ကုန်သွယ်မှုသတင်းများ
ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့၊ ကံသာကျေးရွာရှိ ခြွေလှေ့စက်လုပ်ငန်းရှင် ဦးကျော်မင်းထွန်း၏ (မင်းခန့်ကျော်ခြွေလှေ့စက်) လုပ်ငန်းသည် (၂၀၁၇) ခုနှစ်မှစတင်၍ လုပ်ကိုင်ခဲ့သောလုပ်ငန်းဖြစ်ပြီး လိုအပ်သောတောင်သူဦးကြီးများစိတ်တိုင်းကျ ပဲစပါးခြွေလှေ့စက်လုပ်ငန်းအသစ်ပြုလုပ်ပေးခြင်းနှင့် အဟောင်းပြင်ဆင်ခြင်းလုပ်ငန်းများကိုဆောင်ရွက်လျက်ရှိကြောင်း သိရှိရပါသည်။
ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊ မွေးမြူရေးနှင့်ကုသရေးဦးစီးဌာနမှ တိရစ္ဆာန်အစာပင်စိုက်ပျိုးရေး၊ ရက်သတ္တပတ်လှုပ်ရှားမှုအစီအစဉ်အရ နေဗီယာမြက်စိုက်ပျိုးခြင်းသရုပ်ပြပွဲကို (၂၃-၆-၂၀၂၃) ရက်နေ့၊ နံနက် (၀၉:၀၀) နာရီအချိန်တွင် အုန်းတော ကျေးရွာမှ တောင်သူတစ်ဦး၏စိုက်ခင်းတွင် သရုပ်ပြစိုက်ပျိုးခဲ့ပါသည်။
ရွှေတောင်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးအောင်နိုင်ဦးနှင့် ဝန်ထမ်းများသည် (၃-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဝါးတောင်အုပ်စု၊ ဝါးလည်ကျေးရွာသို့သွားရောက်ခဲ့ပါသည်။ ဝါးလည်ကျေးရွာတွင် ဘူးစင်ပေါင်း (၂၀) ကျော်ရှိပြီး စိုက်ပျိုးသူ တောင်သူ (၂၀) ဦးရှိသည်ဟုသိရှိရပါသဖြင့် ကွင်းဆင်းလေ့လာဆောင်ရွက်ခဲ့ပါသည် ။
ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်၊ စည်ပင်သာယာဈေးအတွင်း ၂၀၂၃ခုနှစ်၊ ဇွန်လ၊ စတုတ္ထအပတ်တွင် ရောင်းချလျက်ရှိသော အခြေခံစားသောက်ကုန်လက်လီဈေးနှုန်းများမှာ တောင်ပျံမွေးဆန်တစ်ပြည်လျှင် (၄၀၀၀) ကျပ်၊ ငွေတိုးဆန်တစ်ပြည်လျှင် (၃၂၀၀) ကျပ်၊ အင်းမဆန်တစ်ပြည်လျှင် (၃၂၀၀) ကျပ်၊ ပခမ်းဆန်တစ်ပြည်လျှင် (၃၂၀၀) ကျပ်နှုန်းတို့ဖြင့် ရောင်းဝယ်လျက်ရှိပါသည်။
တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။