သတင်းနှင့် လှုပ်ရှားမှုများ
မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့် မြေပြင်ကွင်းဆင်း စစ်ဆေးရေးအဖွဲ့သည် ၃.၁၁.၂၀၂၂ ရက်နေ့တွင် မော်လမြိုင်မြို့နယ်အတွင်းရှိ ငှားရမ်းထားသောဌာနပိုင်မြေ၊ အခန်း၊ အဆောက်အဦး၊ သိုလှောင်ရုံများအား ကွင်းဆင်းစစ်ဆေးခဲ့ကြောင်း သိရှိရသည်။
မွန်ပြည်နယ်၊စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများသည် ၄.၁၁.၂၀၂၂ ရက်နေ့တွင် ပို့ကုန်သွင်းကုန် လုပ်ငန်းရှင်မှတ်ပုံတင်အသစ် လျှောက်ထားလာသော ကုမ္ပဏီများအား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
မွန်ပြည်နယ် ၊စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့် ဝန်ထမ်းများသည် ၄.၁၁.၂၀၂၂ ရက်နေ့တွင် မွန်ပြည်နယ် ဆီကုန်သည်နှင့် ဆီလုပ်ငန်းရှင်အသင်းတို့ပူးပေါင်း၍ မော်လမြိုင်မြို့၊ သီရိမင်္ဂလာရပ်ကွက်တွင် ပြည်သူများသို့ စားသောက်ကုန်များ လှူဒါန်းခဲ့ကြကြောင်း သိရှိရသည်။
မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်း ၂၀၂၂-၂၀၂၅ အမှုဆောင် အသစ်ရွေးချယ်တင်မြှောက်ခြင်းအခမ်းအနားကို ၃၀.၁၀.၂၀၂၂ ရက် (၀၉:၀၀) နာရီတွင် မော်လမြိုင်ကုန်စည်ဒိုင်ခန်းမ၌ ကျင်းပပြုလုပ်ခဲ့ရာ အဆိုပါ အခမ်းအနားသို့ မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့်ဝန်ထမ်းများ၊ UMF CCI ဥက္ကဌ၊ မွန်ပြည်နယ် ကုန်သည်များနှင့်စက်မှုလက်မှု လုပ်ငန်းရှင်အသင်းဥက္ကဌနှင့်အသင်းဝင်များ၊ ညီနောင်အသင်းမှ အသင်းဝင်များ စုစုပေါင်း (၄၅)ဦး တက်ရောက်ခဲ့ကြောင်း သိရှိရပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ ဇလွန်မြို့နယ် တာဝန်ခံသည် (၂.၁၁.၂၀၂၂) ရက်နေ့ နေ့လယ် (၁၃:၀၀) နာရီအချိန်တွင် မဟာသာကျေးရွာ၊ အုပ်ချုပ်ရေးမှူးနေအိမ်၌ စိုက်ပျိုးရေးဓါတ်မြေဩဇာအရောင်းဆိုင်လုပ်ငန်းရှင် (၅) ဦးအား စားသုံးသူကာကွယ်ရေး အသိပညာ ပေးဟောပြောခြင်းကို ဆောင်ရွက်ခဲ့သည်။
