ပြည်ပကုန်သွယ်မှုသတင်းများ

    ဗီယက်နမ်နိုင်ငံသည် ၂၀၂၆ ခုနှစ်တွင် ဆန်တန်ချိန် ၇.၇၃ သန်းခန့် တင်ပို့နိုင်မည်ဟု မျှော်လင့်ထားကြောင်း စိုက်ပျိုးရေးနှင့် ပတ်ဝန်းကျင်ထိန်းသိမ်းရေးဝန်ကြီးဌာန (MAE) ၏ ပြောကြား ချက်အရ သိရသည်။

    အဆိုပါဝန်ကြီးဌာန၏ ခန့်မှန်းချက်အရ ၂၀၂၆ ခုနှစ်တွင် ဗီယက်နမ်တစ်နိုင်ငံလုံး၏ စုစု ပေါင်း စပါးစိုက်ပျိုးသော ဧရိယာသည် ဟက်တာ ၇.၀၉ သန်းခန့် ရှိမည်ဖြစ်ပြီး ၎င်းမှာ ယခင်နှစ် ထက် ဟက်တာ ၃၆၀၀၀ လျော့နည်းသွားခြင်း ဖြစ်သည်။ ပျှမ်းမျှအထွက်နှုန်းမှာ တစ်ဟက်တာ လျှင် ၆.၁၄ တန် ရှိမည်ဟု ခန့်မှန်းထားပြီး ယခင်နှစ်ထက် ၀.၀၃ တန် ပိုမိုမြင့်တက်လာမည်ဖြစ် သည်။ ထို့ကြောင့် စုစုပေါင်း စပါးထုတ်လုပ်မှု ပမာဏမှာ တန်ချိန် ၄၃.၅၅ သန်း ရှိမည်ဟု ခန့်မှန်း ရပြီး ၂၀၂၅ ခုနှစ်နှင့် နှိုင်းယှဉ်ပါက တန်ချိန် ၁၂၀၀၀ ခန့် တိုးတက်လာမည် ဖြစ်သည်။

    ပြည်ပတင်ပို့ရန် ဆန်စပါးထုတ်လုပ်မှုကို မဲခေါင်မြစ်ဝကျွန်းပေါ်ဒေသတွင်သာ အဓိကထား ဆက်လက် လုပ်ဆောင်သွားမည်ဖြစ်ပြီး အခြားဒေသများမှ ထွက်ရှိသည့် ဆန်များကိုမူ ပြည်တွင်း စားသုံးမှုအတွက် သတ်မှတ်ထားရှိမည်ဖြစ်သည်။

   မဲခေါင်မြစ်ဝကျွန်းပေါ်ဒေသနှင့် Tay Ninh ပြည်နယ်တို့၏ စုစုပေါင်း စပါးအထွက်ပမာဏ မှာ စိုက်ပျိုးဧရိယာ ဟက်တာ ၃.၈၄ သန်းမှ တန်ချိန် ၂၄.၃၄ သန်းခန့် ထွက်ရှိမည်ဟု ခန့်မှန်းရ သည်။ အဆိုပါ ပမာဏအနက် တန်ချိန် ၈.၉ သန်းခန့်ကို မဲခေါင်မြစ်ဝကျွန်းပေါ်ဒေသနှင့် ဟိုချီမင်း မြို့တော်တို့၏ ပြည်တွင်းစားသုံးမှုအတွက်လည်းကောင်း၊ မျိုးစေ့နှင့် တိရစ္ဆာန်အစာများအတွက် လည်းကောင်း အသုံးပြုသွားမည်ဖြစ်သည်။

    ထို့ကြောင့် ရောင်းဝယ်ဖောက်ကားနိုင်သော စပါးပမာဏမှာ ခန့်မှန်းခြေ တန်ချိန် ၁၅.၄၆ သန်း ကျန်ရှိမည်ဖြစ်ပြီး ၎င်းသည် ပြည်ပသို့ တင်ပို့နိုင်သည့် အရည်အသွေးမီ ဆန်တန်ချိန် ၇.၇၃ သန်းနှင့် ညီမျှပါသည်။ တင်ပို့မည့် ဆန်အမျိုးအစားများတွင် အရည်အသွေးမြင့်ဆန်နှင့် ဆန်မွှေး တန်ချိန် ၅.၈ သန်းခန့် (စုစုပေါင်း၏ ၇၅ ရာခိုင်နှုန်း)၊ ကောက်ညှင်းဆန် တန်ချိန် ၇၇၃,၀၀၀ ခန့် (၁၀ ရာခိုင်နှုန်းခန့်) နှင့် ပြုပြင်ထုတ်လုပ်ရေးအတွက် အသုံးပြုသည့် ဆန်တန်ချိန် ၁.၁၆ သန်းနီးပါး (၁၅ ရာခိုင်နှုန်းခန့်) အသီးသီး ပါဝင်လိမ့်မည်ဟု ခန့်မှန်းရပါသည်။

     ၂၀၂၆ ခုနှစ်၏ ပထမနှစ်ဝက်တွင် ဆန်တင်ပို့မှုပမာဏမှာ တန်ချိန် ၄.၀၁ သန်းခန့်ရှိမည်ဟု ခန့်မှန်းရပြီး ဒုတိယနှစ်ဝက်တွင် တင်ပို့မှု တန်ချိန် ၃.၇၂ သန်းခန့် ရှိမည်ဟု ခန့်မှန်းထားသည်။

     ဤခန့်မှန်းချက်များအပေါ် အခြေခံ၍ စက်မှုနှင့် ကူးသန်းရောင်းဝယ်ရေးဝန်ကြီးဌာန အနေ ဖြင့် စပါးရိတ်သိမ်းမှု အများဆုံးလများတွင် ဆန်တင်ပို့မှုကို အရှိန်အဟုန်မြှင့် တိုးမြှင့်ဆောင်ရွက် သင့်ကြောင်း စိုက်ပျိုးရေးနှင့် ပတ်ဝန်းကျင်ထိန်းသိမ်းရေး ဝန်ကြီးဌာနက အဆိုပြုထားပါသည်။ ထို့အပြင် လုပ်ထုံးလုပ်နည်းများနှင့်အညီ အနည်းဆုံးထားရှိရမည့် အရန်ဆန် (Minimum circulation reserves) ကို ထိန်းသိမ်းထားရန်နှင့် စောင့်ကြည့်စစ်ဆေးရန် ကြိုတင် သတိပေးစနစ် (Early warning mechanisms) များကို အထောက်အကူပြုနိုင်စေရန် လက်ကျန်စာရင်း အစီရင်ခံ တင်ပြမှု အားကောင်းအောင် လုပ်ဆောင်ရန်လည်း အလေးပေးပြောကြားခဲ့သည်။

     ထို့အပြင် ကုန်သွယ်မှုမြှင့်တင်ရေးလုပ်ငန်းများကို တိုးမြှင့်လုပ်ဆောင်ရန်၊ တင်ပို့မည့် ဈေး ကွက်များနှင့် ထုတ်ကုန်အမျိုးအစားများကို ပိုမိုစုံလင်အောင် ဖန်တီးရန်၊ နိုင်ငံတကာနှင့် ပြည်တွင်း ဈေးကွက် အခြေအနေများနှင့်အညီ ဆန်တင်ပို့မှုနှင့် တင်သွင်းမှုဆိုင်ရာ စီမံခန့်ခွဲမှု အခြေပြပုံစံ (Management scenarios) များ ရေးဆွဲရာတွင် ဒစ်ဂျစ်တယ်နည်းပညာ အသွင်ကူးပြောင်းမှု (Digital transformation) ကို ပိုမိုအသုံးပြုရန် အာဏာပိုင်များက တိုက်တွန်းနှိုးဆော်ခဲ့သည်။

Source: Vietnam Investment Review, 22 January 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

      ကမ္ဘောဒီးယားနှင့် လာအိုနိုင်ငံတို့သည် စိုက်ပျိုးရေးထွက်ကုန်များ ဖြတ်သန်းသယ်ဆောင် ခြင်းနှင့် ရေယာဉ်လွှဲပြောင်းတင်ဆောင်ခြင်း သမိုင်းဝင် သဘောတူညီချက်တစ်ရပ်ကို လက်မှတ် ရေးထိုးခဲ့ကြကြောင်း၊ အဆိုပါ လုပ်ဆောင်ချက်သည် ဒေသတွင်းဈေးကွက်သို့ ဝင်ရောက်မှုကို ပိုမိုလွယ်ကူစေရန်နှင့် ကမ္ဘောဒီးယားကုန်ပစ္စည်းများ တရုတ်သို့စီးဆင်းမှုကို ကူညီရန် ရည်ရွယ် ကြောင်း သိရှိရသည်။

      ကမ္ဘောဒီးယား စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဖြစ်သူ Dith Tina သည် လာအို စိုက်ပျိုးရေးနှင့် သစ်တောဝန်ကြီးဖြစ်သူ Dr. Linkham Douangsavanh နှင့်အတူ ဇန်နဝါရီ ၂၅ ရက်နေ့တွင် ဖနွမ်းပင်မြို့ရှိ ကမ္ဘောဒီးယား စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန၌ လက်မှတ်ရေးထိုးပွဲ အခမ်းအနားကို ဦးဆောင်ကျင်းပခဲ့သည်။ အဆိုပါသဘောတူညီချက်သည် ကမ္ဘောဒီးယား ထွက်ကုန်များကို တရုတ်ဈေးကွက်သို့ မြန်ဆန်စွာ တင်ပို့နိုင်ရန် လာအိုနိုင်ငံ၏ သယ်ယူပို့ဆောင်ရေးလမ်းကြောင်းများကို အသုံးပြု၍ ဗျူဟာမြောက် ပြောင်းလဲမှုတစ်ရပ်ကို ဖော် ပြနေကြောင်း သိရှိရသည်။

      နှစ်နိုင်ငံညှိနှိုင်းဆွေးနွေးပွဲအတွင်း Mr. Tina က အိမ်နီးချင်းနှစ်နိုင်ငံအကြား ခိုင်မာလာသော ဆက်ဆံရေးအတွက် ကျေနပ်မှုရှိကြောင်း ထုတ်ဖော်ပြောကြားခဲ့ပြီး အပြန်အလှန် ထောက်ပံ့ရေး ကွင်းဆက်များ၏ အရေးပါမှုကို အလေးထားပြောကြားခဲ့သည်။ နှစ်နိုင်ငံမှ နည်းပညာဆိုင်ရာအဖွဲ့ များသည် နယ်စပ်ဖြတ်ကျော်ဆောင်ရွက်ရေး လုပ်ငန်းစဉ်များကို ညှိနှိုင်းဆောင်ရွက်ပြီး စိုက်ပျိုးရေး ထုတ်ကုန်တင်ပို့သူများအတွက် သယ်ယူပို့ဆောင်ရေး အခက်အခဲများကို ဖယ်ရှားသွားမည်ဖြစ် ကြောင်း Mr.Tina က ဖော်ပြခဲ့သည်။

      ဆွေးနွေးပွဲများမှ ဖြတ်သန်းသယ်ဆောင်ရေးကိစ္စထက် ပိုမိုကျယ်ပြန့်သော ပူးပေါင်းဆောင် ရွက်မှု နယ်ပယ်များကို ဆွေးနွေးတွေ့ရှိခဲ့ရသည်။ ဥပမာအားဖြင့် ကမ္ဘောဒီးယား လယ်သမားများ အတွက် လာအိုနိုင်ငံမှ မြေဩဇာ ရောင်းချနိုင်ရေးအလားအလာ၊ မျိုးစေ့ထုတ်လုပ်မှုများ မြှင့်တင် ရေး ကြိုးပမ်းချက်များ စသည်တို့ဖြစ်သည်။ နှစ်နိုင်ငံမှ ဝန်ကြီးများသည် နိုင်ငံတကာစံချိန်များနှင့် ကိုက်ညီစေရန် အရည်အသွေးစံချိန်များ မြှင့်တင်ခြင်း၊ အစားအစာ ဘေးကင်းလုံခြုံမှုအား သေချာ စေခြင်း၊ ပူးပေါင်းစိုက်ပျိုးရေးပြပွဲများ ကျင်းပ၍ ဒေသတွင်း ရင်းနှီးမြှုပ်နှံမှုဝန်းကျင်မြှင့်တင်ခြင်း တို့ကိုလည်း ဆွေးနွေးခဲ့ကြသည်။

    ကမ္ဘောဒီးယား ဝန်ကြီးက သဘာဝပတ်ဝန်းကျင် ပူးပေါင်းဆောင်ရွက်မှု၏ လိုအပ်ချက်ကို ထည့်သွင်း ပြောကြားခဲ့ပြီး နှစ်နိုင်ငံနယ်စပ်တစ်လျှောက် တောမီးကာကွယ်တားဆီးရေး၊ တောရိုင်း တိရစ္ဆာန်ထိန်းသိမ်းရေးနှင့် သဘာဝအရင်းအမြစ်များ ရေရှည်တည်တံ့အောင် စီမံခန့်ခွဲရေးတို့တွင်  ပူးပေါင်းအားထုတ်မှုများ လိုအပ်ကြောင်း ပြောကြားခဲ့သည်။ အဆိုပါ သဘောတူညီချက်ကို ကမ္ဘော ဒီးယား၏ ပို့ကုန်လမ်းကြောင်းများ ချဲ့ထွင်ရန်နှင့် ကြီးထွားလျက်ရှိသော စိုက်ပျိုးရေးကဏ္ဍအတွက် သယ်ယူပို့ဆောင်ရေးကုန်ကျစရိတ်များ လျှော့ချရာတို့တွင် ကမ္ဘောဒီးယား၏ မဟာဗျူဟာမြောက် အရေးပါသော အဆင့်တစ်ခုအဖြစ် သတ်မှတ်ကြသည်။

Source: Khmer Times, January 26, 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

    ဧရာဝတီတိုင်းဒေသကြီး၊ ရေကြည်မြို့နယ်တွင် ကြိမ်၊ ဝါး လက်မှုအချောထည် လုပ်ငန်းများ ကို လုပ်သားအင်အား (၂၅၀၀) ကျော်ဖြင့် လုပ်ကိုင်ဆောင်ရွက်လျက်ရှိပြီး အိမ်သုံး၊ ရုံးသုံး၊ လူသုံးကုန်ပစ္စည်းများဖြစ်သည့် ခြင်းလုံး၊ သော့ချိတ်၊ ဦးထုတ်၊ ဖိနပ်၊ လက်ဆွဲခြင်း၊ လက်ကိုင်အိတ်၊ ဘောပင်ထည့်ခွက်၊ တစ်ရူးဘောက်၊ ပန်းခြင်း၊ အမှိုက်ခြင်း၊ ပန်းကန်ပြား၊ လင်ဗန်းတို့အပြင် ဧည့်ခန်းသုံး၊ ဟိုတယ်သုံးပစ္စည်းများဖြစ်သည့် စားပွဲ၊ ကုလားထိုင်၊ ခန်းဆီး၊ ဗီဒို၊ မှန်တင်ခုံ၊ သေတ္တာ၊ အဝတ်လှန်းစင်၊ ဦးထုတ်အဝတ်ချိတ်စင်၊ အလှဆင်မီးအိမ်အမျိုးမျိုး စသည့်လက်မှုပစ္စည်း အမျိုးအစား(၇၀၀)ကျော် အားထုတ်၍ ပြည်တွင်းပြည်ပ ဈေးကွက်သို့ တင်ပို့ရောင်းချလျက်ရှိပြီး ထုတ်လုပ်သောပစ္စည်းများ၏ (၈၀%)ကျော်မှာ ကြိမ်ကို အခြေခံပြုလုပ်သော ပစ္စည်းများဖြစ်၍ (၂၀%) မှာ ဝါးကို အသုံးပြုကာ လူသုံးကုန်ပစ္စည်းအဖြစ် ထုတ်လုပ်အသုံးပြုလျက်ရှိကြောင်း သိရသည်၊၊

          ကြိမ်လုပ်ငန်း ဆောင်ရွက်ရာတွင် ကြိမ်ကုန်ကြမ်းထုတ်လုပ်ရောင်းချသူ၊ အချောထည် ပြုလုပ်သူနှင့် အချောထည်များကို ဆေးသုတ်ပြုပြင်ထုတ်ပိုး၍ နိုင်ငံခြားဈေးကွက်နှင့် ဒေသတွင်း ဈေးကွက်သို့ ရောင်းချလျက်ရှိပြီး ရေကြည်မြို့နယ်တွင် ကြိမ်လုပ်ငန်းလုပ်ကိုင်သူများသည် အချောထည်လုပ်ကိုင်သူများဖြစ်၍ ရန်ကုန်အခြေစိုက် ကုမ္ပဏီကြီးများဖြစ်သော (Bella Interiors, Classic Home, Gloriors Family) တို့သည် ရေကြည်မြို့တွင် ကုမ္ပဏီအလုပ်ရုံခွဲများဖွင့်လှစ်၍ ကုန်ကြမ်းပစ္စည်းရောင်းချခြင်း၊ ကုန်ကြမ်းပေး ကုန်ချောယူစနစ်ဖြင့် လုပ်ကိုင်ပြီး ကုန်ချော ထုတ်လုပ်သူများဖြစ်ကြောင်း ကုမ္ပဏီကြီးများအနေဖြင့် ပြည်တွင်း/ပြည်ပ အမှာစာ ရရှိမှုပေါ် မူတည်လျက် ကုန်ကြမ်းများကို ဝယ်ယူရက်လုပ်၍ ကုန်ချောများနှင့်ပြန်လည်ပြုပြင်ရမည့် တစ်ပိုင်းချောကုန်ထည်များကို ရန်ကုန်မြို့သို့တင်ပို့၍ ကုန်ချောပြုလုပ်သည့် စက်ရုံများမှ ကုန်ချော ပြုလုပ်ကာ ပြည်တွင်း/ပြည်ပဈေးကွက်သို့ တင်ပို့ရောင်းချလျက်ရှိကြောင်း သိရသည်၊၊

          ကြိမ်လုပ်ငန်းများအတွက် လိုအပ်သောကုန်ကြမ်းများကို ဧရာဝတီတိုင်းဒေသကြီးနှင့် ရခိုင်ပြည်နယ်မှထွက်သော ကြိမ်လက်မဲကို ပရိဘောဂများဖြစ်သော စားပွဲ၊ ကုလားထိုင်၊ ကုတင်နှင့် ဒေသတွင်းသုံး၊ တောင်း၊ ပလုံးများ ရက်လုပ်သောကြိမ်သေးများရရှိပြီး စီးပွားဖြစ်အချောထည် ထုတ်လုပ်ရန် ကြိမ်ကုန်ကြမ်းများကို တနင်္သာရီ၊ ကချင်၊ ချင်း၊ စစ်ကိုင်းများမှ ရရှိ၍ ရန်ကုန်ရှိ ကုမ္ပဏီကြီးများသည် အသင့်ရက်လုပ်နိုင်သော ကုန်ကြမ်းနန်းမျှင်အမျိုးမျိုး၊ အူချောင်းအမျိုးမျိုးကို ရောင်းချပေးခြင်း၊ ကုန်ကြမ်းပေး ကုန်ချောယူစနစ်ဖြင့် လုပ်ကိုင်လျက်ရှိကြောင်း သိရသည်၊၊ နယ်အသီးသီးမှ ရောက်လာသော တစ်ပိုင်းချောကုန်ပစ္စည်းများကို မီးမှုတ်ခြင်း၊ ကော်ပတ် အကြမ်း/အနုစားခြင်း၊ ပိုးသတ်ခြင်း၊ ဆေးသုတ်ခြင်းများပြုလုပ်၍ စနစ်တကျထုတ်ပိုးပြီး ပြည်တွင်းဈေးကွက်များတွင် ခရီးသွားဖွံ့ဖြိုးရာသီတွင် ရန်ကုန်၊ မန္တလေး၊ စစ်ကိုင်း၊ ပုသိမ်၊ နေပြည်တော်၊ ကျိုက်ထို၊ ပဲခူးစသည့် မြို့ကြီးများ၊ ပြည်ပဈေးကွက်များဖြစ်သည့် အာဆီယံ နိုင်ငံများနှင့် ကိုရီးယား၊ နယ်သာလန်၊ ဒိန်းမတ်၊ ဂျာမဏီ၊ ဆွဇ်ဇာလန်၊ နော်ဝေး၊ အမေရိကန်နိုင်ငံများသို့ တင်ပို့ရောင်းချလျက်ရှိကြောင်း ကြိမ်လုပ်ငန်းတစ်ခုလုံးမှ ထွက်ရှိသော ကုန်ပစ္စည်းအားလုံး၏ (၁၀%) မျှသာ ပြည်တွင်းသုံးအဖြစ် အသုံးပြုပြီး (၉၀%) ကို နိုင်ငံခြားသို့ တင်ပို့ရောင်းချပြီး ပို့ကုန်အားလုံး၏ (၈၀%)ကို ရေကြည်မြို့နယ်မှ ထုတ်လုပ်ပေးလျက်နေပါသည်၊၊

          ဈေးကွက်အတွင်းလုပ်ငန်းရှင်မှ ထုတ်လုပ်ထားသောပစ္စည်းများအပြင် ဝယ်ယူသူမှ အော်ဒါမှာယူသော ဒီဇိုင်းပုံစံများကိုလည်းပြုလုပ်ပေးရပြီး ဦးထုပ်အမျိုးမျိုး၊ ခမောက်၊ ဆွဲခြင်းအမျိုးမျိုး၊ တောင်း၊ ပလုံး၊ စကော၊ ဇကာ၊ စားပွဲတင်ပန်းအိုး၊ ဘောပင်ခြင်း၊ တစ်ရူးဘောက်၊ ပိုက်ဆံအိတ်အမျိုးမျိုး၊ အမျိုးသမီးအိတ်မျိုးစုံ၊ ခြင်းလုံး၊ အလှခတ်ခြင်း၊ ဟော်တယ်သုံး ကော်ဖီခွက်အောက်ခံပြား၊ အမှိုက်ခြင်း၊ ကျောင်းသုံးဆွဲခြင်းအမျိုးမျိုး၊ ပန်းအိုးအကြီး၊ အသေးမျိုးစုံ ဟိုတယ်သုံးအဝတ်အစားထဲ့ခြင်း၊ သစ်သီးခြင်း၊ လက်ဆောင်ခြင်း၊ ဇွန်းခရင်းထဲ့သောခွက်၊ ဟိုတယ်သုံးစောင်၊ ခြင်ထောင်ထဲ့သောခြင်း၊ ခေါင်းအုံး စသည့်အပြင် ပစ္စည်းတစ်ခုခြင်းအတွက် ဆိုဒ်မျိုးစုံ အမျိုးအစားပေါင်း ရာဂဏန်းကျော်ပြုလုပ်၍ မြန်မာပြည်အတွင်း အမှာစာ ရရှိသော နေရာများသို့ ပေးပို့ရာတွင် ငွေဆောင်၊ ချောင်းသာ၊ ကမ်းခြေဒေသ ဟိုတယ်များနှင့် တန်ခိုးကြီးဘုရားများရှိသော မန္တလေး၊ ပုဂံညောင်ဦး၊ ကျိုက်ထီးရိုး၊ မကွေး၊ စစ်ကိုင်းမြို့၊ ပြည်မြို့များတွင် အဓိကလာရောက်လည်ပတ်သော ပြည်တွင်းပြည်ပဧည့်ခရီးသွားများမှ အများဆုံး  လာရောက် ဝယ်ယူလျက်ရှိကြောင်းသိရသည်၊၊

          ဦးထုပ်ကျားဆောင်းတစ်လုံး ၃၀၀၀/၅၀၀၀ ဈေး၊ မဆောင်းဦးထုပ် ၅၅၀၀/၆၀၀၀ ဈေး၊ ဗန်းသေးအကြီး ၅၅၀၀/၃၅၀၀ ကျပ်ဈေးအတွင်း ဘောပင်ထဲ့ခွက် ၃၀၀၀/၃၇၀၀ ကျပ် သစ်သီးခြင်း ၅၅၀၀/၈၅၀၀ဈေး၊ ဗေဒါအိတ် အကြီးအသေး ၇၅၀၀/၁၈၀၀၀ ဈေး၊ စားပွဲတင်ပန်းအိုး ၅၅၀၀ဈေးနှင့် ပစ္စည်းအမျိုးအစား အကြီးအသေးပေါ်မူတည်၍ ဈေးနှုန်းအမျိုးမျိုးရှိကြောင်း ကြိမ်၊ ဝါး၊ လက်မှုပစ္စည်းများကို ပြည်တွင်းမှာ အိမ်အသုံးအဆောင် ၊ ရုံးသုံးနှင့်ဟိုတယ်သုံးပစ္စည်းများအပြင် ပြည်ပဈေးကွက်မှလည်း ဝယ်ယူသူကြိုက်နှစ်သက်မှုရှိကြောင်း ၎င်းအပြင် online မှလည်း ဂျပန်၊ စင်္ကာပူ၊ ဩစတြေးလျနှင့် အခြားနိုင်ငံများမှလည်း အမျိုးသမီးသုံးအိတ်မျိုးစုံ ဖိနပ်နှင့်ဦးထုပ်ကို အများဆုံးမှာယူလျက်ရှိကြောင်း လုပ်ငန်းရှင်မှ ပြောကြားပါသည်၊၊

          ကြိမ်ဝါးအခြေခံ လက်မှုထည်လုပ်ငန်းများပိုမို ဖွံ့ဖြိုးတိုးတက်စေရန်အတွက် လက်မှုထည် ထုတ်လုပ်မှု ပမာဏမြှင်တင်ရေး၊ ပြည်တွင်းကုန်စည် ပြပွဲများသာမက ပြည်ပကုန်စည် ပြပွဲများတွင် ဒေသခံ ကြိမ်ထည်ထုတ်လုပ်သည့် လုပ်ငန်းရှင်များ ကိုယ်တိုင်သွားရောက်ပြသနိုင်ရေး သက်ဆိုင်ရာ ဌာနဆိုင်ရာများ၊ အသင်းအဖွဲ့များနှင့် ချိတ်ဆက်ပူးပေါင်းဆောင်ရွက် သွားရမှာဖြစ်ကြောင်း ထုတ်ကုန်များကို ပိုမိုတိုးတက်ထုတ်လုပ်၍ ဈေးကွက်သစ်များ ရရှိလာပါက လက်မှုထည် လုပ်သားတစ်ဦးအနေဖြင့် နေ့စဉ်လုပ်အားခ ၈၀၀၀/၉၀၀၀ နှင့်အထက်ရရှိပြီး ကြိမ်၊ ဝါးလက်မှုထည် ထုတ်လုပ်ငန်းများတိုးတက်၍ ဝင်ငွေများ တိုးပွားလာမှာဖြစ်ကြောင်း ရေကြည် မြို့နယ်အတွင်းရှိ ကြိမ်၊ ဝါးလက်မှုထည်ထုတ်လုပ်ငန်းများသည် ဒေသခံများအား အလုပ်အကိုင် အခွင့်အလမ်းများ ရရှိပြီး မိသားစုဝင်ငွေရရှိကာ ဆင်းရဲနွမ်းပါးမှုကို လျှော့ချနိုင်ပြီး မိမိနိုင်ငံမှထွက်ရှိသော ကြိမ်ကုန်ကြမ်းများကို တန်ဖိုးမြှင့် ထုတ်ကုန်ကုန်ချောအဖြစ် ထုတ်လုပ်၍ နိုင်ငံတကာသို့ ရောင်းချနိုင်သည့်အတွက် နိုင်ငံခြား ဝင်ငွေရရှိစေသည့်အပြင် ပုဂ္ဂလိကကဏ္ဍဖွံ့ဖြိုးတိုးတက်စေရေး ကြိုးစားဆောင်ရွက်လျက်ရှိကြောင်း သိရသည်၊၊

          မြန်မာ့ရိုးရာလက်မှုလုပ်ငန်းများသည် ကျေးရွာနေလူတန်းစားများသည် အိုးမကွာ၊ အိမ်မကွာဝင်ငွေရှိပြီး ဒေသထွက်ကုန်သယံဇာတများကို အသုံးပြုလျက် ကုန်ချောများ ပြုလုပ် ရောင်းချနိုင်ခြင်းဖြင့် ပြည်ပပို့ကုန်တိုးမြှင့်တင်ပို့နိုင်ရေး နိုင်ငံတော်နှင့်ပုဂ္ဂလိကကဏ္ဍ ပူးပေါင်း၍ လိုအပ်သော နည်းပညာ၊ အရင်းအနှီးနှင့် ဈေးကွက်ရရှိရေး ပူးပေါင်းဆောင်ရွက်လျက် ရှိပြီး အနာဂါတ် ကာလတွင် ကျေးရွာတစ်ရွာထုတ်ကုန်တစ်မျိုး One Village One Product (OVOP) အသွင်ဆောင်၍ နိုင်ငံခြားဝင်ငွေ ရှာဖွေပေးနိုင်သော မီးခိုးမထွက်သည့် စက်ရုံများသဖွယ် မိမိတို့တိုင်းဒေသကြီး၏ စီးပွားရေး ကဏ္ဍများ ပိုမိုဖွံ့ဖြိုး လာစေမည့် ပုံရိပ်များ ဖြစ်လာမည့် ရေကြည်မြို့နယ်မှ ပြည်ပဝင်ငွေ ရရှိနေသော လက်မှုလုပ်ငန်းများကြောင်း ရေးသားလိုက်ရပါသည်၊၊

(DOCA ဧရာဝတီ)

         ကမ္ဘောဒီးယားနိုင်ငံသည် ၂၀၂၅ ခုနှစ်တွင် သဘာဝရော်ဘာအစေးတင်ပို့မှုမှ အမေရိကန် ဒေါ်လာ ၆၀၃.၆ သန်းရရှိခဲ့ပြီး ယခင်နှစ်က အမေရိကန်ဒေါ်လာ ၆၆၃.၈ သန်းထက် ၉ ရာခိုင်နှုန်း ကျဆင်းခဲ့ကြောင်း ဇန်နဝါရီလ ၁၃ ရက်နေ့တွင် ထုတ်ပြန်သော တရားဝင်အစီရင်ခံစာ တစ်စောင် တွင် ဖော်ပြထားသည်။ ရော်ဘာအထွေထွေညွှန်ကြားရေးမှူးရုံးမှ စုစည်းထားသော အစီရင်ခံစာ အရ နိုင်ငံတွင် ပြီးခဲ့သည့်နှစ်က ကုန်စည်စုစုပေါင်း ၃၄၃,၇၆၂ တန် တင်ပို့ခဲ့ပြီး ယခင်နှစ်ထက် ၁၂.၃ ရာခိုင်နှုန်း ကျဆင်းခဲ့ကြောင်း ပြသထားသည်။ သို့သော်လည်း ပြည်တွင်းရော်ဘာအစေး သုံးစွဲမှုသည် ပြီးခဲ့သည့်နှစ်က ၁၄၆ ရာခိုင်နှုန်း သိသိသာသာ မြင့်တက်လာပြီး တန်ချိန် ၁၂၄,၂၃၁ တန် ရှိကာ စုစုပေါင်းဝင်ငွေ အမေရိကန်ဒေါ်လာ ၂၂၃ သန်း ရရှိခဲ့ကြောင်း အစီရင်ခံစာတွင် ဖော်ပြ ထားသည်။ "၂၀၂၅ ခုနှစ်တွင် ရော်ဘာအစေးတစ်တန်၏ ပျမ်းမျှကုန်ကျစရိတ်မှာ အမေရိကန် ဒေါ်လာ ၁၇၅၆ ဒေါ်လာဖြစ်ပြီး ၂၀၂၄ ခုနှစ်ထက် ၆၃ ဒေါ်လာခန့် ပိုများပါသည်" ဟု ရော်ဘာ အထွေထွေ ညွှန်ကြားရေးမှူးရုံး၏ ဒုတိယညွှန်ကြားရေးမှူးချုပ် ခွန်ကာဒါက အစီရင်ခံစာတွင် ပြောကြားခဲ့သည်။ အရှေ့တောင်အာရှနိုင်ငံသည် ကုန်စည်ကို အဓိကအားဖြင့် မလေးရှား၊ ဗီယက် နမ်၊ စင်ကာပူနှင့် တရုတ်နိုင်ငံသို့ တင်ပို့သည်။ ကမ္ဘောဒီးယားနိုင်ငံသည် လက်ရှိတွင် စုစုပေါင်း ဟက်တာ ၄၄၈၀၅၁ တွင် ရော်ဘာပင်များ စိုက်ပျိုးထားပြီး ၎င်းမှ ဟက်တာ ၃၄၆၈၄၂ သို့မဟုတ် ၇၇.၄ ရာခိုင်နှုန်းခန့်ရှိ အပင်များသည် အစေ့ချရန် အရွယ်ရောက်ပြီးဖြစ်ကြောင်း အစီရင်ခံစာတွင် ဖော်ပြထားကြောင်း သိရှိရပါသည်။

Source: Xinhua                                                                                  

DOCA(ရန်ကုန်)

        ကမ္ဘောဒီးယားနိုင်ငံသည် ၂၀၂၅ ခုနှစ်တွင် စိုက်ပျိုးရေးထွက်ကုန်များ တင်ပို့မှုမှ စုစုပေါင်းဝင်ငွေ အမေရိကန်ဒေါ်လာ ၆.၄၆ ဘီလီယံ ရရှိခဲ့ပြီး ယခင်နှစ်က အမေရိကန်ဒေါ်လာ ၆.၀၂ ဘီလီယံထက် ၇.၃ ရာခိုင်နှုန်း မြင့်တက်လာခဲ့ကြောင်း စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာနက ၂၀၂၆ ခုနှစ် ဇန်နဝါရီလ ၂၆ ရက်နေ့တွင် ထုတ်ပြန်သော အစီရင်ခံစာအရ သိရသည်။

       ပို့ကုန်အတွက် အလားအလာရှိသော စိုက်ပျိုးရေးထုတ်ကုန်များတွင် ဆန်၊ ရာဘာ၊ မန်ကျည်းသီး၊ ငှက်ပျောသီး၊ ငရုတ်ကောင်းစေ့၊ သီဟိုဠ်စေ့ နှင့် ဒူးရင်းသီး စသည့်ထုတ်ကုန်များ ပါဝင်သည်။

    ကမ္ဘောဒီးယားထုတ်ကုန်များ၊ အထူးသဖြင့် ကြိတ်ခွဲထားသော ဆန်အတွက် တရုတ်နိုင်ငံသည် အဓိကဈေးကွက်တစ်ခုဖြစ်ကြောင်း အစီရင်ခံစာတွင် ဖော်ပြထားသည်။ ကမ္ဘောဒီးယား ကူးသန်းရောင်းဝယ်ရေးဝန်ကြီးဌာန၏ နိုင်ငံခြားရေးဝန်ကြီးနှင့် ပြောရေးဆိုခွင့်ရှိသူ Penn Sovicheat က ဒေသတွင်း ဘက်စုံစီးပွားရေး မိတ်ဖက်အဖွဲ့ (RCEP) သဘောတူညီချက်နှင့် ကမ္ဘောဒီးယား-တရုတ် လွတ်လပ်သောကုန်သွယ်ရေး သဘောတူညီချက် (CCFTA) တို့သည် ကမ္ဘောဒီးယား၏ စိုက်ပျိုးရေးပို့ကုန်များကို မြှင့်တင်ပေးခဲ့သည်ဟု ပြောကြားခဲ့သည်။

     ဤကုန်သွယ်ရေးသဘောတူညီချက်များအရ ကမ္ဘောဒီးယားတွင် ထုတ်လုပ်သော ထုတ်ကုန်များ၊ အထူးသဖြင့် အရည်အသွေးမြင့် စိုက်ပျိုးရေးထွက်ကုန်များကို ဦးစားပေးအခွန်များဖြင့် တရုတ်နိုင်ငံသို့ တင်ပို့ခဲ့သည်။

      အထည်အလိပ်၊ ဖိနပ်နှင့် ခရီးသွားသုံးပစ္စည်းများ တင်ပို့မှု၊ ခရီးသွားလုပ်ငန်း၊ ဆောက်လုပ်ရေးနှင့် အိမ်ခြံမြေလုပ်ငန်းများအပြင် ကမ္ဘောဒီးယား၏ စီးပွားရေးတိုးတက်မှုကို ပံ့ပိုးပေးသည့် အဓိကအချက်လေးချက်တွင် စိုက်ပျိုးရေးသည် တစ်ခုဖြစ်ကြောင်း သိရှိရပါသည်။ 

Source : Xinhua                                                                                 

DOCA (ရန်ကုန်)