကြောင်း သိရှိရပါသည်။

Source : Xinhua                                                                                 

DOCA (ရန်ကုန်)