ပြည်တွင်းကုန်သွယ်မှုသတင်း

   မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိ ပါသည်။

      ယခု၂၀၂၃ခုနှစ်၊ မေလ ပထမအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၈၀၀၀၀)၊ ငါးပုတ်လုံးခြောက်(၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၆၀၀၀) ၊ အာပြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)၊ ငါးကျည်း ခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာ လျှင် ကျပ်(၁၂၀၀၀ မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀) ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်းအဖွဲ့များ၊ အစုအဖွဲ့များ ဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း၊ တန်စာရင်းတို့ကိုလည်း အပတ်စဉ်၊ လစဉ် တင်ပြလျက်ရှိပါသည်။

    ကန့်ဘလူပွဲရုံများအနေဖြင့် ဧပြီလနှင့် မေလ လဆန်းပိုင်းတို့တွင် အရောင်းအဝယ်ဖြစ်နေသော သီးနှံအမျိုးအစားနှင့် ဈေးနှုန်းများ အရောင်းအဝယ် ဖြစ်မှုအခြေအနေမျာမှာ ပဲစဉ်းငုံ (၁၅၀)တင်း/(၁၄.၇၀)တန် တောင်သူမျိုးကျန်များ ရောင်းချချိန်ဖြစ်သည့်အတွက် အဝင်နည်းသော အချိန်ဖြစ်ကာ အရောင်းအဝယ်ဖြစ်ကြောင်း ဈေးနှုန်းမှာတစ်တင်းလျှင် (၇၄၀၀၀)ကျပ် ပေါက်ဈေး ရှိပါသည်။ ကုလားပဲ အမျိုးအစား (၄)မျိုးရှိပြီး v2 အမျိုးအစား (၄၀၀)တင်း/(၁၂.၄၁)တန် ဈေးနှုန်းမှာ တစ်တင်းလျှင်(၆၉၅၀၀)ကျပ်နှုန်း ၊ v7အမျိုး အစား(၇၀)တင်း/(၂.၁၇)တန်ဈေးနှုန်း တစ်တင်းလျှင် (၇၀၀၀၀)ကျပ်နှုန်း၊ ထိုင်ဝမ် အမျိုးအစာ (၁၀၀)တင်း/(၃.၁၀)တန် ဈေးနှုန်း တစ်တင်းလျှင်(၆၆၀၀၀)ကျပ်နှုန်း၊ 929အမျိုးအစား တင်း(၉၀၀) /တန်(၂၇.၉၄)တန် ဈေးနှုန်း တစ်တင်းလျှင်(၆၈၅၀၀)ကျပ်နှုန်း ပေါက်ဈေးရှိပြီး၊ မတ်ပဲ တင်း(၇၀၀) /တန်(၆၈.၆၂) ဈေးနှုန်း တစ်တင်းလျှင်(၆၈၀၀၀)ကျပ်နှုန်း ၊ ပဲတီစိမ်း(ရွှေဝါ) တင်း(၅၄၀)၊ (၁၅.၈၈) တန် ယခု မေလဆန်းမှ စတင်ပေါ်သော သီးနှံဖြစ်ပြီး အဝင်တင်း နည်းသေးကြောင်း ဈေးနှုန်းမှာ အလုံးအကြီး တစ်တင်း လျှင်(၇၀၀၀၀)ကျပ်၊ အလုံးသေး တစ်တင်းလျှင်(၆၈၀၀၀)ကျပ် ပေါက်ဈေးရှိပါသည်။  ထို့နောက် မေလဆန်းတွင်  ပဲကြီး စတင်ပေါ်လာပြီး အဝင် တင်း(၃၅၀)၊ (၁၀.၂၉)တန် ဈေးနှုန်းမှာ(၇၅၀၀၀) ကျပ် ပေါက်ဈေးရှိကာ အရောင်းအဝယ် ဖြစ်လျက်ရှိပြီး ၊ မြေပဲ အဆံ ယခု မေလဆန်းတွင် တင်း(၁၀၀)ခန့် ပွဲရုံသို့ အဝင်ရှိပြီး ပေါက်ဈေးမှာ တစ်တင်းလျှင်(၁၀၀၀၀၀)ရှိပြီး၊ မြေပဲ အတောင့် (၃၀၀)ခန့် အဝင်ရှိကာ ပေါက်ဈေးမှာ(၂၈၀၀၀)ဈေးရှိပါသည်။ ယခင် ဧပြီလဝက်နှင့် ယခု မေလဆန်းပိုင်းတွင် ကြက်သွန်နီ ပိသာ(၁၈၀၀) ခန့် အဝင်ရှိပြီး ပေါက်ဈေးမှာ ကြက်သွန် အသေး/ အကြီးပေါ် မူတည်၍ တစ်ပိသာလျှင်(၁၇၀၀/၂၀၀၀/၂၂၀၀)ထိ ရှိကြောင်းနှင့် မူးမြစ်ကမ်းဘေး တလျှောက်  ကျွန်းထဲစိုက်သည့် ကျေးရွာများမှ ထွက်ရှိပါသည်။ ထိုနည်းတူ ငရုတ်သီးခြောက် များကိုလည်း  နဒေါင်းကျကျေးရွာ၊ ညောင်ပင်ကြီးကျေးရွာ၊ မိုးကောင်းကျေးရွာ၊ ကမ်းဘဲကျေးရွာများမှ ထွက်ရှိပြီး ဈေးကောင်းရရှိသဖြင့် ပွဲရုံသို့ လာရောက်ရောင်းချကာ ပိသာ(၇၀၀)ခန့်ရှိပီဖြစ်ပြီး ပေါက်ဈေးမှာ အမျိုးအစားအလိုက် (၁၈၀၀၀/၂၂၀၀၀/၂၄၀၀၀/၂၆၀၀၀)ထိ အစားစားရှိပြီး ပွဲရုံသို့ ဝင်ရောက်လာသော သီးနှံများကို မန်းလေးမြို့ ဇောတိကပွဲရုံသို့ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၅/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

      တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကို ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

       ၂၀၂၃ ခုနှစ် မေလ (ပထမပတ်)တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာ 50kg တစ်အိတ်လျှင်(၁၄၄၀၀ဝိ/-)ကျပ် ၊ MCတံဆိပ် (၁၅:၁၅:၁၅) ကွန်ပေါင်းဓါတ်မြေဩဇာ 50kg တစ်အိတ်လျှင်(၁၂၅၀၀ဝိ/-) ကျပ်၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာ 50kg တစ်အိတ်လျှင်(၇၀၅၀ဝိ/-) ကျပ်၊ အာမို၊ ပုလဲတံဆိပ် ကွန်ပေါင်းဓါတ်မြေဩဇာ 50kg တစ်အိတ်လျှင်(၇၃၅၀ဝိ/-) ကျပ်၊ ပန်းဖူးတံဆိပ် ဓါတ်မြေဩဇာ 50kg တစ်အိတ်လျှင်(၇၀၀၀ဝိ/-) ကျပ် ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/စားသေ(အဆိပ်ငွေ့) 1Literတစ်ဘူးလျှင်(၁၅၅၀ဝိ/-) ကျပ် ၊ ဒီမွန် 1.8 တံဆိပ် ထိသေ/စားသေ(အဆိပ်ငွေ့) 500cc တစ်ဘူးလျှင်(၁၂၅၀ဝိ/-) ကျပ်၊ ငှက်ကြီးတောင် တံဆိပ် ထိသေ/စားသေ(အဆိပ်ငွေ့) 250cc တစ်ဘူးလျှင်(၂၈၅၀ဝိ/-) ကျပ်၊ ဆိုင်ကလုံးတံဆိပ် ပင်လုံးပြန့် 1Liter တစ်ဘူးလျှင်(၂၉၅၀ဝိ/-) ကျပ်၊ အင်ဖာနိုတံဆိပ် ပင်လုံးပြန့် 500g တစ်ဘူးလျှင် (၉၀၀ဝိ/-) ကျပ် ဖြစ်ကြောင်း၊ ယခုတစ်ပတ်အတွင်း ဓါတ်မြေဩဇာနှင့် ပိုးသတ်ဆေးဈေးနှုန်းများ အနည်းငယ်ကျဆင်းသော်လည်း နွေစပါးနှင့်နွေသီးနှံများစိုက်ပျိုးထားချိန်ဖြစ်၍ အရောင်းအဝယ်ဖြစ်လျက်ရှိကြောင်း ဓါတ်မြေဩဇာ အရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)