တနင်္သာရီတိုင်းဒေသကြီး၊ ထားဝယ်မြို့နယ်အတွင်းရှိ စိုက်ပျိုးရေးတောင်သူများသည် ဒေသ တွင်း ဟင်းသီးဟင်းရွက်လိုအပ်ချက်ကို ဖြည့်ဆည်းနိုင်ရန်နှင့် မိသားစုအပိုဝင်ငွေရရှိစေရေန်အတွက် ရာသီစာသီးနှံဖြစ်သည့် မုန်ညင်းဖြူများအား တစ်နိုင်တစ်ပိုင်စိုက်ပျိုးထုတ်လုပ်မှု ပုံမှန်ရှိနေပြီး လတ် ဆက်သည့်ဒေသထွက်သီးနှံများ စျေးကွက်အတွင်းသို့ဆက်တိုက်ဝင်ရောက်လျက်ရှိကြောင်း ဒေသခံ စိုက်ပျိုးရေးတောင်သူများထံမှ သိရှိရပါသည်။
ထားဝယ်ခရိုင်အတွင်းရှိ ကျေးရွာများတွင် မုန်ညင်းဖြူကို ဉယျာဉ်ခြံများနှင့်မြစ်ချောင်းကမ်းပါး နုန်းတင်မြေနုများ၌ မိသားစုတစ်နိုင်တစ်ပိုင်နှင့်စီးပွားဖြစ် တိုးချဲ့စိုက်ပျိုးကြသည်။ လက်ရှိအချိန်တွင် ရိတ်သိမ်းခူးဆွတ်ပြီး မုန်ညင်းဖြူများအား ထားဝယ်မြို့၊ စည်ပင်သာယာစျေးကြီးအပါအဝင် မြို့နယ် အတွင်းရှိ ရပ်ကွက်စျေးများ၊ ညနေစျေးများသို့ စနစ်တကျတင်ပို့ရောင်းချလျက်ရှိသည်။
မုန်ညင်းဖြူသည် စိုက်ပျိုးပြီး ရက်ပေါင်း ၃၀ မှ ၄၅ ရက်အတွင်း ဆွတ်ခူးရောင်းချနိုင်သည့် သက်တမ်းတိုသီးနှံဖြစ်ပြီး စျေးကွက်ဝယ်လိုအားအရ ဒေသတွင်းစားသုံးသူများအကြိုက်တွေ့သည့် သီးနှံဖြစ်သဖြင့် ဒေသထွက်မုန်ညင်းဖြူသည် လတ်ဆတ်မှုနှင့် အရသာကောင်းမွန်မှုတို့ကြောင့် ဒေသတွင်းစားသုံးသူများနှင့် စိုက်ပျိုးသူတောင်သူများအတွက်ပါ ပုံမှန်ဝင်ငွေရရှိစေသည့် သီးနှံ တစ်မျိုး ဖြစ်ကာ ထားဝယ်မြို့စျေးကွက်အတွင်း မုန်ညင်းဖြူအစည်းကြီး တစ်စည်းလျှင် (၁၅၀၀)နှင့် အစည်းငယ်တစ်စည်းလျှင် (၁၀၀၀) ကျပ်ခန့် နေကြောင်း သိရှိရပါသည်။
DOCA(တနင်္သာရီ)