ပြည်တွင်းကုန်သွယ်မှုသတင်း

       ပြည်တွင်းမွေးမြူရေးလုပ်ငန်းအတွက် အဓိကအစာကုန်ကြမ်းဖြစ်သည့် ဖွဲနု(Rice Bran) ဈေးနှုန်းသည် ယခုနှစ်အတွင်း၌ မြင့်တက်လျှက်ရှိကြောင်း သိရှိရသည်။ စပါးဘေးထွက်ပစ္စည်းဖြစ်သည့် ဖွဲနုသည် ယခင်နှစ်တွင် တစ်ပေါင်လျှင်(၁၀၅-၁၁၀)ကျပ် တစ်အိတ်(ပေါင်၇၀)လျှင် (၇၃၀၀-၇၇၀၀)ကျပ် သာရှိကြောင်း လက်ရှိအချိန်တွင် တစ်ပေါင်လျှင် (၁၉၅-၂၀၀) ကျပ် တစ်အိတ်(ပေါင်၇၀) လျှင် (၁၃၀၀၀-၁၄၀၀၀) ကျပ် အထိ ရှိနေပြီး ဖွဲနုကုန်ကြမ်း အခြေခံပြီးကျွေးသည့် မွေးမြူရေးလုပ်ငန်းများတွင် အခက်အခဲများရှိကြောင်း သိရသည်။

              ဆန်စက်များတွင် လုံးတီးဆန်များ ကြိတ်ခွဲခြင်းကြောင့် ဖွဲနုအထွက်နည်းပါ၍ ဖွဲနုဈေးနှုန်း မြင့်တက်ခဲ့ခြင်းဖြစ်ပြီး ဆန်စက်များအနေဖြင့် လုံးတီးဆန်ကြိတ်ခွဲရခြင်းမှာ လျှပ်စစ်မီး ပြတ်တောက်မှုများပြားလာသည့် အခြေအနေတွင် Generator Engine အသုံးပြုလည်ပတ်ရာ၌ ဆန်စက်၏ စက်ယူနစ်အားလုံး လည်ပါတ်ကြိတ်ခွဲနိုင်ခြင်း မပြုနိုင်သည့်အတွက် လုံးတီးဆန်များသာ ကြိတ်ခွဲထုတ်လုပ်ကြကြောင်း သိရသည်။

DOCA(ပဲခူး)

             ယခုနှစ် မတ်လအတွင်းက ထွက်ရှိခဲ့သည့် ဆောင်းမြေပဲများမှာ ယခုတစ်ပတ်အတွင်းမုံရွာ ဈေးကွက်သို့ နယ်အဝင်များခဲ့သလို အရောင်းအဝယ်လည်းဖြစ်ခဲ့ကြောင်း ကုန်သည်များထံမှ သိရှိရပါသည်။ မေလဆန်းပိုင်းမှစ၍ မြန်မာနိုင်ငံသို့ စားအုန်းဆီ အဓိကတင်သွင်းနေသည့် အင်ဒိုနီးရှားနိုင်ငံမှ စားအုန်းဆီပြတ်လပ်မှုကို လျော့ချရန်နှင့် ဈေးနှုန်းများထိန်းထားနိုင်ရန်အတွက် ပြည်ပနိုင်ငံများသို့ စားအုန်းဆီတင်ပို့ရောင်းချမှုအား ရပ်ဆိုင်းခဲ့ပြီးနောက် ပြည်တွင်းစားအုန်းဆီ ဈေးနှုန်းများ မြင့်တက်လာသည့်နှင့် အမျှဒေသတွင်းမှ ကြိတ်ခွဲထွက်ရှိသည့်မြေပဲဆီ၊ နှမ်းဆီနှင့် နေကြာဆီဈေးနှုန်းများလည်း အနည်းငယ်စီမြင့်တက်ခဲ့ကြောင်း ဆီကုန်သည်များထံမှ လေ့လာသိရှိရသည်။

         ဈေးကွက်အတွင်း၌ စားအုန်းဆီဈေးနှုန်းနှင့်ဒေသတွင်းမှ ထွက်ရှိသည့်မြေပဲဆီ၊ နေကြာဆီများ  ဈေးနှုန်းကွာဟမှု နည်းပါးလာခြင်းများကြောင်းလည်း မြေပဲဆီ၊ နေကြာဆီများကို ဝယ်ယူစားသုံးမှု ပိုမိုများပြားလာသလို ကျန်းမာရေးနှင့်လည်း ပိုမိုညီညွတ်သည့်အတွက် ဝယ်ယူသုံးစွဲမှုပိုမိုများပြားလာခြင်းဖြစ်ကြောင်း၊ ဝယ်ယူသုံးစွဲမှုများပြားလာသည့်နှင့် အမျှမြေပဲဆီရောင်းအားမှာလည်း တစ်ရက်ထက်တစ်ရက် မြင့်တက်ခဲ့ကြောင်း၊ လက်ရှိဈေးကွက်အတွင်း၌ မြေပဲဆီတစ်ပိဿာ ပုံးမပါ(၈၀၀ဝိ/-)၊ ပုံးပါ(၈၅၀ဝိ/မှ ၉၀၀ဝိ/-)နှုန်းဖြင့် အရောင်းအဝယ်ဖြစ်လျှက်ရှိပြီး ယခင်လဈေးနှုန်းနှင့် နှိုင်းယှဉ်ပါက တစ်ပိဿာ (၅၀ဝိ/-) ခန့်ဈေးတက်ခဲ့ကြောင်း ဆီကုန်သည်များထံမှ သိရှိရပါသည်။

         ဒေသတွင်းဆီစက်များမှလည်း ကုန်ကြမ်းဝယ်ယူမှု များပြားနေ့သည့်အတွက် နယ်အဝင်ရှိသလောက် အရောင်းအဝယ်ဖြစ်လျက်ရှိကြောင်း၊ လက်ရှိမုံရွာဈေးကွက်အတွင်းသို့ ယင်းမာပင်၊ ကနီ၊ ချောင်းဦးနှင့် မြောင်နယ်များမှ အဝင်များလျက်ရှိပြီး မိုးမြေပဲစိုက်ပျိုးရန်အတွက် မျိုးအဖြစ် ဝယ်ယူမှုများလည်းရှိနေသည့်အတွက် အရောင်းအဝယ်သွက်လျှက်ရှိကြောင်း၊ ပြီးခဲ့သည့်ဧပြီလက မြေပဲဆံတစ်ပိဿာ(၃၅၀၀) မှ (၃၉၀၀) ပေါက်ဈေးရှိခဲ့ရာ ယခုမေလ တတိယပတ်အတွင်း၌ မြေပဲဆံ တစ်ပိဿာ (၃၈၅၀) မှ (၄၁၀၀) ထိ ဈေးနှုန်းဖြစ်ပေါ်ခဲ့ပြီး တစ်ရက်လျှင် အိတ် (၅၀၀) ခန့် အရောင်းအဝယ်ဖြစ်လျက်ရှိကြောင်း ဒေသတွင်းဆီစက်များနှင့် မြေပဲစာလှော်လုပ်ငန်းများမှ ကုန်ကြမ်းဝယ်ယူ စုဆောင်းမှုများရှိသလို မန္တလေးနှင့် ပခုက္ကူမြို့များသို့လည်း တင်ပို့မှုများရှိကြောင်း ကုန်သည်များ၏ ဆွေးနွေးပြောကြားချက်အရ သိရှိရပါကြောင်း တင်ပြလိုက်ရပါသည်။

DOCA(စစ်ကိုင်း)

            ရန်ကုန်တိုင်းဒေသကြီး ၊လှိုင်မြို့နယ် သီရိမင်္ဂလာဈေးတွင် မေလ (၁၁) ရက်နေ့မှ မေလ (၁၆) ရက်နေ့ အထိဖြစ်ပေါ်ခဲ့သော သစ်သီးဝလံဈေးနှုန်းများမှာ ဖျာပုံမှ နှင်းသီး အလုံးကြီး အလုံး ၁၅၀ ပါ တောင်းတစ်တောင်းလျှင် ကျပ် ၁၀၀၀၀၊ ကျိုက်ကော် မှ နာနတ်သီး အလုံးကြီး ၁လုံးလျှင် ကျပ် ၁၅၀၀ မှ ၁၂၀၀၊ အလုံးလတ် ၁လုံးလျှင် ကျပ် ၁၀၀၀ မှ ၈၀၀ ၊ အလုံးသေး ၁လုံးလျှင် ကျပ် ၆၀၀ မှ ၄၀၀၊ ဗန်းမော်၊ ကသာ မှ ဖရဲသီး (855) အလုံးကြီး ၁လုံးလျှင် ကျပ် ၆၀၀၀၊ အလုံးလတ် ၁လုံးလျှင် ကျပ် ၄၀၀၀၊ အလုံးသေး ၁လုံးလျှင် ကျပ် ၃၀၀၀ ၊ သဲတော၊ ဝမ်းတွင်း မှ ဖရဲသီး (211) အလုံးကြီး ၁လုံးလျှင် ကျပ် ၂၅၀၀၊ အလုံးလတ် ၁လုံးလျှင် ကျပ် ၁၅၀၀၊ အလုံးသေး ၁လုံးလျှင် ကျပ် ၁၀၀၀ ၊  မှော်ဘီ၊ တိုက်ကြီးမှ မာလကာသီး အလုံးကြီး ၁လုံးလျှင် ကျပ် ၅၀၀၊ အလုံးလတ် ၁လုံးလျှင် ကျပ် ၃၀၀၊ အလုံးသေး ၁လုံးလျှင် ကျပ် ၂၀၀၊ မန္တလေး(ပေါ်တော်မူ) မှ သရက်သီး (စိန်တလုံး) အလုံးကြီး အလုံး ၅၀ ပါ တစ်ခြင်းလျှင် ကျပ် ၁၇၀၀၀၊ အလုံးလတ် အလုံး ၇၀ ပါ တစ်ခြင်းလျှင် ကျပ် ၁၄၀၀၀၊ အလုံးသေး အလုံး ၈၅ ပါ တစ်ခြင်း လျှင်ကျပ် ၁၀၀၀၀ ၊ မအူပင်(ရွှေတောင်ပေါ်) မှ သရက်သီး (ရင်ကွဲ) အလုံးကြီး အလုံး ၈၀ လုံးပါ တောင်းတစ်တောင်းလျှင် ကျပ် ၁၂၀၀၀၊ အလုံးလတ် အလုံး ၉၀ ပါ တောင်းတစ်တောင်းလျှင် ကျပ် ၁၀၀၀၀၊ အလုံးသေး အလုံး ၁၀၀ ပါ တောင်းတစ်တောင်းလျှင် ကျပ် ၈၀၀၀၊ မအူပင်(ရွှေတောင်ပေါ်) မှ သရက်သီး (မချစ်စု) အိတ်စွပ် အလုံးကြီး အလုံး ၅၀ လုံးပါ တောင်းတစ်တောင်းလျှင် ကျပ် ၄၅၀၀၀၊ အလုံးလတ် အလုံး ၆၀ ပါ တောင်းတစ်တောင်း လျှင်ကျပ် ၃၀၀၀၀၊  အလုံးသေး အလုံး ၈၀ ပါ တောင်းတစ်တောင်းလျှင်   ကျပ် ၂၀၀၀၀၊ ပြင်ဦးလွင်မှ စတော်ဘယ်ရီ ၅ ပိဿာတစ်ခြင်းလျှင် ကျပ် ၃၀၀၀၀၊ (၁၀) ကျပ်သား၁ဗူးလျှင် ကျပ် ၇၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံ ပန်းမန်ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) မှသိရှိရပါသည်။

DOCA(ရန်ကုန်)

          စစ်ကိုင်းတိုင်းဒေသကြီးသည် မေလ(တတိယ)ပတ်၌ စပါး/ဆန်ဈေးနှုန်းများမှာ ဆန်ပိုဒေသများဖြစ်သော ရွှေဘိုခရိုင်၊ မုံရွာခရိုင်တို့တွင် ဈေးအနည်းငယ်ကျဆင်းနေပြီး၊ ကျန်ခရိုင်များတွင် ဈေးတန့်နေပါသည်။

       စစ်ကိုင်းတိုင်းဒေသကြီးအတွင်းမေလ(ဒုတိယပတ်)တွင် ဖြစ်ပေါ်နေသောအခြေခံစားကုန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၅၃၀၀၀၀)၊ ပေါ်ဆန်း (ဆန်)၂၄ ပြည်ပါ တစ်အိတ်လျှင်ကျပ်  ၅၄၀၀၀၊ ဧရာမင်း(စပါး)တင်း ၁၀၀လျှင် ၁၀၃၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၄၄၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၄၅၀၀၀၀၊ ပေါ်ဆန်း(ဆန်) တစ်အိတ်လျှင်ကျပ် ၅၂၀၀၀၊  ဧရာမင်း (စပါး) တင်း၁၀၀ လျှင် ၉၃၀၀၀၀၊ ဧရာမင်း (ဆန်)၂၄ ပြည်ပါ တစ်အိတ်  ၄၀၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

           ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည်ပါ တစ်အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာကျပ် ၃၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

           ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၈၅၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၃၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၇၅၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၃၀၀၀၀၊ ဧရာမင်း (စပါး) တင်း ၁၀၀ လျှင် ကျပ် ၉၅၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၃၉၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

            မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၅၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၀၅၀၀ ဖြင့် အရောင်းအဝယ် ဖြစ်နေကြောင်း သိရပါသည်။

          စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ မေလ(ဒုတိယ)ပတ်တွင် ရန်ကုန်သို့ အိတ်ရေ ၃၂၀၀၀၊ မန္တလေးသို့ အိတ်ရေ ၄၅၃၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၀၅၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း(မြောက်)သို့အိတ်ရေ ၇၀၀၀၊ စုစုပေါင်းအိတ်ရေ (၁၀၂၈၀၀) အိတ်၊ တန်အားဖြင့် (၅၁၄၀)စီးထွက်ခဲ့ပြီး၊ ယခု မေလ(တတိယ)ပတ်တွင် စစ်ကိုင်းတိုင်း ဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၀၄၀၀၊ မန္တလေးသို့ အိတ်ရေ ၃၆၃၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၉၀၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း(မြောက်)သို့အိတ်ရေ ၇၀၀၀၊ စုစုပေါင်းအိတ်ရေ (၁၀၀၇၀၀) အိတ်၊ တန်အားဖြင့် (၅၀၃၅) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၁၀၀)တန်အားဖြင့် (၁၀၅) လျော့နည်း စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)                          

           ရွှေဘိုခရိုင်အတွင်းရှိ မြို့နယ်များ၌ မေလ တတိယပတ်တွင် စပါးဈေးနှုန်းနှင့် ဆန်ဈေးနှုန်းမှာ အနည်းငယ် မြင့်တက်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ မေလ ဒုတိယပတ်တွင် ရန်ကုန်သို့ အိတ်ရေ ၄၀၄၀၀ ၊ မန္တလေးသို့ အိတ်ရေ ၃၄၀၀၀၊ နေပြည်တော်သို့ အိတ်ရေ ၉၀၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း(မြောက်)သို့ အိတ်ရေ ၇၀၀၀၊ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၉၈၄၀၀၊ တန်အားဖြင့် ၄၉၂၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြား တိုင်းဒေသကြီးများသို့ ဆန်စီးထွက် မှုမှာ ရန်ကုန်သို့ အိတ်ရေ ၃၂၀၀၀၊ မန္တလေးသို့ အိတ်ရေ ၄၄၀၀၀၊ နေပြည်တော်သို့ အိတ်ရေ၁၀၀၀၀ ၊ ရှမ်း(တောင်)သို့ အိတ်ရေ၆၅၀၀ ၊ ရှမ်း(မြောက်)သို့ အိတ်ရေ ၆၅၀၀၊ပခုက္ကူသို့ အိတ်ရေ၁၀၀၀ ၊ စုစုပေါင်းအိတ်ရေ ၁၀၀၀၀၀ ၊ တန်အားဖြင့် ၅၀၀၀တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်ပါက ယခုအပတ်အတွင်း အိတ်ရေ ၁၆၀၀၊ တန်အားဖြင့် ၈၀တန် ပို၍ စီးထွက်ခဲ့ပါသည်။

          ရွှေဘိုမြို့၏ မေလ ဒုတိယပတ်တွင် ဖြစ်ပေါ်နေသော စပါး/ဆန် ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၁၅၅၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၅၅၀၀၀၊ ဧရာမင်းစပါး တင်း၁၀၀လျှင် ကျပ်၁၀၅၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၄၄၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)