ပြည်ပကုန်သွယ်မှုသတင်းများ
ထိုင်းနိုင်ငံ၌ စားအုန်းဆီကြိတ်ခွဲထုတ်လုပ်သည့် စက်ရုံလုပ်ငန်းရှင်များအနေဖြင့် တောင်သူများထံမှ ဆီအုန်းသီး တစ်ကီလိုဂရမ်လျှင် အနည်းဆုံး ဘတ်ငွေ ၄ ဒသမ ၅၀ နှုန်းဖြင့်ဝယ်ယူရန် ညွှန်ကြားချက်ကို ပြည်တွင်းကုန်သွယ်ရေးဦးစီးဌာန၊ ညွှန်ကြားရေးမှူးချုပ် Mr. Wattanasak Suriam က လက်မှတ်ရေးထိုးပြီး စားအုန်းဆီ ကြိတ်ခွဲထုတ်လုပ်ရေးအသင်း၏ ဥက္ကဋ္ဌထံ ၂၉-၅-၂၀၂၄ ရက်၊ ဗုဒ္ဓဟူးနေ့တွင် ပေးပို့လျက် ထုတ်ပြန်ထားကြောင်း The Nation Thailand သတင်းဌာနက ဖော်ပြပါသည်။
ကမ္ဘာ့ဈေးကွက်တွင် ဈေးနှုန်းအမြင့်ဆုံးဖြစ်ခဲ့သည့် ဗီယက်နမ်ဆန်ဈေးနှုန်းသည် ယခုအခါ ဆဋ္ဌမနေရာသို့ ကျဆင်းသွားခဲ့သည်။ ဗီယက်နမ်၏ ဆန်ကွဲ ၅ ရာခိုင်နှုန်း ပါဝင်သည့် ဆန်မှာ မေလ ၃၀ ရက်နေ့၌ တစ်တန်လျှင် ၅၇၄ ဒေါ်လာ ဈေးရရှိခဲ့ပြီး အမေရိကန်၊ ထိုင်း၊ ပါကစ္စတန်၊ မြန်မာနှင့် အိန္ဒိယတို့ထက် လျော့နည်းခဲ့ကြောင်း ဗီယက်နမ်စားသောက်ကုန်လုပ်ငန်းအသင်း၏ ဖော်ပြချက် အရ သိရသည်။
ဘရာဇီးနိုင်ငံသည် ရေလွှမ်းမိုးမှုများဖြစ်ပေါ်ခဲ့ပြီးနောက် ပြည်တွင်းဆန်ဈေးနှုန်းများကို တည်ငြိမ်စေရန်အတွက် ဇွန်လ ၆ ရက်နေ့တွင် ဆန်တန်ချိန် ၃ သိန်းကို တင်ဒါစနစ်ဖြင့် ဝယ်ယူ သွားမည်ဖြစ်ပါသည်။ ဆန်စပါးကဏ္ဍတွင် ရှားပါးလှသည့် အစိုးရ၏ ဝင်ရောက်စွက်ဖက်မှု အဖြစ် ထုပ်ပိုးသည့်အိတ်ခွံပေါ်တွင် ဘရာဇီးငွေကြေးအားဖြင့် ရောင်းဈေး ၁ ကီလိုဂရမ်လျှင် ၄ ရီရယ်ဟု အစိုးရ၏အမှတ်တံဆိပ် ခတ်နှိပ်ထားရှိသည့် အရန်သင့်ရောင်းချနိုင်သော ၅ ကီလိုဂရမ်ဝင် ဆန် အိတ်များကို ဝယ်ယူသွားမည်ဖြစ်ပါသည်။ အစိုးရ၏ စားနပ်ရိက္ခာဖူလုံရေး အေဂျင်စီဖြစ်သော CONAB သည် အဆင့်-၁ ဆန်ကို ဝယ်ယူရန်အတွက် စည်းမျဉ်းများနှင့် အရည်အသွေး သတ်မှတ
ထိုင်းကော်ဖီဈေးကွက်၌ စားသုံးသူများ၏ လူနေမှုပုံစံဖြင့် လည်ပတ်လျက်ရှိသော ပြည်တွင်းစားသုံးမှုနှင့် တင်ပို့ရန်ပြုပြင်ထုတ်လုပ်မှုတို့ တိုးတက်လျက်ရှိကြောင်း သိရှိရသည်။
ထိုင်းနိုင်ငံအနေဖြင့် ကော်ဖီထုတ်ကုန်များအား တန်ဖိုးမြင့်စေသည့် အဓိကအားသာချက် တစ်ခုအဖြစ် ကော်ဖီစေ့ကုန်ကြမ်းများမှတစ်ဆင့် ကော်ဖီကုန်ချောများအဖြစ် ထုတ်လုပ်၍ ပြည်ပသို့ တင်ပို့ရန်အတွက် အလားအလာရှိကြောင်း ကုန်သွယ်မှုမူဝါဒနှင့် မဟာဗျူဟာရုံး၏ ညွှန်ကြားရေးမှူးချုပ် Poonpong Naiyanapakorn ၏ ပြောကြားချက်အရ သိရသည်။
အင်ဒိုနီးရှားနိုင်ငံပိုင် Bulog ဝယ်ယူရေးအေဂျင်စီက မကြာသေးမီ၌ ခေါ်ယူခဲ့သော တင်ဒါတွင် ဗီယက်နမ်ပို့ကုန်လုပ်ငန်းရှင်များသည် ဆန်တန်ချိန် ၁၀၀၀၀၀ အတွက် စုစုပေါင်းတန်ဖိုး အမေရိကန်ဒေါ်လာ ၅၅ သန်းဖြင့် လေလံအောင်မြင်ခဲ့ပြီးနောက် ကုမ္ပဏီများအကြား တစ်ဦးနှင့် တစ်ဦး ဈေးပြိုင်လျှော့ရောင်းမှုနှင့် ဈေးနှုန်းစစ်ထိုးမှုများတွင် ပါဝင်ခြင်းတို့ကို ကာကွယ်တားဆီး နိုင်ရန်အတွက် ဗီယက်နမ်ဆန်တင်ပို့မှုနယ်ပယ်၌ အနိမ့်ဆုံးပို့ကုန်ဈေးနှုန်းစနစ် ချမှတ်ဆောင်ရွက် သင့်သည်ဟု လေ့လာဆန်းစစ်သူများက ပြောဆိုလျက်ရှိကြောင်း မလေးရှား The Star Online သတင်းဌာနက ဖော်ပြပါသည်။
တရုတ်နိုင်ငံ၏ ဒုတိယသမ္မတ Han Zhang နှင့် Foremost Group ၏ဥက္ကဋ္ဌ ဒေါက်တာ James S.C Chao တို့သည် ၂၀၂၄ခုနှစ်၊ ဇွန်လ ၁ရက်နေ့ (တနင်္လာနေ့) တွင် တရုတ်နိုင်ငံ၊ ဘေဂျင်းမြို့တွင် တွေ့ဆုံခဲ့ကြသည်။
ဖိလစ်ပိုင်နိုင်ငံတွင် ဆန်တင်သွင်းမှုအပေါ် အကောက်ခွန်စည်းကြပ်မှုအား ၃၅% သတ်မှတ် ထားရာမှ ၁၅% သို့ လျှော့ချခြင်းနှင့်အတူ အစိုးရ၏ ထပ်ဆောင်းထောက်ပံ့မှုက ဝင်ငွေနည်းပါးသူများအတွက် ဆန် ၁ ကီလိုဂရမ်လျှင် ၂၉ ပီဆိုနှုန်းဖြင့် ဝယ်ယူစားသုံးနိုင်စေလိမ့်မည်ဟု အမျိုးသားစီးပွားရေးနှင့် ဖွံ့ဖြိုးတိုးတက်မှုအာဏာပိုင်အဖွဲ့ (National Economic and Development Authority - NEDA) မှ အတွင်းရေးမှူး Arsenio M. Balisacan က ပြောကြားခဲ့ပါသည်။
သီရိလင်္ကာနိုင်ငံ၌ ကမ္ဘာ့အခြားနေရာဒေသများထက် အချို့သော ပဲမျိုးများ၏ ဈေးနှုန်းများ ကို မြင့်မားမှုဖြစ်ပေါ်စေလျက်ရှိသည့် သွင်းကုန်အပေါ် အမျိုးသားရေးထိန်းချုပ်ဆောင်ရွက်မှု အစီ အမံများအား အစိုးရအဖွဲ့က ဖြေလျှော့မှု ပြုလုပ်ခဲ့ကြောင်း သိရှိရသည်။
အိန္ဒိယနိုင်ငံတွင် ၂၀၂၄-၂၅ သီးနှံစိုက်ပျိုးရေးနှစ်အတွင်း မိုးရာသီ၌ တောင်သူလယ်သမား၏ စပါး၊ ပဲမျိုးစုံ၊ ဆီထွက်သီးနှံနှင့် နှံစားသီးနှံများ စိုက်ပျိုးထုတ်လုပ်မှုကို မြှင့်တင်နိုင်ရေး ဆွဲဆောင် ရန်အတွက် အစိုးရသည် အနိမ့်ဆုံးထား ထောက်ပံ့မည့် အခြေခံရည်ညွှန်းဈေးနှုန်းများ (Minimum Support Price - MSP) ကို ၅% မှ ၁၀% အတွင်း တိုးမြှင့်သတ်မှတ်ဖွယ်ရှိကြောင်း Financial Express သတင်းဌာနက ဖော်ပြပါသည်။
Cisco သည် AI လုပ်ငန်းများတွင် အစုရှယ်ယာဝင်ရန် အလျင်စလိုဆောင်ရွက်နေသော နည်းပညာကုမ္မဏီများစာရင်းတွင်ပါဝင်ပြီး ၂၀၂၄ခုနှစ်၊ ဇွန်လ ၄ရက်နေ့ (အင်္ဂါနေ့) တွင် Cisco ကုမ္မဏီသည် ညဏ်ရည်တုတီထွင်မှုများတွင် အမေရိကန်ဒေါ်လာ ၁ဘီလီယံရင်းနှီးမြှုပ်နှံခဲ့သည်။
ကုမ္မဏီသည် Cohere, Mistral AI နှင့် Scale Ai ကဲ့သို့သော AI လုပ်ငန်းများတွင် ရင်းနှီးမြှုပ်နှံမှုများပြုလုပ်ရန်အတွက် စီစဥ်နေပြီဖြစ်ပြီး ၎င်းအတွက် ရန်ပုံငွေသန်း၂၀၀ရင်းနှီးမြှုပ်နှံရန်အတွက် ကတိပြုထားပြီဖြစ်ကြောင်းပြောကြားခဲ့သည်။
လျှပ်စစ်ကားထုတ်လုပ်သည့် VinFast ကုမ္ပဏီသည် Google, Microsoft နှင့် Amazon တို့နှင့်အတူ Time မဂ္ဂဇင်းကရွေးချယ်သည့် ၂၀၂၄ခုနှစ်အတွက် လွှမ်းမိုးမှုအရှိဆုံးကုမ္ပဏီများ စာရင်းတွင် ဗီယက်နမ်နိုင်ငံမှ တစ်ခုတည်းသောကုမ္ပဏီအနေဖြင့်ပါဝင်ခဲ့သည်။ ယခုအကြိမ်သည် အမေရိကန်အခြေစိုက် Time မဂ္ဂဇင်းမှ သုံးနှစ်မြောက်ရွေးချယ်ခဲ့ခြင်းဖြစ်ပြီး ဗီယက်နမ်နိုင်ငံကုမ္ပဏီအနေဖြင့် ပထမဆုံးအကြိမ်ပါဝင်ခဲ့ခြင်းဖြစ်ပါသည်။ VinFast သည် ၎င်းတို့၏စက်ရုံကို (၂၁)လအတွင်း လျင်မြန်စွာတည်ဆောက်ခဲ့သောကြောင့် လျှပ်စစ်ကားနယ်ပယ်အတွက် ကမ္ဘာလုံးဆိုင်ရာသက်ရောက်မှုဖြစ်ပေါ်စေခဲ့ကြောင်း Time မဂ္ဂဇင်းကဖော်ပြခဲ့ပါသည်။ VinFast
တရုတ်နိုင်ငံ၏ ထီလက်မှတ်ရောင်းရငွေသည် ၂၀၂၄ခုနှစ်၊ ဧပြီလတွင် ယွမ် ၅၅.၄၆ဘီလီယံ (အမေရိကန်ဒေါ်လာ ၇.၆ဘီလီယံခန့်) ရောင်းချနိုင်ခဲ့ပြီး ယခင်နှစ်ထက် ၁၀.၂ရာခိုင်နှုန်းမြင့်တက်ခဲ့ကြောင်း ဘဏ္ဍာရေးဝန်ကြီးဌာန၏ အချက်အလက်များအရသိရသည်။
နိုင်ငံ၏လူမှုဖူလုံရေးစနစ်အတွက် ထီလက်မှတ်များရောင်းချမှုသည် ဧပြီလတွင် ယွမ် ၁၈.၇၆ဘီလီယံအထိရရှိခဲ့ပြီး ယခင်နှစ်ထက် ၂၀.၃ရာခိုင်နှုန်းတိုးလာခဲ့သည်။ အားကစားလုပ်ငန်းကိုအထောက်အကူပြုရန် ထီလက်မှတ်ရောင်းချမှုသည် ယွမ် ၃၆.၆၉ဘီလီယံရရှိခဲ့ပြီး ယခင်နှစ်ထက် ၅.၇ရာခိုင်နှုန်းတိုးလာကြောင်း ဝန်ကြီးဌာနကပြောကြားခဲ့သည်။
