ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ ဆေးမျိုးစုံရောင်းချသော ဆေးဆိုင်များတွင် တိုင်းရင်းဆေးဝါးမှတ်ပုံတင်ခွင့်ပြုထားခြင်းမရှိသော တိုင်းရင်းဆေးဝါးများ ရောင်းချနေမှုရှိ/မရှိအား မြို့နယ်ဌာနဆိုင်ရာ ပူးပေါင်းအဖွဲ့ဖြင့် ဩဂုတ်လ(၁၁)ရက်နေ့၊ နံနက် (၀၉:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။
ထိုသို့ ကွင်းဆင်းစစ်ဆေးခဲ့ရာတွင် မြို့နယ်တိုင်းရင်းဆေးကုဌာန၊ မြို့နယ်တိုင်းရင်းဆေး မှူး၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ခရမ်းမြို့နယ်အတွင်းရှိ ဇူလိုင်ဆေးဆိုင်၊ စွယ်တော် ဆေးဆိုင်၊ ရွှေပြည်ညွန့်ဆေးဆိုင်နှင့် ဦးမြဝိုင်းဆေးဆိုင်များတွင် ရောင်းချနေသော တိုင်းရင်းဆေး ဝါးများတွင် တိုင်းရင်းဆေးဝါးမှတ်ပုံတင်ခွင့်ပြုထားခြင်းမရှိသော တိုင်းရင်းဆေးဝါးများ ရောင်းချနေခြင်းရှိ/မရှိနှင့် တိုင်းရင်းဆေးမှတ်ပုံတင်မရှိသော ဆေးမေတ္တာအမှတ်တံဆိပ် တိုင်းရင်းဆေးဝါး များရောင်းချမှုရှိ/မရှိအား စစ်ဆေးခဲ့ကြကြောင်း သိရှိရပါသည်။
DOCA (ရန်ကုန်)