တနင်္သာရီတိုင်းဒေသကြီး၊ မြိတ်ခရိုင်တွင် သီးနှံမျိုးစုံစိုက်ပျိုးဖြစ်ထွန်းလျက်ရှိပြီး မြိတ်မြို့ဈေး များသို့ ဒေသထွက်နှင့်အခြားအရပ်ဒေသများမှ ရာသီပေါ် ဟင်းသီးဟင်းရွက်သစ်သီးဝလံများလာ ရောက်ရောင်းချလျက်ရှိရာ မိုးတွင်းကာလတွင်မျှစ်များထွက်ပေါ်လျက်ရှိရာသဘာဝအလျှာက် တောင် များပေါ်တွင် အလေ့ကျပေါက်ရောက်သော ဝါးပင်များမှ ယခုလို မိုးရာသီတွင် မျှစ်အနုလေးများ ထွက် ပေါ်လျက်ရှိပါကြောင်း၊ ရပ်ကွက်ကျေးရွာများမှ မျှစ်များထွက်ရှိရာရွာများဖြစ်ပါကြောင်း၊ မျှစ်များကို ရွာအနီးပတ်ဝန်းကျင်တောင်များတွင် သွားရောက်ချိုးယူ၍ရောင်းချခြင်းဖြင့် အသက်မွေးဝမ်းကြောင်း ပြုကြကြောင်း၊ မျှစ်များကို ရာသီချိန်တင်မကဘဲ အချိန်မရွေးစားသုံးနိုင်အောင် အချဉ်တည်ပြီး သို လှောင်ကြပါကြောင်း၊ ဝါးအမျိုးပေါင်းရာကျော်ရှိသည်ဖြစ်ရာ မျှစ်ကို စားကုန်အဖြစ်သာမက ရောင်း ကုန်အဖြစ်ပါ စီးပွားဖြစ်လုပ်ကိုင်ကြပါကြောင်း မြို့ပေါ်ရှိဈေးများသို့ မျှစ်အသစ်များ ဝင်ရောက်လျက် ရှိကြောင်း သိရှိရပါသည်။ မျှစ်ကို အစိမ်းအတိုင်း မျှစ်ဆတ်အဖြစ် စားကြသလို အချဉ်တည်၍ မျှစ်ချဉ် အဖြစ်လည်း စားသုံးကြပါကြောင်း၊ ပို၍လူကြိုက်များကြပါကြောင်း၊ မျှစ်ချဉ်ကို ပုံစံအမျိုးမျိုး၊ ဟင်း လျာအမျိုးမျိုးဖြင့် ပြုလုပ်၍ချက်ပြုတ်စားကြရာတွင် မျှစ်တာလပေါ့ (ခေါ်) မျှစ်သောက်ဆမ်း၊ ဝက် သားမျှစ်ချဉ်နှင့် ငါးခေါင်းမျှစ်ချဉ်ကို ပို၍ကြိုက်နှစ်သက် စားသုံးကြပါကြောင်း၊ မျှစ်တွင် အသားဓာတ်၊ ကစီဓာတ်၊ ဗီတာမင်၊ သတ္တုဓာတ်၊ အမျှင်ဓာတ်နှင့် အဆီအနည်းဆုံးပါဝင်တဲ့ စားစရာတစ်ခုဖြစ် ကြောင်း လေ့လာသိရှိရပါသည်။ မျှစ်ချဥ်သည် မြိတ်မြို့ပေါ်တွင် ရောင်းချနေသော ဈေးနှုန်းမှာ တစ်ပိဿာလျှင်(၁၀၀၀၀) ကျပ်နှင့် (၁၂၀၀၀)ကျပ်ဖြင့် ရောင်းချပါကြောင်း သိရှိရပါသည်။
DOCA(တနင်္သာရီ)