ပြည်တွင်းကုန်သွယ်မှုသတင်း

    ၂၀.၆.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

     တောင်ငူခရိုင်၊ ဖြူးမြို့တွင် ရွှေဘိုပေါ်ဆန်းမှ ၂၀၂၃ခုနှစ်၊ဇွန်လ(ဒုတိယပတ်)တွင် တစ်အိတ်လျှင် ၁၀၅၀၀၀ ကျပ်မှ ဇွန်လ(တတိယပတ်)တွင် ၁၁၀၀၀၀ ကျပ်ဖြင့် ဈေးနှုန်းအနည်းငယ်တက်ခဲ့ပြီး ဖျာပုံပေါ်ဆန်းမှာ တစ်အိတ်လျှင် ၉၅၀၀၀ ကျပ် ဧည့်မထ(မိုး) တစ်အိတ်လျှင် ၇၂၀၀၀ ကျပ်၊ ဧည့်မထ(နွေ) တစ်အိတ်လျှင် ၆၀၀၀၀ ကျပ်ဖြင့် ယခင်အပတ်ကအတိုင်း ဈေးနှုန်းတည်ငြိမ်နေပါသည်။

     မြေပဲဆီမှာ တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ ယခင်အပတ်က  တစ်ပိဿာလျှင် ၆၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၆၃၀၀ ကျပ်ဖြင့် ဈေးနှုန်းအနည်းငယ်ကျဆင်းခဲ့ပါသည်။

     ကြက်သွန်နီမှာ ယခင်အပတ်က တစ်ပိဿာလျှင် အသေး ၂၄၀၀ ကျပ်၊ အလတ် ၂၆၀၀ ကျပ်နှင့် အကြီး ၂၇၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၂၀၀၀ ကျပ်၊ အလတ် ၂၂၀၀ ကျပ်နှင့် အကြီး ၂၅၀၀ ကျပ်ဖြင့် ဈေးနှုန်းအနည်းငယ် ကျဆင်းပါသည်။

    ကြက်သွန်ဖြူမှာ ယခင်အပတ်က တစ်ပိဿာလျှင် အသေး ၅၀၀၀ ကျပ်၊ အလတ် ၅၅၀၀ ကျပ်နှင့် အကြီး ၆၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၅၅၀၀ ကျပ်၊ အလတ် ၆၅၀၀ ကျပ်နှင့် အကြီး ၇၅၀၀ ကျပ်ဖြင့် ဈေးနှုန်းမြင့်တက်ပါသည်။

    ငရုတ်ခြောက် အရှည်မှာ ယခင်အပတ်က တစ်ပိဿာလျှင် ၁၅၀၀၀ ကျပ်ရှိရာမှ ယခု အပတ်တွင် တစ်ပိဿာလျှင် ၁၆၀၀၀ ကျပ်မှ ၁၇၀၀ ကျပ်အထိ ဈေးအနည်းငယ်မြင့်တက်ခဲ့ပြီး အာလူးမှာ တစ်ပိဿာလျှင် အသေး ၂၀၀၀ ကျပ်၊ အလတ် ၂၂၀၀ ကျပ်နှင့် အသေး ၂၅၀၀ ကျပ်ရှိပါ သည်။

      ကုလားပဲခြမ်းမှာ ယခင်အပတ်က တစ်ပိဿာလျှင် ၅၈၀၀ ကျပ်မှ ယခုအပတ်တွင် တစ် ပိဿာလျှင် ၆၀၀၀ ကျပ်ဖြင့် ဈေးနှုန်းအနည်းငယ်မြင့်တက်ခဲ့ပြီး ကုလားပဲလုံးမှာ တစ်ပိဿာလျှင် ၅၂၀၀ ကျပ်ဖြင့် ဈေးနှုန်းတည်ငြိမ်နေပါသည်။

      မြေပဲဆံ(အဖြူ)မှာ ယခင်အပတ်က တစ်ပိဿာလျှင် ၇၈၀၀ ကျပ်မှ ယခုအပတ်တွင် တစ်ပိဿာလျှင် ၈၅၀၀ ကျပ်ဖြင့် ဈေးနှုန်းအနည်းငယ် မြင့်တက်ခဲ့ပြီး မြေပဲဆံ(အနီ)မှာ တစ်ပိဿာလျှင် ၈၈၀၀ ကျပ်ဖြင့် ဈေးနှုန်းတည်ငြိမ်နေကြောင်း သိရပါသည်။

DOCA(ပဲခူး)

        စစ်ကိုင်းစက်မှုဇုန်၌ စားသောက်ကုန်ထုတ်လုပ်သည့် စက်ရုံ(၉)ရုံရှိသည့်အနက် Global Distribution Partner လုပ်ငန်းသည် အသင့်စား စားသောက်ကုန်ဖြစ်သော ရှမ်းခေါက်ဆွဲသုပ်၊ ဆီချက်ခေါက်ဆွဲနှင့် တို့ဟူးနွေး တို့ကို ထုတ်လုပ်သော လုပ်ငန်းတစ်ခုဖြစ်သည်။ လုပ်ငန်းကို ၂၀၂၁ခုနှစ်၊ စက်တင်ဘာလက မတည်ရင်းနှီးငွေ ကျပ်သိန်း(၅၀၀)ခန့် ဖြင့် စတင်ခဲ့သည်။ စက်ရုံ၌ ကုန်ကြမ်းဆန်ခေါက်ဆွဲခြောက်များအား ကိုယ်တိုင်ပြုလုပ်ပြီး၊ ပဲငါးပိကို သီပေါမြို့မှလည်းကောင်း၊ ကြက်သွန်ဖြူကြော်နှင့် မြေပဲလှော်အား မန္တလေးမြို့မှလည်းကောင်း ဝယ်ယူကြောင်း သိရသည်။

         ကုန်ကြမ်း ဆန်ခေါက်ဆွဲကို ရွှေရှမ်းဆန်ခေါက်ဆွဲစက်အမည်ဖြင့် လုပ်ငန်းခွဲခြား၍ သီးသန့် ပြုလုပ်သည်။ ဆန်ခေါက်ဆွဲပြုလုပ်သည့် ဆန်(လတ်)အမျိုးအစားမှာ သုခနှင့် ဧရာပဒေသာ ဆန်များ ဖြစ်သည်။ တစ်ရက်လျှင်ပျမ်းမျှ တစ်တင်းခွဲဝင်အိတ် (၄)အိတ်ခန့် အမှုန့်ကြိတ်ခြင်း၊ ရေဖြင့် ရောနှော ကာ အနှစ်ချခြင်း၊ နန်းပြားဆွဲခြင်း၊ နန်းမျှင်ဆွဲခြင်းများကို ခေတ်မီစက်များဖြင့် ဆောင်ရွက်ခြင်းဖြင့် ဆန်ခေါက်ဆွဲအခြောက် ပိဿာ(၈၀)ခန့်ထွက်ရှိပြီး Global Distribution Partner လုပ်ငန်းသို့ ကုန်ကြမ်းမုန့်ဖတ်ခြောက်များ လွှဲပြောင်းပေးပို့သည်။ Global Distribution Partner လုပ်ငန်း၏ ကုန်ချောတစ်ရက်ထုတ်လုပ်နိုင်မှု ပမာဏမှာ ရှမ်းအိုးစည်အသင့်စား ရှမ်းခေါက်ဆွဲသုပ်၊ ရွှေမန်းသား အသင့်စားဆီချက်ခေါက်ဆွဲနှင့် တို့ဟူးနွေး အထုပ်(၁၀၀)ပါ ဂျပ်ဖာ ၂၇ဖာမှ ၃၀ဖာထိ ထုတ်လုပ်နိုင် ကြောင်းသိရသည်။ ရှမ်းအိုးစည်အသင့်စား ရှမ်းခေါက်ဆွဲသုပ်၊ ရွှေမန်းသားအသင့် စားဆီချက် ခေါက်ဆွဲနှင့် တို့ဟူးနွေးတို့၏ ဈေးနှုန်းမှာ အထုပ်(၁၀၀)လျှင် ဖောက်သည်ဈေး ၆၁၀၀၀ ကျပ်ဖြင့် ရောင်းချကြောင်းသိရှိရသည်။ ထွက်ရှိကုန်ချောများကို မန္တလေးမြို့မှတစ်ဆင့် မြန်မာပြည်အနှံ့သို့  ကိုယ်စားလှယ်များဖြင့် တင်ပို့ရောင်းချကြောင်း သိရှိရသည်။ အလုပ်သမား(၂၅)ဦးခန့်အား အလုပ် အကိုင် အခွင့်အလမ်းများ ပေးထားနိုင်ပြီး၊ လုပ်သားခအနေဖြင့် (၃)လအစမ်းခန့်အား တစ်ဦး တစ်လ လျှင် ကျပ်(၁)သိန်း၊ (၃)လကျော်ပါက ကျပ်(၁)သိန်းခွဲမှ ကျပ်(၁)သိန်း(၆)သောင်းထိ ပေးချေကြောင်း သိရသည်။

       ကမ္ဘာကြီးသည် ရွာကြီးတစ်ရွာဖြစ်သည်ဟုဆိုသော ယခုကာလတွင် ခေတ်မီသော လူသား တိုင်း  ဆရာမြို့မငြိမ်း၏ လူချွန်လူကောင်း သီချင်းပါ စာသားအတိုင်း ခေတ်မီမီ ကမ္ဘာကြီးကိုရှု့မြင်သူ များပြားနေသည်မှာ အားလုံးအသိပင်ဖြစ်သည်။လူသားတို့၏ အခြေခံလိုအပ်ချက်ဖြစ်သော စားရေး၌ အချိန်ပေးနိုင်သူ နည်းပါးလာသည်တွေ့ရသည်။ ထို့အတွက် အသင့်စားသောက်နိုင်သော အစားအစာ များဖြစ်သည့် ကော်ဖီ၊ လက်ဖက်ရည်၊ ဖျော်ရည်မျိုးစုံ၊ အသင့်စားခေါက်ဆွဲ/ မုန့်ဟင်းခါး စသည့်တို့ကို စားသုံးမှုပုံစံပြောင်းလာကြောင်း တွေ့ရှိရသည်။ သို့ဖြစ်၍ Global Distribution Partner လုပ်ငန်းမှ ထုတ်လုပ်သည့်  အသင့်စား ရှမ်းခေါက်ဆွဲ/ဆီချက်ခေါက်ဆွဲ/ တို့ဟူးနွေးတို့သည် အနာဂတ်တွင် ဈေးကွက်ဝေစု ပိုမိုရရှိကာ ထုတ်လုပ်ဖြန့်ဖြူးခြင်းလုပ်ငန်းများ ပိုမိုတိုးတက်လာနိုင်မည်ဖြစ်ကြောင်း လေ့လာသုံးသပ် တင်ပြလိုက်ရပါသည်။         

DOCA(စစ်ကိုင်း)

     တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ  တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ  ၂၀၂၃ခုနှစ်၊ဇွန်လ(ဒုတိယပတ်)တွင် တစ်ပိဿာလျှင် ၆၃၀၀ ကျပ်မှ ယခုဇွန်လ(တတိယပတ်)တွင် တစ်ပိဿာလျှင် ၆၅၀၀ ကျပ်ဖြင့် ဈေးနှုန်းအနည်းငယ်မြင့်တက်ပါသည်။

        ကြက်သွန်နီမှာ တစ်ပိဿာလျှင် အသေး ၂၄၀၀ ကျပ်၊ အလတ် ၂၆၀၀ ကျပ်၊ အကြီး ၂၈၀၀ ကျပ်နှင့် တရုတ်ကြက်သွန်နီ ၂၈၀၀ ကျပ်ဖြင့်  ဈေးနှုန်းအနည်းတည်ငြိမ်ပါသည်။

       ကြက်သွန်ဖြူမှာ တစ်ပိဿာလျှင် ယခင်အပတ်က အသေး ၅၅၀၀ ကျပ်၊ အလတ် ၆၀၀၀ ကျပ်၊ အကြီး ၆၅၀၀ ကျပ်၊ တရုတ်ကြက်သွန်ဖြူ ၆၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၅၈၀၀ ကျပ်၊ အလတ် ၆၅၀၀ ကျပ်၊ အကြီး ၇၀၀၀ ကျပ်၊ တရုတ်ကြက်သွန်ဖြူ ၇၀၀၀ ကျပ်ဖြင့် ဈေးနှုန်းအနည်းငယ်တက်ပါသည်။

      အာလူးမှာ ယခင်အပတ်က တစ်ပိဿာလျှင် အသေး ၂၂၀၀ ကျပ်၊ အလတ် ၂၆၀၀ ကျပ်၊ အကြီး ၂၈၀၀ ကျပ်နှင့် တရုတ်အာလူး ၃၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် အသေး ၂၆၀၀ ကျပ်၊ အလတ် ၂၈၀၀ ကျပ်၊ အကြီး ၃၀၀၀ ကျပ်၊ တရုတ်အာလူး ၃၀၀၀ ကျပ်ဖြင့် ဈေးနှုန်း အနည်းငယ်မြင့်တက်ပါသည်။

      ငရုတ်သီးခြောက် အပုမှာ တစ်ပိဿာလျှင် ၁၈၀၀၀ ကျပ်မှ ၂၀၀၀၀ ကျပ်အထိ၊ ငရုတ်သီး ခြောက်အရှည်မှာ တစ်ပိဿာလျှင် ၁၃၀၀၀ ကျပ်မှ ၁၅၀၀၀ ကျပ်အထိနှင့် ငရုတ်သီးခြောက်အပွမှာ တစ်ပိဿာလျှင် ၂၃၀၀၀ ကျပ်မှ ၂၅၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

       ယခင်အပတ်က မြေပဲဆံအဖြူ တစ်ပိဿာလျှင် ၈၀၀၀ ကျပ်မှ ၈၂၀၀ ကျပ်အထိ၊ မြေပဲဆံအနီ တစ်ပိဿာလျှင် ၇၃၀၀ ကျပ်မှ ၇၅၀၀ ကျပ်အထိရှိရာမှ ယခုအပတ်တွင် မြေပဲဆံအဖြူ ၈၃၀၀ ကျပ်၊ မြေပဲဆံအနီ ၇၆၀၀ ကျပ်၊ ကုလားပဲခြမ်းမှာ ယခင်အပတ်က တစ်ပိဿာလျှင် ၄၆၀၀ ကျပ်မှ ၅၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၆၀၀၀ ကျပ်အထိ ဈေးနှုန်းမြင့်တက်ကြောင်းနှင့် အခြေခံစားသောက်ကုန်များမှာ ပုံမှန်အတိုင်း အရောင်းအဝယ်ဖြစ်နေကြောင်း သိရပါသည်။

DOCA(ပဲခူး)

        တောင်ငူခရိုင် ၊ အုတ်တွင်းမြို့နယ်တွင် ၂၀၂၃ခုနှစ်၊နွေစပါးရာသီ၌ နွေစပါး ၁၉၁၂၁ ဧက စိုက်ပျိုးခဲ့ရာ ယခုအခါ အားလုံးနီးပါး ရိတ်သိမ်းပြီးစီးပြီး ဖြစ်ပါသည်။ ထိုင်းနှံကောက်အမျိုးအစားကို အများဆုံး စိုက်ပျိုးကြပါသည်။

       သက်ဆိုင်ရာဌာနမှ ရရှိသော စာရင်းဇယားများအရ အထွက်နှုန်းမှာ ၉၈.၅ တင်းနှုန်းရှိ ကြောင်း သိရသဖြင့် အုတ်တွင်းမြို့နယ်တွင် နွေစပါးအထွက်တင်း ၁၈၈၀၀၀၀ ကျော်ရှိကြောင်း ခန့်မှန်းတွက်ချက်ရရှိပါသည်။

      နွေစပါးပေါ်ခါစက ဈေးနှုန်းမှာ တင်း ၁၀၀ လျှင် ကွင်းဈေး ၁၅၂၀၀၀၀ ကျပ်၊ ဆန်စက် အရောက်ဈေး ၁၅၆၀၀၀၀ ကျပ်ရှိခဲ့ပြီး ယနေ့ကာလပေါက်ဈေးမှာ တင်း ၁၀၀ လျှင် ၁၆၅၀၀၀၀ ကျပ် ဖြစ်ပါသည်။ မိုးစပါးလက်ကျန် ကာလပေါက်ဈေးမှာ တင်း ၁၀၀ လျှင် ကျပ် ၂၁၀၀၀၀၀ ဖြစ်ပါ သည်။

     အုတ်တွင်းမြို့နယ်အတွင်း မိုးစပါးထွက်ရှိမှုမှာ ၆၂၅၀၀၀၀ တင်းရှိသဖြင့် ယခုထွက်ရှိသည့် နွေစပါးနှင့်ဆိုလျှင် အုတ်တွင်းမြို့နယ်တွင် စပါး တင်း ၈၁၃၀၀၀၀ ခန့် ရှိပါသည်။ အုတ်တွင်း မြို့နယ်အတွင်း မျိုးစပါး၊ အလေအလွှင့်နှင့် စားသုံးမှုမှာ ၃၀၃၀၀၀၀ တင်းခန့်ရှိသဖြင့် အုတ်တွင်းမြို့နယ်သည် ယခုနှစ်အတွင်း စပါးတင်း ၅၁၀၀၀၀၀ ပိုလျှံကြောင်း သိရှိရပါသည်။

DOCA(ပဲခူး)