သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုန်း(ရုံးအုပ်)သည် ၁၉.၄.၂၀၂၂ရက်နေ့တွင် ဝိုင်းမော်မြို့၊နန့်ဝါကျေးရွာတွင် ကုန်စုံဆိုင်ရောင်းချသော လုပ်ငန်းရှင်များနှင့် တွေ့ဆုံ၍ စားသုံးသူကာကွယ်ရေးဆိုင်ရာများ အသိပညာပေးဆွေးနွေးခဲ့ပါသည်။
၆.၄.၂၀၂၂ ရက်နေ့တွင် စားသုံးသူရေးရာဦးစီးဌာန၊ ကချင်ပြည်နယ်ဦးစီးမှူးရုံးမှ ဦးဇေယျာအောင်(ဦးစီးအရာရှိ)နှင့်ဝန်ထမ်းများသည် ခေမာသီရိရပ်ကွက်၊ မြစ်ကြီးနားမြို့ရှိ “ငွေကံဆင့်” အမှတ်တံဆိပ် မြေပဲဆီအရောင်းဆိုင် ပိုင်ရှင်အားတွေ့ဆုံပြီး စားသုံးဆီရောင်းချမှုနှင့် စပ်လျဉ်း၍ ညွှန်ကြားချက်အမှတ် (၁/၂၀၂၁)အား ရှင်းလင်းဆွေးနွေးခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ညောင်လေးပင်မြို့နယ်တာဝန်ခံသည် ညောင်လေးပင်မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ (၅.၄.၂၀၂၂) ရက်နေ့၊ နေ့လည် (၁၃:၀၀) နာရီအချိန်တွင် အများပြည်သူများ သိရှိလေ့လာနိုင်စေရန် ရည်ရွယ်၍ စားသုံးသူကာကွယ်ရေး အသိပညာပေးခြင်းကို ပြန်ကြားရေးနှင့် ပြန်သူ့ဆက်ဆံရေးဦးစီးဌာန လူထုအခြေပြုဗဟိုခန်းမ၌ ကျင်းပပြုလုပ်ခဲ့ပါသည်။
ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ (၈.၄.၂၀၂၂) ရက်နေ့၊ နေလည် (၁၃:၀၀) နာရီအချိန်တွင် ဒီဂျစ်တယ် ငွေကြေးဝန်ဆောင်မှုနှင့်စပ်လျဉ်း၍ ကျယ်ကျယ်ပြန့်ပြန့်သိရှိစေနိုင်ရေး ရည်ရွယ်၍ အသိပညာပေး Talk Show ဟောပြောပွဲကျင်းပ ပြုလုပ်ခဲ့ပါသည်။
ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ ကျောက်တံခါးမြို့နယ်တာဝန်ခံ ဒေါ်တင်တင်စန်းသည် မြို့နယ်တာဝန်ခံရုံးမှ ဝန်ထမ်းများ ၊ မြို့နယ်စည်ပင်သာယာရေးအဖွဲ့ ၊ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူတို့နှင့်အတူ ဧပြီလ ၅ရက်နေ့ နံနက်ပိုင်းတွင် ကျောက်တံခါးမြို့နယ် စည်ပင်သာယာစျေးအတွင်း ဆေးလက်လီ/လက်ကား ရောင်းချသည့် ဆေးဆိုင်များသို့ ကွင်းဆင်းခဲ့ပါသည်။
