ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် စည်ပင်သာယာမြို့မဈေး အတွင်း/အပြင်ရှိ ကုန်ခြောက်နှင့်ကုန်မျိုးစုံ ရောင်းချလျက်ရှိသည့် ဆိုင်များရှိ ငရုပ်ဆီနှင့် အချဉ် ရည်အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိနှင့် စားသုံးသူ ပြည်သူများ ဝယ်ယူသုံးစွဲရာတွင် ဘေးအန္တရာယ် ကင်းရှင်းစွာ ဝယ်ယူသုံးစွဲနိုင်ရန် ရည်ရွယ်၍ စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့မှ ဝန်ထမ်းများ ပူးပေါင်း၍ ဩဂုတ်လ(၁၂)ရက်နေ့၊ နံနက်(၁၀:၀၀)နာရီအချိန်တွင် မြေပြင်ကွင်းဆင်း စစ်ဆေးခဲ့ကြောင်း သိရှိရသည်။
ထိုသို့ ကွင်းဆင်းစစ်ဆေးခြင်းအား စားသုံးသူရေးရာဦးစီးဌာန၊ ထုတ်ကုန်လုံခြုံစိတ်ချရမှု ဌာနခွဲ(ရုံးချုပ်)မှ စားသုံးသူပြည်သူများ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်ရန်အတွက် လစဉ်ကုန်ပစ္စည်းအမျိုးမျိုးတို့အား ဈေးကွက်အတွင်း ရောင်းချရာတွင် ကုန်အညွှန်းအမှတ်အသား များအား မြန်မာဘာသာဖြင့် ပြည့်စုံစွာဖော်ပြထားခြင်းရှိ/မရှိနှင့် ကွင်းဆင်းစစ်ဆေးရန် ထုတ်ပြန် လျက်ရှိကြောင်း ကုန်မျိုးစုံရောင်းချသည့် ဆိုင်ရှင်များအနေဖြင့်လည်း ထုတ်လုပ်ဖြန့်ဖြူး ရောင်းချ သည့် လုပ်ငန်းရှင်များအား ဈေးကွက်အတွင်း ကုန်ပစ္စည်းများအား ထုတ်လုပ်ဖြန့်ဖြူးရောင်းချရာ တွင် ကုန်ပစ္စည်းအမျိုးအစားအလိုက် စားသုံးသူရေးရာဦးစီးဌာနမှ ထုတ်ပြန်ထားသည့် ငရုပ်ဆီနှင့် အချဉ်ရည်အမျိုးမျိုးတို့တွင် မဖြစ်မနေဖော်ပြရမည့် အချက်များဖြစ်သည့် အမျိုးအမည်၊ အရွယ် အစား၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့် ကြောင်း ဖော်ပြချက်တို့အား မြန်မာဘာသာဖြင့် ပြည့်စုံစွာဖော်ပြပြီးမှသာ ဈေးကွက်အတွင်း ရောင်းချရမည်ဖြစ်ကြောင်းနှင့် ကုန်အညွှန်းအမှတ်အသား ပြည့်စုံစွာ ဖော်ပြထားခြင်းမရှိသော ကုန်ပစ္စည်းများ ဈေးကွက်အတွင်း ရောင်းချခြင်းမပြုလုပ်ကြရန်နှင့် ကွင်းဆင်းစစ်ဆေးတွေ့ရှိပါက စားသုံးသူကာကွယ်ရေးဥပဒေနှင့်အညီ ထိရောက်စွာအရေးယူခံရမည်ဖြစ်ကြောင်း စားသုံးသူရေး ရာဦးစီးဌာန၊ ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံးမှ ဒုခရိုင်မှူး ဦးဦးသိန်းမောင် (ဦးစီးအရာရှိ)မှ အသိပညာပေး ဆွေးနွေးခဲ့ကြောင်း သိရှိရပါသည်။
DOCA (ရန်ကုန်)