တောင်ငူမြို့တွင် စားအုန်းဆီနှင့်ကြက်သွန်နီဈေးအနည်းငယ်ကျပြီး ကြက်သွန်ဖြူဈေးအနည်းငယ်တက်

    တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ ၂၀၂၃ခုနှစ်၊ ဇွန်လ(ဒုတိယပတ်)တွင် တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ  ယခင်အပတ်က တစ်ပိဿာလျှင် ၆၄၀၀ ကျပ်မှ ယခုအပတ်တွင် တစ်ပိဿာလျှင် ၆၃၀၀ ကျပ်ဖြင့် ဈေးနှုန်းအနည်းငယ်ကျပါသည်။

      ကြက်သွန်နီမှာ ယခင်အပတ်က တစ်ပိဿာလျှင် အသေးမှာ ၂၅၀၀ ကျပ်၊ အလတ် ၂၇၀၀ ကျပ်၊ အကြီး ၃၀၀၀ ကျပ်နှင့် တရုတ်ကြက်သွန်နီ ၃၀၀၀ ကျပ်ရှိရာမှ ယခုအပတ်တွင် တစ်ပိဿာ လျှင် အသေးမှာ ၂၄၀၀ ကျပ်၊ အလတ် ၂၆၀၀ ကျပ်၊ အကြီး ၂၈၀၀ ကျပ်နှင့် တရုတ်ကြက်သွန်နီ ၂၈၀၀ ကျပ်ဖြင့်  ဈေးနှုန်းအနည်းငယ် ကျဆင်းပါသည်။

    ကြက်သွန်ဖြူမှာ တစ်ပိဿာလျှင် ယခင်အပတ်က အသေး ၅၂၀၀ ကျပ်၊ အလတ် ၅၆၀၀ ကျပ်၊ အကြီး ၆၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၅၅၀၀ ကျပ်၊ အလတ် ၆၀၀၀ ကျပ်၊ အကြီး ၆၅၀၀ ကျပ်ဖြင့် ဈေးနှုန်းအနည်းငယ်မြင့်ပြီး တရုတ်ကြက်သွန်ဖြူမှာ တစ်ပိဿာလျှင် ၆၅၀၀ ကျပ်ဖြင့် ယခင်အပတ်ကအတိုင်း ဈေးနှုန်းတည်ငြိမ်နေပါသည်။

     အာလူးမှာ ယခင်အပတ်က တစ်ပိဿာလျှင် အသေး ၁၅၀၀ ကျပ်၊ အလတ် ၂၇၀၀ ကျပ် ရှိရာမှ ယခုအပတ်တွင် တစ်ပိဿာလျှင် အသေး ၂၂၀၀ ကျပ်၊ အလတ် ၂၆၀၀ ကျပ်ဖြင့် ဈေးနှုန်း အနည်းငယ်ကျဆင်းပြီး အာလူးအကြီး ၂၈၀၀ ကျပ်၊ တရုတ်အာလူးမှာ တစ်ပိဿာလျှင် ၃၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

    ငရုတ်သီးခြောက် အပုမှာ တစ်ပိဿာလျှင် ၁၈၀၀၀ ကျပ်မှ ၂၀၀၀၀ ကျပ်အထိ၊ ငရုတ်သီး ခြောက်အရှည်မှာ တစ်ပိဿာလျှင် ၁၃၀၀၀ ကျပ်မှ ၁၅၀၀၀ ကျပ်အထိနှင့် ငရုတ်သီးခြောက် အပွမှာ တစ်ပိဿာလျှင် ၂၃၀၀၀ ကျပ်မှ ၂၅၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

    မြေပဲဆံအဖြူမှာ တစ်ပိဿာလျှင် ၇၃၀၀ ကျပ်မှ ၇၅၀၀ ကျပ်အထိ၊ မြေပဲဆံအနီမှာ တစ်ပိဿာလျှင် ၈၀၀၀ ကျပ်မှ ၈၂၀၀ ကျပ်အထိ၊ ကုလားပဲခြမ်းမှာ တစ်ပိဿာလျှင် ၄၆၀၀ ကျပ်မှ ၅၀၀၀ ကျပ်အထိဖြင့် ဈေးနှုန်းတည်ငြိမ်နေကြောင်း သိရပါသည်။

DOCA(ပဲခူး)