၁၂.၈.၂၀၂၅ ရက်နေ့ နေ့လယ် (၁၂း၀၀) နာရီအချိန်တွင် စားသုံးသူရေးရာဦးစီးဌာန၊ သထုံခရိုင်ဦးစီးမှူးရုံးမှ ခရိုင်ဦးစီးမှူး ဦးထွန်းအောင်ဖြူနှင့် ဝန်ထမ်းများသည် သထုံမြို့နယ်၊ သုဓမ္မဝတီမြို့သစ်၊ သထုံ- ဘားအံကားလမ်းဘေး၊ အမှတ် စ/၂၇၀ ရှိ “ဇွဲမာန်” ကိတ်နှင့် မုန့်မျိုးစုံ ထုတ်လုပ်သည့်လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသားလျှောက်ထားခြင်းနှင့် စပ်လျဉ်း၍ မြေပြင်ကွင်းဆင်းစစ်ဆေးခဲ့သည်။
ထိုသို့ ကွင်းဆင်းစစ်ဆေးရာ ခရိုင်ဦးစီးမှူးက “ဇွဲမာန်” ကိတ်နှင့်မုန့်မျိုးစုံထုတ်လုပ်သည့် လုပ်ငန်းရှင်နှင့်တွေ့ဆုံ၍ မိမိတို့၏ ထုတ်ကုန်များတွင် ကုန်အညွှန်းအမှတ်အသားဖော်ပြရာ၌ အချက်အလက်များပြည့်စုံမှန်ကန်စေရန်အတွက် ကုန်အမှတ်တံဆိပ်နမူနာပုံစံများ၊ ကုန်စည်နမူ နာဓာတ်ပုံများ၊ ကိုယ်တိုင်လျှောက်လွှာတင်ပြစာနှင့် ထုတ်လုပ်သည့်လုပ်ငန်းလိပ်စာများ၊ ထောက်ခံချက်များနှင့်အတူ လျှောက်ထားနိုင်ကြောင်း လုပ်ငန်းရှင်အား အသိပညာပေး ပြောကြားခဲ့ကြောင်း သိရပါသည်။
DOCA (မွန်)