သတင်းနှင့် လှုပ်ရှားမှုများ

     မြန်မာနိုင်ငံမှ ဘင်္ဂလာဒေ့ရှ်နိုင်ငံသို့ ဆန်တန်ချိန် နှစ်သိန်းတင်ပို့ရန် G to G သဘောတူ စာချုပ်ချုပ် ဆိုထားပြီး ပုသိမ်စက်မှုမြို့တော် ဆိပ်ကမ်းမှ ဆန်တင်ချိန်သုံးသောင်းမှ ငါးသောင်း တင် ပို့ရန်လျာထားဆောင်ရွက်လျက်ရာ အောက်တိုဘာလ ၂၈ရက် နေ့မှစတင်၍ ပထမအကြိမ် ဧည့်မထ ၅မှတ် ဆန်တန်၂၆၅၀ကို စတင်၍ သင်္ဘောတင်လျက်ရှိကြောင်း အဆိုပါ ဆိပ်ကမ်းမှ သိရပါသည်။

     စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၂ ခုနှစ်၊ အောက်တိုဘာလအတွင်း လုပ်ငန်းရှင်ပေါင်း(၂၉)ဦးက အပ်နှံလာ သော သီးနှံအမျိုးအစား(၁၁)မျိုး၊ စုစုပေါင်းနမူနာအရေအတွက် (၆၇) ခု၊ ဓာတ်ခွဲစမ်းသပ်မှုပေါင်း (၁၈၃) ခုကို ဓာတ်ခွဲစမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။