၂၀.၈.၂၀၂၅ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ သထုံမြို့နယ်၊ ဂေါ့ကျေးရွာရှိ ကွန်ပျူတာတက္ကသိုလ်၌ စားသုံးသူရေးရာဦးစီးဌာန၊ သထုံခရိုင်ဦးစီးမှူးရုံးမှ ခရိုင် ဦးစီးမှူး ဦးထွန်းအောင်ဖြူနှင့် ဝန်ထမ်းများသည် စားသုံးသူကာကွယ်ရေး အသိပညာပေး ဟောပြောပွဲ ကျင်းပပြုလုပ်ခဲ့ပါသည်။
ရှေးဦးစွာ ကွန်ပျူတာတက္ကသိုလ်ပါမောက္ခချုပ် ဒေါ်နီလာသိန်းမှ အဖွင့်အမှာစကား ပြောကြားပြီး၊ စားသုံးသူရေးရာဦးစီးဌာန၊ သထုံခရိုင်ဦးစီးမှူးမှ ဌာန၏ မျှော်မှန်းချက်၊ ရည်မှန်းချက်အကြောင်းရှင်းလင်းပြောကြားပြီး ဦးစီးအရာရှိ ဦးအောင်ကျော်မင်းက စားသုံးသူ ကာကွယ်ရေးဥပဒေအကြောင်း သိကောင်းစရာများ အကျယ်တဝင့်ဆွေးနွေးပြောကြားကာ Consumer Call Center (1535) သို့ဖုန်းခေါ်ဆိုမှုအား သရုပ်ပြဆောင်ရွက်ခဲ့သည်။
အဆိုပါဟောပြောပွဲသို့ ပါမောက္ခချုပ်ဆရာမကြီး၊ ဆရာ၊ ဆရာမ (၃၀) ဦး၊ ကျောင်းသား၊ ကျောင်းသူ (၃၀၀) ဦး စုစုပေါင်း (၃၃၀) ဦးတက်ရောက်ခဲ့ကြောင်း သိရှိရပါသည်။
DOCA (မွန်)