စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဩဂုတ်လ ၁၆ ရက် နေ့ မွန်းလွဲပိုင်းက ခရိုင်ဦးစီးမှူးရုံး အစည်းအဝေးခန်းမ၌ ရေတာရှည်မြို့နယ်ရှိ စားသုံးဆီလက်လီ လက်ကားရောင်းချသူ (၅)ဦးအား တွေ့ဆုံပြီး ရည်ညွှန်းဈေးဖြင့် ဝယ်ယူခွင့်ရရှိသည့် စားအုန်းဆီ များအား စည်းမျဉ်းစည်းကမ်းများနှင့်အညီ စားသုံးသူပြည်သူအားလုံး လက်ဝယ်သို့ ရောက်ရှိရေး စနစ်တကျ ရောင်းချဖြန့်ဖြူးရန်၊ အမှတ်တံဆိပ်ပါ စားသုံးဆီများအား ရောင်းချရာတွင် ညွှန်ကြား ချက်များနှင့်အညီ ကုန်အညွှန်းအမှတ်အသားများ ပြည့်စုံစွာဖော်ပြသည့် ဆီများကိုသာ ရောင်းချရန် အသိပညာပေး ဆွေးနွေးခဲ့ပါသည်။
စားသုံးသူရေးရာဦးစီးဌာန ခရိုင်ဦးစီးမှူးသည် စက်မှုကြီးကြပ်ရေးနှင့် စစ်ဆေးရေးဦးစီးဌာန ခရိုင်ဦးစီးမှူးနှင့်အတူ ဩဂုတ်လ ၁၈ ရက်နေ့ နံနက်ပိုင်းက ရေတာရှည်မြို့နယ်၊ မြို့လှမြို့ရှိ Light House Coffee လုပ်ငန်းရှင် ဦးဇေယျာမင်းအား တောင်ငူမြို့ရှိ ပဲခူးတိုင်းဒေသကြီးအစိုရအဖွဲ့ ဒေသထုတ်ကုန်ရောင်းစင်တာ(တောင်ငူ)၌ တွေ့ဆုံပြီး လုပ်ငန်းဆောင်ရွက်မှုနှင့် ဈေးကွက်အခြေ အနေတို့ကို ဆွေးနွေးပြီး စားသုံးသူနစ်နာဆုံးရှုံးမှုမဖြစ်စေရေး အလေးထား ဆောင်ရွက်ရန် ဆွေးနွေးခဲ့ကြောင်း သိရပါသည်။
DOCA(ပဲခူး)