ကုန်သွယ်မှုသတင်းများ

       နိုဝင်ဘာလပထမပတ်တွင် ပြည်မန်ကျည်းမှည့် အရောင်းအဝယ်အေးနေ‌ကြောင်း သိရှိရပါသည်။ ရန်ကုန်နှင့် ရခိုင်ဝယ်လက်တို့မှလည်း အစွဲအေးနေတယ်ကြောင်း သိရှိရပါသည်။ ဒေသတွင်းဈေးများရှိ လက်လီ အရောင်းဆိုင်များ၏ လိုသလောက်ပိဿာစွဲလောက်သာ အဝယ်ရှိနေသောကြောင့် အရောင်း အဝယ်ပြန်အေးသွားကြောင်း သိရှိရပါသည်။ နိုဝင်ဘာ ပထမပတ် မန်ကျည်းမှည့်လက်ကားဈေး တစ်ပိဿာလျှင် ၄၃၀၀ကျပ်ဈေးဖြစ်ပြီး လက်လီဈေးများတွင် တစ်ပိဿာ ၄၅၀၀-၄၈၀၀ကျပ်ဈေးတို့ဖြင့် ရောင်းချလျက်ရှိပါသည်။

     ပြည်ခရိုင်အနေဖြင့် မိုးစပါးစိုက်ဧက (၂)သိန်းကျော်စိုက်ပျိုးပြီး၊ ဧက (၃)သောင်းကျော် ရိတ်သိမ်းပြီး ဖြစ်ပါသည်။ ပြည်ခရိုင်တွင်  ဈေးကောင်းရပြီး အရောင်းသွက်နေသော မှော်ဘီ၊ ကျောက်ရွေး၊ အင်းမစပါးများ ထွက်ရှိမှုမရှိသေးဘဲ စပါးအရင်ဖြစ်သော မိုးစပါးအသစ်မှာ ပြည်၊ ပေါက်ခေါင်းနှင့် ပန်းတောင်းမြို့နယ်များတွင်သာ ထွက်ရှိနေပြီး မိုးစပါးသစ်ဈေးနှုန်းမှာ (၄၆)ပေါင် တင်း(၁၀၀)လျှင် ယခင်လက ၁၀၀၀၀၀၀ကျပ် ဈေးရှိခဲ့ပြီး ယခု နိုဝင်ဘာလဆန်းတွင် ၁၀၅၀၀၀၀ကျပ်ဖြင့် တင်း၁၀၀လျှင် ၅၀၀၀၀ကျပ် ဈေးမြင့်တက်လာခဲ့ပါသည်