(၂၁.၁၀.၂၀၂၅) ရက်နေ့ နေ့လည် (၁:၃၅) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် အမှတ်(၁၃၅/၁၃၆)၊ သံချပ် ဝန်ဦးညွန့်လမ်း၊ စက်မှုဇုန်(၁)လှိုင်သာယာ(အရှေ့ပိုင်း)မြို့နယ်ရှိ စားတော်ကဲခေါက်ဆွဲစက် ရုံသို့ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ် ဆေး ခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် စားတော်ကဲခေါက်ဆွဲစက်ရုံမှ မန်နေဂျာ ဒေါ်မေဖြူကျော်၊ မြို့နယ် စည်ပင်သာယာအုပ်ချုပ်ရေးမှူးရုံးမှ ဦးခင်ဇော်အောင်၊ လက်ထောက်အုပ်ချုပ်ရေးမှူးတို့မှ ပူးပေါင်း ပါဝင်လျက် စားတော်ကဲခေါက်ဆွဲစက်ရုံမှ ထုတ်လုပ်သော ကုန်စည်(၁၄)မျိုးတို့တွင် စားသုံးသူ ကာကွယ်ရေးအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ(၄၃)အရ၊ ပုဒ်မ (၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြခြင်းဆိုင်ရာ မြန်မာဘာသာနှင့် အခြားဘာသာတစ်ခု(သို့)တခုထက်ပို၍တွဲလျက်ဖြစ်စေ၊ အလေးချိန်ကိုလည်း မြန်မာဘာသာဖြင့် ဖော်ပြထားကြောင်း စစ်ဆေးတွေ့ရှိရပြီး စီးပွားရေးလုပ်ငန်းရှင်အား ယခုကဲ့သို့ကုန်ပစ္စည်းများ ထုတ်လုပ်ရောင်းချရန် ပြောကြားခဲ့ကြောင်း သိရှိရပါသည်။
DOCA (ရန်ကုန်)