ပြည်တွင်းကုန်သွယ်မှုသတင်း

     ကရင်ပြည်နယ် ဘားအံမြို့ရေပေါ်ဈေး ကုန်စိမ်းဈေးကွက်သို့  ကရင်ပြည်နယ်၊ မိန်းမလှကျွန်း ဒေသထွက် ရုံးပတီသီးများ ၂၀၂၅ ခုနှစ်၊ ဇွန်လ  တတိယအပတ်မှ စတင်၍ ဈေးကွက်ဝင်ရောက်၍  အရောင်းအဝယ်ဖြစ်လျက်ရှိကြောင်း သိရသည်။

     ကရင်ပြည်နယ်၊ ဘားအံမြို့ရှိ ရေပေါ်ဈေးတွင် ရုံးပတီသီးများကို လက်ကားဈေးနှုန်း တစ်ပိဿာလျှင် (၃၅၀၀)ကျပ်နှင့် လက်လီဈေးနှုန်း တစ်ပိဿာလျှင် (၄၀၀၀)ကျပ်နှုန်းတို့ဖြင့် အရောင်းအဝယ်ဖြစ်လျက်ရှိသောကြောင့်နှင့် ဈေးနှုန်းနှိုင်းယှဉ်ချက်များအရ ရုံးပတီသီး တစ်ပိဿာလျှင် (၅၀၀)ကျပ်ခန့် ယမန်နှစ်ထက်ဈေးနှုန်းပိုရခဲ့ကြောင်း သိရသည်။

DOCA(ကရင်)

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် မိုးရွာသွန်းမှုနှင့်အတူ သဘာ ဝဟင်းသီးဟင်းရွက်များ၊ ရာသီပေါ်စိုက်ပျိုးရေး ဟင်းသီးဟင်းရွက်များ ပေါများစွာရောင်းချနေသည် ကို ကန့်ဘလူမြို့မဈေးအနှံ မြင်တွေ့နေရပြီး တစ်နှစ်မှာတစ်ခါ မိုးရာသီအတွင်းမှာသာ တွေ့ရသည့် တစောင်းဖူးများလည်း ရောင်းချနေကြောင်း သိရှိရသည်။

          တစောင်းပင်သည် အိမ်ခြံစည်းရိုး၊ ယာခင်းခြံစည်းရိုးများတွင် ပေါက်ရောက်လေ့ရှိသည့် ကန္တာရဆူးပင် အမျိုးအစားဖြစ်ပြီး မိုးဦးကျပြီဆိုရင် တစောင်းပင်မှာ အဖူးများထွက်လာကြောင်း၊ တစောင်းဖူးကို ကြော်ချက်စားမယ်ဆိုရင် ဦးစွာ အဖူးကို ထက်ခြမ်းခွဲပြီး အထဲကဝတ်ဆံနှင့် ပွင့်ချပ် တို့ကိုဖယ်ပစ်ရကြောင်း၊ ဇွန်လ တတိယပတ်အတွင်း ကန့်ဘလူမြို့မဈေးတွင် တစောင်းဖူး(၁၀) ကျပ်သားလျှင် (၅၀၀)ကျပ်၊ (၅၀)ကျပ်သားလျှင် (၂၅၀၀)ကျပ်နှင့် (၁)ပိဿာလျှင် (၄၅၀၀)ကျပ်ဖြင့် ရောင်းချလျက်ရှိကြောင်း၊ ရှားပါသည့် ရာသီပေါ်အစားအစားဖြစ်သည့်အတွက် အရောင်းသွက်လျက် ရှိကြောင်း သိရှိရပါသည်။

Doca(စစ်ကိုင်း)

    ကယားပြည်နယ်၊ လွိုင်ကော်မြို့တွင် အကြောင်းအမျိုးမျိုးကြောင့် ပြည်သူ့ပိုင်အဆောက်အဦးများ၊ နိုင်ငံပိုင်အဆောက်အဦးများ ပျက်စီးဆုံးရှုံးမှု များပြားလျက်ရှိပြီး ယခုအခါ လွိုင်ကော်မြို့ပေါ်တွင် ပြည်သူများ အများအပြား ပြန်လည်ဝင်ရောက် နေထိုင်လာကြသည့် အတွက် ပြည်သူပိုင်အဆောက်အဦး၊ နိုင်ငံပိုင်အဆောက်အဦးများ ပြန်လည်ပြင်ဆင်တည်ဆောက် နေထိုင်လာကြပါသည်။

     သို့ဖြစ်ပါ၍ ၂၀၂၅ ခုနှစ်၊ ဇွန်လ (၂၀)ရက်နေ့တွင် ဖြစ်ပေါ်နေသော ဆောက်လုပ်ရေး လုပ်ငန်းသုံးပစ္စည်းများ၏ ဈေးနှုန်းများမှာ ရှမ်းရိုးမဘိလပ်မြေ (၁)အိတ်လျှင် (၂၆၀၀၀/-)ကျပ်၊ အပါချီ ဘိလပ်မြေတစ်အိတ်လျှင်(၂၆၅၀၀/-)ကျပ်၊ သံချောင်း(၃မူး) တစ်တန်လျှင် (၂၈၅၀၀၀၀/-) ကျပ်၊ သံချောင်း(၅မူး) တစ်တန်လျှင် (၂၅၅၀၀၀၀/-)ကျပ်၊ သံချောင်း(၆မူး) တစ်တန်လျှင် (၂၈၅၀၀၀၀/-)ကျပ်၊ ကာလာသွပ်တစ်ပေလျှင် (၃၄၀၀/-)ကျပ်၊ ရိုးရိုးသွပ် တစ်ပေလျှင် (၁၇၀၀/-) ကျပ်၊ သံချွန်(၂လက်မအထက်) တစ်ပိဿာလျှင် (၉၀၀၀/-)ကျပ်၊ သံချွန်(၁လက်မခွဲအောက်) တစ်ပိဿာလျှင် (၉၅၀၀/-)ကျပ်ဖြင့် အရောင်းဝယ်ဖြစ်လျက်ရှိပြီး ယခင်တစ်ပတ်ဈေးနှုန်းများနှင့် နှိုင်းယှဉ်ကြည့်လျှင် ဈေးနှုန်းများ တည်ငြိမ်လျက်ရှိကြောင်း  လွိုင်ကော်မြို့ပေါ်ရှိ ဆောက်လုပ်ရေးလုပ်ငန်းသုံးပစ္စည်း အရောင်းဆိုင်မှ သိရှိရပါသည်။

DOCA(ကယား)

     ကယားပြည်နယ်၊ လွိုင်ကော်မြို့တွင် ၂၀၂၅ ခုနှစ်၊ ဇွန်လတတိယပတ်အတွင်းဖြစ်ပေါ်နေသော ပိုးသတ်ဆေး ဈေးနှုန်းများမှာ သန်ဒါး(10CC) (၁၅၀၀)ကျပ်၊ သန်းဒါး(250CC) (၂၅၀၀၀)ကျပ်၊ အာမိုစတား (250CC) (၂၅၀၀၀)ကျပ်၊ အာမိုစတား (500CC) (၄၂၀၀၀)ကျပ်၊ အာမိုစတား (1L) (၇၇၀၀၀)၊ ဇိုင်ကလုန်း (250CC) (၂၇၀၀၀)ကျပ်၊ ဇိုင်ကလုန်း (500CC) (၄၅၀၀၀)ကျပ်၊ အီမာလန်ဒါ (10G) (၃၀၀၀)ကျပ်၊ အီမာလန်ဒါ (100G) (၂၂၀၀၀)ကျပ်၊ အလန်း (10G) (၃၀၀၀)ကျပ်၊ အလန်း (50G) (၁၅၀၀၀)ကျပ်၊ တော်ပီဒို (250CC) (၂၅၀၀၀)ကျပ်၊ တော်ပီဒို (500CC) (၄၅၀၀၀)ကျပ်၊ fire (250CC) (၂၅၀၀၀)ကျပ်၊ အာမို (၁)အားဆေး (500G) (၁၀၀၀၀)ကျပ်၊ အာမို (၂)အားဆေး (500G) (၁၀၀၀၀)ကျပ်၊ ပရိုမာ ပေါင်းသတ်ဆေး (1L) (၃၄၀၀၀)ကျပ်၊ ရွှေပြောင်း ‌ စပါးပေါင်းသတ်ဆေး (1L) (၄၂၀၀၀)ကျပ်၊ ပေါင်းတေလာ ပေါင်း သတ်ဆေး (1L) (၂၆၀၀၀)ကျပ်၊ ပေါင်းဝေ ‌ စပါးပေါင်းသတ်ဆေး (30G ၁၀ထုပ်) (၆၂၀၀၀)ကျပ်၊ ဇောင်းထက် ‌ စပါးပေါင်းသတ်ဆေး (80G) (၉၀၀၀)ကျပ်၊ အာမိုပန်ဒါအုပ်ဆေး (1L) (၄၀၀၀၀) ကျပ်၊ စပါးအားကောင်း အားဆေး (500G) (၁၃၀၀၀)ကျပ်၊ အာမိုကရောင်း မှိုသတ် ဆေး (100G) (၁၀၀၀၀)ကျပ်၊ ကျူပရောမတ် မှိုသတ်ဆေး (100G) (၁၀၀၀၀)ကျပ်၊ မီမို စပါး ပေါင်းသတ်ဆေး (2.5G) (၂၀၀၀)ကျပ်နှင့် ဂလိုင်ဖောက် ပေါင်းသတ်ဆေး (1L) (၂၆၀၀၀) ကျပ်တို့ဖြင့် အရောင်း အဝယ်ဖြစ်လျက်ရှိပါကြောင်း လွိုင်ကော်မြို့ပေါ်ရှိ ပိုးသတ်ဆေးအရောင်းဆိုင်မှ သိရှိရပါသည်။

DOCA(ကယား)

     ၂၀၂၅ ခုနှစ်၊ ဇွန်လ(၂၀)ရက်နေ့၊ နံနက်(၈:၃၀)နာရီအချိန်တွင် လွိုင်ကော်မြို့၊သီရိမင်္ဂလာဈေး၌ ခရိုင်အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ ဗဟိုစာရင်းအင်းအဖွဲ့၊ စည်ပင်သာယာရေးအဖွဲ့တို့နှင့်ပူးပေါင်း၍ စားသောက်ကုန်ဈေးနှုန်းများ ကွင်း ဆင်းကောက်ယူခဲ့ပါသည်။

     ထိုသို့ကွင်းဆင်းကောက်ယူခဲ့ရာ လွိုင်ကော်မြို့တွင်ဖြစ်ပေါ်နေသော အသား၊ ငါးဈေးနှုန်း များမှာ ကြက်(CP)အသားတိုး (၁)ပိဿာလျှင် (၂၀၀၀၀/-)ကျပ်၊ ကြက်(CP)ဥနှုန်းကျ (၁)ပိဿာ လျှင် (၂၄၀၀၀/-)ကျပ်၊ ကြက်(ဗမာ) (၁)ပိဿာလျှင် (၃၂၀၀၀/-)ကျပ်၊ ဝက်သား (၁)ပိဿာလျှင် (၃၅၀၀၀/-)ကျပ်၊   အမဲသား(၁)ပိဿာလျှင် (၃၅၀၀၀/-)ကျပ်၊ ငါးမြစ်ချင်း (၁)ပိဿာလျှင် (၂၄၀၀၀/-) ကျပ်၊ ငါးကြင်း (၁)ပိဿာလျှင် (၂၄၀၀၀/-)ကျပ်၊ ငါးခူ (၁)ပိဿာလျှင် (၂၃၀၀၀/-)ကျပ်၊ အာပြဲခြောက် (၁)ပိဿာလျှင် (၃၄၀၀၀/-)ကျပ်၊ ငါးတံခွန် (၁)ပိဿာလျှင် (၁၈၀၀၀/-)ကျပ် စသည်တို့ဖြင့် အသီးသီး အရောင်းအဝယ်ဖြစ် လျက်ရှိကြောင်း ကွင်းဆင်းစစ်ဆေးစာရင်းကောက်ယူခဲ့သော လွိုင်ကော်မြို့၊ သီရိမင်္ဂလာဈေးအတွင်းရှိ အသားနှင့်ငါးများရောင်းချလျက်ရှိသော ဈေးသည်များထံမှ သိရှိရပါသည်။

    အခြေခံစားသောက်ကုန်များဖြစ်သော (အသား၊ ငါး)များအား အဆမတန် ဈေးနှုန်းမြှင့် တင်ရောင်းချခြင်းများ မပြုလုပ်ရန်၊ စည်ပင်သတ်မှတ်ဈေးနှုန်းနှင့် အမှန်တကယ် စားသုံးသူထံ ရောင်းချသောဈေးနှုန်းများ ကိုက်ညီမှုရှိစေရန် စသည်တို့အား ကွင်းဆင်းစစ်ဆေးမှုများ ပြုလုပ်ခဲ့ကြောင်း သိရှိရပါသည်။

DOCA(ကယား)