မိတ္ထီလာခရိုင်အတွင်း စပါးအများဆုံး စိုက်ပျိုးသော ဝမ်းတွင်းမြို့နယ်တွင် ဇွန်လတတိယပတ်၌ စပါးဈေးငြိမ်နေကြောင်း သိရသည်။ ဈေးကွက်အတွင်းရောင်းဝယ်နေသော လက်ရှိစပါးမှာပြီးခဲ့သည့် မိုးစပါးရာသီထက်စပါးများဖြစ်ရာ စတင်ထွက်ရှိချိန်က စပါးတင်း (၁၀၀) လျှင် မနောသုခမှာ (၂၂) သိန်း၊ ပဒေသာမှာ (၃၀) သိန်းရှိခဲ့ပါသည်။ လက်ရှိအချိန်တွင်လည်း အရောင်းအဝယ်အေးသည့်အတွက် ၎င်းဈေးများနှင့် ဈေးငြိမ်နေပြီး ဆန်ဈေးမှာ မနောသုခ တစ်တင်းခွဲအိတ်တစ်အိတ်လျှင် (၈၀၀၀၀- ၈၅၀၀၀) ကျပ်၊ ပဒေသာတစ်အိတ် (၁၁၅၀၀၀) ကျပ် ဈေးရှိကြောင်း ဈေးကွက်မှသိရသည်။
မိတ္ထီလာခရိုင်အတွင်း နှစ်စဉ် မိုးစပါးကိုသာ အားထားစိုက်ပျိုးကာ ဝမ်းတွင်းမြို့နယ်၌ မိုးစပါး အပြင် ယခုနှစ် (၂၀၂၅-၂၀၂၆) ခုနှစ် စိုက်ပျိုးရာသီ၌ နွေစပါး (၃၂၉၉) ဧက စိုက်ပျိုးနိုင်ခဲ့ကြောင်း မြေစာရင်းဦးစီးဌာန၏ စာရင်းများအရသိရသည်။ နွေစပါးကို ဆည်ရေ၊ ကန်ရေရရှိတဲ့ကျေးရွာများမှာ စိုက်ပျိုးကာ သက်နုစပါးများကိုသာ စိုက်ပျိုးမှုများပါသည်။ သက်နုစပါးများတွင် ရက် (၉၀) ၊ ရွှေသွယ် ရင်စတဲ့စပါးများအပြင် မနောသုခမျိုးများအနက် ရက်(၁၂၀/၁၂၅) သက်တမ်းရှိ ဆင်းသုခမျိုးများမှာ ရာသီဥတုဒဏ်ခံသည့်အတွက် စိုက်ပျိုးမှုများကြောင်းသိရသည်။
DOCA(မန္တလေး)