မွန်ပြည်နယ်၊ ပေါင်မြို့နယ်ရှိ စာသင်ကျောင်းများတွင် စားသုံးသူကာကွယ်ရေး အသိပညာပေးဟောပြောပွဲများ ဆောင်ရွက်လျက်ရှိသည်။ ထိုသို့ဆောင်ရွက်ရာတွင် စားသုံးသူ ရေးရာဦးစီးဌာန၊ ပေါင်မြို့နယ်တာဝန်ခံမှ ပေါင်ရပ်ကွက်၊ အောက်လမ်းမကြီး၊ အ.မ.က ကျောင်းတွင် (၂၆.၈.၂၀၂၅) ရက်နေ့ မွန်းလွှဲပိုင်းတွင် ပြုလုပ်ရာ ဆရာမကြီးနှင့်တကွ ဆရာ/ ဆရာမများ၊ ကျောင်းသား/ကျောင်းသူ (၆၀)ကျော်တို့မှ တက်ရောက်ကြသည်။
အဆိုပါ ဟောပြောပွဲတွင် စားသုံးသူများနစ်နာဆုံးရှုံးမှုမရှိစေရေးအတွက် စားသုံးသူ၏ အခွင့်အရေးနှင့်တာဝန်များ၊ လုပ်ငန်းရှင်များ၏ အခွင့်အရေးနှင့်တာဝန်များ၊ တိုင်ကြားနိုင်သည့် နေရာများ ဘေးအန္တရာယ်ရှိစေသော ကုန်စည်နှင့်ဝန်ဆောင်မှုများအား ရှောင်ရန်၊ ဆောင်ရန် များအကြောင်း ဟောပြောပြီး ကျောင်းသား/ကျောင်းသူများမှ သိလိုသည်များကို မြို့နယ် တာဝန်ခံမှ ပြန်လည်ရှင်းလင်းဆွေးနွေးခဲ့ကြောင်း သိရသည်။
DOCA (မွန်)