ပြည်တွင်းကုန်သွယ်မှုသတင်း

ကြက်မောက်သီးကို မြန်မာနိုင်ငံတောင်ပိုင်းဖြစ်သော ကရင်၊ မွန်၊ တနင်္သာရီတိုင်းတွင် အများဆုံးစိုက်ပျိုးကြကြောင်း သိရှိရပါသည်။ ကြက်မောက်သီးပင်၏ ထူးခြားချက်မှာ အဖိုပင် အမပင်ဟူ၍ နှစ်မျိုးရှိသည်။ ကြက်မောက်ပင်သည် မြေချဥ်များတွင် စိုက်ပျိုးမှုပိုမိုဖြစ်ထွန်းပြီး မေလ‌နောက်ဆုံးပတ်နှင့် ဇွန်လများတွင် အများဆုံးဖြစ်ထွန်းသော သီးနှံတစ်မျိုးလည်း ဖြစ်သည်။ ကြက်မောက်သီး မှည့်ချိန်တွင် ခူးဆွတ်ရန်မှာ ရက်ပေါင်း(၃၀)ခန့် လိုအပ်သည်။ ကြက်မောက်သီး စားသုံးခြင်းဖြင့် ကိုယ်အလေးချိန်ကျဆင်းခြင်း၊ အစာချေကောင်းမွန်စေခြင်း၊ ဆီးချိုရောဂါများကို ကော်းမွန်စေပါသည်။ ယခုမေလနောက်ဆုံးပတ်နှင့် ဇွန်လပတ်များတွင် ကြက်မောက်သီးများ ပိုမို ဖြစ်ထွန်းသောကြောင့် ဈေးကောင်းများရရှိကြောင်းလည်း သိရှိရပါသည်။
၂၀၂၅ခုနှစ်၊ ဇွန်လနောက်ဆုံးပတ်တွင် မြိတ်မြို့ပေါ်ရှိ ကြက်မောက်သီးဈေးနှုန်းမှာ ၁၃လုံး တစ်စည်းလျှင် (၁၀၀၀)ကျပ်သာရှိကြောင်း သိရှိရပါသည်။
DOCA(တနင်္သာရီ)

တနင်္သာရီတိုင်းဒေသကြီး မြိတ်မြို့နယ်တွင် တောင်ယာလုပ်ငန်းကို အများဆုံးလုပ်ကိုင်ကြ ပါသည့်အပြင် ရာသီပေါ်သီးနှံနှင့် စားဖိုဆောင်သီးနှံများကို အများအပြားစိုက်ပျိုးကြပါသည်။ စိုက်ပျိုးရေးလုပ်ငန်းများဖြစ်သည့် ကန်စွန်း၊ ခရမ်းသီး၊ ဘူးသီး၊ ပဲသီး အစရှိသည့် သီးနှံမျိုးစုံကို စိုက်ပျိုးကြပါသည်။ ကန်စွန်းရွက်ပင်ကို အိမ်တိုင်းလိုလိုစိုက်ပျိုးကြပါသည်။ ကန်စွန်းပင်သည် အပူပိုင်းဒေသတွင် ပေါက်ရောက်သော အပင်တစ်မျိုးလည်းဖြစ်ပါသည်။ ကန်စွန်းပင်သည် ရေထဲ (သို့မဟုတ်) စိုစွတ်သောမြေကြီးပေါ်တွင် ပေါ်လေ့ရှိပြီး ကန်စွန်းရိုးအဆစ်များမှ တစ်ဆင့်အမြစ် များထွက်ပြီး ပေါက်လေ့ရှိပါသည်။
၂၀၂၅ခုနှစ်၊ ဇွန်လနောက်ဆုံးပတ်တွင် မြိတ်မြို့ပေါ်ရှိ ကန်စွန်းရွက်ဈေးနှုန်းမှာ (၅၀၀) ကျပ်နှင့် (၆၀၀)ကျပ်ရှိကြောင်း သိရှိရပါသည်။
DOCA(တနင်္သာရီ)

တနင်္သာရီတိုင်း၊ မြိတ်ခရိုင်တွင် အုန်းပင်ကို ယခင်က စီးပွားဖြစ်စိုက်ပျိုးခဲ့ကြသော်လည်း ယခုအချိန်တွင် ပြည်တွင်းစားသုံးရန်အတွက်သာ တစ်နိုင်တစ်ပိုင်စိုက်ပျိုးလျက်ရှိသည်။ ကျန်းမာ ရေး အတွက်သာမက နွေရာသီတွင် လူသောက်သုံးများပြီး ထင်ပေါ်သည့်အသီးတစ်မျိုးဖြစ်သည်။ လက်လုပ်မုန့်အချိုပြုလုပ်ရာတွင်လည်းကောင်း အုန်သီးဂျယ်လီပြုလုပ်ရာတွင်လည်းကောင်း မပါ မဖြစ်သော အသီးဖြစ်သည်။ နွေရာသီတွင် စျေးကောင်းရရှိလျက်ရှိပြီး တစ်ခါတစ်ရံ အုန်သီးနု ရှားပါးသော ရာသီလည်းဖြစ်သည်။ အုန်းသီးကို အခြောက်အဖြစ်ကောက်ယူရောင်းချကြသလို အုန်းသီးအနုအဖြစ်လည်း ကောက်ယူရောင်းချကြသည်။ အပင်တက်ခ၊ သယ်ယူစရိတ်ပေါ်မူတည် ပြီး စျေးနှုန်း ပြောင်းလဲလျက်ရှိသည်။ အုန်းပင်မှ အုန်းသီးတစ်ခါကောက်လျှင် အပင်ကောက်ခကို အသီးအနည်းအများပေါ်မူတည်ပြီး ၃၀၀၀ကျပ်မှ ၅၀၀၀ကျပ်ထိ ရှိပြီး အုန်းသီးအဝယ်ဒိုင်များမှ အပင်ဖြတ် လာရောက်ဝယ်ယူပါက တစ်လုံးလျှင် ၁၀၀၀ကျပ် မှ ၁၅၀၀ကျပ်အထိရရှိကြသည်။
လက်ရှိ ဇွန်လစျေးနှုန်းအရ မြိတ်မြို့တွင် အုန်းသီးခြောက်စျေးနှုန်းမှာ ၄၅၀၀ ကျပ်ခန့်ရှိပြီး အုန်သီးအနုစျေးနှုန်းမှာ ၂၅၀၀ကျပ် ခန့်ဖြစ်ပေါ်နေကြောင်းသိရှိရသည်။ နွေရာသီရောက်လျှင် အုန်းသီးခြောက်စျေးနှုန်းမှာ ၅၅၀၀ ကျပ်ခန့်ရှိပြီး အုန်သီးအနုစျေးနှုန်းမှာ ၃၅၀၀ကျပ် ခန့်ထိ စျေးနှုန်းရရှိကြောင်း သိရှိရသည်။
DOCA(တနင်္သာရီ)

ကျွဲကောသီးသည် လူကြိုက်များပြီး ဈေးကောင်းရရှိလျက်ရှိကြောင်း သိရှိရပါသည်။ ကျွဲ ကောသီးကို ပဲခူး၊ ရန်ကုန်၊ မွန်ပြည်နယ်များ အများဆုံးစိုက်ပျိုးပြီး မွန်ပြည်နယ်၊ မော်လမြိုင်နှင့် တနင်္သာရီတိုင်း ထားဝယ်မြို့မှထွက်ရှိသော ကျွဲကောသီးများသည် ပို၍ထွက်ရှိကြောင်း သိရှိရပါသည်။ ကျွဲကောသီးသည် သဲနုံမြေတွင် စိုက်ပျိုးပြီး ဇွန်လနှင့် သြဂုတ်လတွင် ပိုမိုစိုက်ပျိုးကြောင်း သိရှိရပါသည်။ ကျွဲကောသီး စားသုံးခြင်းဖြင့် သွားနှင့် ခံတွင်းကို ပိုမိုကောင်းမွန်စေပြီး ကိုယ်ခန္ဓာ ကိုအားအင်ဖြစ်စေပြီး ကိုယ်အလေးချိန်ကို ထိန်းချုပ်ပေးခြင်းနှင့် သွေးဖိအားများကို အလွန်ပင် ကောင်းစေသော သီးနှံတစ်မျိုးဖြစ်သည်။
ယခုဇွန်လတွင် မြိတ်မြို့ပေါ်ရှိ ထွက်ပေါ်နေသော ကျွဲကောသီးဈေးနှုန်းများမှာ တစ်လုံး လျှင် ၅၀၀၀ ကျပ်ခန့်ရှိနေကြောင်း သိရှိရပါသည်။
DOCA(တနင်္သာရီ)

   စစ်ကိုင်းတိုင်း‌ဒေသကြီး၊ မုံရွာမြို့သည် စိုက်ပျိုးရေးလုပ်ငန်းများဖြစ်သည့် ရာသီစာ သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြပါသည်။ မုံရွာမြို့ပေါ်ရှိ ကျေးရွာများ နှင့် အခြားကျေးရွာများတွင် ကန်စွန်းရွက်များကို စိုက်ပျိုးကြပြီး မန်ကျဉ်းပင်ဈေးနှင့်သာစည် ဈေးများတွင် ရောင်းချကြကြောင်း သိရှိရပါသည်။

    ကန်စွန်းရွက်ကို ဟင်းချက်ပြုတ်ရာတွင်လည်ကောင်း၊ အထောင်းစုံရောင်းသည့် ဆိုင်များနှင့် စားသောက်ဆိုင်များမှ ဝယ်ယူကြသဖြင့် ကန်စွန်းရွက်များ အရောင်းအဝယ် ဖြစ် လျက်ရှိကြောင်း ကုန်စိမ်းရောင်းသူထံမှ သိရှိရပါသည်။ ၂၀၂၅ ခုနှစ်၊ ဇွန်လ တတိယပတ်တွင် ကန်စွန်းရွက် (၁)စည်းလျှင် ( ၃၀၀ )ကျပ်မှ (၂)စည်းလျှင်(၅၀၀)ကျပ် ရောင်ချလျက်ရှိရာ ယခု စတုတ္ထပတ်တွင် ကန်စွန်းရွက် (၁)စည်းလျှင်(၂၅၀)ကျပ်၊ (၃)စည်းလျှင်(၇၀၀) ကျပ်ဖြင့် ရောင်းချ လျက်ရှိပြီး ဈေးနှုန်းအနည်းငယ်ကျဆင်းသွားကြောင်း သိရှိရပါသည်။

DOCA(စစ်ကိုင်း)