မကွေးတိုင်းဒေသကြီး၊ မကွေးခရိုင်၊ မကွေးမြို့ကုန်စည်ဒိုင်ခန်းမ၌ (၂၆.၈.၂၀၂၅)ရက်နေ့၊ နံနက် (၁၀:၀၀)အချိန်တွင် စိုက်ပျိုးတောင်သူများ၊ ကုန်သည်များနှင့် ဆီစက်လုပ်ငန်းရှင်များအား မကွေးတိုင်းဒေသကြီးအတွင်း နေကြာဆီပိုမိုထုတ်လုပ်ရန်နှင့် စားအုန်းဆီအစား နေကြာဆီစားသုံးရေး အသိပညာပေးခြင်းများ ဆောင်ရွက်ခဲ့ကြောင်း သိရသည်။
ထိုသို့အသိပညာပေးရာတွင် မကွေးတိုင်းဒေသကြီး၊ စားသုံးသူရေးရာဦးစီးဌာန၊ လက်ထောက်ညွှန်ကြားရေးမှူးဒေါ်စုစုထွန်းက မကွေးတိုင်းဒေသကြီးအတွင်း နေကြာဆီပိုမိုထုတ်လုပ်ရန်နှင့် စားအုန်းဆီအစား နေကြာဆီစားသုံးရေးနှင့် စပ်လျဉ်း၍ စားအုန်းဆီစားသုံးခြင်းကြောင့် ရရှိလာမည့်ဆိုးကျိုးများ၊ နေကြာဆီ စားသုံးခြင်းကြောင့် ကျန်းမာရေးအတွက်ရရှိလာနိုင်မည့် ကောင်းကျိုးများနှင့် အသက်အရွယ် အလိုက်တစ်နေ့တာလိုအပ်သော စားသုံးဆီပမာဏများ၊ ဆီအမျိုးအစားအလိုက် အရည်အသွေး သတ်မှတ်ချက်များအား အသေးစိတ်ရှင်းလင်းဆွေးနွေးခဲ့ပြီး တက်ရောက်လာကြသော စိုက်ပျိုးတောင်သူများ၊ ကုန်သည်များနှင့် ဆီစက်လုပ်ငန်းရှင်များက သိလိုသည်များ မေးမြန်းလာမှုအပေါ် ပြန်လည် ဆွေးနွေးခြင်းများလည်း ဆောင်ရွက်ခဲ့ပြီး ဆွေးနွေးပွဲသို့ စိုက်ပျိုးတောင်သူများ၊ ကုန်သည်များနှင့် ဆီစက်လုပ်ငန်းရှင်များ စုစုပေါင်း(၃၅)ဦး တက်ရောက်ခဲ့ကြောင်း သိရသည်။
DOCA(မကွေး)