ပြည်တွင်းကုန်သွယ်မှုသတင်း

          တောင်ငူမြို့နှင့် အနီးတဝိုက်တွင် ထန်းပင်ထန်းတောများ ပေါများစွာရှိရာ ထန်းပင်များကို အမှီပြု၍ အပိုဝင်ငွေရရှိသော လုပ်ငန်းများအနက် ထန်းလက်ကုလားထိုင်လုပ်ငန်းလည်း တစ်ခု အပါ အဝင်ဖြစ်ပါသည်။

           တောင်ငူမြို့ အနောက်ဖက် ကံလှကျေးရွာနေ တောင်သူလယ်သမား မိသားစုများသည် လယ်ယာလုပ်ငန်းခွင်မှ အားလပ်သည့် အချိန်များတွင် ထန်းလက်ကုလားထိုင်ပြုလုပ်ရောင်းချခြင်း ဖြင့် အပိုဝင်ငွေရရှိကြပါသည်။

      ထန်းလက်ကုလားထိုင်ပြုလုပ်ရန်အတွက် ထန်းကြီးလက်များကို ထန်းပင်များမှ ခုတ်ယူပြီး နေပူခံကာ အခြောက်လှန်းထားရပါသည်။ ယင်းသို့ နေပူခံကာ အခြောက်လှန်းထားသော ထန်းလက်များဖြင့် ပြုလုပ်သော ပက်လက်ကုလား ထိုင်များသည် ရေရှည်ခိုင်ခန့်မှုရှိပါသည်။ ထန်းလက်ကုလားထိုင် ၁ လုံးတွင် ထန်းလက် ၂၀ ခန့်အသုံးပြုရကြောင်း သိရပါသည်။ ထန်းလက် ကုလားထိုင်များကို ထန်းသားများဖြင့် သီးသန့်ပြုလုပ်ကာ ရောင်းချသူများရှိသလို ထန်းသားနှင့် ဝါးရော၍ ပြုလုပ်ပြီး ရောင်းချသူများလည်းရှိပါသည်။

              ထန်းသားသီးသန့်ဖြင့် ပြုလုပ်ထားသော ကုလားထိုင်များသည် ဝါးနှင့်ရော၍ ပြုလုပ်ထား သည့် ကုလားထိုင်များထက် ပိုမိုခိုင်ခံ့ပြီး  ဈေးပိုရကြကြောင်း၊ ထန်းလက်ကုလားထိုင်များကို မှာယူ သူများသို့ ၁ လုံးလျှင် ငွေ ၁၀၀ဝဝ ကျပ်ဖြင့်ရောင်းချကြောင်း သိရှိရပါသည်။

DOCA(ပဲခူး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

   ရွှေဘိုခရိုင်အနေဖြင့် စိုက်ပျိုးရေးကို အဓိကဆောင်ရွက်သော ခရိုင်တစ်ခုဖြစ်သဖြင့် စိုက်ပျိုးရေး လုပ်ငန်းတွင် အဓိကအသုံးပြုရသည့် ဓါတ်မြေဩဇာနှင့် ပိုးသတ်ဆေးဈေးနှုန်းများကို အရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းခဲ့ရာ ဒီဇင်ဘာလ၊ ပထမပတ်တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာ 50kgတစ်အိတ်လျှင်(၁၅၄၀၀ဝိ/-)၊ MCတံဆိပ် (၁၅:၁၅:၁၅) ကွန်ပေါင်းဓါတ်မြေဩဇာ 50kg တစ်အိတ်လျှင် (၁၄၆၀၀ဝိ/-)၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာ50kg တစ်အိတ်လျှင်(၇၅၀၀ဝိ/-)၊ အာမို၊ ပုလဲတံဆိပ် ကွန်ပေါင်းဓါတ်မြေဩဇာ 50kg တစ်အိတ်လျှင်(၈၄၀၀ဝိ/-)၊ ပန်းဖူးတံဆိပ် ဓါတ်မြေဩဇာ 50kg တစ်အိတ်လျှင်(၇၃၀၀ဝိ/-)ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/စားသေ (အဆိပ်ငွေ့) 500cc တစ်ဗူးလျှင် (၁၃၀၀ဝိ/-)၊ ဒီမွန် 1.8 တံဆိပ် ထိသေ/စားသေ(အဆိပ်ငွေ့) 500cc တစ်ဗူးလျှင် (၁၃၃၀ဝိ/-)၊ ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 250ccတစ်ဗူးလျှင် (၃၉၅၀ဝိ/-)၊ ဇိုင်ကလုံးတံဆိပ် ပင်လုံးပြန့် 1Liter တစ်ဗူးလျှင်(၂၄၀၀ဝိ/-)ဖြစ်ကြောင်း သတင်းရရှိပါသည်။

DOCA(စစ်ကိုင်း)

   ယာကွန်ဥ (ခေါ်) ရေကန်စွန်းဥသည် ယခုလို မိုးအကုန်ဆောင်းအကူးတွင် ထွက်ရှိသော ရှမ်းပြည်ဒေသထွက် ပေါ်ဦးပေါ်ဖျား ရာသီစာတစ်မျိုးဖြစ်သည်။ ယာကွန်ဥ၏ ထူးခြားချက်မှာ ရိုးရိုးကန်စွန်းဥများကဲ့သို့ ပြုတ်စားစရာမလိုဘဲ အခွံခွာ၍အစိမ်းစားရသော ဥတစ်မျိုး ဖြစ်သည်။ ထိုယာကွန်ဥ၏ အရသာမှာ သစ်တော်သီးအစေ့လွတ် (သို့မဟုတ်) ပဲစီမ်းစားဥ ကဲ့သို့ အရသာဆင်ပေသည်။ အရည်ရွှမ်းပြီးချိုသောအရသာရှိသောကြောင့် အသားအရည်စိုပြေစေပြီး၊ ယခုလို အသားအရည်ခြောက်ကပ်စေသော ဆောင်းရာသီနှင့်အလိုက်ဖက်ဆုံးသော ဆေးဖက်ဝင်ဥတစ်မျိုးဖြစ်ပေသည်။ ထိုဥသည် ကျန်းမာရေးအတွက်လည်းများစွာ အထောက်အကူပြုပေသည်။ ယာကွန်ဥ (ခေါ်) ရေကန်စွန်းဥကို စားသုံးခြင်းဖြင့် ရရှိနိုင်သော အကျိုးကျေးဇူးများမှာ သွားပိုးစားခြင်းကို ကာကွယ်ပေးခြင်း၊ ဝမ်းမှန်/ ဆီးမှန်စေခြင်း၊ ခန္ဓာကိုယ်အတွင်းရှိ မကောင်းသော အဆီဓါတ်များကို ဖယ်ရှားပေးခြင်း၊ သွေးအတွင်းရှိ အချိုဓါတ်များကို လျော့နည်းစေခြင်း၊ အမျှင်ဓါတ်ပါ၍ အူမကြီးကင်ဆာဖြစ်စေခြင်းမှ ကာကွယ်ပေးခြင်း၊ အရွက်ကို (လက်ဖက်ခြောက်) အနေဖြင့် သောက်သုံးပါက သွေးသန့်စေခြင်း၊ သွေးတိုး၊ ဆီးချိုသမားများအတွက် သင့်တော်သော ရာသီစာ သစ်ဥသစ်ဖုဖြစ်သောကြောင့် အစာလည်းဆေး၊ ဆေးလည်းအစာအဖြစ် စားသုံးနိုင်ပေသည်။ ဈေးကွက်အနေဖြင့် တစ်ပိဿာ (၂၅ဝဝိ/-)ကျပ်မှ (၃၀၀ဝိ/-)ကျပ် အထိရောင်းချလျက်ရှိကြပေသည်။ ယာကွန်ဥကို ရှမ်းပြည်နယ် (တောင်ပိုင်း) နောင်တရားမြို့နယ်တွင် အများဆုံးစိုက်ပျိုးကြောင်း သိရှိရပါသည်။ ဒေသခံများအနေဖြင့် ဈေးထဲတွင်လည်ကောင်း၊ Online ရောင်းချသူများထံတွင်လည်ကောင်း အလွယ်တကူ ဝယ်ယူရရှိနိုင်ပြီး ကျန်မြို့များမှ မှာယူလိုပါက ကားဂိတ်များမှတစ်ဆင့် ရောင်းချပေးလျက်ရှိကြပေသည်။ ထိုကြောင့် ယခုလိုဆောင်းရာသီတွင် စားပေးသင့်သော ဆေးဖက်ဝင်ရာသီစာ တစ်မျိုးဖြစ်သည်ဟု အကြံပြုရေးသားတင်ပြလိုက်ရပေသည်။

DOCA(ရှမ်း)

   ၁၃.၁၂.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

      ၂၀၂၃ ခုနှစ်၊ ဒီဇင်ဘာလ ဒုတိယပတ်အတွင်း ကန့်ဘလူ၊ ကျွန်းလှမြို့တို့တွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် (၅၂၀၀)ကျပ်၊ ဧရာမင်း တစ်ပြည် (၅၂၀၀)ကျပ်ဖြင့် တည်ငြိမ်ပြီး အရောင်းအဝယ်ဖြစ်လျက်ရှိပါသည်။ ကြက်သွန်နီ လက်လီဈေးမှာ အကြီး /အသေးပါ်မူတည်၍ တစ်ပိဿာလျှင်(၄၈၀၀/၅၀၀၀)ကျပ် ၊ကြက်သွန်ဖြူ လက်လီဈေးမှာ(ဗမာ) အလုံးကြီး တစ်ပိဿာ(၁၅၀၀၀)ကျပ် ၊ အလုံး သေး တစ်ပိဿာ (၁၄၀၀၀)ကျပ် ၊ ကြက်သွန်ဖြူ (ကြူကုတ်) တစ်ပိဿာ (၁၅၀၀၀) ကျပ် ၊ဂျင်း တစ်ပိဿာလျှင် (၅၀၀၀) ကျပ်၊ ငရုတ်သီးခြောက် တစ်ပိဿာ (၁၅၀၀၀)ကျပ် ၊ အာလူး အသေး/အကြီး အမျိုးအစား အလိုက် တစ်ပိဿာ (၃၅၀၀/၃၀၀၀)ကျပ် ဖြင့် အရောင်းအဝယ် ဖြစ်လျက်ရှိ ပါသည်။

      ငရုတ်သီးစိမ်း တစ်ပိဿာ (၄၅၀၀)ကျပ် ၊ ခရမ်းချဉ်သီး တစ်ပိဿာအကြီး/ အသေးပေါ်တူတည်ပြီး (၂၀၀၀/၂၂၀၀)ကျပ် ၊ ခရမ်းသီး  တစ်ပိဿာ (၈၀၀) ကျပ် ၊ ပန်းဂေါ်ဖီ တစ်ပွင့်  (၁၈၀၀/၁၅၀၀) ကျပ် ၊ ဂေါ်ဖီထုတ် တစ်ထုတ် လျှင် (၁၈၀၀/၂၀၀၀) ကျပ် ၊ ခါကြက်ဥ(တရုတ်) တစ်ပိဿာ (၆၀၀၀)ကျပ် ၊ ခါကြက်ဥ (ဗမာ) တစ်ပိဿာလျှင် (၄၀၀၀)ကျပ် ၊ သံပုရာသီး တစ်လုံးလျှင် (၁၅၀) ကျပ် မှ (၃၀၀) ကျပ် ၊ ကန်ဇွန်းရွက် တစ်စီးလျှင် (၁၅၀) ကျပ်၊ ပဲတောင့်ရှည် တစ်စီးလျှင်(၂၀၀/၂၅၀)ကျပ်နှုန်းဖြင့် အရောင်းအဝယ်ဖြစ်နေကြောင်း သိရှိရ ပါသည် ။

      ကြက်ဥ လက်လီဈေးနှုန်းမှာ (အကြီး)တစ်လုံး (၂၅၀)ကျပ်၊ (အသေ)တစ်လုံး (၂၃၀) ကျပ် ၊ ဘဲဥ တစ်လုံ (၂၅၀)ကျပ်ရှိသည်။  ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) (၁၂၀၀၀) ကျပ် ၊ ကြက်သား(ဗမာ) (၁၃၀၀၀)ကျပ်  ၊ ဝက်သား တစ်ပိဿာ (၁၆၅၀၀) ကျပ် ၊ အမဲသား တစ်ပိဿာ (၁၄၀၀၀) ကျပ်ဖြင့် အရောင်းအဝယ်ဖြစ်လျက်ရှိပါသည်။ ငါးကြင်း အကောင်လိုက် တစ်ပိဿာ (၉၀၀၀) ကျပ်၊ ငါးကြင်းခုတ်သားဈေးမှာ တစ်ပိဿာ  (၁၆၀၀၀) ကျပ်၊ တီလားဗီးယားငါး အသေး တစ်ပိဿာ (၆၀၀၀)ကျပ် ၊ အကြီး တစ်ပိဿာ (၈၀၀၀)ဖြင့် အရောင်းအဝယ် ဖြစ်လျက်ရှိပြီး စားသုံးဆီဈေးနှုန်းများအနေဖြင့် မြေပဲဆီသန့် တစ်ပိဿာလျှင် (၁၄၀၀၀)ကျပ်၊ စားအုန်းဆီ တစ်ပိဿာလျှင် (၅၈၀၀) ကျပ်ဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

    ဒီဇင်ဘာလ ဒုတိယပတ်အတွင်း အခြေခံစားကုန်ဈေးနှုန်းများအား ယခင်အပတ်ဈေးနှုန်းများ နှင့် နှိုင်းယှဉ်ကြည့်လျှင် အခြားအခြေခံစားကုန်ဈေးနှုန်းများ ကွာဟမှုမရှိကြောင်းနှင့် အသားဈေးများ တည်ငြိမ်လျက်ရှိနေပြီး၊ ငါးဈေးနှုန်းများ အနည်းငယ်လျော့ကျလာသည်။ ကြက်သွန်နီ/ကြက်သွန်ဖြူဈေးနှုန်း အနည်းငယ် မြင့်တက်လာကာ အသီးအနှံဈေးများ အနည်းငယ်လျော့ကျလျက်ရှိကြောင်း ကန့်ဘလူမြို့မဈေး ရောင်းချသူများထံမှ သိရှိရပါသည်။

DOCA(စစ်ကိုင်း)