ကုန်သွယ်မှုသတင်းများ
ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် ကျောက်မြောင်းမြို့နယ်ထွက် စဉ်အိုးရောင်းချသည့် စဉ့်အိုးဒိုင် ၂ခုရှိသည်။ ရောင်းချနေသော စဉ်အိုးများမှာ ၁၅၀ ဝင်စဉ့်အိုး၊ အလှပန်းစိုက်အိုး၊ ဘုရားပန်းအိုးများ၊ ၅ပိဿာဝင်စဉ်အိုး၊ ၃ပိဿာဝင်စဉ့်အိုး၊ စဉ့်အင်တုံ၊ ကျောက်ငရုတ်ဆုံ၊ ရန်တာဘိုကထုတ်လုပ်သော သဲသောက်ရေအိုးများ၊ ရောင်းချနေကြောင်း တွေ့ ရှိရသည်။
ကောက်ရိုးမှိုစိုက်ပျိုးခြင်းသည် မြန်မာလူမျိုးတို့နှင့် မစိမ်းပါ။ ကောက်ရိုးမှိုသည် သဘာဝ အလျောက် ကောက်ရိုးပုံ၊ ကောက်ရိုးပြတ်ပုံများမှ အလိုအလျောက်ကောက်ရိုးမှိုများ ပွင့်ထွက်လာ သည်ကိုလည်း တွေ့ရကြောင်း၊ ကျေးလက်ဒေသများတွင် ကောက်ရိုးပုံများကို ရေလောင်းခြင်း၊ ဆန်ကွဲ၊ ဖွဲနုများကြဲပက်ပေးခြင်းဖြင့် ကောက်ရိုးမှိုစိုက်ပျိုးကြကြောင်း၊ ကောက်ရိုးမှိုကို စနစ်တကျ စိုက်ပျိုးခြင်းမရှိလျှင် အထွက်နှုန်းမကောင်းခြင်း၊ လုံးဝမထွက်ခြင်း၊ အထွက်နောက်ကျခြင်းနှင့် အပွင့်ငယ်ခြင်းတို့ ဖြစ်တတ်ကြောင်း သိရသည်
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြကြောင်း သိရသည်။
စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ် နတ်ပေးကျေးရွာတွင် ကျောက်ဖ ရုံပင်များ စိုက်ပျိုးရောင်းချပြီး မိသားစုဝင်ငွေများ ရရှိလျက်ရှိကြောင်း၊ ကျောက်ဖရုံပင်စိုက်ပျိုးရာတွင် စင်တင်စနစ်ဖြင့်စိုက်ပျိုးခြင်း၊ မြေလွှတ်စိုက်ပျိုးခြင်း စသည်ဖြင့်ရှိပြီး စင်တင်စနစ်ဖြင့် အများဆုံး စိုက်ပျိုးကြောင်း ကျောက်ဖရုံပင် စိုက်ပျိုးသူ ဦးမောင်ဝင်း၏ ပြောပြချက်အရ သိရသည်။
ရှမ်းပြည်နယ် (တောင်ပိုင်း) အောင်ပန်းဒေသတွင် ယခုတစ်ပတ်ပြောင်းသီးနှံမှာ တစ်ပိဿာ လျှင်(၁၄၇၀-၁၄၉၀)ကျပ်ဖြင့် ဈေးတည်ငြိမ်လျက်ရှိပြီး ပြည်ပဝယ်လိုအားများနေသည့်အတွက် စီး ဆင်းမှုမှာ ကောင်းနေပါသည်။ကြက်သွန်ဖြူသီးနှံမှာ တစ်ပိဿာလျှင် ထူး ၁-၁၀၀၀၀ကျပ်၊ ထူး ၂-၁၁၀၀၀ကျပ်၊ ထူး ၃-၁၂၀၀၀ကျပ်၊ ထူး ၄-၁၃၀၀၀ကျပ်၊ ထူး ၅-၁၄၀၀၀ကျပ်၊ ထူးလွန်-၁၅၀၀၀ ကျပ် နှင့် ဥတစ်လုံးဆိုဒ်မှာ၂၅၀၀၀ကျပ်ဖြင့် ဈေးငြိမ်လျက်ရှိပြီး အသစ်ပေါ်ချိန်စောင့်ဆိုင်းနေကြ၍ ဝယ်လက်နည်းကာ စီးဆင်းမှုမှာ ပုံမှန်ဖြစ်နေပါသည်။
