ပြည်ပကုန်သွယ်မှုသတင်းများ

    General Motors ကုမ္မဏီ၏ ဧပြီလ ၁ ရက်နေ့သတင်းထုတ်ပြန်မှုအရ ၂၀၂၅ ခုနှစ် ၏ ပထမ သုံးလပတ်အတွင်း အမေရိကန်နိုင်ငံ၌ ကားအစီးရေ ၆၉၃၃၆၃ စီးရောင်းချခဲ့ရပြီး တစ်နှစ်ထက် တစ်နှစ် ၁၇ ရာခိုင်နှုန်းမြင့်တက်လာခဲ့ကြောင်းသိရသည်။ Buick ၏ ရောင်းအားသည် ၃၉ ရာခိုင်နှုန်း တက်လာခဲ့သည်။ Cadillac ၏ ရောင်းအားသည် ၁၈ ရာခိုင်နှုန်းတိုးလာခဲ့သည်။ Chevrolet ၏ ရောင်းအားသည် ၁၄ ရာခိုင်နှုန်းနှင့် GMC ရောင်းအားသည် ၁၈ ရာခိုင်နှုန်းတိုးလာခဲ့သည်။ GM ၏ ရောင်းအားတိုးတက်မှုသည် တခြား‌သော အဓိကကားထုတ်လုပ်သူများကိုကျော်လွန်သွားခဲ့ပြီး ထိုတိုးတက်မှု၏ အဓိကမောင်နှင်အားမှာ ၎င်းတို့အဖွဲ့အစည်း၏ ကြိုးပမ်းမှုကြောင့်ဖြစ်ကြောင်း ၎င်းတို့သည်ထရပ်ကားများနှင့် စျေးနှုန်းသက်သာသော အသေးစား SUV ကားများတွင်ထိပ်ဆုံးမှ ဦးဆောင်လျှက်ရှိကြောင်း GM အမှုဆောင်ဒုဥက္ကဌနှင့် ကမ္ဘာ့စျေးကွက်ဥက္ကဌဖြစ်သော Rory Harvey မှပြောကြားခဲ့သည်။ GM လျှပ်စစ်ကားအားလုံး၏ရောင်းအားသည် ပထမသုံးလပတ်တွင်၃၁၈၈၇ စီးအထိ ၉၄ ရာခိုင်နှုန်းတိုးလာခဲ့ပြီး Telsa ပြီးလျှင်အမေရိကန်တွင် ဒုတိယအကြီးဆုံးလျှပ်စစ်ကား ရောင်းချသူဖြစ်လာခဲ့သည်။

Source : Xinhua

DOCA(ရန်ကုန်)

     အီသီယိုးပီးယားနိုင်ငံသည် လက်ရှိဘဏ္ဍာနှစ်၏ ပထမ ရှစ်လတာကာလအတွင်း စိုက်ပျိုးရေး သုံးကုန်ပစ္စည်းများ တင်ပို့မှုမှ အမေရိကန်ဒေါ်လာ သန်း ၃၆၀ ကျော် ရရှိခဲ့ကြောင်း စိုက်ပျိုးရေး ဝန်ကြီးဌာနထုတ်ပြန်ချက်အရ သိရသည်။ အီသီယိုးပီးယား စိုက်ပျိုးရေးဝန်ကြီး Girma Amente သည် နိုင်ငံ၏မြို့တော် Addis Ababa တွင် အင်္ဂါနေ့က ကျင်းပသည့် နိုင်ငံတကာ ပန်းမန်နှင့်ပန်းမန်ကုန် စည်ပြပွဲဖွင့်ပွဲ အခမ်းအနားတွင် မိန့်ခွန်းပြောကြားခဲ့သည်။ ၂၀၂၄ ခုနှစ် ဇူလိုင်လ ၈ ရက်နေ့မှ စတင်ခဲ့ သော လက်ရှိဘဏ္ဍာရေးနှစ် ၂၀၂၄/၂၀၂၅ ၏ ပထမရှစ်လတာကာလအတွင်း အရှေ့အာဖရိကနိုင်ငံ သည် စိုက်ပျိုးထွက်ကုန်များ နိုင်ငံတကာဈေးကွက်သို့ ဒေါ်လာ ၃၆၆ သန်းခန့် ထုတ်ပေးခဲ့ကြောင်း နိုင်ငံပိုင်အီသီယိုးပီးယား သတင်းအေဂျင်စီ (ENA)က ဖော်ပြခဲ့သည်။ အီသီယိုးပီးယားအစိုးရသည် ၀င်ငွေများတိုးမြင့်လာ စေရန်နှင့် လူငယ်များအတွက် အလုပ်အကိုင်များဖန်တီးပေးရန်အတွက် ပန်း တင်ပို့မှုကဏ္ဍ၏ “ကြီးမားသောအလားအလာ” ကို ကြိုးကြိုးစားစားလုပ်ဆောင်နေကြောင်း အီသီယိုး ပီးယား စိုက်ပျိုး‌ရေးဝန်ကြီးက ပြောကြားခဲ့သည်။ ကုန်သွယ်ရေးနှင့် ဒေသဆိုင်ရာ ပေါင်းစည်း ရေးဝန်ကြီးဌာန၏ မကြာသေးမီက အချက်အလက်များအရ နယ်သာလန်၊ ဆော်ဒီအာရေး ဗီးယားနှင့် ဗြိတိန်တို့သည် အီသီယိုးပီးယား၏ ပန်းတင်ပို့မှုအတွက် ထိပ်တန်းနေရာ (၃) ခုကို ကိုယ်စားပြုပြီး ဟင်းသီးဟင်းရွက် တင်ပို့သည့် ထိပ်တန်းနေရာ (၃) ခုမှာ ဆိုမာလီယာ၊ ဂျီဘူတီနှင့်နယ်သာလန်တို့ ဖြစ်သည်။အီသီယိုးပီးယားသည် လက်ရှိဘဏ္ဍာရေးနှစ်၏ ပထမခုနစ် လအတွင်း ကုန်စည်တင်ပို့မှုမှ ဒေါ်လာ ၃.၈၄ ဘီလီယံကျော် ရရှိခဲ့ကြောင်း ဝန်ကြီးဌာန၏ စာရင်းဇယားများအရ သိရသည်။ ရွှေ၊ ကော်ဖီ၊ ဆီထွက်သီးနှံ၊ လျှပ်စစ်နှင့် တိရစ္ဆာန်များ ကဲ့သို့သော အဓိကပို့ကုန် ကုန်စည်များသည် ၎င်းတို့၏ ဝင်ငွေမျှော်မှန်းချက်ထက် ကျော်လွန် နေကြောင်းလည်းသိရသည်။

Source : Xinhua

DOCA(ရန်ကုန်)

    ကမ္ဘောဒီးယားနိုင်ငံ၊ စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန (MAFF) မှ ပြောရေးဆိုခွင့်ရှိသူ Khim Finan ၏ သီဟိုဠ်စေ့အထွက်နှုန်းသည် ၂၀၂၅ ခုနှစ်တွင် တည်ငြိမ်နိုင်ကြောင်း သို့မဟုတ် ၂၀၂၄ ခုနှစ်ထက် အထွက်နှု်နးတိုးတက်လာနိုင်ကြောင်း ပဏာမ အကဲဖြစ်ချက်များအရ သိရသည်။ Finan သည် ကမ္ဘောဒီးယားနိုင်ငံတွင် တစ်နှစ်လျှင် ပြုပြင်ပြီး သီဟိုဠ်စေ့တန်ချိန် ၃,၀၀၀ တန်အား ပုဂ္ဂလိက ကုမ္ပဏီတစ်ခုထံ ထောက်ပံ့ပေးရန် အခက်အခဲမရှိကြောင်း ၂-၄-၂၀၂၅ ရက်နေ့က ပြောကြားခဲ့သည်။ ၂၀၂၄ ခုနှစ်တွင် ကမ္ဘောဒီးယားနိုင်ငံသည် လက်ဆက်သောသီဟိုဠ်စေ့တန်ချိန် ၉၀၀,၀၀၀ နီးပါးထုတ်လုပ်ခဲ့ပြီး ပြုပြင်ပြီး သီဟိုဠ်စေ့တန်ချိန် ၃၀,၀၀၀ ကျော်အား နိုင်ငံခြားဈေးကွက်များသို့ တင်ပို့ခဲ့သည်။ ကမ္ဘောဒီးယားနိုင်ငံတွင် အသုံးမပြုရသေးသော သီဟိုဠ်စေ့တန်ချိန် ၅၀,၀၀၀ အထက် ကျန်ရှိ နေသောကြောင့် အော်ဒါမှာယူလိုသည့် ကုမ္ပဏီများထံမှ နှစ်စဉ်တန်ချိန် ၃,၀၀၀  လိုအပ်ချက်ကို ဖြည့်ဆည်းပေးနိုင်ရန် စိုးရိမ်ရန်မလိုအပ်ကြောင်း Finan ကပြောကြားခဲ့သည်။ Kampong Thom ပြည်နယ်တွင်တည်ရှိသော ခေတ်မီသီဟိုဠ်ခြံ(၃) ခုဖြစ်သည့်  Prasat Sambo Rong Roeung၊ Kampong Thom Sala Visai နှင့် Tamring Kampong Thom တို့သည် ၂၆-၃-၂၀၂၅ ရက်နေ့က ဂျပန်ကုမ္ပဏီတစ်ခုဖြစ်သည့် MIRARTH Agri Tech နှင့် အမေရိကန်ဒေါ်လာ ၆၅၀,၀၀၀ ခန့်တန်ဖိုးရှိ သီဟိုဠ်စေ့တန်ချိန် ၄၀၀ ခန့်ထုတ်လုပ်ရန် သဘောတူစာချုပ် ချုပ်ဆို ခဲ့ကြသည်။

Source : Khmer Times

DOCA(ရန်ကုန်)

   ကမ္ဘောဒီးယားနိုင်ငံ၊ ဝန်ကြီးချုပ် Hun Manet နှင့် One Village One Product (OVOP) မြှင့်တင်ရေးကော်မတီ၊ ဥက္ကဋ္ဌတို့သည် ပြည်သူမျာအနေဖြင့် အမျိုးသားရေးစိတ်ဓာတ်ကို မြှင့်တင်ပြီး ခမာထုတ်ကုန်များကို အမျိုးသားရေးစိတ်ဓာတ်ဖြင့်သုံးစွဲကြရန်တိုက်တွန်းခဲ့သည်။ ၂၀၂၅ ခုနှစ်၊ ဧပြီလ ၉ ရက်နေ့တွင် ကျရောက်သော (၈) ကြိမ်မြောက်အမျိုးသားနေ့အား ဂုဏ်ပြုသောအားဖြင့် မိန့်ခွန်းတွင် ဝန်ကြီးချုပ် Hun Manet က ခမာလူမျိုးများသည် မိမိတို့ လူမျိုးများ၏ ဒေသထွက်ကုန်များဆက်လက်တည်တံ့စေရန်အတွက် နှင့်နိုင်ငံ၏ ဂုဏ်သိက္ခာ တို့ကို မြှင့်တင်ရန်အတွက်တိုက်တွန်းခဲ့သည်။ တစ်ချိန်တည်းတွင် ဝန်ကြီးချုပ်က ကမ္ဘောဒီးယား နိုင်ငံရှိ ကုန်စည်ဒိုင်များအား အရည်အသွေးမြင့်၊ အမျိုးအစားစုံလင်မှု၊ စားသုံးသူယုံကြည်မှု ပိုမို ရရှိစေရန် အမျိုးသားကော်မတီနှင့် ဆက်လက်ပူးပေါင်းဆောင်ရွက်သွားရန်၊ နိုင်ငံတော်အဆင့်နှင့် နိုင်ငံတော်အဆင့် လက်အောက်ရှိ  သက်ဆိုင်ရာဝန်ကြီးဌာနများနှင့် အဖွဲ့အစည်းအားလုံးအား ဖွံ့ဖြိုးတိုးတက်ရေးတွင် ပူးပေါင်းဆောင်ရွက်ကြရန်နှင့် နိုင်ငံတကာမှ အစိုးရမဟုတ်သော အဖွဲ့အစည်းများနှင့် ပုဂ္ဂလိက ကဏ္ဍမှ တာဝန်ရှိသူများအား တိုက်တွန်းခဲ့သည်။ အစိုးရအနေဖြင့် (OVOP) လှုပ်ရှားမှုကို မြှင့်တင်ရန်အတွက် နိုင်ငံတော်၏ မူဝါဒတစ်ရပ်ကို ချမှတ်ပြီး ကုန်ကြမ်း ထုပ်လုပ်ခြင်း၊ ပြုပြင်ခြင်းနှင့် ထုတ်ကုန်ဖွံ့ဖြိုးတိုးတက်ရေးတို့တွင် ပြည်သူများအား ပါဝင် ဆောင်ရွက်ခြင်းဖြင့် ဒေသဖွံ့ဖြိုး တိုးတက်ရေးတို့ကို မြှင့်တင်ပေးနိုင်ကြောင်းထပ်လောင်း ပြောကြားခဲ့သည်။ ဝန်ကြီးချုပ်က မကြားသေးမီ နှစ်များအတွင်း (OVOP) လှုပ်ရှားမှုကို မြှင့်တင်ခြင်းသည် ကောင်းမွန်သောရလဒ်များရရှိခဲ့ပြီး ကမ္ဘောဒီးယား ထုတ်ကုန်များအား အရည် အသွေး၊ စံချိန်စံညွှန်း၊ သန့်ရှင်းမှုနှင့် ထုတ်ပိုးမှုတို့တွင် အပြုသဘောဆောင်သော ပြောင်းလဲမှု များကိုဖြစ်ပေါ်စေပြီး ပြည်တွင်းနှင့်ပြည်ပဈေးကွက်များအတွက် အရည်အသွေးမြင့် ထုတ်ကုန်များ ထုတ်လုပ်ရန် မြှင့်တင်ပေးနိုင်မည်ဖြစ်ကြောင်း မှတ်ချက်ပြုခဲ့သည်။

Source : Khmer Times

DOCA(ရန်ကုန်)

     အမေရိကန်စိုက်ပျိုးရေးဌာန (USDA) ၏ ဧပြီလထုတ် ကမ္ဘာ့ကော်ပဲသီးနှံစျေးကွက်နှင့်  ကုန်သွယ်မှု အစီရင်ခံစာအရ အာဖရိကရှိ ဆာဟာရကန္တာရတောင်ပိုင်းသည် ၂၀၂၅ ခုနှစ်တွင် အရှေ့တောင်အာရှဒေသကို ကျော်တက်၍ ကမ္ဘာ့အကြီးဆုံး ဆန်တင်သွင်းရာဒေသ ဖြစ်လာမည်ဟု သိရှိရသည်။

          ယခုရာသီတွင် အာဖရိကရှိ ဆာဟာရကန္တာရတောင်ပိုင်း၏ ဆန်တင်သွင်းမှု ပမာဏသည် တန်ချိန် ၁၈.၆ သန်းအထိ ရောက်ရှိမည်ဟု ခန့်မှန်းထားပြီး အရှေ့တောင်အာရှ၏ တင်သွင်းမှုမှာ တန်ချိန် ၁၂ သန်းသာ ရှိမည်ဟု ခန့်မှန်းထားသည်။ ကမ္ဘာ့ဆန်ထုတ်လုပ်မှု စံချိန်တင် မြင့်တက် လာခြင်းနှင့် ဈေးနှုန်းများ ပိုမိုယှဉ်ပြိုင်နိုင်မှုတို့ကြောင့် ဖြစ်ပေါ်လာသည့် အဆိုပါ အပြောင်းအလဲ သည် ကမ္ဘာ့ဆန်ကုန်သွယ်ရေးတွင် ပိုမိုအရေးပါလာသော အာဖရိကရှိ ဆာဟာရကန္တာရ တောင်ပိုင်း၏ အခန်းကဏ္ဍကို ထင်ဟပ်စေသည်။

          အာဖရိကရှိ ဆာဟာရကန္တာရတောင်ပိုင်းရှိ ဆန်စားသုံးမှုပမာဏသည် လွန်ခဲ့သော ၁၅ နှစ် အတွင်း လူဦးရေတိုးတက်မှု၊ မြို့ပြအသွင်ကူးပြောင်းမှုနှင့် အဓိကစားသုံးသည့် စားနပ်ရိက္ခာအဖြစ် ဆန်ကို ဦးစားပေးလာမှုစသည့် အကြောင်းရင်းများကြောင့် ဆန်စားသုံးမှုပမာဏ သိသိသာသာ မြင့်တက်လာခဲ့ကြောင်း၊ အဆိုပါဝယ်လိုအားမြင့်တက်မှုသည် ပြည်တွင်းထုတ်လုပ်မှုထက် ကျော် လွန်နေပြီး အာဖရိကရှိ ဆာဟာရကန္တာရတောင်ပိုင်းနိုင်ငံအချို့သည် ပြည်တွင်းထုတ်လုပ်မှု မြှင့် တင်ရာတွင် တိုးတက်မှုရှိလာသော်လည်း ဆန်တင်သွင်းမှုမှာ ရောင်းလိုအားအတွက် အဓိက အရင်း အမြစ်အဖြစ် ဆက်လက်ရပ်တည်နေဆဲဖြစ်ကြောင်း သိရှိရသည်။

          အိန္ဒိယနိုင်ငံသည် သမိုင်းကြောင်းအရ အာဖရိကရှိ ဆာဟာရတောင်ပိုင်းသို့ ဆန်ဖြူနှင့် ပေါင်းဆန်များကို ယှဉ်ပြိုင်နိုင်စွမ်းရှိသော ဈေးနှုန်းများဖြင့် အများဆုံးထောက်ပံ့သူအဖြစ် ရပ်တည် ခဲ့သည်။၊ သို့သော်လည်း ၂၀၂၃ ခုနှစ်တွင် အိန္ဒိယ၏ ဆန်ဖြူနှင့် ဆန်ကွဲတင်ပို့မှုများကို ယာယီ တားမြစ်ခြင်းနှင့် ပေါင်းဆန်အပေါ် အခွန်ကောက်ခံမှုတို့ကြောင့် ကမ္ဘာ့ဈေးနှုန်းများ မြင့်တက်လာ ပြီး ယင်းဒေသ၏ ဆန်တင်သွင်းမှု ကျဆင်းသွားခဲ့သည်။၊

          ၂၀၂၄ ခုနှစ်တွင် ဆာဟာရကန္တာရ တောင်ပိုင်းဒေသမှ ဆန်တင်သွင်းသူများသည် ထိုင်းနှင့် ပါကစ္စတန် ကဲ့သို့သော အခြားတင်သွင်းသူများဘက်သို့ လမ်းကြောင်းပြောင်းလာသည့်အချိန်၌ အိန္ဒိယသည် ၂၀၂၄ ခုနှစ် အောက်တိုဘာလတွင် ၎င်း၏ ဆန်တင်ပို့မှု ကန့်သတ်ချက်အများစုကို ရုပ်သိမ်းခဲ့ကြောသည်။ အဆိုပါအချက်သည် အိန္ဒိယအား ဈေးကွက်အများအပြားကို ပြန်လည် ရရှိစေခဲ့ပြီး ၂၀၂၄ ခုနှစ် နှစ်ကုန်ပိုင်းတွင် ဝယ်ယူသူများသည် ပိုမို၍ ကျေနပ်ဖွယ်ကောင်းသော ဈေးနှုန်းများအပေါ် တုံ့ပြန်မှုအဖြစ် ဆန်တင်သွင်းမှု သိသိသာသာ တိုးမြင့်လာခဲ့သည်။

          ၂၀၂၅ ခုနှစ် နောက်ပိုင်းကာလကို တွက်ဆကြည့်မည်ဆိုပါက အာဖရိကရှိ ဆာဟာရ တောင်ပိုင်းဒေသသည် ဆန်တင်သွင်းမှုများ ပိုမိုမြင့်တက်လာမည်ဟု ခန့်မှန်းရကြောင်း၊ ဒေသတွင်း ထုတ်လုပ်မှု အနည်းငယ်လျော့နည်းလာခြင်းနှင့် စျေးနှုန်းချိုသာသော ဆန်၏ဆွဲဆောင်မှုတို့က အဆိုပါတိုးတက်မှုကို ဦးတည်စေကြောင်း၊ အဆိုပါဒေသ၏ တင်သွင်းမှုတိုးလာခြင်းသည် ကမ္ဘာလုံး ဆိုင်ရာ ဆန်ကုန်သွယ်ရေးတွင် စံချိန်တင် တန်ချိန်သန်းပေါင်း ၅၂၈.၆ အထိ စားသုံးမှုမြင့်တက် လာမည့် ကြိုတင်အမှတ်အသား တစ်ရပ်ဖြစ်ပြီး ၎င်းမြင့်တက်မှုအတွက် အာဖရိကတိုက် ဆာဟာရ တောင်ပိုင်းဒေသသည် အဓိက အရင်း အမြစ်တစ်ခုဖြစ်ကြောင်း သိရှိရသည်။

          ၂၀၂၅ ခုနှစ်အတွင်း ကမ္ဘာ့ အဓိကဆန်တင်သွင်းသော နိုင်ငံများအနက် နိုင်ဂျီးရီးယားသည် တန်ချိန် ၂.၈ သန်း၊ အိုင်ဗရီကိုစ့်သည် ဆန်တန်ချိန် ၁.၈ သန်း၊ ဆော်ဒီအာရေးဗီးယားသည် တန်ချိန် ၁.၈၅ သန်း၊ ဆီနီဂေါအနေဖြင့် တန်ချိန် ၁.၅ သန်းနှင့် ကင်ညာနိုင်ငံသည် တန်ချိန် ၆၇၅,၀၀၀ အသီးသီး တင်သွင်းဖွယ်ရှိကြောင်း Miller Magazine သတင်းဝက်ဘ်ဆိုက်က ဖော်ပြထားသည်။

Source: Miller Magazine, 23 April 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)