ပြည်တွင်းကုန်သွယ်မှုသတင်း

    ပြင်ဦးလွင်မြို့သည် ကမ္ဘာလှည့်ခရီးသွားများသာမက ပြည်တွင်းခရီးသွားများလည်းစိတ်ဝင်စားမှုရှိသည့်တောင်ပေါ်မြို့တစ်မြို့ဖြစ်သည်နှင့်အညီ ထောပတ်သီးနှံဒေသတွင်းစိုက်ပျိုးမှုနှင့် အခြားတိုင်းဒေသကြီး၊ ပြည်နယ်၊ မြို့နယ်များရှိ စိုက်ပျိုးရေးကိုစိတ်ဝင်စားသူများမှ မြေဧကများဝယ်ယူပြီး နှစ်ရှည်သီးနှံတစ်မျိုးဖြစ်သော ထောပတ်သီးနှံအား စိုက်ပျိုး၍ ရင်းနှီးမြုပ်နှံလာကြပါသည်။ပြင်ဦးလွင်မြို့မှ လက်ရှိထောပတ်သီးစိုက်ဧကအနေဖြင့် (၃၀၉)ဧကရှိကြောင်း သက်ဆိုင်ရာဌာနများမှသိရှိရပြီး စိုက်ဧကများအမှန်ရရှိရေးအား ထောပတ်သီးအစုအဖွဲ့၊ သက်ဆိုင်ရာဌာနများဖြင့် ထောပတ်စိုက်ဧကများစာရင်းပြုစု အတည်တကျကောက်ယူရရှိရေး စီမံဆောင်ရွက်လျက်ရှိပြီး ထောပတ်စိုက်ဧက (၆၀၀)ကျော်ရှိနိုင်ကြောင်း သိရှိရပါသည်။

     ပြင်ဦးလွင်မြို့တွင် ယခုချိန်၌ ထောပတ်သီးများစတင်ထွက်ရှိခြင်းမရှိဘဲ သြဂုတ်လတွင် စတင်ထွက်ရှိမည်ဖြစ်ပြီး ယခင်နှစ်စျေးနှုန်းအနေဖြင့် Hass   1Kg လျှင် (နိမ့်) ၃၅၀၀/- ကျပ် ၊ (အမြင့်) ၆၀၀၀/-ကျပ် ၊  Pinkerton 1Kg လျှင် (နိမ့်) ၃၀၀၀/- ကျပ် ၊ (အမြင့်) ၅၀၀၀/-ကျပ် ၊ Buccaneer 1Kg (၃၀၀၀-၅၀၀၀)ကျပ်၊မြောက်ကျွန်းသူ1Kg (၃၀၀၀-၅၀၀၀)ကျပ်၊ဒေသသီးတစ်လုံးလျှင်(၂၀၀-၅၀၀)ကျပ်ရရှိကြောင်း၊ ပြည်ပသို့(ထိုင်း၊မလေးရှား၊စင်္ကာပူ)သို့ စမ်းသပ်တင်ပို့နေကြောင်းနှင့် စိုက်ပျိုးရေး၌ စိတ်ပါဝင်စားသူမည်သူမဆို ထောပတ်သီးနှံစိုက်ပျိုးလိုလျှင် တာဝန်ယူစိုက်ပျိုးပေးနေကြောင်းလည်း ပြင်ဦးလွင်ထောပတ်သီးအစုအဖွဲ့မှ သိရှိရပါသည်။

DOCA(မန္တလေး)

  မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီက တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ်ထုတ်ပြန်ပေးလျက်ရှိပါသည်။

 မင်းဘူးမြို့ပေါ်၌ စက်သုံးဆီဆိုင်(၁၆)ဆိုင်ရှိရာ ပုံမှန်ဆိုင်ဖွင့်ရောင်းချလျက်ရှိကြပြီး ၂၀၂၃ခုနှစ်၊ ဇွန်လ တတိယအပတ်နှင့် စတုတ္တအပတ်တို့တွင်ဖြစ်ခဲ့သော စက်သုံးဆီဈေးနှုန်းများမှာ ဒီဇယ်(ရိုးရိုး)တစ်လီတာလျှင် ယခင်အပတ်တွင် ကျပ်(၂၀၅၀)ဖြစ်ခဲ့ပြီး ယခုအပတ်တွင် ကျပ်(၁၉၇၅)ဖြစ်၍ ကျပ်(၇၅)ဈေးလျော့လာခဲ့ကြောင်း၊ ဒီဇယ်(ပရီမီယံ)တစ်လီတာလျှင် ယခင်အပတ်တွင် ကျပ်(၂၁၃၀)ဖြစ်ခဲ့ပြီး ယခုအပတ်တွင် ကျပ်(၂၀၅၅)ဖြစ်၍ ကျပ်(၇၅)ဈေးလျော့လာခဲ့ကြောင်း၊ ဓာတ်ဆီ(၉၂)တစ်လီတာလျှင် ယခင်အပတ်တွင် ကျပ်(၂၀၅၀)ဖြစ်ခဲ့ပြီး ယခုအပတ်တွင် ကျပ်(၁၉၉၀)ဖြစ်၍ ကျပ်(၆၀)ဈေးလျော့လာခဲ့ကြောင်း၊ ဓာတ်ဆီ(၉၅)တစ်လီတာလျှင် ယခင်အပတ်တွင် ကျပ်(၂၁၄၅)ဖြစ်ပြီး ယခုအပတ်တွင် ကျပ်(၂၀၈၅)ဖြစ်၍ ကျပ်(၆၀) စသည်ဖြင့် ဈေးနှုန်းအသီးသီးလျော့ကျလာခဲ့ကြောင်း  စက်သုံးဆီအရောင်းဆိုင်များမှသိရှိရပါသည်။

DOCA(မကွေး)

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ ၂၀၂၃ ခုနှစ်၊ ဇွန်လ (စတုတ္ထပတ်)တွင် အရောင်းအဝယ်ဖြစ်လျက်ရှိသော စားသုံးဆီဈေးနှုန်းများမှာ ပဲဆုံဆီ လက်ကားတစ်ပိဿာလျှင် ကျပ် (၁၄၀၀၀)၊ လက်လီတစ်ပိဿာလျှင် ကျပ်(၁၅၀၀၀)၊ နှမ်းဆီ လက်ကားတစ်ပိဿာလျှင် ကျပ် (၁၂၀၀၀)၊ လက်လီတစ်ပိဿာလျှင် ကျပ်(၁၂၅၀၀)၊ နှမ်းရောဆီ လက်ကားတစ်ပိဿာလျှင် ကျပ်(၁၀၀၀၀)၊ လက်လီတစ်ပိဿာလျှင် ကျပ်(၁၁၀၀၀)၊ စားအုန်းဆီ လက်ကားတစ်ပိဿာလျှင် ကျပ်(၈၀၀၀)၊ လက်လီတစ်ပိဿာလျှင် ကျပ်(၈၅၀၀)၊ နေကြာဆီ လက်ကားတစ်ပိဿာလျှင် ကျပ်(၁၃၀၀၀)၊ လက်လီတစ်ပိဿာလျှင် ကျပ်(၁၃၅၀၀) ဈေးဖြင့် အရောင်းအဝယ်ဖြစ်လျက်ရှိပါသည်။

     ယခင်ဇွန်လ(တတိယပတ်)နှင့် ဈေးနှုန်းနှိုင်းယှဉ်ရမည်ဆိုလျှင် ယခု ဇွန်လ(စတုတ္ထပတ်)တွင် အခြားစားသုံးဆီဈေးနှုန်းများမှာ ဈေးငြိမ်လျက်ရှိပြီး စားအုန်းဆီမှာ ဈေးတက်ပြီး အရောင်းအဝယ်ဖြစ်လျက်ရှိကြောင်း ဝယ်ယူ စားသုံးသူများထံမှ သိရှိရပါသည်။

    ပခုက္ကူမြို့ရှိ စားသုံးသူများသည် မြေပဲဆီကိုသာ အဓိကစားသုံးမှုများပြီး လုပ်ငန်းရှင်များမှလည်း မြေပဲဆံ၊ မြေပဲဆီများ ထုတ်လုပ်ရောင်းဝယ်ဖောက်ကားလျက်ရှိပြီး မြန်မာနိုင်ငံနေရာဒေသအနှံ့အပြားသို့ မြေပဲဆီများ ထုတ်လုပ်တင်ပို့ ရောင်းချဖြန့်ဖြူးလျက်ရှိကြောင်း သိရှိရပါသည်။

DOCA(မကွေး)

    ၂၀၂၃ ခုနှစ် ဇွန်လ နောက်ဆုံးအပတ်အတွင်း ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် (၄၂၀၀)ကျပ်၊ ဧရာမင်း တစ်ပြည် (၄၂၀၀)ကျပ်ဖြင့် ယခင်အပတ် ထက်အနည်းငယ်သာမြင့်တက်ပြီး အရောင်းအဝယ်ဖြစ်လျက်ရှိသည်။ ကြက်သွန်နီ မြစ်သား အမျိုးအစား လက်လီဈေးမှာအကြီး /အသေးပါ်မူတည်၍တစ်ပိသာလျှင်(၂၀၀၀/၂၅၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ်ဖြစ်လျက်ရှိသည်။ ကြက်သွန်ဖြူ လက်လီ ဈေးမှာ(ဗမာ)အလုံးကြီး တစ်ပိသာ (၁၀၀၀၀)ကျပ် ကြက်သွန်ဖြူ လက်လီဈေးမှာ (ဗမာ) အလုံးသေး တစ်ပိသာ (၈၀၀၀)ကျပ် ၊ ကြူကုတ် တစ်ပိသာ (၉၀၀၀)ကျပ် ယခင်အပတ်ထက် အနည်းငယ်မြင့်တက်လျက်ရှိပါသည်။ ဂျင်းအညံ့ တစ်ပိသာလျှင်(၅၀၀၀)ကျပ်၊ ရှယ်စ တစ်ပိသာ (၁၀၀၀၀)ကျပ် ဖြစ်နေပြီး ယခင်အပတ်အတိုင်းတည်ငြိမ်လျက်ရှိပါသည်။ ငရုတ်သီးခြောက် တစ်ပိသာ (၂၀၀၀၀)ကျပ် ယခင် အပတ်အတိုင်း တည်ငြိမ်လျက်ရှိကာ အရောင်းအဝယ်ဖြစ်လျက်ရှိပါသည်။ အာလူး အသေး/အကြီး အမျိုးအစားအလိုက် တစ်ပိသာ(၃၅၀၀/၃၀၀၀)ကျပ် ယခင်အပတ်ထက် အနည်းငယ်မြင့်တက်ပြီး အရောင်းအဝယ် ဖြစ်လျက်ရှိပါသည်။

     ငရုတ်သီးစိမ်း တစ်ပိသာ (၃၀၀၀)ကျပ် ယခင်အပတ်အတိုင်းတည်ငြိမ်လျက်ရှိနေကြောင်း၊ ခရမ်းချဉ်သီး တစ်ပိသာ (၂၀၀၀)ကျပ် ယခင် တတိယအပတ်ထက် အနည်းငယ်မြင့်တက်နေပါသည်။ ခရမ်းသီး  တစ်ပိသာ (၁၀၀၀/၈၀၀) ကျပ် ရှိပါသည်။  ပန်းဂေါ်ဖီ တစ်ပွင့်  (၁၅၀၀) ကျပ် ၊ ဂေါ်ဖီထုပ် တစ်ထုပ်လျှင်(၁၈၀၀)ကျပ် ယခင်အထက် (၂၀၀)ကျပ် လျော့ကျလျက်ရှိကြောင်း၊ ခါကြက်ဥ(တရုတ်) တစ်ပိသာ (၅၀၀၀)ကျပ် ၊ ခါကြက်ဥ (ဗမာ) တစ်ပိသာလျှင် (၄၀၀၀)ကျပ် ယခင် အပတ်အတိုင်း တည်ငြိမ်နေကြောင်း၊ သံပုရာသီး တစ်လုံးလျှင် (၁၅၀) ကျပ် မှ (၂၀၀) ကျပ် ၊ ကန်ဇွန်းရွက် တစ်စီးလျှင် (၁၀၀) ကျပ် နှုန်းဖြင့် အရောင်းအဝယ် ဖြစ်နေပြီး  ကုန်ဈေးနှုန်းများ အနည်းငယ် မြင့်တက်လာကြောင်း ဈေးသည်တစ်ဦးထံမှ သိရှိရပါသည် ။

       ကြက်ဥ လက်လီဈေးနှုန်းမှာ (အကြီး)တစ်လုံး (၂၈၀)ကျပ်၊ (အသေ)တစ်လုံး (၂၅၀) ကျပ် ၊ ဘဲဥ တစ်လုံ (၃၅၀)ကျပ်ရှိသည် ။  ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) (၁၄၀၀၀ )ကျပ် မှ (၁၆၀၀၀) ကျပ် ၊ ကြက်သား(ဗမာ) (၁၈၀၀၀ )ကျပ် မှ (၂၀၀၀၀) ကျပ် ၊ ဝက်သား တစ်ပိသာ (၁၈၀၀၀) ကျပ် မှ (၂၀၀၀၀) ကျပ် ၊ အမဲသာ တစ်ပိသာ (၁၁၀၀၀) ကျပ် မှ (၁၄၀၀၀) ကျပ် ယခင်မေလ နောက်ဆုံးအပတ်အတိုင်း ဝက်သား၊ ကြက်သား၊ အမဲသား ဈေးများမှာ တည်ငြိမ်လျှက်ရှိကြောင်း တွေ့ရှိရပါသည်။ ငါးကြင်းအကောင်လိုက်နှင့် ငါးကြင်းခုတ်သား ဈေးမှာ တစ်ပိသာ (၉၀၀၀) ကျပ် မှ (၁၄၀၀၀) ကျပ်၊ တီလားဗီးယားငါး အသေးတစ်ပိသာ (၄၀၀၀)ကျပ် ၊ အလတ် တစ်ပိသာ (၅၀၀၀) ကျပ်၊ အကြီး တစ်ပိသာ (၆၅၀၀)  ငါးဈေးများမှာ ယခင်အပတ်ထက် တည်ငြိမ်ပြီး အရောင်းအဝယ်ဖြစ်နေကြောင်း သိရပါသည်။

        စားသုံးဆီဈေးနှုန်းမှာ မြေပဲဆီသန့် တစ်ပိသာလျှင် (၁၄၀၀၀)ကျပ် မြေပဲဆီဈေးနှုန်းဟာ ယခင် အပတ်များနှင့်အတူ ဈေးတည်ငြိမ်လျက်ရှိပါသည်။ စားအုံးဆီ တစ်ပိသာလျှင် (၈၈၀၀)ကျပ်၊ ဆယ်ပိသာ တစ်ပုံး လျှင် (၈၆၀၀၀)ကျပ်  ယခင်အပတ်ထက် တစ်ပိသာ(၁၅၀၀)ကျပ်မြင့်တက်ကာ အရောင်းအဝယ် ဖြစ်နေကြောင်း ဈေးသည်တစ်ဦးထံမှ သိရသည်။

DOCA(စစ်ကိုင်း)

     ကန့်ဘလူမြို့၊ မြို့မစည်ပင်သာယာဈေးအတွင်းရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီး ဝင်ရောက်လျက်ရှိသည်။

   ၂၀၂၃ခုနှစ်၊ ဇွန်လ (နောက်ဆုံးပတ်)တွင် ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ပန်းသီး(အကြွပ်)ရိုးရိုး(၁)လုံးလျှင် (၇၀၀ )ကျပ်၊ ပန်းသီး(အကြွပ်) ပိုက်စွပ်(၁)လုံးလျှင် (၂၀၀၀ မှ ၂၅၀၀)ကျပ်၊  စပျစ်သီး (အလုံးသေး) (၁)ပိဿာလျှင် (၁၀၀၀၀)ကျပ်၊ စပျစ်သီး (အလုံးကြီး) (၁)ပိဿာလျှင် (၁၂၀၀၀)ကျပ်၊ပန်းသစ်တော်သီး (၁)လုံးလျှင် (၃၅၀၀)ကျပ်၊  ဖီးကြမ်းငှက်ပျော သီး(၁)ဖီးလျှင် (၁၀၀၀)ကျပ်၊ ခွန်စိမ်း ရိုးရိုး(၁)ဖီးလျှင် (၁၀၀၀ မှ ၁၃၀၀)ကျပ်၊ မြစ်ကြီးနားမှ ထွက်ရှိသော ခွန်စိမ်းငှက်ပျောသီး (၁)ဖီးလျှင် (၁၅၀၀ မှ ၂၀၀၀)ကျပ်၊ ဖရဲသီး (၁)လုံးလျှင် (၂၅၀၀ မှ ၃၀၀၀)ကျပ်၊ မင်းကွတ်သီး  (၁)လုံးလျှင် (၂၀၀ မှ ၃၀၀)ကျပ်၊ ၊ ပတ္တမြားငမောက်သရက်သီး (၁)လုံးလျှင် (၅၀၀ မှ ၇၀၀)ကျပ်၊ နာနတ်သီး (၁)လုံးလျှင် (၁၂၀၀မှ ၁၅၀၀)ကျပ်၊ လိမ္မော်သီး (၁)ပိဿာလျှင် (၁၂၀၀၀)ကျပ် ၊ပိန္နဲသီး(၁)လုံးလျှင် (၃၀၀၀)ကျပ်၊ နဂါးမောက်သီး(၁)လုံးလျှင် (၅၀၀ မှ ၇၀၀)ကျပ်ဖြင့် အသီးသီး အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးအတွင်း ရောင်းချသောသစ်သီးဆိုင်များမှ သတင်းရရှိပါသည်။

DOCA(စစ်ကိုင်း)