ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအားထားလုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင် အထွက်နှုန်းများ ပိုမိုကောင်းမွန်စေရေးအတွက် စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများကို စိုက်ပျိုးသူတောင်သူများ ဝယ်ယူအသုံးပြုလျက်ရှိကြောင်း သိရသည်။

   ကန့်ဘလူခရိုင်အတွင်းရှိ စိုက်ပျိုးသူတောင်သူများ ဝယ်ယူအသုံးပြုလျက်ရှိသော စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများ၏ ဒီဇင်ဘာလ ဒုတိယပတ်အတွင်း ဖြစ်ပေါ်နေသော ဈေးနှုန်းများမှာ ပန်းဖူး(50)kg တစ်အိတ်လျှင် (၈၈၀၀၀)ကျပ်၊ မျှားကမ္ဘာ(50)kg တစ်အိတ်လျှင် (၇၇၀၀၀)ကျပ်၊ ကွန်ပေါင်း(10:10:5) (50)kg တစ်အိတ်လျှင်(၇၇၀၀၀)ကျပ်၊ ကွန်ပေါင်း (15:15:15) (50)kg တစ်အိတ်လျှင်(၁၆၅၀၀၀)ကျပ်၊ ပိုတက် (50)kg တစ်အိတ်လျှင် (၁၂၃၀၀၀)ကျပ်နှင့် ရွှေတောနစ် (၅၀၀)စီစီ တစ်ဘူးလျှင် (၁၂၀၀၀)ကျပ်၊ မိုရယ်လ်မုန်း (၅၀၀)စီစီ တစ်ဘူးလျှင် (၂၅၅၀၀) ကျပ်၊ ဟတ်ကာ(၅၀၀)စီစီ တစ်ဘူးလျှင် (၂၄၅၀၀)ကျပ် ၊ AP ဇာပြာ (၅၀၀)စီစီ တစ်ဘူးလျှင် (၂၁၀၀၀)ကျပ်ဖြင့် ရောင်းချလျက်ရှိကြောင်း စိုက်ပျိုးရေးသုံးဆေးနှင့် ဆေးပစ္စည်း ရောင်းချသည့် လုပ်ငန်းရှင်ထံမှ သိရသည်။

DOCA(စစ်ကိုင်း)

   ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ပါဝင်သော  ကွင်းဆင်းစစ်ဆေးရေးအဖွဲ့သည် မွန်ပြည်နယ်ဆီ ကုန်သည်နှင့်ဆီလုပ်ငန်းရှင်များအသင်းမှ ဘီးလင်းမြို့နယ်အတွက် ခွဲဝေရရှိထားသော (၁၁) ကြိမ်မြောက် စားဆီပေပါ (၁၄) ပေပါ (၁၅၄၀ ပိဿာ) အား ဘီးလင်းမြို့နယ်လုပ်ငန်းရှင်များက  ဘီးလင်းမြို့နယ်ရှိ ရပ်ကွက်/ကျေးရွာများတွင် (၄-၁၂-၂၀၂၃) ရက်နေ့မှ (၆-၁၂-၂၀၂၃) ရက်နေ့အထိ  ဆီရောင်းချနေမှုအား ကြီးကြပ်ဆောင်ရွက်ခဲ့ကြောင်းသိရှိရပါသည်။

   ထိုသို့ကြီးကြပ်ဆောင်ရွက်ရာတွင် မွန်ပြည်နယ်ဆီကုန်သည်နှင့်ဆီလုပ်ငန်းရှင်များအသင်းမှခွဲဝေရရှိသော ဆီများအား ဘီးလင်းမြို့နယ်လုပ်ငန်းရှင်များက ရပ်ကွက်/ကျေးရွာများရှိ ပြည်သူများအားရောင်းချရာတွင် တစ်ပိဿာလျှင် (၅၅၀၀) ကျပ်ဖြင့် လူတစ်ဦးလျှင် တစ်ပိဿာနှုန်းဖြင့်ရောင်းချခဲ့ရာ စားသုံးသူများ စိတ်ကျေနပ်စွာဝယ်ယူခွင့်ရရှိခြင်းရှိ/မရှိ၊ သတ်မှတ်ရည်ညွှန်းဈေးနှုန်းဖြင့် ရောင်းချခြင်းရှိ/မရှိ၊ သတ်မှတ်အရေအတွက်အတိုင်း ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

DOCA(မွန်)

     ၂၀၂၃ခုနှစ်၊ ဒီဇင်ဘာလ(ပထမပတ်)တွင် မွန်ပြည်နယ်၊ မော်လမြိုင်မြို့၊ အမှတ်(၁)ဈေးကြီး၌ရောင်းချလျက်ရှိသော ငါးခြောက်အမယ်များမှာ ငါးနှပ်ခြောက်(အာဗြဲခြောက်)၊ ငါးပုပ်ခြောက်၊ ငါးနီတူခြောက်၊ ငါးလိပ်ကျောက်ခြောက်၊ ငါးရွှေခြောက်၊ ငါးအူမြင်းခြောက်၊ ငါးကွင်းဆက်ခြောက်၊ ငါးတံခွန်ခြောက် (အကောင်သေး)၊ ငါးတံခွန်ခြောက်ခွဲခြမ်း၊ ငါးဖောင်ရိုးခြောက်၊ ငါးစာပြက်၊ ငါးစင်ရိုင်းခြောက်၊ ပုစွန်ခြောက်(အကြီး)၊ ပုစွန်ခြောက်(အလတ်)၊ ပုစွန်ခြောက်(အသေး)၊ ပုစွန်ခြောက် အခွံပါအမှုန့်ခြောက်တို့ဖြစ်သည်။

     ၎င်းငါးခြောက်အမယ်စုံ၏ဈေးနှုန်းများမှာ ငါးနှပ်ခြောက်(အာဗြဲခြောက်)(အကြီး)တစ်ပိဿာလျှင် ကျပ်၄၀၀၀၀၊ ငါးနှပ်ခြောက်(အာဗြဲခြောက်)(အလတ်) တစ်ပိဿာလျှင် ကျပ်၃၂၀၀၀၊  ငါးနှပ်ခြောက်(အာဗြဲခြောက်)(အသေး) တစ်ပိဿာလျှင် ကျပ်၂၃၀၀၀၊ ငါးပုပ်ခြောက်တစ်ပိဿာလျှင် ကျပ်၂၅၀၀၀၊   ငါးနီတူခြောက်တစ်ပိဿာလျှင် ကျပ်၂၀၀၀၀၊   ငါးလိပ်ကျောက်ခြောက် တစ်ပိဿာလျှင် ကျပ်၂၄၀၀၀၊  ငါးရွှေခြောက်တစ်ပိဿာလျှင် ကျပ်၁၈၀၀၀၊  ငါးအူမြင်းခြောက်တစ်ပိဿာလျှင် ကျပ်၂၀၀၀၀၊   ငါးကွင်းရှပ်ခြောက်(အကြီး) တစ်ပိဿာလျှင် ကျပ်၄၂၀၀၀၊ ငါးကွင်းရှပ်ခြောက်(အလတ်)တစ်ပိဿာလျှင် ကျပ်၃၇၀၀၀၊ ငါးကွင်းဆက်ခြောက် (အသေး) တစ်ပိဿာလျှင် ကျပ်၂၂၀၀၀မှ ၃၀၀၀၀ကျပ်အတွင်း၊ ငါးတံခွန်ခြောက်(အကောင်သေး) တစ်ပိဿာလျှင် ကျပ်၁၂၀၀၀မှ ကျပ်၁၃၀၀၀အတွင်း၊ ငါးတံခွန်ခြောက်ခွဲခြမ်းတစ်ပိဿာလျှင် ကျပ်၁၂၀၀၀၊  ငါးဖောင်ရိုးခြောက်တစ်ပိဿာလျှင် ကျပ်၁၈၀၀၀၊ ငါးစာပြက်တစ်ပိဿာလျှင်  ကျပ်၂၁၀၀၀မှ ကျပ်၂၂၀၀၀အတွင်း၊ ငါးစင်ရိုင်းခြောက်တစ်ပိဿာလျှင် ကျပ်၂၂၀၀၀၊ ပုစွန်ခြောက် (အကြီး) တစ်ပိဿာလျှင် ကျပ် ၇၀၀၀၀၊  ပုစွန်ခြောက် (အလတ်) တစ်ပိဿာလျှင် ကျပ်၆၀၀၀၀၊  ပုစွန်ခြောက် (အသေး)တစ်ပိဿာလျှင် ကျပ်၅၄၀၀၀၊ ပုစွန်ခြောက်အခွံပါ အမှုန့်ခြောက်တစ်ပိဿာလျှင် ကျပ်၂၂၀၀၀တို့ဖြစ်သည်။ အဆိုပါငါးခြောက်ဈေးနှုန်းများမှာ အပတ်စဉ်လိုက် အနည်းငယ်အပြောင်းအလဲရှိနိုင်ကြောင်းသိရှိရပါသည်။

DOCA(မွန်)

   မော်လမြိုင်မြို့ အေးသာယာဈေး၌ ဒီဇင်ဘာလ (ပထမပတ်)တွင် ရောင်းချသည့်အမယ်မျိုးစုံများမှာ ခရမ်းချဉ်သီး၊ ဂေါ်ဖီထုပ်၊ အာလူး၊ မုန်လာဥနီ၊ မုန်လာဥဖြူ၊ ရွှေဖရုံသီး၊ ဘူးသီး၊ သခွားသီး၊ ရုံးပလေသီး၊ ကြက်ဟင်းခါးသီး၊ ပဲထောင့်ရှည်၊ ကန်စွန်းရွက်၊ ချဉ်ပေါင်ရွက်၊ မြင်းခွာရွက်၊ မုန်ညှင်း၊ ခရမ်းသီး၊ သံပရာသီး၊ ပန်းသီး၊ နဂါးမောက်သီး၊ လိမ္မော်သီး၊ ကန်စွန်းဥ၊ ပိန်းဥ၊ အာတာလွတ်တို့ရောင်းချလျက်ရှိသည်။

    အဆိုပါကုန်စည်များ၏ ဈေးနှုန်းအခြေအနေမှာ ခရမ်းချဉ်သီးတစ်ပိဿာလျှင် ကျပ်၂၀၀၀၊ ဂေါ်ဖီထုပ်တစ်ထုပ်လျင် ကျပ်၂၀၀၀၊ အာလူးတစ်ပိဿာလျှင် ကျပ်၃၅၀၀၊ မုန်လာဥနီ တစ်ပိဿာလျှင် ကျပ်၅၀၀၀၊ ရွှေဖရုံသီးတစ်လုံးလျှင် ကျပ်၁၅၀၀၊ ဘူးသီးတစ်လုံးလျှင် ကျပ်၂၀၀၀၊ မုန်ညင်းတစ်ထုပ်လျှင် ကျပ်၁၂၀၀၊ ရုံးပတီသီးတစ်ပိဿာလျှင် ကျပ်၃၀၀၀၊ ကြက်ဟင်းခါးသီးတစ်ပိဿာလျှင် ကျပ်၂၀၀၀၊ ပဲထောင့်ရှည်တစ်စည်းလျှင် ကျပ်၂၅၀၀၊ ကန်စွန်းရွက်တစ်စည်းလျှင် ကျပ်၂၀၀၊ မြင်းခွာရွက်တစ်စည်းလျှင် ကျပ်၂၀၀၊ ချဉ်ပေါင်ရွက် တစ်စည်းလျှင် ကျပ်၁၀၀၊ ခရမ်းသီးတစ်ပိဿာလျှင် ကျပ်၃၀၀၀၊ ပန်းသီးတစ်လုံးလျှင် ကျပ်၁၀၀မှ ကျပ်၁၅၀၀အတွင်း၊  နဂါးမောက်သီးတစ်လုံးလျှင် ကျပ်၂၅၀၀၀မှ ကျပ်၃၅၀၀၊ သံပရာသီး တစ်လုံးလျှင် ကျပ်၂၀၀မှ ကျပ်၃၅၀အတွင်း၊ လိမ္မော်သီးတစ်ကီလိုလျှင် ကျပ်၄၀၀၀မှ ကျပ်၇၀၀၀အတွင်း၊ ကန်စွန်းဥတစ်ပိဿာလျှင် ကျပ်၂၅၀၀၊ ပိန်းဥတစ်ပိဿာလျှင် ကျပ်၄၀၀၀၊  အာတာလွတ်တစ်ပိဿာလျှင် ကျပ်၂၀၀၀ဖြစ်ကြောင်းသိရှိရပါသည်။

DOCA(မွန်)

    ရွှေဘိုမြို့ ၊အမှတ်(၁၀)ရပ်ကွက်ရှိ ကုန်းဘောင်ဈေးတွင် ဒီဇင်ဘာလ ပထမပတ်တွင် ဖြစ်ပေါ်ခဲ့သော သစ်သီးဝလံ ဈေးနှုန်းများမှာ တောင်ကြီးမြို့နှင့်  ပြင်ဦးလွင်မြို့မှ ထွက်ရှိသည့် ထောပတ်သီး တစ်လုံးလျှင် (၅၀၀)ကျပ်မှ (၁၃၀၀)ကျပ်ထိ၊ ပန်းသီးတစ်လုံးလျှင် (၈၀၀)ကျပ်မှ (၃၀၀၀)ကျပ်ထိ၊ ပန်းသစ်တော်သီး တစ်လုံးလျှင် (၃၀၀၀)ကျပ်၊ မန္တလေး ပွဲရုံများမှ မှာယူရောင်းချသည့် ပျားလိမ္မော် တစ်ပိဿာလျှင် (၁၀၀၀၀)ကျပ်၊ရွှေလိမ္မော် တစ်ပိဿာလျှင် (၁၀၀၀၀)ကျပ်၊ ကျွဲကောသီး တစ်လုံးလျှင် (၂၅၀၀)ကျပ်၊ ဩဇာသီး တစ်လုံးလျှင် (၃၀၀)ကျပ်မှ (၅၀၀)ကျပ်ထိ၊ ဇီးပန်းသီး တစ်လုံး (၂၅၀)ကျပ်၊ သခွားမွှေး တစ်လုံးလျှင် (၃၀၀၀)ကျပ်၊ ရမည်းသင်း မြို့မှ ထွက်ရှိသည့် စပျစ်သီး အချွန်းသီး(အစေ့လွတ်) တစ်ပိဿာလျှင် (၁၆၀၀၀) ကျပ်၊ စပျစ်သီး အဝိုင်းသီး တစ်ပိဿာလျှင် (၁၄၀၀၀)ကျပ်၊ သလဲသီး တစ်လုံးလျှင် (၇၀၀) ကျပ်မှ (၁၃၀၀)ကျပ်ထိ၊ပင်မှည့်သီး တစ်လုံးလျှင် (၂၀၀)ကျပ်၊ ကဗ္ဗလာသီး တစ်လုံးလျှင် (၂၅၀)ကျပ်၊ ဆားတောင်မြို့ နှင့် ရွှေပန်းကုန်းရွာမှ ထွက်ရှိသည့် ငှက်ပျောသီး ဖီးကြမ်း တစ်ဖီးလျှင် (၂၀၀၀)ကျပ်၊ ဖရဲသီး တစ်လုံးလျှင် (၁၃၀၀)ကျပ်မှ (၂၀၀၀)ကျပ်ထိ၊ မာလကာသီး တစ်လုံးလျှင် (၃၅၀)ကျပ်၊ ဗန်းမော်မြို့မှ မှာယူရောင်းချသည့် သစ်ကြားသီး တစ်လုံးလျှင် (၁၅၀)ကျပ်ဖြင့် အသီးသီး အရောင်းအဝယ်ဖြစ်နေကြောင်း ကုန်းဘောင်ဈေးအတွင်း ရောင်းချသော သစ်သီးဆိုင်များမှ သတင်းရရှိသည်။

DOCA(စစ်ကိုင်း)