စားသုံးသူရေးရာဉီးစီးဌာန၊ တိုက်ကြီးမြို့နယ်ခွဲတာဝန်ခံ ဉီးရှင်းခန့်ကိုကိုသည် (၂၇.၈.၂၀၂၅) ရက်နေ့ နေ့လယ် (၁၃:၀၀)နာရီအချိန်တွင် တိုက်ကြီးမြို့နယ် မြို့မဈေးရှိ ဒေါ်ညို စားအုန်းဆီလက်လီ အရောင်းဆိုင်သို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် ရုံ(၁၉)၊ အခန်း(၇)ရှိ ဒေါ်ညိုအား သတ်မှတ်ရည်ညွှန်းဈေး အတိုင်း ရောင်းချခြင်းရှိ/မရှိ စားသုံးသူပြည်သူလက်ဝယ်သို့ စာအုပ်စနစ်ဖြင့် အမှန်တကယ် ရောင်းချခြင်းရှိ/မရှိ စစ်ဆေးခဲ့ပြီး ရောင်းချရာတွင်လည်း သတ်မှတ်ဈေးနှုန်းအတိုင်း အဆင့်လိုက် (၂%)အမြတ်တင်၍ ရောင်းချပြီး ရောင်းချမှုလက်ခံဘောင်ချာများကိုလည်းထားရှိပြီး မိမိတို့ဌာန မှလည်း ဈေးကစားရန် ရည်ရွယ်ချက်ဖြင့် သိုလှောင်ထားခြင်းများရှိခဲ့လျှင် ဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA (ရန်ကုန်)